کراچی : وزیراعلٰی سندھ سید مراد علی شاہ نے کہا ہے کہ ہمیں کوئی اختیارات کی تقسیم کا نہ بتائے ہم نے وفاق سے صوبوں کو اختیارات منتقل کیے ہیں۔

یونیورسٹی روڈ پر جاری تعمیراتی کام کا جائزہ لینے کے دوران میڈیا سے بات کرتے ہوئے وزیراعلیٰ کا کہنا تھا کہ کراچی کےانفرا اسٹرکچر کے لیے دن رات کام کر رہے ہیں اور کراچی کے عوام جلد فرق محسوس کریں گے۔

انہوں نے بتا یا کہ وزارتِ اعلیٰ کا عہدہ سنبھالتے ہی صحت اور تعلیم کے شعبوں میں ایمرجنسی نافذ کردی تھی اور انفرا اسٹرکچر کی بہتری کے لیے اپنی ٹیم کے ساتھ مختلف منصوبوں پر کام کررہا ہوں۔

وزیراعلیٰ سندھ نے کہا کہ اختیارات کی تقسیم اور نچلی سطح تک منتقلی کے ہم چیمپئن ہیں اور ہم نے ہی وفاق سے اختیارات صوبوں کو منتقل کیے اس لیے کوئی ہمیں اختیارات کی تقسیم کا نہ بتائے۔

انہوں نے کہا کہ کراچی میں مسائل اس کا منصوبہ بندی کے بغیر پھیلاؤ کی وجہ سے ہوا بہرحال اب سندھ حکومت کو ہی اس غیر فطری پھیلاؤ کو بہتر بنانا ہے اور کراچی کو جدید شہروں کی فہرست میں شامل کرنا ہے۔

وزیراعلیٰ سندھ سید مراد علی شاہ نے کہا کہ طلبہ اس ملک کا مستقبل ہیں اور مستقبل میں ملک کی باگ ڈورطلبہ نے سنبھالنی ہے اور طلبہ نے ملکی ترقی کے لیےکچھ کرنا ہے توسب سے پہلےتعلیم پرتوجہ دیں۔

کراچی : مشیرِ اطلاعات سندھ مولا بخش چانڈیو نے کہا ہے کہ ذوالفقار بھٹو کی پھانسی عدالت کا نہیں بلکہ سابق آمر ضیاء الحق کا فیصلہ تھا جس سے بھٹو تو امر ہو گیا مگر اسے پھانسی چڑھانے والے کا کوئی نام لیوا بھی نہیں رہا۔

وہ کراچی میں میڈیا سے گفتگو کر رہے تھے انہوں نے شکوہ کیا کہ وفاق، سندھ کےساتھ نارواسلوک رکھتا ہے جس کی زندہ مثال یہ ہے کہ پنجاب میں اربوں روپےخرچ کیے جاتے ہیں جب کہ سندھ کو اس کا جائز حصہ تک بھی نہیں دیا جاتا۔

مولابخش چانڈیو نے مطالبہ کیا کہ سندھ کواس کا جائز حق دیاجائے کیوں کہ سندھ سب سے زیادہ ریونیو دینے والا صوبہ ہے لیکن اسے ترقیاتی فنڈز اور پیکیجز سے محروم رکھا جاتا ہے۔

*پیپلزپارٹی کےکیمپ پر فائرنگ‘شوکت بسرازخمی‘سیکریٹری جاں بحق

انہوں نے شوکت بسرا کو فائرنگ کر کے زخمی کرنے اور ان کے سیکرٹری کی ہلاکت پر افسوس کا اظہار کرتے ہوئے کہا کہ پنجاب حکومت سےکوئی پوچھنے والا نہیں ہے۔

مولا بخش چانڈیو نے مزید کہا کہ پیپلزپارٹی سب سے بڑی حیثیت رکھنےوالی جماعت ہے اور جمہوریت کے لیے ہماری بیش بہا قربانیاں ہیں اس کے باوجود ہمارا مطالبہ زیادتی نہیں بلکہ اپنا جائز حق مانگنا ہے ہم نہیں چاہتے کہ اداروں کے درمیان تصادم ہو۔

کراچی: پاکستان پیپلز پارٹی کے رہنما سعید غنی کا کہنا ہے کہ چوہدری نثار کی موجودگی میں دہشت گردی کے خلاف جنگ میں کامیابی حاصل نہیں ہوسکتی، کمیشن کی رپورٹ منظر عام پر آنے کے بعد وفاقی وزیرداخلہ کو اپنے عہدے سے استعفیٰ دے دینا چاہیے۔

یہ بات پاکستان پیپلز پارٹی کے رہنما سعید غنی نے وفاقی وزیر داخلہ چوہدری نثار کی پریس کانفرنس کے جواب میں کہی. انہوں نے کہا کہ چوہدری نثار کی کارکردگی سے پہلے ہی مطمئن نہیں تھے اب تو سپریم کورٹ کی رپورٹ نے بھی ہمارے خدشات کو تقویت دے دی.

اسی سے متعلق : کمیشن کی رپورٹ کو ہر فورم پر چیلنج کروں گا، چوہدری نثار

انہوں نے کہا کہ ثابت ہو چکا ہے کہ نیشنل ایکشن پلان پر عمل درآمد نہیں ہو پارہا ہے جس کے بعد وزیر داخلہ چوہدری نثار کو استعفیٰ دے دینا چاہیے اور ان کی جگہ کوئی نیا وزیرداخلہ آنا چاہیے جو دلیری کے ساتھ دہشت گردوں کے ساتھ نمٹ سکے کیوں کہ موجودہ وفاقی وزیر داخلہ کی موجودگی میں دہشت گردی کے خلاف جنگ جیتنا ممکن نہیں۔

سعید غنی کا کہنا تھا کہ ہمیں معلوم ہے کہ چوہدری نثار کالعدم تنظیموں کو تحفظ دینے کے لیے وزارت نہیں چھوڑیں گے، ریکارڈ گواہ ہے چوہدری نثار دہشت گردوں کے انجام پر روتے رہے اس لیے وفاقی وزیر داخلہ میں اتنی اخلاقی جرأت نہیں ہے کہ مستعفیٰ ہوں حالانکہ انہوں نے اپنے منصب سے انحراف کیا ہے، جھوٹ پر جھوٹ بولنا مسلم لیگ ن کی شناخت بن چکی ہے۔

واضح رہے کہ سپریم کورٹ کے حکم پر سانحہ سول اسپتال کوئٹہ کی تحقیقات کے لیے تشکیل دیئے گئے کمیشن نے دو روز اپنی رپورٹ جاری کی تھی جس میں وزارتِ داخلہ اور وزیر داخلہ کی کارکردگی پر برہمی کا اظہار کیا گیا تھا۔

رپورٹ کے منظر عام پر آنے کے بعد آج وفاقی وزیر داخلہ چوہدری نثار علی نے ایک پریس کانفرنس کے ذریعے رپورٹ پر وضاحت اور سیاسی ناقدین کی جانب سے لگائے گئے تمام الزامات کی تردید کرتے ہوئے اپنا موقف پیش کیا تھا۔

کراچی: وفاقی وزیر ریلوے سعد رفیق نے پی آئی اے کو کلین چٹ دیتے ہوئے کہا ہے کہ جہاز پہلے سےخراب نہیں تھا،پروازوں میں تکنیکی ضابطوں پر سختی سے عمل کیا جاتا ہے۔

انہوں نے کراچی میں میڈیا سے بات کرتے ہوئے رہے تھے پیپلز پارٹی پر شدید تنقید کی تاہم وزیراعلیٰ سندھ کو کراچی کے عوام کے لیے بہتر قرار دیتے ہوئے کہا کہ وزیراعلیٰ سندھ مراد علی شاہ کراچی کے عوام کی خدمت کرنا چاہتے ہیں جس کی تکمیل کے لیے وفاقی حکومت وزیراعلیٰ سندھ کو ہر ممکن مدد فراہم کرے گی۔

انہوں نے کہا کہ پیپلز پارٹی کی قیادت حکومت کے خلاف دھرنا دینے کی دھمکی کے بجائے مسائل کے حل پر توجہ دے تو زیادہ بہتر ہوگا سندھ میں غربت نے ڈیرے ڈالے ہوئے ہیں لوگوں کو پینے کے لیے صاف پانی بھی میئسر نہیں ہر ماہ تھر میں سیکڑوں معصوم بچے غذائی کمی کا شکار ہر کر اپنے والدین کو ہمیشہ کے لیے روتا چھوڑ جاتے ہیں۔

Saad Rafique comes down hard on PPP by arynews

حویلیاں کے مقام پر پی آئی اے طیارے کی تباہ ہونے پر ردعمل دیتے ہوئے وفاقی وزیر ریلوے سعد رفیق نے پی آئی اے کو کلین چٹ دے دی انہوں نے کہا کہ یہ تاثر غلط ہے کہ جہاز پہلے سے ہی خراب تھا، جہازوں کے اڑان بھرنے سے قبل تکنیکی ضابطوں پر سختی سے عمل کیا جاتا ہے۔

وفاقی وزیر نے پی پی کی قیادت کو مخاطب کرتے ہوئے کہا کہ جب سے نواز شریف کی حکومت آئی ہے لوگوں نے پاکستان میں معاشی سرگرمیوں کا آغاز کیا ہے اور یہاں تجارتی منصوبے شروع کیے ہیں ورنہ آپ کی حکومت کے دوران کوئی تاجر پیسہ لگانے کو تیار نہیں تھا۔