سہ فریقی سیریز میں پاکستان نے جنوبی افریقا کے خلاف میچ کے لیے پلیئنگ الیون کا اعلان کردیا۔
سہ فریقی سیریز میں جنوبی افریقا کے خلاف میچ کے لیے پاکستان کی ٹیم میں 2 تبدیلیاں کی گئی ہیں، انجرڈ حارث رؤف ٹیم کا حصہ نہیں ہیں جبکہ کامران غلام کو ڈراپ کیا گیا ہے۔
مڈل آرڈر بیٹر سعود شکیل اور محمد حسنین کو ٹیم میں شامل کیا گیا ہے۔
ٹیم میں فخر زمان، بابر اعظم، سعود شکیل، محمد رضوان شامل ہیں، سلمان علی آغا، طیب طاہر، خوشدل شاہ بھی پلیئنگ الیون میں شامل ہیں۔
شاہین آفریدی، نسیم شاہ اور ابرار احمد بھی ٹیم میں شامل ہیں۔
View this post on Instagram
سہ فریقی سیریز کے اہم میچ میں کل پاکستان اور جنوبی افریقا کی ٹیمیں نیشنل بینک اسٹیڈیم کراچی میں مدمقابل آئیں گی، میچ جیتنے والی ٹیم 14 فروری کو نیوزی لینڈ سے فائنل کھیلے گی۔
جنوبی افریقا کے تین سینئر کھلاڑی کیشو مہاراج، ہینرک کلاسن اور ٹونی ڈی زورزی کے ساتھ ساتھ کوینا مافکا اور کوربن بوش نے پروٹیز کیمپ کو جوائن کرلیا ہے اور کل میچ کے لیے وہ دستیاب ہوں گے۔
