Tag: پاکستان کرکٹ بورڈ

پاکستان کرکٹ بورڈ کی جانب سے سلیکشن کمیٹی میں تبدیلیوں کی تردید کردی گئی، سلیکشن کمیٹی سابق ارکان پر ہی مشتمل رہےگی۔

تفصیلات کے مطابق کئی دنوں سے افواہیں گرم تھیں کہ پی سی بی سلیکشن کمیٹی میں اہم تبدیلیاں کرنے جارہا ہے، گزشتہ دنوں یہ خبر بھی آئی تھی کہ سرفراز احمد اور سکندر بخت کو سلیکشن کمیٹی میں شامل کرلیا گیا ہے جبکہ اظہر علی اور اسد شفیق کو ڈراپ کردیا گیا ہے۔

خبروں کے مطابق اظہر علی اور اسد شفیق کو نئی ذمہ داریاں ملنے کا امکان ظاہر کیا گیا تھا، بتایا گیا تھا کہ اظہر علی یوتھ ڈیولپمنٹ کے لیے کام کریں گے

سابق ٹیسٹ بیٹر اسد شفیق کو ویمنز سلیکشن کمیٹی اور کراچی کے ہائی پرفارمنس سینٹر میں ذمہ داریاں دی جانے کی اطلاعات آئی تھیں۔

تاہم اب پاکستان کرکٹ بورڈ کی جانب سے ان خبروں کی تردید کرتے ہوئے واضح کیا ہے کہ قومی ٹیم کی سلیکشن کمیٹی میں کسی قسم کی تبدیلی نہیں کی گئی۔

پی سی بی نے بتایا کہ کمیٹی میں ڈیٹا انالسٹ حسن چیمہ کی جگہ عثمان ہاشمی فرائض انجام دیں گے، سلیکشن کمیٹی عاقب جاوید، اظہر علی، اسد شفیق اور علیم ڈار پرمشتمل رہے گی۔

https://urdu.arynews.tv/pcb-quietly-reshuffles-selection-committee/

سابق کرکٹر سکندر بخت نے نیوزی لینڈ کے خلاف ون ڈے سیریز میں پاکستان کے وائٹ واش ہونے کے بعد محمد رضوان کی کپتانی پر شدید تنقید کی ہے۔

نیوزی لینڈ کے خلاف تین میچوں میں لگاتار شکست کے بعد محمد رضوان کی کپتانی تنقید کی زد میں ہے، نجی چینل پر بات کرتے ہوئے سکندر بخت نے کہا کہ محمد رضوان نے پروفیشنلزم کی کمی کی بات کی، میں مانتا ہوں، اگر ہمارے پاس پروفیشنل کرکٹ بورڈ ہوتا تو آپ وہاں نہ ہوتے۔

تیسرے ون ڈے کے بعد اپنے ماہرانہ تجزیے میں سکندر بخت نے نیوزی لینڈ کی بیٹنگ کے دوران ناقص کپتانی اور بولنگ میں خراب تبدیلیاں کرنے پر محمد رضوان کو آڑے ہاتھوں لیا۔

سکند بخت نے کہا کہ میں آپ کی کپتانی کی بات کرتا ہوں، اگر ہمارا کرکٹ بورڈ پروفیشنل ہوتا تو آپ وہاں نہ ہوتے، آپ نے بولنگ میں خوفناک تبدیلیاں کیں،۔

سابق فاسٹ بولر نے کہا کہ فہیم اشرف 120 کلومیٹر فی گھنٹہ کی رفتار سے بولنگ کر رہے تھے، یہ کوئی سلو بولنگ نہیں تھی، یہ اس کی اصل رفتار تھی، آپ نے کپتانی کرتے ہوئے تیسرے اوور میں سلپ ہٹا دی، کیا یہ پروفیشنلزم تھا، آپ کس طرح کی کپتانی کررہے تھے۔

خیال رہے کہ محمد رضوان کی قیادت میں بارش سے متاثرہ تیسرے اور آخری ون ڈے میں بھی گرین شرٹس کو 43 رنز سے شکست ہوئی، مہمان ٹیم 265 رنز کا تعاقب کرنے میں ناکام رہی۔ بابر اعظم اور رضوان نے 50 اور 37 رنز کی اننگز کھیلی لیکن میچ نہ جتواسکے۔

بھارتی میڈیا پر چیمپئنزٹرافی 2025 کی میزبانی سے پاکستان کرکٹ بورڈ کو مالی نقصان ہونے کی خبروں پر ذرائع نے ردعمل دے دیا۔

چیمپئنزٹرافی کی میزبانی کے حوالے سے ذرائع نے بتایا کہ انٹرنیشنل کرکٹ کونسل نے چیمپئنز ٹرافی کے انعقاد کے حوالے سے تمام اخراجات کیے، آئی سی سی نے ایونٹ کےلیے 70 ملین ڈالرز کا بجٹ رکھا تھا، پاکستان میں ہونے والی ایونٹ کےلیے آئی سی سی نے اسی بجٹ کا استعمال کیا۔

تاہم پاکستان کے بجائے دبئی میں جو 5 میچز منعقد ہوئے ان کی میزبانی کا معاملہ ابھی مکمل ہونا باقی ہے، معاملات آئی سی سی کی طرف سے واضح ہونے کے بعد پی سی بی کو مالیاتی وضاحت ملے گی۔

چیمپئنز ٹرافی اختتامی تقریب میں میزبان پاکستان کو نظر انداز کرنے پر پی سی بی کا بڑا فیصلہ

ذرائع نے بتایا کہ چیمپئنزٹرافی کی میزبانی کے سلسلے میں پی سی بی کو 6 ملین ڈالرز کی فیس بطور میزبان ملی، تاہم یہ فیس ہر میزبان ملک کو ملتی ہے اور میزبان اس میں سے اخراجات نہیں کرتا۔

اسٹیڈیمز کی اپ گریڈیشن کے حوالے سے ذرائع نے بتایا کہ پاکستان میں 29 سال بعد ہونے والے آئی سی سی ایونٹ کے انعقاد پر اپ گریڈیشن کی گئی، پاکستان کرکٹ بورڈ نے ضرورت محسوس کی تھی اس لیے اسٹیڈیم بنائے گئے۔

یہ بات بھی قابل ذکر ہے کہ ایونٹ کی گیٹ منی بھی میزبان ملک کے حصے میں ہی آتی ہے تاہم اس کے تمام معاملات ابھی مکمل ہونا باقی ہے۔

https://urdu.arynews.tv/no-bus-parade-for-indias-champions-trophy-heroes-upon-return-heres-why/