ARYNews.tv | Urdu – Har Lamha Bakhabar

Tag: پاکستان کی مستقل مندوب

  • سی پیک ترقی پذیرممالک کےدرمیان شراکت داری کی روشن مثال ہے، ملیحہ لودھی

    سی پیک ترقی پذیرممالک کےدرمیان شراکت داری کی روشن مثال ہے، ملیحہ لودھی

    نیویارک : پاکستان کی مستقل مندوب ملیحہ لودھی کا کہنا ہے کہ سی پیک ترقی پذیرممالک کےدرمیان شراکت داری کی روشن مثال ہے، ترقی پذیرممالک میں سرمایہ کاری سےعالمی ترقی کی رفتارمیں اضافہ ہوگا۔

    تفصیلات کے مطابق نیویارک میں اقوام متحدہ میں پاکستان کی مستقل مندوب ملیحہ لودھی نے خطاب کرتے ہوئے کہا سی پیک ترقی پذیرممالک کےدرمیان شراکت داری کی روشن مثال ہے، سی پیک سے خطے میں خوشحالی آئےگی۔

    ملیحہ لودھی کا متوسط آمدنی والے ممالک کو درپیش چیلنجز پر اقوام متحدہ میں کہنا تھا کہ دنیاکی 73فیصد غریب آبادی متوسط آمدنی والےترقی پذیر ممالک میں رہتی ہے، غربت کا خاتمہ کئےبغیر پائیدار اور دیرپا ترقی کا حصول ممکن نہیں۔

    پاکستانی سفیر نے کہا ترقی پذیرممالک میں سرمایہ کاری سےعالمی ترقی کی رفتارمیں اضافہ ہوگا۔

    یاد رہے چند روز قبل اقوام متحدہ میں پاکستان کی مستقل مندوب ملیحہ لودھی نے اقوام متحدہ اور شنگھائی تعاون تنظیم کے مابین شراکت داری پر اظہار خیال کرتے ہوئے کہاتھا  کہ پاکستان عالمی معاملات میں یکطرفہ نظریات اور سوچ کا مخالف ہے۔ علاقائی تعاون اور باہمی روابط کا فروغ پاکستان کی ترجیحات میں شامل ہے۔

    ملیحہ لودھی کا کہنا تھا کہ ایس سی او منفی قومیت پرستی اور نئی سامراجی سوچ کے خلاف اہم پلیٹ فارم ہے۔ شنگھائی تعاون تنظیم نے امن و سلامتی اور ترقی کے لیے گراں قدر کام کیا۔

    اس سے قبل پاکستان کی سفیر ملیحہ لودھی نے کہا تھا کہ پاکستان اصولوں پر سلامتی کونسل میں اصلاحات کا حامی ہے۔

  • اسرائیلی تسلط نے فلسطینیوں کی زندگی اجیرن کردی،ملیحہ لودھی

    اسرائیلی تسلط نے فلسطینیوں کی زندگی اجیرن کردی،ملیحہ لودھی

    نیویارک : اقوام متحدہ میں پاکستان کی مستقل مندوب ملیحہ لودھی نے غزہ میں اسرائیلی جارحیت کی مذمت کرتے ہوئے کہا ہے کہ اسرائیلی تسلط نے فلسطینیوں کی زندگی اجیرن کردی ہے، غزہ کی حالیہ صورتحال اسرائیل کی مسلسل جارحیت کی تازہ مثال ہے۔

    تفصیلات کے مطابق اقوام متحدہ میں مستقل مندوب ملیحہ لودھی نے غزہ میں اسرائیلی جارحیت پر ردعمل دیتے ہوئے کہا مسئلہ فلسطین کا حل خطے اور عالمی امن کے لیے ناگزیر ہے، اسرائیلی تسلط نےفلسطینی لوگوں کی زندگی اجیرن کر دی ہے۔

    ملیحہ لودھی کا کہنا تھا کہ غزہ میں حالیہ کشیدگی اسرائیل کی مسلسل جارحیت کی تازہ مثال ہے، مسئلہ فلسطین کے حل میں تاخیرنے خطے میں ناختم ہونے والی دشمنی اوراختلاف کا بیج بودیا ہے اور اسرائیل سوچے سمجھےمنصوبے کے تحت دو ریاستی حل کے خدوخال بگاڑ رہا ہے۔

    اقوام متحدہ میں پاکستان کی مستقل مندوب نے اسرائیلی جارحیت کا جائزہ لینے والی کمیٹی کی رپورٹ پر ردعمل دیتے ہوئے کہا فلسطین کے مسئلے پر پیشرفت نہ ہونے سے کئی نسلیں امن کی امید کھو چکی ہیں، پاکستان کی حمایت فلسطینیوں کے ساتھ رہے گی۔

    مزید پڑھیں : پاکستان نے فلسطینی مہاجرین کو دی جانے والی امداد میں اضافہ کردیا ‘ ملیحہ لودھی

    یاد رہے پاکستان نے فلسطینی مہاجرین کو دی جانے والی امداد میں اضافہ کردیا تھا ، پاکستانی سفیر ملیحہ لودھی کا کہنا تھا کہ حکومتی احکامات،عوامی امنگوں کے پیش نظرامداد میں اضافہ کیا، اضافی مدد سے فلسطینی بچوں کے اسکول کھلے رہیں گے، کلینک بند نہیں ہوں گے، پاکستان ہمیشہ فلسطینی بھائیوں اور بہنوں کے ساتھ کھڑا رہے گا۔

    دوسری جانب غزہ کی صورتحال پراقوام متحدہ کی جنرل اسمبلی کا بند کمرا اجلاس بے نتیجہ رہا تھا اور فلسطینوں کی شہادت پرعالمی حقوق کے چمپئین اسرائیل کی مذمت تک نہ کرسکے، اقوام متحدہ میں فلسطین کے مستقل آبزرور ریاض منصور نے غزہ میں اسرائیلی جارحیت کی شدید مذمت کرتے ہوئے سلامتی کونسل سے اسرائیل کے خلاف ایکشن لینے کا مطالبہ کیا تھا۔

    خیال رہے اسرائیلی فورسزکی جارحانہ کارروائیوں میں گزشتہ چندروزمیں چودہ فلسطینی شہید اورمتعدد زخمی ہوچکے ہیں۔

  • پاکستان فلم فیسٹیول: نیویارک پاکستانی ستاروں سے جگمگا اٹھا

    پاکستان فلم فیسٹیول: نیویارک پاکستانی ستاروں سے جگمگا اٹھا

    نیویارک: اقوام متحدہ میں پاکستان مشن کے زیر اہتمام پہلے پاکستانی فلم فیسٹیول کا آغاز ہوگیا۔ فلم میں بے شمار پاکستانی ستاروں اور امریکا میں مقیم پاکستانیوں نے شرکت کی۔

    دو روزہ فلم فیسٹیول اقوم متحدہ کے ہیڈ کوارٹر میں موجود ثقافتی سینٹر ایشیا سوسائٹی میں منعقد کیا جارہا ہے۔ تقریب کی مہمان خصوصی اقوام متحدہ کی ڈپٹی جنرل سیکریٹری جین ایلیسن نے پہلے پاکستانی فلم فیسٹیول کے انعقاد پر پاکستانی مشن کو مبارکباد پیش کی۔

    un-3

    انہوں نے کہا کہ فلم، ثقافت، موسیقی اور ادب امن کے فروغ اور مختلف ممالک کو ایک دوسرے کی ثقافت سمجھنےمیں مدد دیتے ہیں۔

    انہوں نے پاکستانی فنکاروں سے کہا، ’آپ نے آج اس عمارت کو زندگی بخش دی ہے‘۔

    انہوں نے کہا کہ ان فنکاروں نے پہلے پاکستان کو فتح کیا اب یہ نیویارک کو فتح کریں گے۔

    un-6

    un-5

    un-4

    un-2

    فیسٹیول کی روح رواں اقوام متحدہ میں پاکستان کی مستقل مندوب ملیحہ لودھی کا کہنا تھا کہ یہ فلمیں اقوام متحدہ میں پاکستان کی شاندار ثقافت کی عکاسی کریں گی۔

    انہوں نے کہا کہ فلم انڈسٹری میں نوجوان فلم سازوں اور ہدایت کاروں کی آمد سے اس صنعت میں نئی جان پڑ گئی ہے۔ ’ان فلمسازوں نے معاشرے کے بے باک موضوعات کو اٹھایا اور جدید ڈیجیٹل ٹیکنالوجی کے ذریعہ شاندار فلمیں تخلیق کی ہیں‘۔

    فیسٹیول میں اے آر وائی فلمز کے تحت بنائی جانے والی فلمیں ’دوبارہ پھر سے‘، ’لاہور سے آگے‘ اور آسکر ایوارڈ یافتہ ہدایت کار شرمین عبید چنائے کی بنائی ہوئی اینی میٹڈ فلم ’تین بہادر‘ بھی پیش کی جارہی ہیں۔ ان فلموں کے علاوہ دختر، ڈانس کہانی، ہو من جہاں اور ایکٹر ان لا بھی فیسٹیول کا حصہ ہیں۔

    فیسٹیول میں ماہرہ خان، مروا ہوکین، نبیل قریشی، صبا قمر، وجاہت رؤف، یاسر حسین، شہریار منور، عاصم رضا، طوبیٰ صدیقی، صنم سعید اور مہرین جبار سمیت کئی فنکاروں نے شرکت کی۔ اے آر وائی ڈیجیٹل پاکستان کے سی ای او جرجیس سیجا بھی فیسٹیول میں شریک ہیں۔