پاکستان ہاکی فیڈریشن کو پرولیگ میں شرکت کے لیے لائف لائن مل گئی، پی سی بی سمیت مختلف ادارے شرکت کےلیے سپورٹ فراہم کریں گے۔

پرولیگ میں قومی ہاکی ٹیم کی شرکت کے حوالے سے ذرائع نے بتایا کہ حکومتی ادارے اور پاکستان کرکٹ بورڈ مل کر پلیئرز کےلیے فنڈ فراہم کریں گے، پرولیگ کےلیے ہاکی فیڈریشن کے بجائے براہ راست خرچہ کیا جائے گا۔

پاکستان ہاکی ٹیم کی مالیاتی بحران کے باعث ایف آئی ایچ پرو لیگ ہاکی ٹورنامنٹ میں شرکت گزشتہ کئی ہفتوں سے مشکوک تھی۔

نجی ویب سائٹ کی رپورٹ میں بتایا گیا تھا کہ پاکستان ہاکی فیڈریشن (پی ایچ ایف) کو حال ہی میں بین الاقوامی ہاکی فیڈریشن کی جانب سے باضابطہ ایف آئی ایچ پرو لیگ کے آئندہ ایڈیشن میں شرکت کے لیے دعوت نامہ موصول ہوا۔

یہ بھی پڑھیں: قومی ہاکی ٹیم کے کھلاڑی بغاوت پر آمادہ؟ کپتان اور کھلاڑی کی آڈیو لیک سے تہلکہ مچ گیا

یہ پیشکش نیشنز کپ چیمپئن نیوزی لینڈ کے پرو لیگ کے اگلے سیزن سے نامعلوم وجوہات کی بنا پر دستبردار ہونے کے بعد کی گئی تھی۔

پاکستان نیشنز ہاکی کپ میں رنرز اپ رہا تھا جہاں پاکستان کو فائنل میں نیوزی لینڈ سے 6-2 سے شکست ہوئی تھی، جس کے بعد قومی ہاکی ٹیم کو ایلیٹ مقابلے میں شرکت کی پیشکش کی گئی۔

تاہم مالی وسائل کی کمی کی وجہ سے پی ایچ ایف کی شرکت غیر یقینی کا شکار تھی، مبینہ طور پر فیڈریشن کو لیگ میں ٹیم کی شمولیت کو یقینی بنانے کے لیے 500 ملین روپے سے زیادہ کی ضرورت تھی۔

https://urdu.arynews.tv/ihf-invites-pakistan-to-participate-in-pro-league/

لاہور: پاکستان کی قومی ہاکی ٹیم نیشنز ہاکی کپ میں شرکت کے بعد وطن واپس پہنچ گئی، گرین شرٹس فائنل تک پہنچنے میں کامیاب رہے تھے۔

نیشنز کپ کے فائنل میں پاکستان ٹیم نیوزی لینڈ کیخلاف خاطرخواہ کھیل پیش کرنے میں ناکام رہی تھی، ٹورنامنٹ میں شاندار کھیل پیش کرنے والے قومی پلیئرز وطن پہنچ چکے ہیں، پاکستان ہاکی فیڈریشن کے عہدیداران استقبال کیلئے علامہ اقبال ائیرپورٹ پر موجود تھے۔

کھلاڑیوں کے استقبال کیلئے اہلخانہ اور مداح بھی ائیرپورٹ پرموجود تھے، فائنل میں نیوزی لینڈ نے 2 کے مقابلے میں 6 گول سے پاکستان کو شکست دی تھی۔

قومی ہاکی ٹیم نے سیمی فائنل میں عمدہ کھیل پیش کرتے ہوئے فرانس کو پنالٹی شوٹ آئوٹ پر شکست دےکر فائنل کیلئے کوالیفائی کیا تھا۔

https://urdu.arynews.tv/nations-hocky-cup-pakistan-vs-newzealand-final/

قومی ہاکی ٹیم کے کھلاڑی ابھی تک معاوضوں کے منتظر ہیں، ایشین چیمپیئنز ٹرافی ختم ہونے کے بعد ان تک یومیہ الاؤنس نہیں دیا گیا۔

تفصیلات کے مطابق ذرائع نے انکشاف کیا کہ ایشین چیمپیئنز ٹرافی کے10 دن بعد بھی پاکستانی ہاکی ٹیم کے کھلاڑیوں کو یومیہ الاؤنس نہیں ملے جبکہ قومی ہاکی کھلاڑیوں کو چین جانے سے پہلے بھی کوئی معاوضہ نہیں ملا تھا۔

ذرائع نے مزید بتایا کہ کھلاڑیوں کو یومیہ الاؤنس کی مد میں 35 ہزاررپے ملتے ہیں، کارکردگی بہتر ہوئی، رینکنگ بہتر ہوئی لیکن معاوضوں کا سلسلہ بہتر نہ ہوا۔

یہ بات قابل ذکر ہے کہ قومی ہاکی ٹیم کے کھلاڑیوں نے حالیہ بین الاقوامی ایونٹس میں جان توڑ محنت کی ہے اور ان کی کارکردگی قابل ذکر رہی ہے۔

پاکستان ہاکی ٹیم حال ہی میں اختتام پذیر ہونے والے ایشین ہاکی چیمئنزٹرافی کے سیمی فائنل میں پہنچی تھی جہاں اسے سنسنی خیز مقابلے میں بھارت کے ہاتھوں شکست ہوئی تھی۔

تاہم قومی ہاکی ٹیم نے ہمت نہ ہارتے ہوئے جنوبی کوریا کو شکست دے کر تیسری پوزیشن حاصل کی تھی، قومی ٹیم نے جنوبی کوریا کو 2 کے مقابلے میں 5 گول سے ہرایا تھا۔

خیال رہے کہ بھارت نے ایشین ہاکی چیمئنزٹرافی کا فائنل مقابلہ اپنے نام کیا تجا، حتمی مقابلے میں چین کو سنسنی خیز مقابلے کے بعد 0-1 سے شکست ہوئی تھی۔

پاکستان ہاکی ٹیم اذلان شاہ ہاکی ٹورنامنٹ میں مسلسل شاندار کارکردگی دکھا رہی ہے لیکن حیرت انگیز طور پر کھلاڑی تاحال پیسوں سے محروم ہیں۔

اے آر وائی کے پروگرام میں اظہار خیال کرتے ہوئے سابق اولمپیئن ریحان بٹ کا کہنا تھا کہ شاندار پرفارمنس کے باوجود ان کھلاڑیوں کا والی وارث کون ہے؟ کون انھیں پیسے دے گا اور کون ان کے ڈیلی الاؤنس کلیئر کرے گا۔ ان پلیئرز کو ایک روپیہ بھی ابھی تک الاؤنس کی صورت میں نہیں ملا ہے۔

ریحان بٹ نے کہا کہ میں ان کھلاڑیوں کو سیلوٹ کرتا ہوں کہ یہ پاکستان کے لیے کھیل رہے ہیں اور پاکستان کا نام روشن کررہے ہیں۔ یہ لڑکے بغیر پیسوں کے وہاں پرفارم کرہے ہیں۔

انھوں نے کہا کہ ان پلیئرز کی ہم جتنی بھی تعریف کریں وہ کم ہے، ایونٹ سے پہلے ہی ان کے ڈیلی الاؤنس اور دیگر چیزوں کا مسئلہ تھا جبکہ ڈیلی الاؤنس کا مسئلہ اب تک حل نہیں ہوسکا ہے۔

میزبان کا کہنا تھا کہ زیادہ افسوس کی بات یہ ہے کہ زیادہ تر لوگوں کو اس ایونٹ کے بارے میں بھی نہیں پتا اور نہ ہی کھلاڑیوں کو کوئی پروموشن ملتی ہے نہ پبلسٹی ملتی ہے۔

View this post on Instagram

A post shared by ARY News (@arynewstv)

ریحان بٹ نے کہا کہ میں دعوے کے ساتھ کہتا ہوں کہ اگر ایشیا میں انڈیا نمبر ون ہے تو نمبر ٹو ٹیم پاکستان ہی ہے لیکن ان لڑکوں کو مناسب سہولت فراہم کرنا ضروری ہے۔

قومی ہاکی ٹیم نے اس ٹورنامنٹ کچھ الگ قسم کی کارکردگی کا مظاہرہ کیا ہے، اس ایونٹ میں یہ دیکھنے کو مل رہا ہے کہ پاکستان ٹیم خسارے میں جانے کے باوجود کم بیک کرتی ہے اور میچ جیتتی ہے۔

واضح رہے کہ پاکستان ہاکی ٹیم نے اذلان شاہ ہاکی ٹورنامنٹ میں کافی شاندرار کارکردگی کا مظاہرہ کیا ہے۔ ملائیشیا کے خلاف 1-3 کے خسارے میں جانے کے باوجود پاکستانی ٹیم نے کم بیک کرتے ہوئے فتح اپنے نام کی۔

اس کے علاوہ تیسرے میچ میں نسبتاً بہتر ٹیم جاپان کےخلاف بھی گرین شرٹس ایک گول کے خسارے میں جانے کے باوجود مقابلہ برابر کرنے میں کامیاب رہے۔