Tag: پاکستان کی کوششوں کی تعریف

  • چینی ملٹری میڈیکل ٹیم کی کورونا پر قابو پانے کیلئے پاکستان کی کوششوں کی تعریف

    چینی ملٹری میڈیکل ٹیم کی کورونا پر قابو پانے کیلئے پاکستان کی کوششوں کی تعریف

    اسلام آباد : چینی ملٹری میڈیکل ٹیم نے کورونا پر قابو پانے کیلئے پاکستان کی کوششوں کی تعریف کی جبکہ این سی او سی کے عہدیداروں نے چینی ٹیم کے پاکستان آنے اور تجربات شیئر کرنے پر شکریہ ادا کیا۔

    تفصیلات کے مطابق چینی ملٹری میڈیکل ٹیم نے نیشنل کمانڈ اینڈآپریشن سینٹر کا دورہ کیا ، 10رکنی چینی میڈیکل ٹیم کی قیادت میجر جنرل ہو آنگ کنگ ژین نےکی، چینی ٹیم کو پاکستان میں کورونا کے اثرات اور اقدامات سمیت مستقبل کے لائحہ عمل سے متعلق بریفنگ دی گئی۔

    این سی او سی کے مطابق چینی ملٹری میڈیکل ٹیم نے کورونا پر قابو پانے کیلئے تجربات کابھی تبادلہ کیا اور کوروناپرقابوپانےکیلئےاقدامات پربھی روشنی ڈالی گئی ، اس موقع پر چینی ٹیم کی کورونا پر قابو پانے کیلئے پاکستان کی کوششوں کی تعریف کی۔

    دورے پر آئے ہوئے وفد کو ٹی ٹی کیو حکمت عملی سے آگاہ کیا گیا ، جو کوویڈ 19 کے خلاف ٹارگٹڈ لاک ڈاؤنز اور قابو پانے کی کوششوں کے پیمانے اور وسعت میں مدد فراہم کرتا ہے۔

    این سی او سی کے عہدیداروں نے چینی ٹیم کا پاکستان آنے اور تجربات شیئر کرنے پر شکریہ کرتے ہوئے کہا چین کی جانب سے وبائی امراض کے خلاف جنگ میں تعاون کے شگر گزار ہیں۔

    خیال رہے کہ حالیہ دنوں چین میں وبا سے لڑنے والے ماہرین نے پاکستان کا دورہ کیا اور ملک میں کرونا صورت حال کا جائزہ لیا تھا۔ اس اہم موقع سے پاکستان نے بہت فائدہ اٹھایا۔

    یاد رہے نیشنل کمانڈ اینڈ آپریشن سینٹر کا کہنا تھا کہ پاک چین تعلقات آزمائش کی پر گھڑی میں پورا اترے ہیں ، چین نے ووہان میں پھنسے پاکستانی طلبا کا بھرپور خیال رکھا اور کرونا کے خلاف جنگ میں پاکستان کو بھرپور تعاون فراہم کیا اور تجربات کے تبادلے کےلیے چینی طبی ماہرین نے پاکستان کا دورہ بھی کیا۔

  • چینی صدر کی دہشت گردی کیخلاف پاکستان کی کوششوں کی تعریف

    چینی صدر کی دہشت گردی کیخلاف پاکستان کی کوششوں کی تعریف

     بشکیک : وزیر اعظم عمران خان اور چینی صدر کی ملاقات میں  مشکل وقت میں تعاون فراہم کرنے پر اظہار تشکر کیا جبکہ چینی صدرنے دہشت گردی کیخلاف پاکستان کی کوششوں کی تعریف کی۔

    تفصیلات کے مطابق شنگھائی تعاون تنظیم کے سربراہی اجلاس میں وزیر اعظم عمران خان اور چینی صدر شی جن پنگ کی ملاقات کا اعلامیہ جاری کردیا۔

    جس میں کہا گیا وزیراعظم عمران خان نے کرغزستان کے شہر بشکک میں شنگھائی تعاون تنظیم کے سربراہ اجلاس کے موقع پر چینی صدر شی جن پنگ سے ملاقات کی، ملاقات میں دو طرفہ تعلقات سمیت سی پیک منصوبےمیں پیشرفت پرتبادلہ خیال کیا گیا، دونوں رہنماؤں کےدرمیان خطےکی مجموعی صورتحال پربھی بات چیت ہوئی۔

    چینی صدر نے خطےمیں قیام امن کےلئےپاکستان کی کوششوں کی تعریف کی اور ترقی کےنئےسفرمیں پاک چین کمیونٹی میں رابطوں کےفروغ کافیصلہ کیا گیا اور مضبوط برادرہمسایہ ممالک اسٹریٹجک کوآپریٹوشراکت داری بڑھانے پراتفاق کیا۔

    وزیراعظم نے کہا چینی وزیراعظم وانگ کیشان کادورہ پاکستان انتہائی اہمیت کاحامل رہا، مشکل وقت میں تعاون فراہم کرنےپرچینی صدر سے اظہارتشکر کیا۔

    دونوں رہنماؤں نے دو طرفہ تعلقات کی موجودہ صورتحال پر اطمینان کا اظہار کیا اور ساتھ ہی وزیراعظم عمران خان نے چینی صدرکوپاکستان کی بھرپورحمایت کی یقین دہانی کراتے ہوئے کہا پاکستان چین کیساتھ ہرشعبےمیں تعاون جاری رکھےگا، سی پیک منصوبہ کی تکمیل حکومت کی ترجیحات میں شامل ہے۔

    دونوں ممالک نے عالمی چیلنجز سے نمٹنے کے لئے مشترکہ کوششیں کرنے پراتفاق کیا گیا۔

    اس سے قبل ترجمان دفترخارجہ نے اپنے بیان میں کہا تھا وزیراعظم عمران خان کی چینی صدر سےگرمجوش ملاقات ہوئی ، ملاقات ایس سی اورکونسل کےسربراہ اجلاس کی سائیڈلائن پر ہوئی، جس میں دوطرفہ تعلقات،علاقائی اورعالمی امورپرتبادلہ خیال کیا گیا۔