Tag: پاکستان

پاکستان میں انسداد پولیو کی ٹیموں پر شدت پسندوں کے حملوں کی وجہ سے اب تک چوبیس سے زائد رضا کار جاں بحق ہوچکے ہیں، جو اس بات کی نشاندہی کرتی ہے کہ پاکستان کو معذوربنانے کی گہری سازش کی جارہی ہے۔

سال دوہزار تیرہ میں پوری دنیا میں رپورٹ ہونے والے کیسز کی تعداد تین سو انہتر تھی، جن میں سے تیراسی کیسز صرف پاکستان میں درج کئے گئے، یہ تعداد دو ہزار بارہ میں اٹھاون تھی اور پولیو کیسز میں کمی تو در کنار اضافہ ہوتا چلا گیا۔

پشاور پولیو کے کیسز کا گڑھ بنا، قبائلی علاقے فاٹا میں گزشتہ برس انسٹھ ، خیبر پختواں میں دس کیسز سامنے آئے، سندھ میں دس پنجاب میں سات کیسز رپورٹ ہوئے، سال دو ہزارتیرہ وہ سال تھا، جس میں پولیو مہم میں حصہ لینے والی ٹیموں پر پہلی مرتبہ سب سے زیادہ حملے ہوئے۔

جس سے ایک نیا پہلو سامنے آیا کہ پاکستان کے مستقبل کو معذور بنانے کی سازش کی جارہی ہے، شمالی وزیرستان اور جنوبی وزیرستان میں انسداد پولیو مہم پر مکمل پابندی ہے، خیبر ایجنسی میں ڈیڑھ سے دو لاکھ بچے ویکسین سے محروم رہ جاتے ہیں۔

پاکستان میں انسداد پولیو کی ٹیموں پر شدت پسندوں کے حملوں کی وجہ سے اب تک چوبیس سے زائد رضا کار اور ان کی حفاظت پر مامور سیکیورٹی اہلکار جاں بحق ہوچکے ہیں۔
       

وفاقی کابینہ نے قومی سلامتی پالیسی کی اصولی طور پر منظوری دیدی، وزیراعظم نواز شریف کا کہنا ہے کہ پاکستان کا مفاد سیاسی مفادات سے بالاتر ہے، اصولوں پر سمجھوتہ نہیں کریں گے، مذاکرات صرف مذاکرات کرنے والوں سے ہونگے دیگر کے خلاف آپریشن ہوگا۔

حکومت نے دہشتگردوں اور رٹ چیلنج کرنے والوں کو واضح پیغام دے دیا، ملکی سیکیورٹی کی بگڑتی ہوئی صورتحال پر موجودہ حکومت نے پہلی قومی سلامتی پالیسی کی اصولی طور پر منظوری دے دی، تین حصوں پر مشتمل پالیسی کا پہلا حصہ خفیہ، دوسرا اسٹراٹیجک اور تیسرا آپریشنل ہوگا۔

وزیراعظم نواز شریف کی زیر صدارت ہونے والے اجلاس میں اہم فیصلے کئے گئے، وزیراعظم نواز شریف نے اجلاس سے خطاب کرتے ہوئے کہا کہ غیر معمولی حالات میں غیر معمولی اقدامات کی ضرورت ہے، سیکورٹی اور معیشت پر پاکستان کا مفاد پیش نظر ہے، سیاسی مفاد نہیں دیکھا جائے گا۔

وزیراعظم نے کہا کہ قانون نافذ کر نے والے اداروں، میڈیا، عوام اور افواج پاکستان کی قربانیوں پر خراج تحسین پیش کرتا ہوں، وزارت داخلہ اور قانون تحفظ پاکستان قانون کے نفاذ کو یقینی بنائیں، انسداد دہشت گردی کی عدالتیں قائم کی جائیں اور پراسیکیوٹر تعینات کیئے جائیں۔

وزیراعظم کا کہنا تھا کہ اصولوں پر کوئی سمجھوتہ نہیں کیا جائے گا، مجرموں کو کیفر کردار تک پہنچانے کے لئے تمام ریاستی اداروں کو اپنے کردار ادا کرنا پڑیں گے، اجلاس میں بارڈر سیکورٹی سسٹم کو مزید موثر بنانے کا فیصلہ کیا گیا اور غیر ملکی طالبان کی نشاندہی کر کے ان کے ممالک سے رابطہ کیا جائیگا، کابینہ اس اہم پالیسی پر اگلے اجلاس میں بحث جاری رکھے گی۔

کالعدم تحریک طالبان پاکستان کی جانب سے مذاکرات پر آمادگی سے پہلے بڑے بڑے حملے کیے گئے، جن میں قبائلی علاقوں کے علاوہ شہروں کو بھی نشانہ بنایا گیا۔

طالبان نے حکومت سے ایک بار پھر مذاکرات کی آمادگی ظاہر کردی ہے، کالعدم تحریک طالبان کی جانب سے مذاکرات کی میز پر بیٹھنے کی پیشکش سے پہلے کئی بڑے حملے کئے گئے لیکن مذاکرات کی نئی پیشکش کے فوری بعد آج صبح سات بج کے چالیس منٹ پر آر اے بازار میں چوکی کے قریب ایک اور خود کش حملہ کر دیا گیا۔

دھماکے میں تیرہ افراد جاں بحق اور پچیس زخمی ہوئے، دھماکے کی ذمہ داری بھی طالبان نے قبول کرلی ہے، گزشتہ روز بھی بنوں چھاؤنی میں ہونے والے بم دھماکے میں بیس سیکورٹی اہلکار جاں بحق اور تیس زخمی ہوئے، دھماکے کی ذمہ داری تحریک طالبان پاکستان نے قبول کی۔

مذاکرات پر آمادگی سے پہلے طالبان نے قبائلی علاقوں کے علاوہ شہروں میں بھی اپنی موجودگی ظاہر کی، پہلے کراچی میں عیسی نگری کے قریب ایس پی سی آئی ڈی چوہدری اسلم کو دھماکے کا نشانہ بنایا گیا، ذمہ داری طالبان نے قبول کی، اسکے بعد کراچی میں نجی ٹی وی چینل کے تین ارکان کی ٹارگٹ کلنگ کی ذمہ داری قبول کی۔

اسی طرح پشاور میں عوامی نیشنل پارٹی کے نائب صدر میاں مشتاق کے قافلے پر حملہ کیا گیا جس میں میاں مشتاق سمیت تین افراد جاں بحق ہوئے، لگتا ہے تحریک طالبان پاکستان نے طاقت کا مظاہرہ کرکے مذاکرات کی میز پر آنے کی مشروط آمادگی ظاہر کی تاکہ بات چیت کا ماحول ان کے حق میں سازگار ہو۔

ایم کیو ایم نے چوہدری اسلم،مفتی عثمان یار خان سمیت دیگر شہداکو خراج عقیدت پیش کرنے کے لیےشمعیں روشن کرکے یوم خراج عقیدت منایا گیا، خالد مقبول صدیقی کہتے ہیں کہ اٹھارہ کڑور عوام دہشت گردوں کے رحم و کرم پر ہے۔

ایم کیو ایم نے چوہدری اسلم ،مفتی عثمان یار خان،اعتزاز حسن اور ایکسپریس کے کارکنان سمیت دیگر شہداء کو خراج عقیدت پیش کیاگیا، اراکین رابطہ کمیٹی،سول سوساءٹی،شہدائ کے اہل خانہ سمیت مختلف شعبہ ہائے زندگی سے تعلق رکھنے والے افراد نے دہشت گردی کا نشانہ بننے والے شہدائ کو سلام عقیدت پیش کرنے کے لیے گلدستے اور پھول رکھے جبکہ شہدائ کی یاد میں شمعیں روشن کرکے لواحقین سے اظہار یکجہتی کیا گیا۔

ڈاکٹر خالد مقبول صدیقی کہتے ہیں کہ امن و سلامتی کی ضمانت پاکستان میں اٹھارہ کڑور عوام دہشت گردوں کے نشانے پر ہے، حیدر عباس رضوی کہتے ہیں کہ ملکی سلامتی کے لیے مضبوط قومی سلامتی پالیسی تشکیل دی جائے، شرکائ کا کہنا تھا کہ دہشت گردی کے خلاف شہدائ کا مشن جاری رکھا جائَ گا، متحدہ قائد الطاف حسین کی جانب سے بھی شہدائ کو پھول چڑھا کر خراج عیقدت پیش کیا گیا۔