Tag: پاکستان کی بیٹنگ

پاکستان کرکٹ ٹیم کے سابق وکٹ کیپر بیـٹر کامران اکمل نے کہا ہے کہ پاکستان کی بیٹنگ لائن نے ایک مرتبہ پھر مایوس کیا ہے۔

اے آر وائی نیوز کے پروگرام میں چیمپئنزٹرافی 2025 میں بھارت اور پاکستان کے اہم میچ کے حوالے سے گفتگو کرتے ہوئے سابق کرکٹر کا کہنا تھا کہ بیٹنگ نے مایوس کیا اب بولرز کو کردار ادا کرنا ہوگا، بھارت نے اپنی ٹیم بنائی ہے اور محنت کی ہے جو نظر آرہا ہے۔

’پاکستان کا اتنی ڈاٹ بالز کھیلنا کرائم ہے‘

باسط علی نے کہا کہ فاسٹ بولرز نے جلد وکٹیں لیں تو بھارتی ٹیم پر دباؤ بناسکیں گے، سعود شکیل خود اعتراف کررہے ہیں کہ غلط ہٹ کرنے کی وجہ سے آؤٹ ہوا۔

سابق کرکٹر نے کہا کہ جو ٹارگٹ دیا ہے بھارت کو پاکستانی ٹیم پر نفسیا تی برتری ہے، فاسٹ بولرز کو کردار ادا کرنا ہوگا، پاکستان ٹیم کے پاس ایک اور بھارت کے پاس 3 اسپنرز ہیں

دریں اثنا پاکستانی بیٹر سعود شکیل کا کہنا تھا کہ پچ بیٹنگ کےلیے اتنی آسان نہیں ہے، ہمیں جیتنے کیلئے جلد وکٹیں لینا ہوں گی۔

https://urdu.arynews.tv/babar-and-meeting-friendly-manner-picture-viral/

سابق چیف سلیکٹر ہارون رشید نے کہا ہے کہ مسئلہ پاکستان کی بیٹنگ کا نہیں بلکہ بولنگ کا ہے، یہ لوگ ٹیسٹ میچ میں اسپنر ہی نہیں کھلارہے۔

سینئر اسپورٹس رپورٹر شعیب جٹ کے پروگرام میں اظہار خیال کرتے ہوئے سابق کرکٹر ہارون رشید نے کہا کہ ٹیسٹ میچ میں جب تک اسپنرز کو نہیں کھلائیں گے تو فاسٹ بولرز پر دباؤ بڑھتا چلا جائے گا۔ ایک اینڈ سے اسپنرز کو کھلائیں گے تو فائدہ ہوگا۔

انھوں نے کہا کہ جو مسائل ہیں انھیں کوئی ڈسکس نہیں کرتا ہم صرف یہ دیکھتے ہیں کہ پاکستان کی ٹیم جیتی یا ہاری۔ اصل مسئلہ یہ ہے کہ پاکستان کی ٹیم باؤنسی ٹریک پر کبھی بھی ٹھیک طرح سے نہیں کھیل پاتی ہے۔ پاکستانی بیٹرز کو باؤنس نے بہت زیادہ تنگ کیا۔

ہارون نے بھارت کی شکست کی مثال دیتے ہوئے کہا کہ بھارت بھی جنوبی افریقہ کے ہاتھوں اننگز کی شکست سے دوچار ہوا۔ جب بھی برصغیر کی ٹیمیں آسٹریلیا یا جنوبی افریقہ جائیں گی انھیں مشکلات پیش آئیں گی۔

سابق پاکستانی کرکٹر نے کہا کہ پاکستان نے دوسرے ٹیسٹ میچ کی دوسری اننگز میں بہت ہی شاندار بولنگ کی جس سے پاکستان جیت کے بہت قریب آگیا تھا۔

انھوں نے کہا کہ اگر عبداللہ شفیق سے وہ کیچ ڈراپ نہ ہوتا تو حالات مختلف ہوتے کیوں کہ جیت میں فیلڈنگ کا بہت اہم کردار ہوتا ہے۔ کسی بھی ٹیم کے لیے 300 سے زائد رنز کے ہدف کا تعاقب کرنا آسان نہیں ہوتا۔

ہارون رشید نے کہا کہ پاکستان نے پہلے ٹیسٹ میچ کے مقابلے میں دوسرے ٹیسٹ میچ میں اچھا پرفارم کیا۔ مجھے پاکستان ٹیم میں امپرومنٹ نظر آرہی ہے۔