Tag: پاکستان کی خبریں

اسلام آباد: وزیرِ اعظم عمران خان کی زیرِ صدارت پنجاب کابینہ سے متعلق اجلاس منعقد ہوا، اجلاس میں فیصلہ کیا گیا کہ وزیرِ اعظم کی زیرِ صدارت کابینہ کا اجلاس ہفتے میں دو بار ہوگا۔

تفصیلات کے مطابق پنجاب کابینہ کے اجلاس میں فیصلہ کیا گیا کہ وزیرِ اعظم عمران خان ہر ہفتے جمعہ اور منگل کو کابینہ اجلاس کی صدارت کریں گے۔

پنجاب کابینہ کے اجلاس میں وزیرِ اعظم عمران خان نے وزیرِ اعلیٰ پنجاب کو کفایت شعاری کی ہدایت کرتے ہوئے کہا ’حکمرانوں کو عوام کے لیے آئیڈیل بننا ہو گا۔‘

انھوں نے کہا کہ سادگی کا عمل خود سے شروع کر کے صوبے بھر میں پھیلایا جائے، عوام ہم سے تبدیلی کی امید کر رہی ہے اس لیے تبدیلی لا کر دکھائیں۔

وزیرِ اعظم نے کہا کہ وزرا کی کارکردگی کو وہ خود مانیٹر کریں گے، ان کا کہنا تھا کہ وزارتوں میں بھی چیک اینڈ بیلنس رکھا جائے گا۔ کابینہ اجلاس میں وزیرِ اعظم عمران خان نے وفاقی کابینہ کی کارکردگی کا بھی مسلسل جائزہ لینے کا فیصلہ کیا۔

مزید پڑھیں: پنجاب کابینہ پرمشاورت کے لیے وزیراعلیٰ کوطلب کرلیا

واضح رہے کہ آج وزیرِ اعظم عمران خان نے وزیرِ اعلیٰ پنجاب عثمان بزدار کو پنجاب کابینہ کے ناموں اور محکموں کو حتمی شکل دینے کے لیے وزیرِ اعظم ہاؤس میں طلب کیا ہے، کابینہ نامزدگی کی صورت میں پیر کو گورنر ہاؤس میں نئی کابینہ کی حلف برداری ہوگی۔

خیال رہے کہ دو روز قبل وزیراعظم عمران خان نے عثمان بزدار سے وزیراعظم ہاؤس میں ملاقات کی تھی جس میں دونوں کے درمیان کابینہ مختصر رکھنے پراتفاق کیا گیا تھا۔

اسلام آباد: وزیرِ اعظم عمران خان کی سربراہی میں وفاقی کابینہ کا اجلاس آج طلب کر لیا گیا، اجلاس میں صوابدیدی فنڈ اور سرکاری اداروں میں ہفتے کی چھٹی  ختم کرنے کی منظوری دی جائے گی۔

تفصیلات کے مطابق آج وفاقی کابینہ کا اجلاس طلب کر لیا گیا ہے، اجلاس میں تمام وزرا کو شرکت یقینی بنانے کی ہدایت کی گئی ہے، اجلاس میں اہم فیصلے متوقع ہیں۔

ذرائع کا کہنا ہے کہ کیپٹل ایڈمنسٹریشن اینڈ ڈیولپمنٹ (کیڈ) کی وزارت کو ختم کر کے اس کے اداروں کو کابینہ ڈویژن کے ماتحت کر کے مشیر برائے پارلیمانی امور بابر اعوان کے سپرد کیا جائے گا، خیال رہے کہ وزارتِ کیڈ کو پاکستان پیپلز پارٹی کے دور میں قائم کیا گیا تھا۔

اجلاس کے ایجنڈے کے مطابق وفاقی کابینہ کے پیشِ نظر صوابدیدی فنڈ ختم کرنا سرِ فہرست ہے، غیر ملکی دوروں سے متعلق خصوصی ہدایات اور لوڈ شیڈنگ پر بھی بریفنگ شامل ہے۔

ملک بھر میں ٹرانسپورٹ سے متعلق خصوصی آڈٹ کو بھی ایجنڈے میں شامل کیا گیا ہے، دیگر معاملات میں ملتان، لاہور اور راولپنڈی میں میٹرو پروجیکٹس کا آڈٹ، ملک بھر میں شجر کاری مہم، سرکاری اداروں میں ہفتے کی چھٹی ختم کرنا، ملک بھر میں خصوصی صفائی مہم شامل ہیں۔

کے پی میں پہلے سے بہتر کام کرنا ہوگا، وزرا کی کارکردگی خود مانیٹر کروں گا: عمران خان

خیال رہے کہ وزير اعظم عمران خان آج سے وزارتوں سے براہ راست بریفنگ بھی لیں گے، اس سلسلے میں پہلا دورہ وزارت خارجہ کا ہوگا۔

وزیر اعظم خیبر پختونخوا کے حوالے سے بھی کہہ چکے ہیں کہ ہمیں پہلے سے بہتر کام کرنا ہوگا، اور وزرا کی کارکردگی خود مانیٹر کروں گا۔