واشنگٹن : امریکا میں پاکستان کے سفیر مسعود خان کی مدت سفارت ختم ہوگئی، اس موقع پر مسعود خان نے کہا کہ مدت سفارت کے دوران پاک امریکا تعلقات مضبوط بنانے کی کوشش کی اور اس عمل کو جاری رہنا چاہیئے۔
تفصیلات کے مطابق واشنگٹن میں پاکستانی سفیر سردار مسعود خان کی مدت برائے سفیر اختتام پذیر ہوئی، اس موقع پر انھوں نے کہا کہ میں نےامریکامیں پاکستان کےسفیرکی حیثیت سےذمہ داری مکمل کرلی ہے، مارچ 2022سے ہم نے پاک امریکاتعلقات کومضبوط بنانےکی کوشش کی۔
پاکستانی سفیر کا کہنا تھا کہ امریکی دوستوں کی دی جانےوالی بےپناہ حمایت کےلیےشکرگزارہوں، پاک امریکا تعلقات کو مضبوط بنانےکیلئےکوششوں میں ثابت قدم رہناچاہیئے، پاکستان اور امریکاکےدرمیان مضبوط تعلقات پر کام جاری ہے۔
انھوں نے امریکہ میں مقیم پاکستانی برادری کی حمایت اور افہام و تفہیم کا شکریہ ادا کرتے ہوئے کہا یقین ہےکہ آپ میرےجانشین کی مکمل حمایت کریں گے۔
پاکستانی سفیر نے مزید کہا کہ جاتے وقت،میں آپ سب کی کامیابی اورخوشحالی کی خواہش کرتاہوں، پاکستان پراعتمادرکھیں اورپاکستان امریکاتعلقات کو پروان چڑھاتے رہیں۔
