Tag: پاکستان کپ

اسلام آباد: پاکستان کرکٹ بورڈ نے پاکستان کپ کے شیڈول کا اعلان کر دیا، 2 سے 12 اپریل تک پاکستان کپ کے میچز راولپنڈی اسٹیڈیم میں کھیلے جائیں گے۔

تفصیلات کے مطابق پی سی بی نے پاکستان کپ کے شیڈول اور ٹیموں کا اعلان کر دیا ہے، پاکستان کپ 2 سے 12 اپریل تک راولپنڈی اسٹیڈیم میں کھیلا جائے گا۔

کپ میں 5 ٹیمیں شرکت کریں گی جو سندھ، پنجاب، بلوچستان، کے پی اور فیڈرل ایریاز پر مشتمل ہیں۔ پی سی بی حکام کا کہنا ہے کہ ایونٹ کے تمام میچز ڈے نائٹ ہوں گے، جیتنے والی ٹیم کو 20 لاکھ روپےا نعام میں دیے جائیں گے۔

خیال رہے کہ فیڈریل ایریاز کی ٹیم اپنی چیپمئن شپ کا دفاع کرے گی، جس نے دو مرتبہ یہ اعزاز حاصل کیا ہے، ٹیم کی کپتانی اس وقت آسٹریلیا کے خلاف ون ڈے سیریز میں نبرد آزما محمد رضوان کریں گے۔

بلوچستان ٹیم کے کپتان ٹیسٹ بیٹسمین اسد شفیق، پنجاب ٹیم کے کپتان وکٹ کیپر بیٹسمین کامران اکمل، سندھ ٹیم کے رہبر رائٹ آرم فاسٹ بولر عمر گل جب کہ خیبر پختون خوا کے کپتان سلمان بٹ ہیں۔

یہ بھی پڑھیں:  شارجہ ون ڈے، ایرون فنچ کی شاندار سنچری، پاکستان کو 8 وکٹوں سے شکست

ادھر شارجہ میں آسٹریلیا نے پاکستان کو پہلے ون ڈے میچ میں کپتان ایرون فنچ کی شان دار سنچری کی بہ دولت 8 وکٹوں سے بہ آسانی شکست دے دی، آسٹریلیا نے پاکستان کی جانب سے دیا جانے والا 281 رنز کا ہدف 2 وکٹوں کے نقصان پر پورا کر لیا، ایرون فنچ 116 رنز بنائے، پانچ میچوں کی سیریز میں آسٹریلیا کو 1-0 کی برتری حاصل ہو گئی ہے۔

شان مارش نے نا قابل شکست 91 رنز کی اننگز کھیلی، پاکستان کے محمد عباس اور فہیم اشرف نے ایک، ایک وکٹ حاصل کی، پاکستان کی جانب سے عمر اکمل نے 49 رنز کی جارحانہ اننگز کھیلی۔

فیصل آباد: پاکستان کپ ون ڈے ٹورنامنٹ کا فائنل آج شعیب ملک کی پنجاب اوریونس خان کی خیبرپختونخواہ کی ٹیموں کے درمیان فیصل آباد میں کھیلا جائے گا۔

پاکستان کپ ون ڈے ٹورنامنٹ کا چیمپئن کون ہوگا فیصلے کی گھڑی آگئی ہے،پاکستان کپ میں تین ٹیموں کے باہر ہونے پر پنجاب اور کے پی نے فائنل میں انٹری دے دی۔

تنازع حل ہونے کے بعد یونس خان نے فیصل آباد میں ٹیم کو جوائن کرلیا ہے،فائنل میں اسٹار بیٹسمین کے پی کے ٹیم کی قیادت کریں گے۔

خیبرپختونخواہ کی ٹیم نے لیگ راؤنڈ میں چار میچز کھیلے جس میں سے تین میچ جیتے جبکہ اسلام آباد کے خلاف ٹیم ناکام رہی، دوسری جانب ادھر پنجاب کی ٹیم نے اہم معرکے میں سندھ کو زیر کرتے ہوئے فائنل تک رسائی حاصل کرلی۔

لیگ راؤنڈ میں خیبرپختونخواہ نے پنجاب کو سنسنی خیز مقابلے کے بعد صرف دو رنز سے شکست دی تھی،دونوں ٹیموں کے درمیان فائنل آج دوپہر تین بجے شروع ہوگا۔

فیصل آباد کے اقبال اسٹیڈیم میں جاری پاکستان کپ میں بلوچستان نے اسلام آباد کو تین وکٹوں سے ہرا دیا ۔

کامران اکمل کی قیادت میں اسلام آباد نے ٹاس جیت کر پہلے بیٹنگ کرتے ہوئے مقررہ پچاس اوورز میں آٹھ وکٹوں کے نقصان پر 315 رنز بنائے ،کامران اکمل ایک سو چونتیس اور امام الحق نے ایک سو دو رنز کی شاندار اننگز کھیلی۔

بلوچستان کے بالرز بلاول بھٹی نے تین اور اسامہ میر نے دو وکٹیں حاصل کیں ۔

بلوچستان کی ٹیم نے اظہر علی کی قیادت میں سنسنی خیز مقابلے کے بعد آخری اوور میں سہیل تنویر کے چھکے کی مدد سے 316 رنز کا ٹارگٹ پورا کر لیا ۔ اظہر علی 80 ، عمر اکمل 59 اور اویس ضیا 45 رنز بنا کر نمایاں رہے ۔

محمد سمیع نے تین ، حسن علی ، محمد عباس اور ارسل شیخ نے ایک ایک کھلاڑی کو آﺅٹ کیا ۔

اسلام آباد کے کامران اکمل کو شاندار اننگز کھیلنے پر مین آف دی میچ کا اعزاز دیا گیا ۔

کراچی: کرکٹ بورڈ نے یونس خان کو معاف کرکےپاکستان کپ کھیلنے کی اجازت دےدی۔

پاکستان کرکٹ بورڈ اوریونس خان میں صلح ہوگئی، معذرت کے ساتھ یونس خان کو پاکستان کپ کھیلنے کی دوبارہ اجازت مل گئی، شوکازنوٹس کے جواب میں یونس خان نے اپنے رویے پرپھرمعافی مانگ لی۔

پی سی بی نےاس بار معافی قبول کرلی، اعلامیہ میں یونس خان نےامپائرسے بدتمیزی کے واقعے کو افسوسناک قراردیا۔

چیئرمین پی سی بی شہریارخان نے کہاخوشی ہے یونس خان نے غلطی تسلیم کی۔ ناقص امپائرنگ پر یونس خان پاکستان کپ ادھورا چھوڑ کرکراچی چلے گئے تھے،جس پر انھیں جرمانہ عائدکردیاگیاتھا۔

شہریارخان سے ٹیلی فون پر معافی مانگنے کے باوجود یونس خان کوشوکازجاری کردیاتھا،لیکن یونس نےپھرمعذرت کرکے پاکستان کپ میں واپسی کاٹکٹ یقینی بنالیا۔

فیصل آباد: پاکستان کپ میں خیبرپختونخواہ کے کپتان یونس خان ٹورنامنٹ ادھوراچھوڑ کرکراچی روانہ ہوگئے۔

یونس خان کو امپائرسے بحث مہنگی پڑگئی، پاکستان کپ میں خیبر پختونخواہ کے کپتان پرمیچ فیس کاپچاس فیصد جرمانہ عائدکردیاگیا، پنجاب کےخلاف میچ میں یونس خان نے رن آؤٹ ہونے پر امپائر سے اعتراض کیا، یونس خان اورامپائرمیں بحث ہوئی، جس پرامپائرنے میچ ریفری کو شکایت لگادی۔

اس سے قبل یونس خان نے اسلام آباد کے کپتان مصباح الحق کے خلاف اپیل مسترد ہوجانے پر بھی امپائرسے الجھ پڑے تھے، یونس خان کو فیلڈامپائرسے تلخ کلامی پرنوٹس بھیجاگیا، لیکن انھوں نے جواب نہیں دیا، میچ ریفری کے بلانے پر بھی یونس خان نہیں گئے۔

جرمانے کی خبرسن کریونس خان آؤٹ آف کنٹرول ہوئے اوراحتجاجا پاکستان کپ چھوڑکرکراچی روانہ ہوگئے،ذرائع کے مطابق کے پی کے کی قیادت احمد شہزاد کریں گے۔