دبئی : پاکستان نے آئی سی سی ٹی ٹوئنٹی رینکنگ میں پھر ٹاپ پوزیشن حاصل کرلی، بھارت سے سیریز ہارنے کے بعد نیوزی لینڈ آئی سی سی ٹی ٹوئنٹی رینکنگ میں پہلی پوزیشن سے محروم ہوگیا۔
تفصیلات کے مطابق بھارت کے ہاتھوں سیریز میں نیوزی لینڈ کی دو ایک سے ناکامی نے پاکستان کو دنیا کی بہترین ٹیم بنادیا، تیسرے اور آخری ٹی ٹوینٹی میچ بھارت نے نیوزی لینڈ کو چھ رنز سے شکست دی۔
بھارت کی جیت ایک بار پھر پاکستان کے کام آگئی، پاکستان نے ایک سو چوبیس ریٹنگ پوائنٹس کے ساتھ ٹاپ پوزیشن پر قبضہ جمالیا۔
نئی رینکنگ میں نیوزی لینڈ دوسرے، ویسٹ انڈیز تیسرے، انگلینڈ چوتھے نمبر پر براجمان ہے، جبکہ بھارت نے تین پوائنٹس تو حاصل کیے لیکن اب بھی وہ پانچویں نمبر پر ہے۔
مزید پڑھیں: پاکستان ٹی 20 رینکنگ میں پہلے نمبر پرآگیا
واضح رہے کہ اس سے قبل بھارت اور نیوزی لینڈ کے درمیان دہلی میں کھیلے جانے والے میچ میں بھارت نے نیوزی لینڈ کو53 رنز سے شکست دی تھی۔
بھارت کے 202رنز کے جواب میں مہمان ٹیم149رنز بناسکی تھی جس کے بعد پاکستان ٹی ٹوینٹی ٹیم پہلی مرتبہ ٹاپ پوزیشن پرآگئی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
