ARYNews.tv | Urdu – Har Lamha Bakhabar

Tag: پاکستان کرکٹ ٹیم

  • سہ ملکی ٹی ٹوینٹی سیریز جیتنے پر سیاست دانوں کی مبارک بادیں اور ٹویٹس

    سہ ملکی ٹی ٹوینٹی سیریز جیتنے پر سیاست دانوں کی مبارک بادیں اور ٹویٹس

    کراچی: پاکستان ٹیم نے آسٹریلیا کو چھ وکٹوں سے شکست دے کر سہ ملکی ٹی 20 سیریز جیت لی، سیاست دانوں نے ٹیم کو مبارک بادیں دیں۔

    تفصیلات کے مطابق چیئرمین پی ٹی آئی عمران خان نے قومی ٹیم کوجیت پر مبارک باد دیتے ہوئے کہا کہ قومی ٹیم نے عمدہ کھیل کا مظاہرہ کیا۔

    عمران خان نے کہا ’میری دعائیں اور نیک تمنائیں قومی ٹیم کے ساتھ ہیں، جیت پر کپتان سرفراز کو خصوصی مبارک باد دیتا ہوں، سرفراز احمد نے ٹیم کی بہترین انداز میں قیادت کی۔‘

    چیئرمین پی پی بلاول بھٹو زرداری کی جانب سے بھی قومی کرکٹ ٹیم کو مبارک باد دی گئی، انھوں نے بیان جاری کرتے ہوئے کہا ’قومی ٹیم نے سہ فریقی سیریز جیت کر عوام کو خوش کر دیا ہے۔‘

    عوامی مسلم لیگ کے صدر شیخ رشید نے ٹویٹ کرتے ہوئے پاکستان زندہ باد کا نعرہ لگایا اور کہا ”لڑکے اچھا کھیلے.“ انھوں نے گراؤنڈ ریالٹی نامی یوزر کی ٹویٹ کو بھی ری ٹویٹ کیا جس میں لکھا تھا کہ ”فخر آسٹریلیا کے خلاف اس طرح کھیلا جس طرح خلائی مخلوق مسلم لیگ ن کے خلاف کھیلی۔“

    پاکستان نے سہ ملکی ٹی ٹوینٹی سیریز جیت لی،آرمی چیف کی مبارکباد

    تحریک انصاف کی خاتون رہنما شیریں مزاری نے ٹویٹ کرتے ہوئے کہا کہ پاکستان ٹیم نے زبردست کارکردگی سے سہ ملکی سیریز میں فتح حاصل کی، بالخصوص آسٹریلیا کے خلاف شان دار جیت دیکھ کر بہت خوشی ہوئی۔

    واضح رہے کہ آج ہرارے میں کھیلے جانے والی سہ ملکی ٹی ٹوینٹی سیریز میں آسٹریلیا کو ہرا کر ٹرافی اپنے نام کرلی، آسٹریلیا نے پاکستان کو جیت کے لیے 184 رنز کا ہدف دیا تھا، جواب میں پاکستان کا آغاز مایوس کن رہا تاہم فخر زمان کی شان دار 91 رنز کی بلے بازی کی مدد سے پاکستان نے آسٹریلیا کو چھ وکٹوں سے شکست دے دی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • باب وولمرکوہم سے بچھڑے 11برس بیت گئے

    باب وولمرکوہم سے بچھڑے 11برس بیت گئے

    پاکستانی کرکٹ ٹیم کے کوچ باب وولمر کو ہم سے بچھڑے گیارہ برس بیت گئے، ان کا شمار دنیائے کرکٹ کے کامیاب ترین کوچز میں کیا جاتا تھا۔

    پاکستان کرکٹ ٹیم کے سابق کوچ اور انگلش کھلاڑی رابرٹ اینڈریو وولمر14 مارچ 1948ء کو بھارت کےشہر کانپور میں پیدا ہوئے۔ انہوں نےانگلینڈ کی جانب سے19 ٹیسٹ اور 6 ون ڈے میچز کھیلے لیکن ان کی وجہ شہرت ان کا ٹیسٹ کیرئیر نہیں بلکہ ان کی کوچنگ رہی۔

    باب وولمرنے1990ء کی دہائی میں جنوبی افریقہ کی ٹیم کی کوچنگ کی، ان کی جدید انداز کی ٹریننگ کی بدولت بہت کم عرصےمیں جنوبی افریقہ کی ٹیم دنیا کی مضبوط ترین ٹیموں میں شمارکی جانے لگی۔

    بھارت سے 2004 میں ون ڈے اور ٹیسٹ میں شکست کے بعد باب وولمر کو جاوید میاں داد کی جگہ پاکستان ٹیم کا کوچ مقرر کیاگیا۔

    پاکستان کرکٹ ٹیم نےسال 2005 میں ان کی کوچنگ میں بھارتی سرزمین پر ناصرف ٹیسٹ سیریز ڈرا کی بلکہ ایک روزہ میچوں کی سیریز میں 2-4 سے کامیابی اپنےنام کی۔

    باب وولمر دس ٹیسٹ سیریز میں پاکستانی ٹیم کے کوچ رہے۔ ان دس میں سے پاکستانی ٹیم نے چار میں فتح ،تین میں شکست اور تین ٹیسٹ بغیر کسی نتیجے کے ختم ہوئے۔قومی کرکٹ ٹیم نے ان کی کوچنگ میں37 ون ڈے میچزجیتے،29 ہارے اور تین ڈرا کیے۔

    ویسٹ انڈیز میں 17مارچ2007 کو ہفتے کے روز عالمی کپ میں پاکستان کوانتہائی کمزور تصور کی جانے والی آئر لینڈ کی ٹیم سے شکست کا سامناکرنا پڑا تھا۔ جس پرشائقین کرکٹ نےٹیم کی ناقص کارکردگی پرشدید غم وغصے کا اظہارکیا تھا۔

    اس میچ کے اگلے ہی روز پاکستانی کوچ باب وولمر ہوٹل کے کمرےمیں مردہ حالت میں پائے گئے تھے۔ ان کی موت پر شکوک و شہبات ظاہر کئے گئےتاہم جمیکا پولیس کی جانب سے ان کی موت کو فطری قرار دے دیاگیا۔

    واضح رہےکہ جمیکا میں 17مارچ 2007 کوپاکستانی کرکٹ ٹیم کے کوچ باب وولمر کےانتقال سے دنیائے کرکٹ ایک عظیم اور باصلاحیت کوچ سے محروم ہو گئی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • محمد عامرسری لنکا کےخلاف ون ڈے سیریزسےباہر

    محمد عامرسری لنکا کےخلاف ون ڈے سیریزسےباہر

    دبئی: پاکستان کرکٹ ٹیم کے فاسٹ باؤلر محمد عامر انجری کے باعث سری لنکا کے خلاف ایک روزہ میچوں کی سیریز سے باہر ہوگئے۔

    تفصیلات کے مطابق دبئی ٹیسٹ کے دوسرے روز باؤلنگ کے دوران انجری کا شکار ہونے والے محمد عامر ون ڈے سیریز سے باہر ہوگئے اور ان کی جگہ عثمان صلاح الدین فیلڈنگ کے لیے میدان میں آئے۔

    فاسٹ باؤلرمحمد عامر کو پنڈلی میں شکایت کے باعث ایم آر آئی کے لیے اسپتال منتقل کیا گیا، ایم آر آئی اسکین کے بعد ڈاکٹرز نے فاسٹ باؤلر کو دو سے تین ہفتے تک آرام کا مشورہ دیا ہے۔

    پی سی بی کے مطابق محمد عامر دبئی ٹیسٹ کی دوسری اننگزمیں باؤلنگ نہیں کرسکیں گے لیکن بیٹنگ کے لیے دستیاب ہوں گے۔

    دبئی ٹیسٹ دوسرا روز: سری لنکا 482 آل آؤٹ

    محمد عامر انجری کے باعث سری لنکا کے خلاف ون ڈے سیریز سے بھی باہر ہوگئے ہیں اور ان کے متبادل کا اعلان چند روز میں کیا جائے گا۔

    واضح رہے کہ دوسرے ٹیسٹ میچ سے قبل پاکستان ٹیم کے کپتان سرفراز احمد نے پریس کانفرنس میں کہا تھا کہ دوسرے ٹیسٹ میچ میں حسن علی کی جگہ وہاب ریاض ٹیم کا حصہ ہوں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قومی کرکٹ ٹیم سری لنکا کے خلاف سیریز کے لیےدبئی پہنچ گئی

    قومی کرکٹ ٹیم سری لنکا کے خلاف سیریز کے لیےدبئی پہنچ گئی

    لاہور : قومی کرکٹ ٹیم سری لنکا کے خلاف سیریز کھیلنے کے لیے کپتان سرفرازاحمد کی قیادت میں دبئی پہنچ گئی۔

    تفصیلات کے مطابق قومی کرکٹ ٹیم سری لنکا کے خلاف ٹیسٹ، ون ڈے اور ٹی ٹوئنٹی سیریز کھیلنے کے لیے لاہورایئرپورٹ سے غیرملکی ایئرلائن کی پرواز ای کے723 سے دبئی پہنچ گئی۔

    قومی کرکٹ ٹیم کے 16 رکنی اسکواڈ میں‌ کپتان سرفراز احمد، اظہرعلی،شان مسعود،وہاب ریاض، یاسرشاہ، سمیع اسلم، محمد اصغر، محمد عامر، محمد عباس، عثمان صلاح الدین، امیرحمزہ، بلال آصف، بابراعظم، اسد شفیق، حارث سہیل اور حسن علی شامل ہیں۔

    کھلاڑی اورآفیشلز سب ایک صفحے پرہیں، کامیابیوں کی نئی تاریخ رقم کریں گے، سرفرازاحمد

    خیال رہےکہ گزشتہ روز قومی کرکٹ ٹیم کے کپتان سرفراز احمد کا کہنا تھا کہ پاکستانی ٹیم کی کپتانی کرنا ہمیشہ چیلنج ہوتا ہے جس کے لیے مجھے کوچ اورسلیکٹرز کا بھرپورتعاون حاصل ہے اورنوجوان کھلاڑی بھی میری بات سن رہے ہیں اوراس پرعمل کررہے ہیں اس طرح بہترین وننگ کمبینیشن بن گیا ہے۔

    سری لنکا کے خلاف ٹیسٹ سیریز کے لیےقومی ٹیم کا اعلان

    واضح رہے کہ قومی کرکٹ ٹیم سری لنکا کے خلاف 2 ٹیسٹ،5 ون ڈے اور 3 ٹی ٹوئنٹی میچزکھیلے گی جبکہ دونوں ٹیموں کے درمیان پہلا ٹیسٹ 28 ستمبرکو اوردوسرا 6 اکتوبرسے کھیلا جائے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • میلبرن میں پاکستانی ٹیم کی کارکردگی زیادہ ترمایوس کن رہی

    میلبرن میں پاکستانی ٹیم کی کارکردگی زیادہ ترمایوس کن رہی

    میلبرن : پاکستان کرکٹ ٹیم کا میلبرن کرکٹ گراؤنڈ میں ریکارڈ کچھ خاص قابل ذکر نہیں ہے۔ شاہین بتیس سال سے اس میدان میں آسٹریلیا کے خلاف کوئی میچ نہیں جیتے، آسٹریلوی سرزمین پر شاہینوں کا ایک اور امتحان کل میلبرن میں ہو گا۔

    تفصیلات کے مطابق میلبرن کرکٹ گراؤنڈ سے بھی پاکستان کی خوشگوار یادیں وابستہ نہیں ہیں۔ پاکستان نے مجموعی طور پر اس گراؤنڈ میں بائیس میچز کھیلے ہیں۔ صرف آٹھ جیتے، چودہ میں ناکامی کا سامنا کرنا پڑا۔

    آسٹریلیا کے خلاف اس گراؤنڈ میں تیرہ میچز کھیلے اور تین میں کامیابی حاصل کی۔ پاکستان نے کینگروز کے خلاف اس میدان میں آخری جیت انیس سو پچاسی میں حاصل کی تھی۔

    پاکستان نے آج تک میلبرن میں تین سو رنز نہیں بنائے۔ شاہینوں کا یہاں بہترین اسکور دو سو باسٹھ اور کم ترین اسکور ایک سو آٹھ رنز ہے۔

  • پاکستان کرکٹ ٹیم دنیا کے سب سے بڑے ریکارڈ کے قریب پہنچ گئی

    پاکستان کرکٹ ٹیم دنیا کے سب سے بڑے ریکارڈ کے قریب پہنچ گئی

    کراچی : پاکستان گذشتہ نو سال سے ہوم ٹیسٹ سیریز میں ناقابل شکست ہے، ویسٹ انڈیز کےخلاف دوسرا ٹیسٹ جیت کر پاکستان نے مصباح الحق کی کپتانی میں دسویں سیریز بھی اپنے نام کرلی۔ شارجہ ٹیسٹ جیت کر پاکستان تینوں سیریز میں کلین سوئپ کرنے والا پہلا ملک بن جائے گا۔

    تفصیلات کے مطابق پاکستان کرکٹ ٹیم گزشتہ نوسال سے کوئی ہوم ٹیسٹ سیریز نہیں ہاری، ابوظہبی میں پاکستان کی ویسٹ انڈیز کے تینوں فارمیٹ میں مسلسل دسویں فتح ہے۔

    match-post-1

    انگلینڈ کےخلاف آخری ون ڈے میں کامیابی کے بعد سے پاکستان تاحال کوئی میچ نہیں ہارا۔ ویسٹ انڈیز کےخلاف ٹی ٹوئنٹی اور ون ڈے سیریز میں وائٹ واش کے بعد شاہینوں کے پاس ٹیسٹ میں بھی وائٹ واش کا نادر موقع ہے۔

    match-post-2

    شارجہ ٹیسٹ جیت کر پاکستان تینوں سیریز میں کلین سوئپ کرنے والا پہلا ملک بن جائے گا۔ مصباح کی کپتانی میں پاکستان نے ایک اور ہوم سیریز اپنے نام کی۔ شاہینوں نے مصباح الحق کی قیادت میں دسویں سیریز جیتی۔

    match-post-3

    مصباح الحق غیر ملکی سرزمین پر سب سے زیادہ ٹیسٹ جیتنے والے کپتان بن گئے۔ مصباح الحق نے چوبیس ٹیسٹ میچز میں پاکستان کو فتح دلوائی اورتمام ہی میچ ملک سے باہرکھیلے۔

    match-post-4

    پاکستان دوہزار سات سے ہوم ٹیسٹ سیریز میں ناقابل شکست ہے۔ آخری بار نو سال قبل پاکستان کو جنوبی افریقہ کےہاتھوں ٹیسٹ میچ میں شکست ہوئی تھی۔

     

  • محمد عامر کی شادی: تیاریاں مکمل، تقریبات کل سےشروع ہونگی

    محمد عامر کی شادی: تیاریاں مکمل، تقریبات کل سےشروع ہونگی

    لاہور: پاکستان ٹیم کے فاسٹ بولر محمد عامر سر پر سہرا سجانے کے قریب پہنچ گئے، شادی کی تیاریاں عروج پر پہنچ گئیں، تقریبات کل سے شروع ہورہی ہیں۔

    پاکستان کرکٹ ٹیم کے فاسٹ بالر کی بینڈ باجے کے ساتھ زندگی کی نئی اننگز شروع ہونے والی ہے ،شادی کی تیاریاں مکمل ہوگئیں ہیں تقریبات کاآغاز پیر سے ہوگا، مہندی کی تقریب انیس تاریخ کو ہوگی، بیئس ستمبر کو عامر دلہنیا بیاہ کرلائیں گے، جبکہ اکیس ستمبر کو ولیمہ کی تقریب ہوگی۔

    قومی کرکٹ ٹیم کے فاسٹ باولر محمد عامر شادی کے بندھن میں بندھنے جارہے ہیں، اس سلسلے میں ان کی رہائش گاہ پر محفل نعت کا انعقاد ہوا جس میں قریبی اہلخانہ نے شرکت کی۔

    City42-MohammadAmir

    محمد عامرکا نکاح دو سال قبل پاکستانی نژاد برطانوی لڑکی نرجس سے ہوا تھا، جس میں قریبی دوستوں اوررشتہ داروں نے شرکت کی تھی۔

    aaaaaa

    محمد عامر بارات کے موقع پر گولڈن رنگ کی شیروانی پہنیں گے جبکہ گولڈن رنگ کا ہی کھسہ پہنیں گے، ولیمہ کیلئے ایک ہزار مہمانوں کو دعوت نامے بھجوا دئیے گئے۔

    AMir-shadi-card

    عامر کی شادی کی تقریب میں کرکٹرزسمیت معروف فلمی شخصیات بھی شرکت کریں گے، جس کے بعد عامر ویسٹ انڈیز کے خلاف سیریز میں حصہ لینے یو اے ای روانہ ہوجائیں گے۔

  • مصباح الحق اور یاسر شاہ کا نام لارڈز آنر بورڈ پر درج کردیا گیا

    مصباح الحق اور یاسر شاہ کا نام لارڈز آنر بورڈ پر درج کردیا گیا

    لندن : پاکستان کرکٹ ٹیم کے کپتان مصباح الحق اور لیگ اسپنر یاسر شاہ کا نام لارڈز کے آنر بورڈ پر درج کردیا گیا, یہ کرکٹ کی تاریخ میں پہلا موقع ہے کہ کھلاڑیوں کی موجودگی میں ان کے نام بورڈ پردرج کیے گئے۔

    قومی ٹیسٹ ٹیم کے کپتان مصباح الحق اور یاسر شاہ نے لارڈز میں خوشگوار یادوں کو تازہ کیا، لارڈز ٹیسٹ کی پہلی اننگز میں کپتان مصباح الحق نے شاندار سینچری بناکر آنر بورڈ پر اپنا نام درج کرایا، لارڈز انتظامیہ نے مصباح کے سامنے ان کا نام آنر بورڈ پر درج کیا۔

    مصباح الحق 42 سال 47 دن کی عمر میں بطور سینچری مکمل کرنے والے دنیا کے 9ویں کپتان بھی بن چکے ہیں، اس کے ساتھ مصباح الحق پاکستانی تاریخ کے سب سے عمر رسیدہ کپتان بھی بن گئے ہیں۔

    سینچری مکمل کرنے پر کپتان بہت خوش نظر آئے اور انہوں نے گراؤنڈ میں 10 پُش اپس لگا کر اس لمحے کو دنیائے تاریخ کے لیے یادگار بنا دیا۔

    misbah

    یاسر شاہ لارڈز ٹیسٹ میں دس وکٹیں حاصل کرکے آنر بورڈ پر نام درج کرانے والے پہلے ایشیائی اسپنر بنے، انتظامیہ نے یاسر کی موجودگی میں آنر بورڈ پر ان کا نام درج کیا۔

    yasir-ss

    یاسر شاہ نے لارڈز ٹیسٹ میں عمدہ بولننگ کا مظاہرہ کرتے ہوئے 10 وکٹیں حاصل کرتے ہوئے پاکستان کو فتح دلوائی تھی۔ انگلینڈ کے خلاف ٹیسٹ سریز میں یاسر شاہ نے 15 ٹیسٹ میچز میں سب سے زیادہ وکٹیں لے کر 120 سالہ ریکارڈ توڑ کر اعزاز اپنے نام کرلیا تھا۔

    یہ کرکٹ کی تاریخ میں پہلی بار ہوا ہے کہ آنر بورڈ پرکھلاڑیوں کا نام انکی موجودگی میں درج کیا گیا ہو۔

    CpbWXa6XEAAtzRN

  • اسلام آباد: پی سی بی کو وسیم اکرم سے استفادہ حاصل کرناچاہیے،وقار یونس

    اسلام آباد: پی سی بی کو وسیم اکرم سے استفادہ حاصل کرناچاہیے،وقار یونس

    اسلام آباد :سابق ہیڈ کوچ پاکستان کرکٹ ٹیم وقاریونس کا کہنا ہے کہ انہوں نے پاکستان کرکٹ بورڈ پر زور دیا تھا کہ پاکستان کرکٹ کی ترقی کے لیے وسیم اکرم سے زیادہ فائدہ اٹھایا جائے.

    تفصیلات کے مطابق سابق ہیڈ کوچ پاکستان کرکٹ ٹیم نے ایک انٹرویو میں کہا کہ پاکستان کرکٹ بورڈ کے چیئرمین کو مشورہ دینے والے اہم لوگ سابق کھلاڑی ہونے چاہیے.

    سابق ہیڈ کوچ پاکستان کرکٹ ٹیم نے کہاکہ آپ کو کرکٹ کے فیصلوں کے لیے ایک کرکٹ کمیٹی کی ضرورت ہے لیکن تمام فیصلے بورڈ آف گورنرز کی طرف سے آتے ہیں اور ان میں سے کوئی بھی کرکٹر نہیں.

    اُن کا کہنا تھا کہ ہماری کرکٹ کمیٹی کو اعلیٰ پائے کے آٹھ سے دس کرکٹرز کی ضرورت ہے تا کہ ان کی تجاویز سے پاکستان کرکٹ کے مستقبل اور پی سی بی کو فائدہ ہو.

    وقاریونس نے ہیڈ کوچ کے عہدے سے استعفی دے دیا*

    یاد رہے کہ وقاریونس نے ورلڈ ٹی ٹوئنٹی 2016 میں پاکستان ٹیم کی ناقص کارکردگی کے بعد یہ کہتے ہوئے مستعفی ہونے کا اعلان کیا تھا کہ پی سی بی ان کی تجاویز پر عمل نہیں کررہا جس کے باعث ٹیم کی کارکردگی متاثر ہورہی ہے.