ARYNews.tv | Urdu – Har Lamha Bakhabar

Tag: پاکستان کی خبریں

  • سوات میں مراد سعید کے گھر پر چھاپہ، گھر کی تلاشی

    سوات میں مراد سعید کے گھر پر چھاپہ، گھر کی تلاشی

    سوات: پاکستان تحریک انصاف کے رہنما اور سابق وفاقی وزیر مراد سعید کے گھر پر چھاپہ مارا گیا ہے، چھاپے کے دوران پولیس نے ان کے گھر کی تلاشی لی۔

    تفصیلات کے مطابق کبل پولیس نے تحریک انصاف کے رہنما مراد سعید کے سوات میں واقع آبائی گھر پر چھاپہ مارا ہے۔

    پولیس کا کہنا ہے کہ چھاپے کے دوران مراد سعید گھر پر موجود نہیں تھے، سابق وفاقی وزیر کے گھر کی تلاشی لی گئی ہے۔

    دوسری جانب ملک بھر میں پاکستان تحریک انصاف کے کارکنوں کے خلاف پولیس کا کریک ڈاؤن جاری ہے، پولیس نے پارٹی کے تنظیمی رہنماؤں، ٹکٹ ہولڈرز اور کارکنوں کو بھی اٹھانا شروع کردیا۔

    چھاپہ مار کارروائیوں کے دوران گھروں میں موجود خواتین پر تشدد بھی کیا جارہا ہے۔

    خیال رہے کہ 9 مئی کو پاکستان تحریک انصاف کے چیئرمین اور سابق وزیر اعظم عمران خان کو گرفتار کرلیا گیا تھا جس کے بعد سے ملک بھر میں احتجاج اور مظاہروں کا سلسلہ جاری ہے۔

  • عثمان اکرم کے گھر چھاپہ: پولیس اہلکار موبائل اور دیگر قیمتی سامان بھی ساتھ لے گئے

    عثمان اکرم کے گھر چھاپہ: پولیس اہلکار موبائل اور دیگر قیمتی سامان بھی ساتھ لے گئے

    لاہور: پاکستان تحریک انصاف کے سابق رکن پنجاب اسمبلی میاں عثمان اکرم کی اہلیہ کا کہنا ہے کہ پولیس نے ان کے گھر چھاپہ مار کر عثمان اکرم اور ان کے بھائی کو گرفتار کیا اور جاتے ہوئے گھر سے موبائل فونز اور دیگر قیمتی سامان ساتھ لے گئی۔

    تفصیلات کے مطابق پاکستان تحریک انصاف کے سابق رکن پنجاب اسمبلی میاں عثمان اکرم کے گھر پر پولیس چھاپے کی سی سی ٹی وی فوٹیج منظر عام پر آگئی۔

    فوٹیج میں دیکھا جاسکتا ہے کہ پولیس اور سادہ کپڑوں میں ملبوس 8 اہلکار گھر کا دروازہ توڑ کر اندر داخل ہوئے، پولیس میاں عثمان اکرم اور ان کے بھائی کو گرفتار کر کے لے گئی اور اس دوران گھر کے ملازمین پر تشدد بھی کیا گیا۔

    عثمان اکرم کی اہلیہ کا کہنا ہے کہ پولیس اہلکار سرچ وارنٹ کے بغیر گھر میں داخل ہوئے، پولیس، خواتین اہلکاروں کے بغیر گھر داخل ہوئی اور گھر کی خواتین سے بدتمیزی کی۔

    انہوں نے مزید کہا کہ اہلکار گھر سے موبائل فونز اور دیگر قیمتی سامان ساتھ لے گئے ہیں۔

  • عمران خان کی پیشی: ہائیکورٹ کے باہر جمع متعدد افراد گرفتار، خواتین بھی شامل

    عمران خان کی پیشی: ہائیکورٹ کے باہر جمع متعدد افراد گرفتار، خواتین بھی شامل

    اسلام آباد: پاکستان تحریک انصاف کے چیئرمین عمران خان کی عدالت میں پیشی کے موقع پر ہائیکورٹ کے باہر آنے والے متعدد افراد کو، دفعہ 144 کی خلاف ورزی پر حراست میں لے لیا گیا ہے۔

    تفصیلات کے مطابق سابق وزیر اعظم عمران خان کی اسلام آباد ہائیکورٹ میں پیشی کے موقع پر ہائیکورٹ کے باہر آنے والے متعدد افراد کو حراست میں لے لیا گیا ہے۔

    دفعہ 144 کے تحت حراست میں لیے جانے والے افراد میں خواتین بھی شامل ہیں۔

    خیال رہے کہ وفاقی دارالحکومت اسلام آباد میں دفعہ 144 نافذ ہے، ترجمان اسلام آباد پولیس کا کہنا ہے کہ کسی بھی ریلی، اجتماع یا خطاب کی اجازت نہیں ہے۔

    یاد رہے کہ 9 مئی کو پاکستان تحریک انصاف کے چیئرمین اور سابق وزیر اعظم عمران خان کو گرفتار کرلیا گیا تھا جس کے بعد سے ملک بھر میں احتجاج اور مظاہروں کا سلسلہ جاری ہے۔

    اب تک ملک بھر میں پارٹی کے متعدد رہنماؤں اور سینکڑوں کارکنان کو گرفتار کیا جاچکا ہے۔

  • کراچی میں پولیس کا گٹکا فیکٹری پر چھاپہ، درجنوں ٹن گٹکا برآمد

    کراچی میں پولیس کا گٹکا فیکٹری پر چھاپہ، درجنوں ٹن گٹکا برآمد

    کراچی: صوبہ سندھ کے دارالحکومت کراچی میں ایک غیر قانونی فیکٹری پر چھاپہ مار کر 30 ٹن سے زائد گٹکا اور اس کی تیاری کا سامان برآمد کرلیا گیا۔

    تفصیلات کے مطابق کراچی کے علاقے حسرت موہانی کالونی کی ایک فیکٹری پر پاک کالونی پولیس نے ٹارگٹڈ چھاپہ مار کارروائی کی۔

    ایس ایس پی کیماڑی فدا حسین جانوری کا کہنا ہے کہ فیکٹری سے بھاری مالیت کا 30 ٹن سے زائد گٹکا اور دیگر اجزا برآمد کرلیے گئے جبکہ منظم گروہ کے 3 ملزمان بلال علی، حسین اور باسط کو گرفتار کرلیا گیا ہے۔

    ایس ایس پی کا کہنا ہے کہ کارروائی خفیہ اطلاع پر کی گئی، گٹکے کا کارخانہ منگھو پیر روڈ پر واقع تھا۔

    ایس ایس پی کے مطابق کارخانے سے بڑی مقدار میں دیگر مضر صحت اجزا بھی برآمد ہوئے، برآمد سامان میں 21 سو 90 کلو چھالیہ کے 97 کٹے، 400 کلو چونا، 23 کٹے پتی، 32 گٹکے پیکنگ کے ریپر برآمد، چار کٹے پاؤڈر، 1 کٹا ربڑ بینڈ اور 52 بڑے ٹب برآمد ہوئے۔

    پولیس کا کہنا ہے کہ فیکٹری سے روزانہ لاکھوں مالیت کا گٹکا تیار ہو رہا تھا، ملزمان چوری چھپے اپنا کام کر کے گٹکا سپلائی کرتے تھے۔

    گرفتار ملزمان کے خلاف مقدمہ درج کر کے تفتیش شروع کردی گئی ہے۔

  • اسلام آباد میں سیکیورٹی صورتحال: پولیس کی اہم ہدایت

    اسلام آباد میں سیکیورٹی صورتحال: پولیس کی اہم ہدایت

    اسلام آباد: وفاقی دارالحکومت اسلام آباد میں دفعہ 144 نافذ العمل ہے، پولیس کا کہنا ہے کہ شہری جی 10 کی جانب غیر ضروری سفر سے گریز کریں۔

    تفصیلات کے مطابق ترجمان اسلام آباد پولیس کا کہنا ہے کہ وفاقی دارالحکومت میں دفعہ 144 نافذ العمل ہے، کسی بھی ریلی، اجتماع یا خطاب کی اجازت نہیں ہے۔

    ترجمان پولیس کی جانب سے کہا گیا ہے کہ شہری جی 10 کی جانب غیر ضروری سفر سے گریز کریں۔

    خیال رہے کہ 9 مئی کو پاکستان تحریک انصاف کے چیئرمین اور سابق وزیر اعظم عمران خان کو گرفتار کرلیا گیا تھا جس کے بعد سے ملک بھر میں احتجاج اور مظاہروں کا سلسلہ جاری ہے۔

    اب تک ملک بھر میں پارٹی کے متعدد رہنماؤں اور سینکڑوں کارکنان کو گرفتار کیا جاچکا ہے۔

    وفاقی دارالحکومت میں دہشت گردی کے خدشات کے پیش نظر سیکیورٹی ہائی الرٹ کردی گئی تھی جبکہ دفعہ 144 بھی نافذ کردی گئی تھی۔

  • تحریک انصاف کارکنوں کے خلاف پولیس کا کریک ڈاؤن جاری، گھروں میں موجود خواتین پر پولیس کا تشدد

    تحریک انصاف کارکنوں کے خلاف پولیس کا کریک ڈاؤن جاری، گھروں میں موجود خواتین پر پولیس کا تشدد

    لاہور: پنجاب پولیس نے پاکستان تحریک انصاف کے تنظیمی رہنماؤں، ٹکٹ ہولڈرز اور کارکنوں کو بھی اٹھانا شروع کردیا، چھاپہ مار کارروائیوں کے دوران گھروں میں موجود خواتین پر تشدد بھی کیا جارہا ہے۔

    تفصیلات کے مطابق پاکستان تحریک انصاف کے کارکنوں کے خلاف پولیس کا کریک ڈاؤن جاری ہے، پولیس نے پارٹی کے تنظیمی رہنماؤں، ٹکٹ ہولڈرز اور کارکنوں کو بھی اٹھانا شروع کردیا۔

    پولیس نے سینیئر رہنما عندلیب عباس کے گھر اور دفتر پر چھاپہ مار کارروائی کی۔

    انصاف اسٹوڈنٹس فیڈریشن (آئی ایس ایف) رہنما وقاص افتخار بٹ کے گھر پر بھی پولیس نے چھاپہ مار کارروائی کی۔

    اس دوران وقاص افتخار بٹ کے گھر کے دروازے توڑ دیے گئے اور خواتین پر تشدد کیا گیا۔

    پارٹی رہنما حماد اعوان کے گھر پر بھی پولیس نے چھاپہ مارا جبکہ سابق وائس چیئرمین پی ایچ اے حافظ ذیشان کے گھر بھی پولیس نے چھاپہ مار کارروائی کے دوران خواتین سے بدتمیزی کی۔

    خیال رہے کہ 9 مئی کو پاکستان تحریک انصاف کے چیئرمین اور سابق وزیر اعظم عمران خان کو گرفتار کرلیا گیا تھا جس کے بعد سے ملک بھر میں احتجاج اور مظاہروں کا سلسلہ جاری ہے۔

    اب تک ملک بھر میں پارٹی کے متعدد رہنماؤں اور سینکڑوں کارکنان کو گرفتار کیا جاچکا ہے۔

  • ملک بھر کے تمام ایئرپورٹس پر فلائٹ آپریشنز کی صورتحال

    ملک بھر کے تمام ایئرپورٹس پر فلائٹ آپریشنز کی صورتحال

    کراچی: سول ایوی ایشن اتھارٹی کا کہنا ہے کہ ملک بھر کے تمام ایئرپورٹس پر فلائٹ آپریشن معمول کے مطابق جاری ہے، حالات کی خرابی کے باعث کوئی بھی پرواز منسوخ نہیں کی گئی۔

    تفصیلات کے مطابق سول ایوی ایشن اتھارٹی کا کہنا ہے کہ ملک بھر کے تمام ایئرپورٹس پر فلائٹ آپریشن معمول کے مطابق جاری ہے۔

    سی اے اے کا کہنا ہے کہ گزشتہ دنوں لاہور سے مسافروں کی مطلوبہ تعداد نہ ہونے پر 3 سے 4 پروازیں منسوخ ہوئی تھیں۔

    خیال رہے کہ 3 روز قبل پاکستان تحریک انصاف کے چیئرمین اور سابق وزیر اعظم عمران خان کو گرفتار کرلیا گیا تھا جس کے بعد سے ملک بھر میں احتجاج اور مظاہروں کا سلسلہ جاری ہے۔

    ملک کے تمام شہروں میں لاکھوں کی تعداد میں مظاہرین سڑکوں پر موجود ہیں جس سے نظام زندگی معطل ہوگیا ہے۔

  • پنجاب میں امن و امان کی صورتحال قابو میں رکھنے کے لیے قانونی اقدامات اٹھانے کا حکم

    پنجاب میں امن و امان کی صورتحال قابو میں رکھنے کے لیے قانونی اقدامات اٹھانے کا حکم

    لاہور: نگران وزیر اعلیٰ پنجاب محسن نقوی کی زیر صدارت سیکیورٹی جائزہ اجلاس میں، وزیر اعلیٰ نے امن و امان کی صورتحال قابو میں رکھنے کے لیے قانونی اقدامات اٹھانے کا حکم دیا۔

    تفصیلات کے مطابق نگران وزیر اعلیٰ پنجاب محسن نقوی کی زیر صدارت صوبے میں قانون کی عمل داری کو یقینی بنانے کے لیے جائزہ اجلاس ہوا۔

    اجلاس میں انسپکٹر جنرل (آئی جی پنجاب) نے امن و امان کی صورتحال اور شرپسندوں کے خلاف جاری آپریشن پر بریفنگ دی۔ صوبے بھر میں امن و امان کی صورتحال قابو میں رکھنے کے لیے قانونی اقدامات اٹھانے کا حکم دیا گیا۔

    نگراں وزیر اعلیٰ کا کہنا تھا کہ بلوائیوں کے سہولت کاروں کے خلاف بھی بھرپور کارروائی کی جائے گی، سرکاری املاک پر حملہ کرنے والوں کو قانون کے مطابق قرار واقعی سزا دی جائے۔

    انہوں نے کہا کہ سرکاری املاک میں توڑ پھوڑ اور جلاؤ گھیراؤ کر کے دہشت گردی کا بدترین مظاہرہ کیا گیا، ہر حملہ آور کی شناخت کر کے قانون کے مطابق قرار واقعی سزا دلائی جائے گی۔

    نگراں وزیر اعلیٰ نے شرپسندوں اور حملہ آوروں کی جلد از جلد شناخت مکمل کرنے کی بھی ہدایت کی، انہوں نے کہا کہ صوبے میں قانون کی حکمرانی پر کوئی سمجھوتہ نہیں ہوگا۔

  • ڈالر دوبارہ 2 روز پہلے کی قیمت پر پہنچ گیا

    ڈالر دوبارہ 2 روز پہلے کی قیمت پر پہنچ گیا

    کراچی: گزشتہ 2 روز میں امریکی ڈالر کی قیمت میں 15 روپے سے زائد ریکارڈ اضافے کے بعد آج اچانک ڈالر کی قیمت گر گئی اور ڈالر دوبار 285 روپے پر پہنچ گیا۔

    تفصیلات کے مطابق ہفتے کے آخری کاروباری روز جمعہ 12 مئی 2023 کو ڈالر کی قیمت یکلخت نیچے آ گری۔

    پاکستان تحریک انصاف کے چیئرمین عمران خان کی گرفتاری اور ملک بھر میں ہنگاموں کے بعد ڈالر کی قدر میں صرف 2 روز میں 15 روپے 34 پیسے کا ریکارڈ اضافہ ہوا تھا۔

    جمعرات کی شام ڈالر 298 روپے 93 پیسے روپے کی بلند ترین سطح پر پہنچ گیا تھا جبکہ اوپن مارکیٹ میں ڈالر 300 روپے سے بھی اوپر فروخت ہورہا تھا۔

    تاہم جمعہ کی صبح ڈالر کی قیمت میں 14 روپے 84 پیسے کمی ہوئی اور ڈالر دوبارہ 284 روپے 9 پیسے پر پہنچ گیا۔

    دن کے اختتام تک انٹر بینک میں ڈالر مجموعی طور پر 13 روپے 85 روپے سستا ہو کر 285 روپے 8 پیسے پر بند ہوا۔

    فاریکس ڈیلرز کا کہنا ہے کہ بینکوں نے درآمد کنندگان کو ڈالر 286 روپے میں فروخت کیا جبکہ اوپن مارکیٹ میں ڈالر 295 روپے میں فروخت ہو رہا ہے۔

  • کراچی سے گرفتار مظاہرین پر بھی مقدمات قائم

    کراچی سے گرفتار مظاہرین پر بھی مقدمات قائم

    کراچی: گزشتہ روز پاکستان تحریک انصاف کے سربراہ عمران خان کی گرفتاری کے بعد صوبہ سندھ کے دارالحکومت کراچی میں احتجاج کرنے والے مظاہرین کو گرفتار کر کے ان پر مقدمات قائم کردیے گئے ہیں۔

    تفصیلات کے مطابق کراچی میں احتجاج کرنے والے تحریک انصاف رہنماؤں اور کارکنوں کے خلاف مقدمہ درج کرلیا گیا ہے۔ مقدمے میں تحریک انصاف رہنماؤں اور درجنوں کارکنوں کو نامزد کیا گیا ہے۔

    مقدمے کے متن کے مطابق مظاہرین کی جانب سے جلاؤ گھیراؤ کیا گیا اور گاڑیوں کے شیشے توڑے گئے۔

    مقدمات سچل، فیروز آباد اور ٹیپو سلطان تھانوں میں مقدمات درج کیے گئے۔

    خیال رہے کہ گزشتہ روز پاکستان تحریک انصاف کے سربراہ عمران خان کو گرفتار کرلیا گیا تھا جس کے بعد ملک بھر میں احتجاج اور مظاہروں کا سلسلہ شروع ہوگیا تھا۔