Tag: پاکستان پیپلز پارٹی

کراچی: صوبہ سندھ میں 2015 میں شروع ہونے والے تعلیمی منصوبے 4 سال بعد بھی التوا کا شکار ہیں، وزیرِ تعلیم نے بھی شعبے میں ابتری کا اعتراف کر لیا۔

تفصیلات کے مطابق سندھ میں تعلیم کے شعبے کے ساتھ کھلواڑ جاری ہے، 2019 تک بھی محکمہ تعلیم سندھ میں 50 اسکولوں کا منصوبہ مکمل نہ کر سکا۔

[bs-quote quote=”سابق وزیرِ اعلیٰ سندھ قائم علی شاہ کے دور میں 25 کیمبرج اسکول بنانے کا فیصلہ ہوا تھا۔” style=”style-8″ align=”left” author_name=”وزیر تعلیم سندھ”][/bs-quote]

صوبہ سندھ میں 25 کیمبرج اور 25 کمپری ہینسو اسکول بنائے جانے تھے، اسکولوں کی تعمیر مکمل کرنے کی بہ جائے محکمہ تعلیم نے منصوبے کا نام تبدیل کر دیا۔

سندھ میں تعلیمی شعبے میں ابتری کا اعتراف وزیرِ تعلیم سندھ سید سردار شاہ نے بھی کر لیا۔

وزیر تعلیم سندھ کا کہنا تھا کہ سابق وزیرِ اعلیٰ سندھ قائم علی شاہ کے دور میں 25 کیمبرج اسکول بنانے کا فیصلہ ہوا تھا، تاہم بعد میں کیمبرج اسکولوں کے منصوبے کا نام تبدیل کر دیا گیا۔

سید سردار شاہ نے کہا کہ کیمبرج اسکولوں کے قیام کی اسکیم 2015 میں شروع کی گئی تھی لیکن اب کیمبرج کی بہ جائے انگلش میڈیم اسکول بنائے جا رہے ہیں۔

سندھ کے وزیر تعلیم کا یہ بھی کہنا تھا کہ ابھی صرف 15 انگلش میڈیم اور 6 کمپری ہینسو اسکولوں کی تعمیرمکمل ہوئی ہے، 24 کمپری ہینسو اسکولوں کی تعمیر کی اسکیم ابھی مکمل نہیں ہو سکی۔

یہ بھی پڑھیں:  خورشیدشاہ نے نواز شریف کو سندھ میں علاج کی دعوت دے دی

وزیر تعلیم سردار شاہ نے بتایا کہ باقی کمپری ہینسو اسکولوں کی تعمیر 2020 تک مکمل ہوگی۔

یاد رہے کہ سندھ اسمبلی اجلاس میں توجہ دلاؤ نوٹس میں پوچھا گیا تھا کہ سندھ کے ہر ضلع میں کیمبرج اسکولوں کا منصوبہ کب مکمل ہوگا، کیا نجی شعبے کی مدد سے کیمبرج اسکول چلائے جائیں گے۔

واشنگٹن: پاکستان پیپلز پارٹی کے چیئرمین بلاول بھٹو زرداری نے کہا ہے کہ کشمیر کاز سے وفاداری ان کے خون میں شامل ہے۔

تفصیلات کے مطابق پی پی چیئرمین بلاول بھٹو زرداری نے واشنگٹن میں کشمیر کونسل کے رہنماؤں سے ملاقات کرتے ہوئے کہا کہ کشمیر کاز سے وفاداری ان کے خون میں شامل ہے۔

[bs-quote quote=”کشمیر پر بھارت کے غاصبانہ قبضے کے خاتمے تک چین سے نہیں بیٹھیں گے۔” style=”style-7″ align=”left” color=”#dd3333″ author_name=”بلاول بھٹو زرداری” author_job=”چیئرمین پی پی”][/bs-quote]

بلاول بھٹو کا کہنا تھا کہ وہ کشمیریوں پر بھارتی بربریت کے خلاف ہر فورم پر آواز اٹھاتے رہیں گے۔

پیپلز پارٹی کے رہنما نے کہا کہ وہ کشمیر کے عوام کی جدوجہد حقِ خود ارادیت کے ساتھ کھڑے رہیں گے اور کشمیر پر بھارت کے غاصبانہ قبضے کے خاتمے تک چین سے نہیں بیٹھیں گے۔

خیال رہے کہ گزشتہ روز دنیا بھر میں مظلوم کشمیریوں کے ساتھ اظہارِ یک جہتی کے لیے یومِ کشمیر منایا گیا، اور مختلف تقاریب کا انعقاد اور ریلیاں نکالی گئیں۔

Chairman #PPP @BBhuttoZardari meets with #Kashmir Council to express solidarity with Kashmiri people in Washington DC#KashmirSolidarityDay#KashmirMatters https://t.co/pbdVr7r2pM pic.twitter.com/2405nBAoTQ

— PPP (@MediaCellPPP) February 5, 2019

وزیرِ اعظم عمران خان نے ٹویٹ کرتے ہوئے لکھا کہ دنیا بھر کے کشمیری اب ہم آواز ہو کر بھارت سے آزادی چاہتے ہیں، بھارتی فوج باغیوں سے نہیں مقبوضہ کشمیر کی تمام عوام سے جنگ لڑ رہی ہے۔

یہ بھی پڑھیں:  بھارت سے آزادی کے لیے دنیا بھر کے کشمیری ہم آواز ہو چکے: وزیرِ اعظم

انھوں نے مزید لکھا کہ آزادی سے محبت رکھنے والے دنیا کے تمام لوگ کشمیریوں کا ساتھ دیں۔

اسلام آباد: پاکستان پیپلز پارٹی کے شریک چیئرمین آصف علی زرداری نے کہا ہے کہ ارکان پارلیمنٹ چیئرمین نیب کے پاس کیوں جائیں، انھیں پارلیمنٹ کے سامنے حاضر ہونا چاہیے۔

قومی اسمبلی کے اجلاس سے خطاب کرتے ہوئے آصف زرداری نے کہا ’ارکان پارلیمنٹ نے چیئرمین نیب سے ملاقات کے لیے خط کیوں لکھا، اس دن کا سوچیں جب آپ کو بلایا جائے گا تو کیا ہوگا، مجھے آپ کا غم زیادہ ہے اپنا نہیں، ہم نے ہی پارلیمنٹ کو عزت دینی ہے اور مضبوط کرنا ہے۔‘

[bs-quote quote=”نواز شریف کو آج ریلیف ملا ہے تو ہم اس پر خوش ہیں۔” style=”style-7″ align=”left” color=”#dd3333″ author_name=”آصف علی زرداری” author_job=”شریک چیئرمین پاکستان پیپلز پارٹی”][/bs-quote]

آصف زرداری کا کہنا تھا کہ ان سے جتنا ہو سکا سیاسی اور استعداد کی بنیاد پر پارلیمنٹ کو مضبوط کیا، وقت آ گیا ہے کہ چیئرمین نیب کو پارلیمنٹ میں طلب کیا جائے۔

انھوں نے مطالبہ کیا کہ ایسے اقدامات کیے گئے جن سے عدم تحفظ پیدا ہوا، عدم تحفظ کی صورتِ حال ختم کریں تاکہ ملک آگے بڑھ سکے۔

پی پی رہنما نے کہا ’ہم جو حلف اٹھاتے ہیں تو اس پر لکھا ہوتا ہے کہ شفافیت سے کام کریں گے، مہمند ڈیم ٹھیکے پر پارلیمانی کمیٹی کے مطالبے پر شہباز شریف کے ساتھ ہیں، فیصل واوڈا پانی کے معاملے پر تھوڑی تیاری کرلیں تو مسئلہ سمجھ جائیں گے۔‘

یہ بھی پڑھیں:  ایون فیلڈریفرنس: نوازشریف ،مریم نواز کی سزا معطلی کیخلاف نیب کی اپیل مسترد

آصف زرداری کا کہنا تھا کہ وہ 15 بار چین گئے اور ان کے اندر سرمایہ کاری کی خواہش پیدا کی، چین کو بلایا گیا اور گوادر پورٹ معاہدے پر دستخط کیے گئے، میاں صاحب کو بھی بلایا تھا، لیکن آج کل مجھے اور میرے خاندان کو جے آئی ٹی کا سامنا ہے، بلاول بھٹو کا نام نکلوانے پر چیف جسٹس کا شکریہ ادا کرتا ہوں۔

انھوں نے کہا ’نواز شریف کو آج ریلیف ملا ہے تو ہم اس پر خوش ہیں، مریم نواز کو جیل میں نہیں دیکھنا چاہتے، کسی بھی بہن بیٹی کو نہیں دیکھنا چاہتے۔‘

انھوں نے جعلی اکاؤنٹس کیس کو ڈراما قرار دیتے ہوئے کہا کہ ڈیڑھ ہزار آدمیوں کے 2 اور 50 روپے کے جعلی اکاؤنٹس سامنے آ رہے ہیں، پہلے بھی یہ ڈراما ہوا اور پھر بینکوں کو پیسے بھرنا پڑے، اب بھی یہی ہوگا اداروں کو پیسے دینا پڑیں گے۔

کراچی: پاکستان پیپلز پارٹی کے شریک چیئرمین آصف علی زرداری اور ان کی ہمشیرہ فریال تالپور آج بینکنگ کورٹ کے روبرو پیش ہوں گے۔

تفصیلات کے مطابق میگا منی لانڈرنگ کیس میں سابق صدر آصف زرداری کی گرفتاری عمل میں آئے گی یا ایک بار پھر ضمانت مل جائے گی، آج بینکنگ کورٹ میں پیشی پر معلوم ہوگا۔

[bs-quote quote=”جعلی اکاؤنٹ کیس میں آصف زرداری اور فریال تالپور کی ضمانت کی مدت ختم ہو گئی ہے۔” style=”style-7″ align=”left” color=”#dd3333″][/bs-quote]

خیال رہے کہ ملک کی تاریخ کے سب سے بڑے جعلی اکاؤنٹ کیس میں آصف زرداری اور فریال تالپور کی ضمانت کی مدت ختم ہو گئی ہے۔

جعلی اکاؤنٹس اور میگا منی لانڈرنگ کیس کی سماعت آج ہوگی، پی پی رہنما خورشید شاہ کہتے ہیں کہ آصف زرداری آج بینکنگ کورٹ میں ضرور پیش ہوں گے۔

یاد رہے کہ گزشتہ سماعت پر عدالت میں جیالوں کی جانب سے پاور شو بھی کیا گیا تھا، ملک کی اعلیٰ ترین عدالت بھی آج کیس کی سماعت کرے گی۔

یہ بھی پڑھیں:  منی لانڈرنگ کیس: آصف زرداری اورفریال تالپورکی ضمانت میں 7 جنوری تک توسیع

گزشتہ سماعت میں سپریم کورٹ نے آصف زرداری اور ان کی بہن کو ایک ہفتے میں جواب جمع کرانے کا حکم دیا تھا، حکومت کو ای سی ایل میں ڈالے گئے 172 ناموں پر نظرِ ثانی کی ہدایت بھی کی تھی جس پر وفاقی کابینہ نے نظرِ ثانی کے لیے ذیلی کمیٹی بنا دی تھی۔

واضح رہے کہ منی لانڈرنگ کیس میں سابق صدر آصف علی زرداری اور ان کی ہم شیرہ فریال تالپور کی ضمانت میں 7 جنوری تک توسیع کی گئی تھی۔

اسلام آباد: پاکستان پیپلز پارٹی کے شریک چیئرمین آصف علی زرداری کی مولانا فضل الرحمان کے ساتھ اہم ملاقات ہوئی ہے۔

ذرائع کے مطابق آصف زرداری اور نواز شریف کے درمیان دوریاں ختم کرانے کے لیے مولانا فضل الرحمان ایک بار پھر متحرک ہو گئے، دونوں رہنماؤں کے درمیاں ہونے والی ملاقات آدھے گھنٹے تک جاری رہی۔

[bs-quote quote=”آصف زرداری نے مولانا فضل الرحمان کی تجویز پر نواز شریف سے ملاقات کے لیے فوری ہامی بھرنے سے معذرت کر لی۔” style=”style-7″ align=”left” color=”#dd3333″ author_name=”ذرائع”][/bs-quote]

ذرائع کا کہنا ہے کہ ملاقات میں ملک کی مجموعی صورتِ حال پر تبادلۂ خیال کیا گیا، دونوں رہنماؤں نے اپوزیشن جماعتوں کے خلاف کارروائیوں پر اظہارِ تشویش کیا۔

آصف علی زرداری اور مولانا فضل الرحمان نے مستقبل میں اپوزیشن جماعتوں کی حکمتِ عملی پر بھی مشاورت کی، فضل الرحمان نے آصف زرداری کو نواز شریف سے ملاقات کے لیے آمادہ کرنے کی بھی کوششں کی۔

ذرائع کا کہنا ہے کہ مولانا فضل الرحمان نے تجویز دی کہ موجودہ صورتِ حال میں تمام گلے شکوے ختم کر دینے چاہئیں، اور اپوزیشن جماعتوں کو مل بیٹھ کر حکمتِ عملی طے کرنی چاہیے۔

یہ بھی پڑھیں:  احتساب سے خوف زدہ اپوزیشن نے گرینڈ الائنس بنانے کے لیے سر جوڑ لیے

فضل الرحمان نے کل آصف زرداری کو نواز شریف سے با ضابطہ ملاقات کی تجویز دی، ان کا مؤقف تھا کہ اپوزیشن کو دیوار سے لگایا جا رہا ہے، تاہم آصف زرداری نے ملاقات کے لیے فوری ہامی بھرنے سے معذرت کر لی۔

آصف زرداری کا کہنا تھا کہ نواز شریف جیل میں ہیں، ملاقات کیسے ہوگی۔ ذرائع کے مطابق پی پی رہنما نے مشاورت کے بعد آگاہ کرنے کا کہا۔

لاہور: چیئرمین پاکستان پیپلز پارٹی بلاول بھٹو زرداری نے کہا ہے کہ وہ کبھی پبلک آفس کے عہدے دار نہیں رہے، ان کے ہاتھ صاف ہیں کبھی کرپشن نہیں کی۔

لاہور میں ایک تقریب سے خطاب کرتے ہوئے بلاول بھٹو نے کہا ’مجھ سے اس وقت کے کاموں کا حساب مانگا جا رہا ہے جب ایک سال کا تھا، فاضل ججز سے درخواست ہے عدلیہ میں اصلاحات لائی جائیں۔‘

[bs-quote quote=”یقین دلاتا ہوں پاکستان کو اندھیروں کی طرف واپس جانے نہیں دیں گے۔” style=”style-7″ align=”left” color=”#dd3333″ author_name=”بلاول بھٹو” author_job=”پی پی چیئرمین”][/bs-quote]

پی پی چیئرمین کا کہنا تھا کہ جمہوری پاکستان کی جدوجہد سے کوئی نہیں روک سکتا، پیپلز پارٹی نے ہمیشہ اداروں کا احترام کیا ہے۔

بلاول بھٹو نے کہا ’ہم بلا امتیاز احتساب کی بات کرتے ہیں، کروڑوں لوگوں کے ووٹ چوری کرنے والوں کا احتساب کب ہوگا؟ تمام جماعتوں کو اداروں میں کرپشن ختم کرنے کے لیے کام کرنا چاہیے۔‘

ان کا کہنا تھا کہ بے نامی اکاؤنٹس پر جے آئی ٹی ہمارا میڈیا ٹرائل کر رہی ہے، سوچ سمجھ کر رپورٹ کے مختلف حصے منظرِ عام پر لائے گئے، مراد علی شاہ پر کبھی بھی کرپشن کا کوئی الزام نہیں لگا، پاکستان پیپلز پارٹی نے ہمیشہ وفاق کی سیاست کی ہے۔

پیپلز پارٹی کے چیئرمین نے کہا ’ملک کے ٹھیکے داروں کی وجہ سے چھوٹے صوبے خدشات کا شکار ہیں، یہ ملک آئین کے تحت ہی چلے گا۔‘

چیئرمین پیپلز پارٹی بلاول بھٹو کا کہنا تھا کہ پاکستان کی ترقی اور خوش حالی شہریوں کے حقوق اور آزادی میں ہے، شہید ذوالفقار بھٹو نے ملک میں معاشی انقلاب برپا کیا۔

یہ بھی پڑھیں:  ذوالفقار علی بھٹو کی 91 ویں سالگرہ پر بلاول بھٹو اور آصف زرداری کا پیغام

انھوں نے کہا کہ 4 دہائیاں گزرنے کے باوجود بھٹو کی جہدوجہد سے انکار نہیں کیا جا سکا، یقین دلاتا ہوں پاکستان کو اندھیروں کی طرف واپس جانے نہیں دیں گے، پاکستان پیپلز پارٹی نے جمہوریت کے لیے بڑی قربانیاں دی ہیں۔

ان کا کہنا تھا کہ جے آئی ٹی ارکان نے جان بوجھ کر جعلی بینک اکاؤٹس کیس کی رپورٹ لیک کی، یہ توہینِ عدالت ہے، قائم علی شاہ اور مراد علی شاہ کو جے آئی ٹی میں طلب نہ کرنے کے با وجود دونوں کے نام ای سی ایل پر ڈالے گئے، اصغر خان کیس میں انصاف کے تقاضے پورے نہیں ہوئے۔

چیئرمین پی پی کا کہنا تھا کہ انھیں گلگت اور سکھر کے جلسوں کے فوری بعد نوٹس ملے، محترمہ شہید کی برسی سے خطاب کے بعد ای سی ایل میں نام ڈالا گیا، ہم نے اٹھارویں ترمیم کے ذریعے آئین کو اس کی اصل روح میں بحال کیا۔

بلاول بھٹو نے کہا ’آج انسانی حقوق اور اظہار رائے کی بات کرنے والوں کو شک سے دیکھا جاتا ہے، ظلم کے خلاف آواز اٹھانے والا شہری محبت وطن ہے۔‘