Tag: پاکستان کا دورہ

اسلام آباد : چین کے صدر ژی جن پنگ پاکستان کا دو روزہ دورہ کریں گے تفصیلات کے مطابق چین کے صدر ژی جن پنگ کے دورہ پاکستان کو حتمی شکل دی جا رہی ہے۔

ذرائع کا کہنا ہے کہ چینی صدر اپنی اہلیہ سمیت ساٹھ رکنی وفد کے ہمرا ہ دو روزہ دورے پر رواں ماہ کے آخر یا آئندہ ماہ کے آغاز پر پاکستان آ رہے ہیں۔

اس موقع پر وہ پارلیمنٹ کے مشتر کہ اجلاس سے بھی خطاب کریں گے ۔ذرائع کے مطابق چینی صدرپاکستان اور خطے سے متعلق چین کی پالیسی کا اعلان بھی کریں گے۔

چینی صدر کا خطا ب دنیا بھر میں براہ راست نشر کیا جائے گا ۔اس موقع پر سیکیورٹی کے فول پروف اقدامات کا فیصلہ کیا گیا ہے ۔

چین نے پارلیمنٹ ہاؤس کی بجلی کو شمسی توانائی پر منتقل کرنے کے ایک منصوبے کی بھی پاکستان کو پیشکش کی ہے۔

ایک اعشاریہ آٹھ میگاواٹ بجلی اس منصوبے سے پیدا ہو گی جسے تیس ستمبر تک مکمل کر لیا جائے گا۔یہ منصوبہ چین کی طر ف سے پاکستان کے لئے ایک تحفہ ہے۔