Tag: پاکستان کی خبریں PAKIND

اسلام آباد: وزیر خارجہ شاہ محمود قریشی نے کہا کہ پاکستان نے دہشت گردی کے خلاف جنگ کی بھاری جانی ومالی قیمت چکائی ہے۔

تفصیلات کے مطابق برطانوی نشریاتی ادارے کو انٹرویو میں شاہ محمود قریشی نے کہا کہ پاکستان اور بھارت کے درمیان تمام مسائل کے حل میں پیشرفت کا واحد راستہ مذاکرات ہیں۔

انہوں نے کہا کہ پاکستان کشیدگی میں کمی اور خطے میں امن واستحکام کا خواہشمند یے کیونکہ جنگ دونوں ایٹمی طاقتوں کے لیے خودکشی کے مترادف ہوگی۔

شاہ محمود قریشی نے کہا کہ ہماری پالیسی انتہائی واضح ہے اور ہم اپنی سرزمین کسی بھی ملک کے خلاف دہشت گردی کے لیے استعمال نہیں ہونے دیں گے۔

وزیرخارجہ نے کہا کہ پاکستان نے دہشت گردی کے خلاف جنگ کی بھاری جانی ومالی قیمت چکائی ہے۔

انہوں نے کہا کہ عالمی برداری مقبوضہ کشمیر کی سنگین صورت حال پرخاموش تماشائی کیوں بنی ہوئی ہے جہاں بے گناہ کشمیری بھارتی فورسز کے وحشیانہ قتل عام اور ظلم وتشدد کا نشانہ بن رہے ہیں۔

یاد رہے کہ گزشتہ روز پاکستان نے گرفتار بھارتی پائلٹ ابھی نندن کو واہگہ بارڈر بھارتی حکام کے حوالے کیا تھا۔

پاکستان نے جذبہ خیر سگالی کے تحت پائلٹ ابھی نندن کو بھارت کے حوالے کر دیا

واضح رہے کہ 27 فروری کو پاک فضائیہ نے لائن آف کنٹرول کی خلاف ورزی کرنے والے بھارتی مگ 21 طیارے کو مار گرایا تھا اور اس کے پائلٹ ونگ کماندر ابھی نندن کو پاک فوج کے جوانوں نے مشتعل ہجوم سے بچایا اور گرفتار کرلیا تھا۔

اسلام آباد: وزیر خارجہ شاہ محمود قریشی نے کہا کہ بھارت نے لائن آف کنٹرول کی خلاف ورزی کی ہے، پاکستان مناسب جواب کا حق محفوظ رکھتا ہے۔

تفصیلات کے مطابق وزارت خارجہ میں شاہ محمود قریشی کی زیرصدارت ہنگامی اجلاس ہوا جس میں سابق خارجہ سیکریٹریز اور سینئر سفارت کاروں نے شرکت کی۔

وزارت خارجہ میں ہونے والے اجلاس میں موجودہ صورت حال اور خطے میں امن و امان کے حوالے سے مشاورت کی گئی۔

شاہ محمود قریشی نے اجلاس سے خطاب کرتے ہوئے کہا کہ پاکستان خطے میں امن و استحکام کا خواہاں ہے، بھارت خطے میں امن تہہ و بالا کرنے پر تلا ہوا ہے۔

وزیرخارجہ نے کہا کہ پاکستان ذمے دارانہ رویے کا مظاہرہ کرتے ہوئے آگے بڑھ رہا ہے۔

[bs-quote quote=” شاہ محمود قریشی نے کہا کہ بچہ بچہ اپنی مسلح افواج کے ساتھ شانہ بشانہ تیار کھڑا ہے۔” style=”style-8″ align=”left”][/bs-quote]

اس سے قبل شاہ محمود قریشی کا کہنا تھا کہ میں نے کل کہا تھا قوم کوگمراہ نہیں کروں گا، پاکستان کوتیار رہنا ہوگا، پاکستان پرخطرات کے بادل منڈلا رہے ہیں۔

انہوں نے کہا تھا کہ پاکستان کے چپے چپے کا دفاع کرنے کی صلاحیت رکھتے ہیں، پاکستانی افواج ملک کے دفاع کے لیے تیارہے۔

وزیر خارجہ شاہ محمود قریشی کا کہنا تھا کہ بھارت انتخابات کے خاطر خطے کا امن تباہ کرنے پرتلا ہے، مختلف ممالک کے وزرائےخارجہ سے بات ہوئی ہے۔

لائن آف کنٹرول کی خلاف ورزی، پاک فضائیہ کا بھرپور جواب، بھارتی طیارے بھاگ گئے

واضح رہے کہ بھارتی ایئرفورس کی لائن آف کنٹرول کی خلاف ورزی کرنے پر پاک فضائیہ نے بھرپور جوابی کارروائی کرتے ہوئے بھارتی طیاروں کو بھاگنے پر مجبور کردیا۔

میجرجنرل آصف غفور کے مطابق بھارتی طیاروں نے مظفرآباد سیکٹر سے دراندازی کی کوشش کی اور بھارتی طیارے اپنا پےلوڈ بالاکوٹ کے قریب گرا کرفرار ہوگئے۔