Tag: پاکستان پیپلز پارٹی

پاکستان مسلم لیگ ن کی پنجاب حکومت پر پاکستان پیپلز پارٹی کی جانب سے شدید تحفظات کا اظہار کیا گیا ہے۔

تفصیلات کے مطابق پیپلز پارٹی کے رہنماعلی حیدر گیلانی کا کہنا تھا کہ جنوبی پنجاب کے عوام کو کسی کی رعایہ نہ سمجھا جائے، سابقہ حکومت نے جنوبی پنجاب سیکرٹریٹ قائم کیا تھا۔

علی حیدر گیلانی نے کہا کہ موجودہ حکومت نے جنوبی پنجاب سیکریٹریٹ کے تمام سیکریٹری ہٹا دیے ہیں۔

انھوں نے کہا کہ پنجاب کو وائسرائے کی طرح نہ چلایا جائے ہمیں یہ قبول نہیں، تخت لاہور جنوبی پنجاب کے لوگوں کو قبول کرنے کو تیار نہیں۔

پاکستان پیپلز پارٹی کے رہنما علی حیدر گیلانی کا مزید کہنا تھا کہ جنوبی پنجاب کے لوگوں نے پنجاب کو دل سے قبول کیا ہے۔

اسلام آباد: شہریوں کی جانب سے سولر پینل لگوانے پر ٹیکس لگانے کا معاملہ سینیٹ میں بھی اٹھا دیا گیا۔

تفصیلات کے مطابق سینیٹ اجلاس کے دوران پاکستان پیپلز پارٹی نے سولر پینل لگوانے پر ٹیکس عائد کرنے کا معاملہ سینیٹ میں اٹھایا، سینیٹر پلوشہ خان کا کہنا تھا کہ لوگوں نے اپنے اثاثے بیچ کر سولر پینل لگوائے ہیں، خبریں آئیں کہ سولر پینل پر ٹیکس لگایا جارہا ہے۔

اس موقع پر شیری رحمان نے کہا کہ پاور منسٹری نے اس حوالے سے وضاحت دی کہ ایسا بالکل نہیں ہے۔ پتا لگایا جائے کہ یہ خبر کس نے اڑائی ہے۔

واضح رہے کہ اس سے قبل خبریں زیر گردش تھیں کہ سولر پینل لگانے والوں کے لیے حکومت نے ٹیکس عائد کرنے کا فیصلہ کرلیا ہے۔

سولر پینل لگانے والوں سے ٹیکس لینے کا فیصلہ

خبر میں بتایا گیا تھا کہ 12 کلو واٹ گھریلو یا کمرشل سولر پینل لگانے والوں پر ٹیکس عائد کرنے کی تجویز دی گئی ہے۔

حکومت نے گھریلو یا کمرشل سولر صارفین پر 2 ہزار روپے فی کلوواٹ ٹیکس لگانے کا فیصلہ کیا ہے۔ 12 کلو واٹ کا سولرپینل لگانے والے صارفین سے 24ہزار روپے وصول کیےجائیں گے۔

کراچی : پاکستان پیپلز پارٹی سندھ اسمبلی میں پہلی مرتبہ سنچری کرے گی، سندھ اسمبلی کی 130 نشستوں میں سے 84 پر پیپلز پارٹی کامیاب ہوگئی۔

تفصیلات کے مطابق الیکشن کمیشن نے سندھ اسمبلی کی تمام ایک سو تیس نشستوں کے نتائج کا اعلان کر دیا، سندھ میں عام انتخابات میں پاکستان پیپلز پارٹی کی تاریخ ساز فتح حاصل کرلی۔

سندھ اسمبلی میں پاکستان پیپلز پارٹی چوراسی نشستوں کے ساتھ سرفہرست ہے، جس کے بعد پاکستان پیپلز پارٹی سندھ اسمبلی میں پہلی مرتبہ سنچری کرے گی۔

سندھ اسمبلی میں پیپلزپارٹی کو بیس خواتین اور اقلیتوں کی چھ مخصوص نشستیں بھی ملیں گی، جس کے بعد سندھ اسمبلی کے ایک سو اڑسٹھ کے ایوان میں پیپلز پارٹی کے پاس ارکان کی تعداد ایک سو دس ہوجائے گی۔

یوں پیپلزپارٹی کی پہلی بار سندھ اسمبلی سو سے زائد سیٹیں ہوجائیں گی، الیکشن کمیشن نے اعلان کردہ نتائج کے مطابق ایم کیو ایم پاکستان اٹھائیس نشستوں کے ساتھ دوسرے نمبر پر ہے جبکہ چودہ آزادامیدوار کامیاب ہوئے ہیں اور جی ڈی اے اور جماعت اسلامی کو دو دو نشستیں ملی ہیں۔

پاکستان پیپلز پارٹی کی جانب سے آصفہ بھٹو زرداری کی سیاست میں لانچنگ موخر کردی گئی ہے۔ فی الحال وہ انتخاب نہیں لڑیں گی۔

تفصیلات کے مطابق چیئرمین پیپلزپارٹی بلاول بھٹور زرداری کی ہمشیرہ آصفہ بھٹو کی سیاست میں لانچنگ کو موخر کردیا گیا ہے۔ آصفہ بھٹوزرداری قومی و صوبائی اسمبلی کی نشست پرانتخاب نہیں لڑیں گی۔

آصفہ بھٹو نے کسی بھی حلقے سے کاغذات نامزدگی جمع نہیں کرائے۔ آصفہ کا نام پی پی کی جانب سے مخصوص نشستوں کی فہرست میں بھی نہیں ہے۔

پیپلز پارٹی کا کہنا ہے کہ بلاول بھٹو زرداری کئی حلقوں سے الیکشن لڑ رہے ہیں۔ بلاول کی کامیابی کے بعد آصفہ بھٹوکی انتخابی سیاست میں انٹری کا فیصلہ ہوگا۔

واضح رہے کہ پی پی چیئرمین بلاول بھٹو نے 8 فروری 2024 کا الیکشن لڑنے کے لیے اپنی والدہ سابق وزیراعظم بینظیر بھٹو کے روایتی حلقے این اے 196 لاڑکانہ کا انتخاب کیا ہے۔

بلاول بھٹو زرداری آج لاڑکانہ پہنچ رہے ہیں جہاں وہ عام انتخابات کے سلسلے میں دو قومی حلقوں پر اپنے کاغذات نامزدگی فارم جمع کروائیں گے۔

بلاول بھٹو زرداری نے اس بار انتخابات میں اترنے کے لیے لاڑکانہ اور قمبر شہدادکوٹ کا انتخاب کیا ہے۔ وہ قومی اسمبلی کے حلقے این اے 194 اور اپنی والدہ بینظیر بھٹو کے روایتی انتخابی حلقے این اے 196 سے فارم جمع کرائیں گے۔