بیجنگ : چین کے صدر شی جن پنگ نے اقتصادی ترقی کے تمام شعبوں میں پاکستان کی مدد جاری رکھنے کا اعلان کردیا اور کہا پاکستان کےاہم ترین اقتصادی شعبوں پر توجہ مرکوز کی جا رہی ہے۔

تفصیلات کے مطابق چین کے صدر شی جن پنگ نے یقین دہانی کرائی ہے کہ چین پاکستان کی معاشی ترقی کے تمام شعبوں میں مدد جاری رکھے گا۔

وزیراعظم شہباز شریف سے ملاقات کے دوران چینی صدر نے کہا کہ سی پیک منصوبہ دوسرے مرحلے میں داخل ہوچکا ہے اور اب توجہ پاکستان کے اہم اقتصادی شعبوں پر مرکوز کی جا رہی ہے۔

ان کا کہنا تھا کہ چین دہشت گردی کے خلاف جنگ میں بھی پاکستان کی مکمل حمایت کرتا ہے۔

ملاقات میں دونوں رہنماؤں نے اس بات پر اتفاق کیا کہ پاکستان اور چین کے تعلقات منفرد اور بے مثال ہیں اور ان تعلقات کی عکاسی باہمی تعاون کو مزید فروغ دینے سے ہونی چاہیے۔

اس موقع پر دونوں ممالک کے رہنماؤں نے اہم علاقائی اور عالمی امور پر بھی تبادلہ خیال کیا اور قریبی تعاون جاری رکھنے کے عزم کا اعادہ کیا۔

مزید پڑھیں : وزیر اعظم کی چینی صدر شی جن پنگ کی قائدانہ صلاحیتوں کی تعریف

وزیراعظم شہباز شریف نے سی پیک کے دوسرے مرحلے پر عملدرآمد کو یقینی بنانے کے عزم کو دہراتے ہوئے کہا کہ پانچ نئے کوریڈورز پاکستان کی اقتصادی ترقی میں اہم کردار ادا کریں گے۔

انہوں نے صدر شی جن پنگ کی وژنری قیادت کو خراج تحسین پیش کیا اور کہا کہ پاکستان چین کی ترقی پر فخر کرتا ہے اور ہر سطح پر بیجنگ کے ساتھ تعاون جاری رکھے گا۔

وزیراعظم نے صدر شی کو اگلے سال پاکستان کے دورے کی دعوت بھی دی، جب دونوں ممالک اپنے سفارتی تعلقات کے قیام کی 75ویں سالگرہ منائیں گے۔

کراچی: چینی قونصل جنرل یانگ یونڈونگ نے کہا ہے کہ چین دہشت گردی کے خلاف جنگ میں پاکستان کی مکمل مدد کرتا ہے۔

تفصیلات کے مطابق چینی قونصل جنرل یانگ یونڈونگ نے میڈیا سے گفتگو کرتے ہوئے کہا کہ خضدار میں اسکول کے بچوں پر حملے کی مذمت کرتے ہیں، دہشت گردی کیخلاف جنگ میں پاکستان کی بھرپور حمایت کرتے ہیں۔

یانگ یونڈونگ نے کہا کہ چین امن و استحکام کی بحالی کیلئے پاکستان کو مکمل مدد فراہم کرتا ہے، امید ہے پاک بھارت مذاکرات سے تنازعات کو حل کریں گے۔

چین پاکستان کے ساتھ مضبوط تعلقات کو مزید بڑھائے گا، چینی وزیر خارجہ

چینی قونصل جنرل کا کہنا تھا کہ مذاکرات پاکستان اور بھارت سمیت پورے خطے کے مفاد میں ہیں، امن واستحکام کو برقرار رکھنے کیلئے پاکستان کیساتھ ملکر کام کریں گے۔

ان کا مزید کہنا تھا کہ سی پیک منصوبے کے تحت بلوچستان میں مائننگ سمیت دیگر شعبوں پر کام کرینگے، گوادر پورٹ اور نیو گوادر ایئرپورٹ اہم منصوبے ہیں۔

https://urdu.arynews.tv/chinas-vice-foreign-minister-meets-pakistan-ambassador-to-discuss-india-tensions/

ترجمان امریکی محکمہ خارجہ میتھیو ملر نے کہا ہے کہ توانائی کے شعبے میں پاکستان کی مدد امریکا کی ترجیحات میں شامل ہے۔

امریکی محکمہ خارجہ کے ترجمان میتھیو ملر نے میڈیا بریفنگ کے دوران بتایا کہ امریکا کی جانب سے 4 ہزار میگا واٹ بجلی کی پیداوار میں پاکستان کی مدد کی گئی۔

ترجمان میتھیو ملر کا مزید کہنا تھا کہ امریکی پراجیکٹس کے ذریعے لاکھوں گھروں میں بجلی فراہم ہو رہی ہے۔

انھوں نے کہا کہ ماحولیاتی چیلنجز پر گرین الائنس کے ذریعے مل کر کام کررہے ہیں، آبی وسائل، اسمارٹ زراعت اور قابل تجدید توانائی میں تعاون جاری ہے۔