چنئی: پاکستان کرکٹ ٹیم کے آل راؤنڈر محمد حفیظ اور قومی ٹیم کی کھلاڑی جویریہ ودود بولنگ ایکشن کا آفیشل ٹیسٹ دینے کیلئے چنئی پہنچ گئے ہیں۔
آل راؤنڈر محمد حفیظ اور پاکستان ویمنز ٹیم کی کھلاڑی جویریہ ودود کا آفیشل بولنگ ٹیسٹ چنئی کی سری رماچندرا یونیورسٹی کی لیب میں لیا جائیگا۔
محمد حفیظ کا بولنگ ایکشن گزشتہ سال نیوزی لینڈ کیخلاف یواے ای سیریز میں رپورٹ کیا گیا تھا۔
محمد حفیظ اس سے پہلے بائیو میکنک ٹیسٹ برطانوی شہر لوبرو میں کروا چکے ہیں، جسمیں انکے بازو کا خم پندرہ ڈگری سے زائد بتایا گیا تھا۔
ویمن کرکٹر جویریہ ودود کے بولنگ ایکشن کا تجزیہ آئی سی سی کی منظور شدہ لیب میں کیا جارہا ہے، جویریہ کا بولنگ ایکشن دوہزار دس میں مشکوک قرار دیا گیا تھا۔