مظفرآباد: مقبوضہ کشمیر کا میدان پاکستان کےقومی ترانے سے گونج اٹھا تو پورے بھارت میں کھلبلی مچ گئی۔

تفصیلات کے مطابق مقبوضہ کشمیرمیں بھارتی ظلم اور بربریت جاری ہے ، مقبوضہ کشمیر کے کرکٹرز نے پاکستان ٹیم کی سبز یونیفارم پہن کر میچ کھیلا جب کہ میچ سے قبل پاکستان کا قومی ترانہ بھی احترام سے پڑھا گیا۔

میڈیا رپورٹس کے مطابق میچ 2 اپریل کو ویل گراؤنڈ گیندر بال میں اس وقت ہوا، جب بھارتی وزیراعظم نریندر مودی نے جموں و کشمیر کے دورہ پر آنا تھا۔

کرکٹ کلب ٹیموں کے نام ابھی تک سامنے نہیں آ سکے تاہم ان میں سے ایک ٹیم کا نام ’’بابا دریا الدین‘‘ تھا اور ٹیم کے کھلاڑیوں نے پاکستان کرکٹ ٹیم کی جرسی پہن رکھی تھی جبکہ دوسری ٹیم سفید جرسیاں پہنی ہوئی تھی۔

کھلاڑیوں کا کہنا تھا کہ گرین شرٹس پہننے کا مقصد کشمیری بھائیوں کے ساتھ اظہار یکجہتی کرنا تھا اور دنیا کو یہ یاد کروانا تھا کہ ہم کشمیر کے ایشو کو نہیں بھولے۔

میچ کے آغاز سے قبل کمنٹیٹر نے اعلان کیا تھا کہ سبز ہلالی پرچم والی جرسی پہن کر میدان میں اترنے والی ٹیم کے لئے پاکستان کا قومی ترانہ بھی بجایا جائے گا۔

برہان وانی کی شہادت

یاد رہے کہ گذشتہ سال کشمیری نوجوان حریت پسند رہنما برہان وانی کو بھارتی فورسز نے دو ساتھیوں سمیت 28 جولائی کو ماوارائے عدالت قتل کی بھینٹ چڑھادیا تھا.

بعدازاں مقبوضہ کشمیرمیں کشیدگی انتہا کو پہنچ گئی تھی، جس پر قابو پانے کے لیے بھارتی حکومت مسلسل 52 روزہ تک کرفیو لگایاتھا جبکہ انٹرنیٹ اور موبائل پربھی پابندی عائد کی تھی، علاوہ ازیں مظاہرین پر پلٹ گن سے فائرنگ جیسے ظالمانہ اقدامات کیے.