Tag: پاکستان پیپلز پارٹی

حیدرآباد : پاکستان پیپلزپارٹی کی حیدرآباد میں 18 اپریل کو جلسے کی تیاریاں جاری ہے، صوبائی وزیر کا کہنا ہے کہ حالات کچھ بھی ہوں، پیپلزپارٹی کینالز پر سمجھوتا نہیں کرے گی۔

تفصیلات کے مطابق پاکستان پیپلزپارٹی کی حیدرآباد میں 18 اپریل کو جلسے کی تیاریاں عروج پر ہے، حیدرآباد میں بڑے پیمانے پر عوامی رابطہ مہم جاری ہے۔

راول ہاؤس میں پیپلزپارٹی ورکرز کنونشن کا انعقاد ہوا، صدر پیپلزپارٹی لیڈیزونگ فریال تالپور اور وزیراطلاعات شرجیل میمن نے خطاب کی، کنونشن میں خواتین سمیت بڑی پیپلزپارٹی کارکنوں کی بڑی تعداد میں نے شرکت کی۔

وزیر اطلاعات سندھ شرجیل میمن نے کہا کہ پیپلزپارٹی 18 اپریل کو حیدرآباد میں تاریخی جلسہ کرے گی ، 18اپریل کو کینالز منصوبے سے متعلق عوام کو آگاہ کریں گے۔

ان کا کہنا تھا کہ کینالز سندھ کے عوام کیلئے جینے مرنے کا مسئلہ ہے، 18 اپریل کو بلاول بھٹو حیدر آباد آرہے ہیں، بلاول بھٹو حکمرانوں کو بتائیں گے کہ عوام چاہتے کیا ہیں۔

صوبائی وزیر نے کہا کہ ہمارے صوبے میں زیر زمین پانی میٹھا نہیں وہ پینے کے قابل نہیں ، آپ 7 کروڑ عوام کو پیاسا مار دو گے، عوام خاموش نہیں بیٹھیں گے، حالات کچھ بھی ہوں، پیپلزپارٹی کینالز پر سمجھوتا نہیں کرے گی ، پیپلزپارٹی کینالز منصوبے پر خاموش نہیں بیٹھے گی۔

پاکستان پیپلز پارٹی کے سینئر رہنما سینیٹر تاج حیدر انتقال کر گئے ہیں وہ مقامی نجی اسپتال میں زیر علاج تھے تدفین کا اعلان جلد کیا جائے گا۔

پاکستان پیپلز پارٹی کے سینئر رہنما سینیٹر تاج حیدر کراچی کے اسپتال میں انتقال کر گئے ہیں اور اس کی تصدیق ان کے اہل خانہ نے کر دی ہے۔

ان کا شمار پاکستان پیپلز پارٹی کے بانی رہنماؤں میں کیا جاتا تھا اور وہ پیپلز پارٹی پارلیمنٹرین کے جنرل سیکریٹری، پارٹی کی سینٹرل ایگزیکٹو کمیٹی کے رکن بھی تھے۔ اس کے علاوہ وہ پی پی سندھ کے جنرل سیکریٹری بھی رہے۔

اہل خانہ کے مطابق تاج حیدر کچھ عرصہ سے علیل اور مقامی نجی اسپتال میں زیر علاج تھے۔ ناہید وصی کے مطابق تاج حیدر کی نماز جنازہ اور تدفین کا اعلان جلد کیا جائے گا۔

تاج حیدر سیاست کے ساتھ فلاحی سرگرمیوں میں بھی پیش پیش رہے۔ وہ شاہراہ فیصل پر خصوصی بچوں کو تعلیم بھی دیتے تھے۔ انہیں 2013 میں ستارہ امتیاز سے بھی نوازا گیا تھا۔

صدر مملکت آصف علی زرداری، پاکستان پیپلز پارٹی کے چیئرمین بلاول بھٹو زرداری، وفاقی وزیر داخلہ محسن نقوی، وزیر اعلیٰ سندھ مراد علی شاہ، گورنر سندھ کامران ٹیسوری سمیت دیگر سیاستدانوں نے بھی تاج حیدر کے انتقال پر گہرے دکھ اور افسوس کا اظہار کیا ہے۔

ملتان: پاکستان پیپلز پارٹی(پی پی پی) نے نشتر ون میں نیورو سرجری، آرتھو پیڈک شعبے بند کرنے کا فیصلہ مسترد کردیا۔

تفصیلات کے مطابق پنجاب اسمبلی میں پیپلز پارٹی کے پارلیمانی لیڈر علی حیدرگیلانی نے کہا ہے کہ پیپلز پارٹی کو جنوبی پنجاب کے عوام نے بھاری مینڈیٹ دیا، حکومت کے اتحادی ہیں مگر فاصلے موجود ہیں۔

علی حیدر گیلانی کا کہنا ہے کہ اس خطے کے باسیوں کے ساتھ ہونے والی زیادتیوں پر دکھ ہوتا ہے، پیپلز پارٹی کو جنوبی پنجاب کے عوام نے بھاری مینڈیٹ دیا ہے۔

انہوں نے کہا کہ نشتر ون نیورو سرجری اور آرتھو پیڈک کو بند کرنے کا نوٹیفکیشن سامنے آیا، ہم پنجاب حکومت کے اس نوٹیفکیشن کو مسترد کرتے ہیں۔

علی حیدر گیلانی کا کہنا تھا کہ آرتھو پیڈک اور نیورو سرجری کے شعبوں کو نشتر ٹو منتقل نہ کیا جائے، نشتر ٹو میں اسٹاف مکمل کیا جائے، نشتر ٹو میں تمام شعبے موجود ہونے چاہئیں،اس میں  پی سی ون کے مطابق ایک ہزار بیڈز ہونے  چاہئیں۔

علی حیدر گیلانی نے کہا کہ ہم حکومت کے اتحادی ہیں مگر فاصلے موجود ہیں، ہم نشتر ون اور نشتر ٹو کا مسئلہ پنجاب اسمبلی میں بھی اٹھائیں گے، ہم سے بجٹ میں مشاورت نہیں کی گئی، وزیر اعلیٰ پنجاب ملتان آئیں گی تو انہیں مسائل کا ادراک ہو گا۔