اسلام آباد : وفاقی وزیر سائنس اینڈ ٹیکنالوجی فواد چوہدری کا کہنا ہے کہ 17سال بعد پاکستان کا کرنٹ اکاؤنٹ خسارے سے باہر آگیا اور ایکسپورٹس، ترسیلات درآمدات سے زیادہ رہیں۔
تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا 17سال بعد پاکستان کا کرنٹ اکاؤنٹ خسارے سےباہرآیا اور پہلی بارایکسپورٹس، ترسیلات درآمدات سے زیادہ رہیں۔
فوادچوہدری کا کہنا تھا کہ حکومت نے اخراجات میں بھی بہت کمی کی، خرچے کم ہوں، آمدن زیادہ تو ہی معاشی خودانحصاری کی طرف بڑھ سکتے ہیں۔
Minister for Science and Technology @fawadchaudhry has said it is after seventeen years that Pakistan has come out of current account deficithttps://t.co/G4Ryy4lR1f@MoIB_Official pic.twitter.com/astX5atsyE
— Radio Pakistan (@RadioPakistan) October 22, 2020
یاد رہے اسٹیٹ بینک آف پاکستان (ایس بی پی) نے سماجی رابطے کی ویب سائٹ پر جاری بیان میں کہا تھا کہ مسلسل تیسرے ماہ ملکی کرنٹ اکاؤنٹ سرپلس ہوگیا، صرف ستمبر کے مہینے میں ملکی کرنٹ اکاؤنٹ سرپلس سات کروڑ تیس لاکھ ڈالر رہا جو گزشتہ سال ستمبر میں ستائیس کروڑ اسی لاکھ ڈالر خسارے میں تھا ۔
اسٹیٹ بینک کا کہنا تھا کہ رواں مالی سال کی پہلی سہہ ماہی میں اناسی کروڑ بیس لاکھ ڈالر کرنٹ اکاؤنٹ سرپلس رہا جبکہ گزشتہ سال اسی عرصے میں پاکستان کو ایک ارب انچاس کروڑ بیس لاکھ ڈالرز کرنٹ اکاؤنٹ خسارے کا سامنا تھا۔
بعد ازاں وزیر اعظم عمران خان نے ایک ٹویٹ میں کرنٹ اکاؤنٹ کے سرپلس کی خوش خبری دیتے ہوئے لکھا تھا ’پاکستان کے لیے عظیم خوش خبری‘، بالآخر ہم درست سمت میں چل نکلے ہیں، ماہِ ستمبر میں 73 ملین ڈالر کے سر پلس کے ساتھ کرنٹ اکاؤنٹ پہلی سہ ماہی کے لیے 792 ملین ڈالر ہوگیا ہے۔