ARYNews.tv | Urdu – Har Lamha Bakhabar

Tag: پاکستان پوسٹ

  • بجلی بلوں کی تقسیم پاکستان پوسٹ کے سپرد

    بجلی بلوں کی تقسیم پاکستان پوسٹ کے سپرد

    اسلام آباد: تمام بجلی کمپنیوں کے بلوں کی تقسیم پاکستان پوسٹ کے سپرد کر دی گئی۔

    پاکستان پوسٹ حکام کے مطابق ملک بھر میں بجلی بلوں کی پرنٹنگ اور تقسیم کے حوالے سے اہم پیش رفت سامنے آئی ہے، تمام بجلی کمپنیوں کے بل اب پاکستان پوسٹ کے ذریعے تقسیم ہوں گے۔

    تاہم ذرائع کا یہ بھی کہنا ہے کہ کے الیکڑک کے ساتھ بجلی بلوں کی تقسیم کے حوالے بات چیت ابھی جاری ہے۔

    تازہ ترین پیش رفت کے مطابق اب پاکستان پوسٹ کے ملازمین بجلی بل تقسیم کیا کریں گے، پہلے مرحلے میں بلوں کی تقسیم آزمائشی بنیادوں پر شروع کی جائے گی اور ابتدائی طور پر ہر ڈسکوز کے ایک سب ڈویژن میں پوسٹ آفس عملہ بل تقسیم کرے گا۔

    بجلی فی یونٹ سستی ہونے کا امکان

    پائلٹ پراجیکٹ کامیاب ہونے کی صورت میں اس کو مرحلہ وار توسیع دی جائے گی، 6 ماہ میں بلوں کی تقسیم کا مکمل نظام پاکستان پوسٹ کو حوالے کر دیا جائے گا، اور حتمی مرحلے میں بجلی بلوں کی چھپائی بھی پاکستان پوسٹ کرے گا۔

    بجلی بلوں کی تقسیم کے حوالے سے تمام پوسٹ ماسٹر جنرلز کو ہدایات جاری کر دی گئی ہیں، پوسٹ آفس ملازمین کو ڈسکوز اسٹاف کے ساتھ مل کر پہلے مرحلے کے لیے سب ڈویژن کا چناؤ کرنے کے احکامات بھی دے دیے گئے ہیں۔

  • پاکستان پوسٹ رمضان میں مستحقین کو رقم گھر پہنچانے کی ذمہ داری کیوں پوری نہ کرسکا؟

    پاکستان پوسٹ رمضان میں مستحقین کو رقم گھر پہنچانے کی ذمہ داری کیوں پوری نہ کرسکا؟

    اسلام آباد: پاکستان پوسٹ نے رمضان میں مستحقین کو رقم گھر پہنچانے کی ذمہ داری کیوں پوری نہیں کی؟ سینیٹ کی قائمہ کمیٹی برائے مواصلات کے اجلاس میں اس کی وجہ سامنے آ گئی ہے۔

    قائمہ کمیٹی کے چیئرمین کے مطابق پنجاب حکومت نے رمضان میں مستحقین کو گھروں میں رقم دینے کا اعلان کیا تھا، اور رقم کی تقسیم کے لیے ٹاسک پاکستان پوسٹ کو دیا گیا، تاہم وہ پنجاب حکومت کے اس منصوبے کی انجام دہی میں ناکام رہی۔

    اجلاس میں پاکستان پوسٹ کے حکام نے بتایا کہ رقم تقسیم کرنے کے لیے دیے گئے بعض ایڈریسز ٹھیک نہیں تھے، نیز ہم نے اسٹیک ہولڈر کے ساتھ میٹنگ میں کہا تھا کہ ایک دن میں رقم تقسیم نہیں ہو سکتی، کبھی ایڈریس کا مسئلہ ہوتا ہے کبھی فون نمبر بند جاتا ہے۔

    پاکستان پوسٹ حکام کے مطابق اس منصوںے کے پہلے روز 53 ہزار پے آڈر ملے، لیکن پے آڈر کے بارکوڈ میں ٹیکنیکل مسئلہ پیدا ہو گیا، ہماری طرف سے کوئی کوتاہی نہیں ہوئی، پنجاب میں عملے کی چھٹیاں بھی منسوخ کر دی گئی تھیں، تاہم 4 روز بعد ہی ہم سے ادائیگیوں کا یہ منصوبہ واپس لے لیا گیا۔

    اوگرا نے مارچ کے لیے درآمدی ایل این جی مہنگی کر دی

    دریں اثنا، چیئرمین کمیٹی پرویز رشید نے ایک اور نکتے پر بات کرتے ہوئے کہا پاکستان پوسٹ حکام کریم آغا خان کا ٹکٹ جاری کر کے 80 کروڑ کما سکتی تھی، چیمپئینز ٹرافی کے موقع پر بھی ڈاک ٹکٹوں کا اجرا کر کے منافع حاصل ہو سکتا تھا۔

    پاکستان پوسٹ کی صورت حال کے بارے مین سینیٹر پرویز رشید نے ماضی کی یاد دلائی، اور کہا 70 اور 80 کی دہائی کے ڈاک ٹکٹ کی کوالٹی بہت اچھی تھی، پرانے ڈاک ٹکٹوں کا آرٹ ورک بھی بہت اچھا تھا۔ جس پر سینیٹر کامل علی آغا نے بھی کہا ’’پہلے ڈاکیا کے پاس ایک سائیکل اور سیکیورٹی ہوتی تھی، آج آپ ڈاکیا کو کیا دیتے ہیں، ڈاکیا کے پاس آج وردی بھی نہیں۔‘‘

    کامل علی نے پاکستان پوسٹ کے حکام سے کہا کہ پرائیویٹ کمپنیوں کی کمائی بہت زیادہ اور آپ کا ادارہ خسارے میں ہے، پاکستان پوسٹ تنزلی کا شکار کیوں ہے؟ اس پررپورٹ پیش کریں۔

  • اگلے سال تک خستہ حال پوسٹ آفسز ڈیجیٹل بن جائیں گے

    اگلے سال تک خستہ حال پوسٹ آفسز ڈیجیٹل بن جائیں گے

    اسلام آباد: پاکستان پوسٹ کا ڈیجیٹل فرنچائز منصوبہ کامیابی سے جاری ہے، اگلے سال تک پرانے خستہ حال پوسٹ آفسز بھی ڈیجٹل پوسٹ آفسز بن جائیں گے۔

    تفصیلات کے مطابق پاکستان پوسٹ کا ڈیجیٹل فرنچائز منصوبہ کامیابی سے جاری ہے، اندرون ملک یو ایم ایس اور بیرون ملک ای ایم ایس پلس کو عوام میں بے حد پذیرائی مل رہی ہے۔

    ملک بھر میں ڈیجیٹل فرنچائز کی تعداد 2200 ہوگئی، پاکستان پوسٹ نے جدید تقاضوں کے مدنظر ڈیجیٹل فرنچائز کے منصوبے کا آغاز کیا۔ ڈیجیٹل فرنچائز نہ صرف ٹیکنالوجی ٹریک اینڈ ٹریس سسٹم بلکہ معیاری پوسٹ آفسز پر مشتمل ہیں۔

    اگلے سال تک پرانے خستہ حال پوسٹ آفسز بھی ڈیجٹل پوسٹ آفسز بن جائیں گے، اس منصوبے کو پبلک پرائیوٹ پارٹنر شپ سے شروع کیا گیا تھا۔ پاکستان پوسٹ کا ای ایم ایس پلس سروس بھی دنیا کے تمام ممالک میں فعال کیا گیا ہے۔

    اندرون ملک یو ایم ایس اور بیرون ملک ای ایم ایس پلس کی عوام میں بھرپور پذیرائی کی جارہی ہے۔

  • پاکستان کے لیے بڑی خبر، پوسٹل سروس کے عالمی ادارے نے نئی رینکنگ جاری کر دی

    پاکستان کے لیے بڑی خبر، پوسٹل سروس کے عالمی ادارے نے نئی رینکنگ جاری کر دی

    اسلام آباد: پوسٹل سروس کے عالمی ادارے کی جانب سے 170 ممالک کی نئی رینکنگ جاری کی گئی ہے، یونی ورسل پوسٹل یونین کی 2020 رینکنگ میں پاکستان کو 27 درجے ترقی مل گئی۔

    تفصیلات کے مطابق اداروں کی بہتری کی حکومتی کوششیں رنگ لا رہی ہیں، پاکستان پوسٹ کی عالمی سطح پر رینکنگ میں بہتری اس کا ثبوت ہے۔

    پاکستان پوسٹ 2016 میں 29 پوائنٹس کے ساتھ 94 نمبر پر تھا، 2020 میں 27 درجے ترقی کے ساتھ 94 سے 67 نمبر پر آ گیا، خیال رہے کہ اس رینکنگ میں دنیا میں وہ ممالک سر فہرست ہیں جو صنعتی شعبے میں عالمی رینکنگ میں بھی ٹاپ پر ہیں۔

    یہ رینکنگ پاکستان پوسٹ پر اعتماد، محنت، لگن کے ساتھ بہترین سروس کے حوالے سے ہے، پاکستان پوسٹ میں حالیہ جاری ڈیجیٹائزیشن ہونے سے پاکستان کئی درجے مزید اوپر آ جائے گا، پاکستان پوسٹ کا کہنا ہے کہ نظام میں جدت سے پاکستان پوسٹ عالمی سطح پر پاکستان کا فخر بنے گا۔

    جاری رپورٹ میں کرونا وبا سے پوسٹل سیکٹر کو پہنچنے والے نقصان کا بھی ذکر کیا گیا ہے، عالمگیر وبا میں پاکستان پوسٹ کا گھرگھر پنشن پہنچانے کے اقدام کو خاص طور پر سراہاگیا ہے۔

    پاکستان پوسٹ بھی جدت کی جانب گامزن

    پاکستان پوسٹ کا کہنا ہے کہ 2023 تک وہ ٹاپ 20 میں شامل ہونے کی بھر پور کوشش کر رہا ہے، ادارے میں جاری ڈیجیٹائزیشن کے عمل کو پورا کر کے ای کامرس میں بھی داخل ہونے جا رہا ہے۔

    رینکنگ کی بہتری سے پاکستان پوسٹ کے بزنس میں مزید اضافہ اور لوگوں کا اعتماد حاصل ہوگا، ڈیجیٹائزیشن کے عمل کی تکمیل سے پوری دنیا میں پاکستان کے پروڈکٹس کو فروغ ملے گا۔

  • وزیر اعظم کا بڑا قدم، پاکستان پوسٹ کے روایتی نظام میں انقلابی تبدیلی کا آغاز

    وزیر اعظم کا بڑا قدم، پاکستان پوسٹ کے روایتی نظام میں انقلابی تبدیلی کا آغاز

    اسلام آباد: کل سے ملک میں ڈیجیٹل فرنچائز پوسٹ آفسز کے پائلٹ پراجیکٹ کا آغاز کیا جا رہا ہے۔

    اے آر وائی نیوز کے مطابق وزیر اعظم عمران خان کی قیادت میں ادارے جدت کے جانب گامزن ہیں، پاکستان پوسٹ کے روایتی نظام میں بھی انقلابی تبدیلی کا آغاز ہونے جا رہا ہے، اس سلسلے میں کل سے ڈیجیٹل فرنچائز پوسٹ آفسز کا پائلٹ پراجیکٹ شروع ہوگا۔

    ڈیجیٹل فرنچائز پوسٹ آفسز سے جدید ٹیکنالوجی کے ذریعے بہترین سہولتیں ملیں گی، یہ ڈیجیٹل فرنچائز صارفین کو 2 سو سے زائد فنانشل سروسز فراہم کریں گے، بلوں اور اسکول فیسوں کی ادائیگی، اندرون و بیرون ملک رقم کی منتقلی بھی ہو سکے گی۔

    اس سہولت کے ذریعے صارفین گھر بیٹھے یوٹیلیٹی اسٹورز سے اشیائے ضروریہ بھی منگوا سکیں گے، بھجوائے گئے سامان کی مکمل ٹریکنگ اور آن لائین ٹریسنگ ممکن ہو سکے گی، 3 سال میں ایک لاکھ 25 ہزار ڈیجیٹل فرنچائز پوسٹ آفسز کھولے جائیں گے۔

    اس منصوبے سے ڈھائی لاکھ افراد کو براہ راست روزگار ملے گا، پائلٹ پراجیکٹ کے تحت 50 فرنچائز پوسٹ آفسز کل سے آپریشنل ہو جائیں گے، ابتدائی طور پر صرف ڈیڑھ لاکھ روپے سے اسٹارٹنگ کٹس حاصل کی جا سکیں گی۔

    ڈیجیٹل فرنچائز آن لائن پورٹل اور موبائل ایپ کے ذریعے آپریٹ ہوگی، یہ پوسٹ آفسز صارفین کو ویلیو ایڈڈ سروس بھی فراہم کریں گے۔

  • ریٹائرڈ ملازمین کے لیے بڑی خوش خبری

    ریٹائرڈ ملازمین کے لیے بڑی خوش خبری

    اسلام آباد: رمضان میں پاکستان پوسٹ کا "ڈاکیا” بوڑھے پنشنرز کے لیے خوشیوں کا ذریعہ بن گیا۔

    تفصیلات کے مطابق پاکستان پوسٹ کے ڈاکیے عید کے باعث 1ماہ کی پیشگی پنشن بھی ریٹائرڈ ملازمین کی دہلیز پر بحفاظت پہنچارہے ہیں۔ دوردراز اور دشوارگزار علاقوں میں مقیم پنشنرز کے چہروں پر خوشیاں بکھر گئیں۔

    پاکستان پوسٹ کا "ڈاکیا” 3دن میں 3لاکھ31ہزار197 پنشنرز کو 2ماہ کی پنشن پہنچا آیا، پاکستان پوسٹ ہفتہ اتوار کو بھی بزرگ پنشنرز کے گھروں میں خوشیاں لانے میں مصروف ہیں۔

    عید الفطر کی آمد سے قبل تمام پنشنرز کو 2 ماہ کی پنشن مل جائے گی، عید الفطر سے قبل اگلے ماہ کی پنشن پیشگی ملنے پر بوڑھے ملازمین نہایت خوش ہیں، انہوں نے وزیراعظم عمران خان، وزیر مواصلات مراد سعید اور پاکستان پوسٹ کا شکریہ ادا کیا اور لاک ڈاؤن کے دوران اس احسن اقوام کو سراہا۔

    پنشن کی تقسیم کے دوران پاکستان پوسٹ عملے اور پنشنرز کی صحت وسلامتی کا بھی اہتمام کیا جارہا ہے۔ واجبات کی تقسیم میں ملازمین کے ساتھ سینئر ترین عہدیدار اور افسران بھی پیش پیش ہیں۔

    بزرگ پنشنرز کے ساتھ عوام نے بھی پاکستان پوسٹ کے اقدام کو خراج تحسین پیش کیا۔

  • بزرگوں کیلئے گھر کی دہلیز پر پنشن ، مراد سعید نے مثال قائم کردی

    بزرگوں کیلئے گھر کی دہلیز پر پنشن ، مراد سعید نے مثال قائم کردی

    اسلام آباد : پاکستان پوسٹ کے "ڈاکیا” نے 2 روز میں 2 لاکھ 72 ہزار بزرگوں کو ان کے گھروں کی دہلیز پر پنشن پہنچادی ، اقوام متحدہ کی جانب سے بھی پاکستان پوسٹ کے اقدام کی تعریف کی گئی۔

    تفصیلات کے مطابق بحرانی کیفیت میں قومی خدمت کا ریکارڈ قائم کرنے والوں میں ایک اور نام کا اضافہ ہوگیا، پاکستان پوسٹ کا "ڈاکیا” امانت، دیانت، بہادری اور ایثار کا بے مثال نمونہ بن کر ابھرنے لگا۔

    پاکستان پوسٹ کے "ڈاکیا” نے 2 روز میں 2 لاکھ 72 ہزار بزرگوں کو ان کے گھروں کی دہلیز پر پنشن پہنچائی، پنشن وصولی کے وقت نہایت جذباتی مناظر دیکھنے میں آئے۔

    بزرگ شہریوں نے وزیراعظم عمران خان، وزیر مراد سعید اور پاکستان پوسٹ کے "ڈاکیے” کو دعائیں دی، 13 لاکھ پنشنرز کو واجبات کی تقسیم کیلئے ہفتے کے روز بھی ڈاکیے میدان میں موجود ہیں۔

    وزیر مراد سعید بھی سیکرٹری پوسٹل سروسز اور دیگر سینئر افسران کے ہمراہ نگرانی کر رہے ہیں۔

    اقوام متحدہ کی جانب سے بھی پاکستان پوسٹ کے اقدام کی زبردست تحسین پیش کیا گیا ، عالمی پوسٹل یونئین کے ٹویٹر اکاؤنٹ پر نمایاں تشہیر کی گئی۔

    وفاقی وزیر مراد سعید کا کہنا ہے کہ نہایت کٹھن حالات میں بزرگ شہریوں کی امانتوں کی محفوظ ترسیل بڑا ٹاسک تھا، ملک بھر میں پنشن کی تقسیم کاعمل کامیابی سے جاری ہے۔

    مراد سعید پنشن کی تقسیم کا بیڑہ اٹھانے والے پاکستان پوسٹ کے کیش ملازمین حقیقی ہیروز ہیں، اپنے ان ہیروز کی مدد سے وقت مقررہ میں 13 لاکھ بزرگوں تک پنشن کی تقسیم کا عمل کامیابی سے مکمل کریں گے۔انشاءاللہ

    خیال رہے ملکی تاریخ میں پہلی مرتبہ گھر کی دہلیز پر پنشن پہنچانے کے عمل کا آغاز کیا گیا تھا، وزیراعظم کی ہدایت پرپاکستان پوسٹ 13 لاکھ افرادکوپنشن گھرپرپہنچائے گا۔

    وفاقی وزیر مراد سعید نے کہا تھا کہ اپنے بزرگ پنشنرز کی صحت وسلامتی کا پورا احساس ہے، اپنے بزرگ شہریوں کی سلامتی کی خاطر پنشن کی دہلیز پر تقسیم کا ذمہ لیا۔

  • کرونا وائرس ، مراد سعید کا پنشنرز کے لئے بڑا اعلان

    کرونا وائرس ، مراد سعید کا پنشنرز کے لئے بڑا اعلان

    اسلام آباد : وزیر مواصلات مراد سعید نے پاکستان پوسٹ کے 13لاکھ پنشنرز کو ان کی پنشن گھرکی دہلیز تک پہنچانے کا اعلان کرتے ہوئے کہا بزرگوں کو پنشن کی وصولی کیلئےخطرے میں نہیں ڈالیں گے۔

    تفصیلات کے مطابق پاکستان پوسٹ نے ضعیف شہریوں کو کرونا وائرس سے محفوظ رکھنےکیلئے اہم اقدام کرتے ہوئے 13لاکھ پنشنرز کو واجبات گھروں کی دہلیز تک پہنچانے کا فیصلہ کرلیا ہے۔

    مراد سعید کا کہنا ہے کہ بڑی عمر کے لوگوں کےلئےکوروناوائرس نہایت مہلک ہے، بزرگوں کو پنشن کی وصولی کیلئےخطرے میں نہیں ڈالیں گے۔

    وفاقی وزیر نے مزید کہا کہ 13 لاکھ پنشنرز کو ان کی پنشن گھرکی دہلیزتک پہنچائیں گے، پنشن کی تقسیم کیلئےتمام انتظامات مکمل کرلئے ہیں۔

    خیال رہے پاکستان میں کرونا وائرس کے کیسز کی تعداد 458 ہو گئی ہے، وائرس سے مجموعی طور پر 3 افراد جاں بحق جب کہ 5 مریض صحت یاب ہو چکے ہیں۔

    خیبرپختونخواہ میں دوہلاکت ہوئی جبکہ آج کراچی کے نجی اسپتال میں ایک مریض دم توڑگیا، کراچی میں انتقال کرنے جانے والے مریض کی کوئی ٹریول ہسٹری نہیں تھیں، اس کی عمر ستتر سال تھی۔

    پنجاب میں کروناوائرس کے مریضوں کی تعداد اٹھہتر، بلوچستان میں اکیاسی ، کے پی میں تئیس اور اسلام آباد میں سات ہوگئی ہے جبکہ گلگت بلتستان میں بارہ اور آزاد کشمیرمیں ایک مریض قرنطینہ میں زیرعلاج ہے۔

  • پاکستان پوسٹ سے متعلق حکومت کا اہم اقدام

    پاکستان پوسٹ سے متعلق حکومت کا اہم اقدام

    اسلام آباد: وفاقی حکومت نے پاکستان پوسٹ کا بزنس بڑھانے کے لیے اہم اقدام اٹھاتے ہوئے سرکاری کاغذات کی ترسیل کو پاکستان پوسٹ سے کرنے کی ہدایت کردی۔

    تفصیلات کے مطابق پاکستان پوسٹ کے بزنس اور آمد کو وسعت دینے کے لیے حکومت نے سرکاری دستاویزات کو پاکستان پوسٹ کے ذریعے ارسال کرنے کے احکامات جاری کر دیے۔

    حکومت نے کاغذات کی ترسیل کیلئےقومی ادارے کو نظر انداز کرنےکا نوٹس لیتے ہوئے ایک مراسلہ ایوی ایشن ڈویژن کو ارسال کیا ہے۔

    وزیراعظم ڈیلیوری یونٹ کی جانب سے مراسلے میں کہا گیا ہے کہ سرکاری کاغذات کی ترسیل کیلئے پاکستان پوسٹ کو نظر انداز کیا جارہا ہے، سول ایوی ایشن اتھارٹی کاغذات کی ترسیل پاکستان پوسٹ کے ذریعے ممکن بنائے۔

    مراسلے کی روشنی میں ایوی ایشن ڈویژن نے سی اے اے حکام کو ہدایات جاری کر دی ہیں۔

  • انٹرن شپ پروگرام میں 35ہزار نوجوانوں کو شامل کرنے کا اعلان

    انٹرن شپ پروگرام میں 35ہزار نوجوانوں کو شامل کرنے کا اعلان

    اسلام آباد : وفاقی وزیر مراد سعید نے 35ہزار نوجوانوں کو انٹرن شپ پروگرام میں شامل کرنے کا اعلان کرتے ہوئے کہا کم پڑھے لکھے نوجوان بھی روزگار کیلئے انٹرنشپ کر سکیں گے ، نوجوان پاکستان پوسٹ کی ویب سایٹ پر رجسٹر ہوں۔

    تفصیلات کے مطابق وزیراعظم عمران خان کی ہدایت پر نوجوانوں کیلئے انٹرن شپ پروگرام کا آغاز کردیا ، وفاقی وزیر مراد سعید نے 35ہزارنوجوانوں کو پروگرام میں شامل کرنے کا اعلان کیا۔
    .
    مراد سعید کا کہنا تھا کہ پاکستان پوسٹ سے انٹرن شپ پروگرام کا آغاز دیا گیا، کم پڑھے لکھے نوجوان بھی روزگار کیلئے انٹرنشپ کر سکیں گے، ای کامرس، انشورنس ایجنسیز اور پارسل ڈیلوری کی ٹریننگ دی جائے گی۔

    وفاقی وزیر نے مزید کہا کہ بارہ سروسز کی ٹریننگ سے نوجوان کاروبار خود شروع کرسکتے ہیں، انٹرشپ پروگرام بیک وقت 1200 پوسٹ آفسز سے ہوگا اور تربیت کے بعد وزیراعظم کامیاب جوان پروگرام کا حصہ بن سکیں گے۔

    ان کا کہنا تھا کہ پروگرام کا پہلا سیشن4 نومبر سے شروع کردیا جائے گا، نوجوان پاکستان پوسٹ کی ویب سایٹ پر رجسٹر ہوں۔

    یاد رہے رواں سال مئی میں وفاقی کابینہ نے ” کامیاب جوان ” پروگرام کی اصولی منظوری تھی ، عثمان ڈار کا کہنا تھا نوجوانوں حکومتی منصوبے سے فائدہ اٹھانے کے لیےتیار ہو جائیں، کامیاب جوان پروگرام ملک کے نوجوانوں کی قسمت بدل سکتا ہے۔

    بعد ازاں اقوام متحدہ نے “کامیاب جوان پروگرام” کی کامیابی کے لئے تعاون کی پیشکش کی تھی ، حکام کا کہنا تھا کہ اقوام متحدہ مالی اورتکنیکی معاونت فراہم کرنے کے لئے تیار ہے جبکہ کا کہنا تھا عثمان ڈاراقوام متحدہ کےساتھ مل کرنوجوانوں کی فلاح وبہبودپرکام کریں گے۔

    بعد ازاں جولائی میں وزیراعظم عمران خان نے ’اسٹارٹ اپ پاکستان پروگرام‘ کو جلد شروع کرنے کا فیصلہ کیا تھا ، پروگرام کا مقصد نوجوانوں کو بااختیار بنانا اور ملک میں اونٹری پرینورشپ کے کلچر کو فروغ دینا ہے