Tag: پاکستان کرکٹ ٹیم

پاکستان کرکٹ ٹیم نے تیسرے ٹی 20 میچ میں بنگلہ دیش کو ہرا دیا لیکن دو ٹیموں کو پیچھے چھوڑتے ہوئے ایک منفی ریکارڈ اپنے نام کر لیا۔

پاکستان کرکٹ ٹیم سال 2024 سے اب تک سب سے زیادہ شکستوں کا منفی ریکارڈ اپنے نام کر چکی ہے۔

گرین شرٹس نے 2024 سے اب تک تمام فارمیٹس کے انٹرنیشنل میچز میں سب سے زیادہ بار شکستوں کو مزا چکھا ہے اور اس میں بنگلہ دیش اور ویسٹ انڈیز کو پیچھے چھوڑ دیا ہے۔

قومی ٹیم نے اس عرصہ کے دوران 64 میچز کھیلے اور 38 میں ناکامی کا منہ دیکھا۔
اس سے قبل اس ناپسندیدہ ریکارڈ میں بنگلہ دیش اور ویسٹ انڈیز کی ٹیمیں ساجھے دار تھیں، جنہوں نے اس عرصہ کے دوران 37 میچوں میں شکست کھائی۔

بنگلہ دیش سے شکست: 2 منفی ریکارڈز پاکستان ٹیم سے جُڑ گئے

اب پاکستان کے اس منفی ریکارڈ کا مالک بننے کے بعد بنگلہ دیش 63 اور ویسٹ انڈیز 65 میچز میں 37، 37 شکستوں کے ساتھ دوسرے اور تیسرے نمبر پر پہنچ گئے ہیں۔

واضح رہے کہ پاکستان کو بنگلہ دیش نے بھی تین ٹی 20 میچوں کی سیریز میں دو صفر سے ہرا کر 18 سال میں پہلی بار اس فارمیٹ کی سیریز میں شکست دی ہے۔

https://urdu.arynews.tv/pakistan-wins-third-t20-match-series-goes-to-bangladesh/

سابق قومی کپتان شاہد خان آفریدی نے کہا ہے کہ انہیں پاکستان کرکٹ ٹیم سے لگاؤ نہیں ہے جب کہ پی سی بی میں بھی تسلسل نہیں ہے۔

اے آر وائی نیوز کے مطابق سابق قومی کپتان شاہد آفریدی نے نیشنل ہاکی اسٹیڈیم میں آمد کے بعد میڈیا سے گفتگو میں پاکستان کرکٹ بورڈ اور ٹیم کے حوالے سے تفصیلی گفتگو کی اور کہا کہ انہیں مجھے پاکستان کرکٹ ٹیم سے کوئی لگاؤ نہیں ہے۔ اگر مجھے سے کام لینا ہے تو گراس روٹ لیول پر کام لیا جائے۔

شاہد آفریدی نے کہا کہ پاکستان کرکٹ بورڈ میں تسلسل نہیں ہے۔ محسن نقوی نے پنجاب میں کافی کام کیا اور وہ ڈلیور کر چکے ہیں۔ محسن نقوی کو کہا کہ آپ کے دونوں عہدے بہت بڑے ہیں اور مشورہ دیا کہ صرف چیئرمین پی سی بی کا عہدہ رکھ لیں۔

سابق کپتان کا کہنا تھا کہ آرمی چیف جنرل عاصم منیر سے ملاقات چھپ کر نہیں کی اور نہ ہی اس ملاقات میں کسی کی چغلی کی گئی۔

انہوں نے مزید کہا کہ پی سی بی کو کھلاڑیوں کو ڈومیسٹک سیزن میں لیگ کی اجازت نہیں دینی چاہیے۔ شعیب ملک فٹ ہے تو کھیل رہا ہے، میں اب نہیں کھیل سکتا۔

شاہد آفریدی نے قومی ون ڈے ٹیم کے کپتان محمد رضوان کے حالیہ بیانات کے حوالے سے کہا کہ انہیں میڈیا پر ایسی باتیں نہیں کرنی چاہیں اور جب کپتان بنایا جائے تو کوئی بہانہ نہیں کرنا چاہیے۔ رضوان نے جب جنوبی افریقہ کو شکست دی تو تب کیوں نہیں کیا کہ میرے ہاتھ میں کچھ نہیں ہے۔

انہوں نے یہ بھی کہا کہ ہاکی ہمارا قومی کھیل، لیکن تباہی کا شکار ہے۔ کھیلوں کی وزارت کی توجہ قومی کھیل کی جانب نہیں ہے، لیکن وزیراعظم شہباز شریف کھیلوں سے لگاؤ رکھتے ہیں اور امید ہے کہ وہ ہاکی پر بھی توجہ دیں گے۔

پاکستان کرکٹ ٹیم شکستوں کے بھنور میں پھنسنے کے بعد اب جرمانوں کے تسلسل سے دوچار ہے قومی ٹیم پر مسلسل تیسری بار جرمانہ عائد کر دیا گیا ہے۔

پاکستان کرکٹ ٹیم جو پے در پے شکستوں سے پہلے ہی نڈھال ہے اب جرمانوں کے تسلسل نے ٹیم کی ہزیمت مزید بڑھا دی ہے۔ نیوزی لینڈ سے ون ڈے سیریز میں وائٹ واش کے ساتھ قومی ٹیم پر آئی سی سی نے مسلسل تیسری بار جرمانہ بھی عائد کیا۔

آئی سی سی نے پاکستان کو تیسرے ون ڈے میچ میں سلو اوور ریٹ پر جرمانہ عائد کیا ہے اور ٹیم پر میچ فیس کا 5 فیصد جرمانہ لگایا گیا ہے۔

پاکستان کرکٹ ٹیم کے کپتان محمد رضوان نے اپنی غلطی تسلیم کر لی ہے۔

واضح رہےکہ نیوزی لینڈ کے خلاف ابتدائی دو ون ڈے میچز میں بھی پاکستان ٹیم پر سلو اوور ریٹ پر جرمانہ عائد کیا تھا۔ تاہم جس طرح قومی ٹیم شکستوں میں مستقل مزاجی دکھا رہی ہے، اسی طرح سلو اوور ریٹ کی غلطی پر بھی قابو پانے میں ناکام ہے۔

https://urdu.arynews.tv/pakistan-fined-for-slow-over-rate-against-new-z/

کامران اکمل نے تنقید کرتے ہوئے کہا ہے کہ پاکستان کرکٹ کا کوئی نہیں سوچ رہا، پلیئر سوچ رہے ہیں اپنا اپنا کرو سائیڈ پر ہوجائو ٹیم کا کوئی نہیں سوچ رہا۔

اے آر وائی کے پروگرام میں میزبان نے ان سے سوال انفرادی پرفارمنس کی نشاندہی کرتے ہوئے سوال کیا کہ پچھلے چار پانچ سال سے انفرادی پرفارمنس پر ہی چل رہے ہیں سارے، اس کے جواب میں سابق پاکستانی کرکٹر کامران اکمل کا کہنا تھا کہ پہلے ہم لوگ یہ باتیں کرتے تھے، اب ٹیم کے ممبرز پریس کانفرنس میں یہ کہہ رہے ہیں۔

کامران اکمل نے کہا کہ ٹیم کے ممبر نے آن کیمرہ یہ باتیں کیں کہ جب تک ہم بطور ٹیم نہیں کھیلیں گے کامیابی نہیں مل سکتی، ہم لوگ یہی باتیں کررہے تھے کہ پاکستان میں سیلفش کرکٹ بہت زیادہ آئی ہوئی ہے۔

انھوں نے کہا کہ اپنا اپنا کرو سائیڈ پر ہوجائو ٹیم کو کوئی نہیں سوچ رہا، پاکستان کرکٹ کا کوئی نہیں سوچ رہا، یہی وجہ ہے کہ پاکستان کی کرکٹ یہاں تک آگئی ہے۔

سابق وکٹ کیپر نے کہا کہ میرے خیال سے اس سے بڑا پیغام چیئرمین صاحب کو نہیں مل سکتا، ٹی ٹوئنٹی ورلڈکپ کے بعد ٹیم کے پلیئرز آکر کہتے ہیں کہ ہم متحد ہوکر نہیں کھیلے ہیں، اس سے بڑا پیغام نہیں مل سکتا تھا۔

انھوں کہا کہ اس وقت بھی کچھ نہیں ہوا تھا، ابھی بھی کچھ نہیں ہوگا، اسی وقت ان لڑکوں کو سائیڈ لائن کردیتے جن کی وجہ سے ٹیم کا یہ ماحول بنا ہے تو چیزیں بہتر ہوجانی تھی۔

کامران اکمل نے کہا کہ جس وقت انھوں نے کہا تھا کہ سوچنا بھی نہ تو ایکشن لے لیتے تو یہ حالت نہیں ہوتی، آپ نے پاکستان کی کرکٹ کے ساتھ کمپرومائز کیا، گراس روٹ لیول پر چیزیں تبدیل کرنا ہونگی۔

اسپورٹس صحافی شاہد ہاشمی نے تجریہ کرتے ہوئے کہا ہے کہ پاکستانی ٹیم مینجمنٹ بہت غلطیاں کررہی ہے، رضوان کی کپتانی بہت ہی خراب رہی۔

اے آر وائی کے اسپورٹس پروگرام میں اظہار خیال کرتے ہوئے شاہد ہاشمی کا کہنا تھا کہ فہیم اشرف نے خود کہا کہ جب ہم بیٹنگ کےلیے آئے تو بال پرانی ہوگئی تھی، مگر میرے خیال میں اس کی وجہ یہ ہے کہ فہیم اشرف نے وہاں ٹیسٹ میچز کھیلے ہوئے ہیں، وہاں اچھا اسکور کیا ہے، اس نے ٹیسٹ میچز میں سوئنگ کنڈیشن میں بیٹنگ کی ہوئی ہے۔

شاہد ہاشمی نے کہا کہ پاکستان کی ٹیم مینجمنٹ بہت غلطیاں کررہی ہے، ان کنڈیشن میں صبح سے ابر آلود موسم تھا فلڈ لائٹس جلتی رہیں، اس میچ میں رضوان کی کپتانی بہت ہی خراب رہی۔

انھوں نے کہا کہ سلو اوور ریٹ کی وجہ سے پاکستان ٹیم کو دوسری بار جرمانہ کیا گیا، وہ بہت مایوس ہو رہے تھے جب حارث رؤف وائیڈ بالز کروا رہے تھے۔

شاہد ہاشمی نے نشاندہی کی کہ 27ویں اوور میں نیوزی لینڈ کی پانچویں وکٹ گر گئی تھی، اسکور اس وقت 132 رنز تھا، کیوی بیٹرز اس وقت چکرا گئے تھے تاہم کپتان نے 28واں اور 29واں اوور فاسٹ بولرز سے کروا دیا اور سفیان کو آگئے پیچھے رکھا۔

کامران اکمل نے چیمپئنزٹرافی کے حوالے سے اظہار خیال کرتے ہوئے کہا کہ اس وقت ٹیم میں بہت سی چیزیں بہتر ہوسکتی تھی، فہیم اشرف کو کل کھلانے کی یہ وجہ تھی کہ ٹف کنڈیشن ہے اسے کھلائیں اور سائیڈ لائن کریں۔

انھوں نے کہا کہ سفیان کو اپنے ٹی ٹوئنٹی میں ایک میچ کھلایا اور یہاں پر آپ پہلے ون ڈے میں صرف چار بولرز کے ساتھ جارہے ہیں، لگتا ہے کپتان بولرز کو ٹھیک طرح سے استعمال نہیں کرپارہے اور وہ اس طور پر سوچنا بھی پسند نہیں کرتے۔

نیوزی لینڈ کے دورے پر موجود پاکستان کرکٹ ٹیم کل کیوی کے دیس میں عید منائے گی کھلاڑی ہملٹن میں نماز عید ادا کریں گے۔

پوری پاکستانی قوم آج عید منا رہی ہے تاہم نیوزی لینڈ کے دورے پر موجود پاکستانی کرکٹ ٹیم کل کیوی کے دیس میں عید منائے گی۔

پاکستانی کھلاڑی اور منیجمنٹ اراکین ہملٹن کی مسجد میں نماز عید ادا کریں گے اور نماز کے بعد اکٹھے وقت گزاریں گے۔

عید کے باعث ٹیم منیجمنٹ نے ٹریننگ سیشن میں معمولی ردوبدل کرتے ہوئے ٹریننگ شیڈول سہ پہر میں رکھا ہے۔ کھلاڑی مقامی وقت کے مطابق 2 سے 5 بجے تک ٹریننگ کرے گی۔

واضح رہے کہ پاکستان اور نیوزی لینڈ کے درمیان دوسرا ون ڈے میچ بدھ کو کھیلا جائے گا، پہلے میچ میں نیوزی لینڈ نے پاکستان کو 73 رنز سے شکست دی تھی۔

دریں اثنا نیوزی لینڈ میں موجود پاکستانی کرکٹرز نے پاکستانیوں سمیت امت مسلمہ کو عید کی مبارکباد پیش کی ہے۔

ون ڈے ٹیم کے کپتان محمد رضوان نے اپنے پیغام عید میں کہا کہ امت مسلمہ کو یہ دن مبارک ہو۔ سلمان آغا، امام الحق، حارث رؤف، فہیم اشرف اور دیگر کھلاڑیوں نے بھی قوم کوعید کی مبارک باد دی ہے۔

https://urdu.arynews.tv/babar-azam-surpasses-legend-sangakkara/

پاکستان کرکٹ ٹیم ٹی 20 سیریز کھیلنے کے لیے نئے کپتان سلمان علی آغا کی قیادت میں نیوزی لینڈ روانہ ہوگئی ہے۔

پاکستان کرکٹ ٹیم پانچ میچوں کی ٹی 20 سیریز کھیلنے کے لیے نئے کپتان سلمان علی آغا کی قیادت میں لاہور سے نیوزی لینڈ روانہ ہوگئی ہے۔

 

View this post on Instagram

 

A post shared by Pakistan Cricket (@therealpcb)

قومی ٹیم براستہ دبئی نیوزی لینڈ کے مقامی وقت کے مطابق کل شام کرائسٹ چرچ پہنچے گی۔ سیریز کا آغاز 16 نومبر سے ہوگا۔

 

View this post on Instagram

 

A post shared by Pakistan Cricket (@therealpcb)

گرین شرٹس نے ہوٹل سے ایئرپورٹ روانگی سے قبل گروپ فوٹو بھی بنوایا۔

 

View this post on Instagram

 

A post shared by Pakistan Cricket (@therealpcb)

واضح رہے کہ چیمپئنز ٹرافی میں بدترین شکست کے بعد سلیکشن کمیٹی نے دورہ نیوزی لینڈ کے لیے محمد رضوان سے ٹی 20 ٹیم کی کپتانی واپس لے کر سلمان علی آغا کو کپتان مقرر کیا اور شاداب خان نے طویل عرصہ بعد ٹیم میں بطور نائب کپتان کم بیک کیا۔

 

View this post on Instagram

 

A post shared by Pakistan Cricket (@therealpcb)

محمد رضوان سمیت اسٹار قومی بیٹر بابر اعظم اور فاسٹ بولر نسیم شاہ بھی ٹی 20 اسکواڈ کا حصہ نہیں۔ تاہم یہ کھلاڑی ون ڈے اسکواڈ کا حصہ اور رضوان بدستور قائد ہیں۔ ٹی ٹوئنٹی سیریز کے اختتام پر قومی ٹیم تین ون ڈے میچوں کی سیریز بھی کھیلے گی۔

https://urdu.arynews.tv/new-zealand-squad-announced-for-t20-series-against-pakistan/