اے آروائی کیوٹی وی پیش کررہا ہے ماہ ربیع الاول میں بارہ روزہ خصوصی ٹرانسمیشن جس میں ناظرین دیکھ سکیں گے یکم تا بارہ ربیع الاول تک خصوصی پروگرامزاقبال اورعشق رسول، معجزات رسول، ازواج مطہرات، بزم سیرت، معلم کائنات، مرحبا یا مصطفیٰ، مدحت مصطفیٰ، محمد ہمارے، بیان ڈاکٹرطاہرالقادری، روشنی سب کیلئے، محفل سماع و محفل نعت اوراس کےعلاوہ اپنی پسندیدہ نعتیں، درود وسلام، خصوصی دستاویزی پروگرامزاوربہت کچھ صرف اے آر وائی کیو ٹی وی پر۔
Tag: پاکستان
پاکستان بھر سے تازہ ترین خبریں اور معلومات دیکھیں اے آز وائی نیوز کی ویب سائٹ پر
-
خواجہ محمد آصف کی وزیر اعظم محمد نواز شریف سے ملاقات
وفاقی وزیر دفاع خواجہ محمد آصف نے کہا ہے کہ سابق صدر پر ویز مشرف کو بیرون ملک بھیجنے کا کوئی فیصلہ نہیں کیا گیا ، خواجہ محمد آصف کی وزیر اعظم محمد نواز شریف سے ملاقات میں سعودی وزیر خارجہ کے دورہ پاکستان سمیت اہم معاملات پر تبادلہ خیال کیا گیا۔
وزیر پانی و بجلی خواجہ آصف نے وزیراعظم محمد نواز شریف سے ملاقات کی اورانہیں بجلی کی صورتحال پر بریفنگ دی ملاقات میں پرویز مشرف کیس بھی زیر غور آیا، پرویز مشرف کی علالت پرتبصرہ کرتے ہوئے ۔
وفاقی وزیر دفاع خواجہ آصف نے کہا ہے کہ سابق صدر پر ویز مشرف کو بیرون ملک بھیجنے کا کوئی فیصلہ نہیں کیا گیا، مشرف کی طبیعت خراب ہے توان کے وکلاء میڈیکل سر ٹیفکیٹ عدالت میں پیش کریں۔
انہوں نے کہا کہ حکومت پرویز مشرف کے معاملے پر مکمل علم میں ہے،سابق صدر کا معاملہ عدالت میں ہے عدالت جو فیصلہ کرے گی حکومت اس پر عمل کرے گی، ہوسکتاہے عدالت مشرف کوریلیف دیدے تاہم حکومت نے ایساکوئی فیصلہ نہیں کیا ہے۔
-
الطاف حسین کی کوئٹہ میں زائرین کی بسوں کو دھماکہ سے تباہ کرنے کی شدید مذمت
متحدہ قومی موومنٹ کے قائد الطاف حسین نے کوئٹہ میں زائرین کی بسوں کو دھماکہ سے تباہ کرنے کی شدیدالفاظ میں مذمت کی ہے اوردہشت گردی کے اس بدترین واقعہ میں عورتوں اوربچوں سمیت متعددافراد کے جاں بحق اورزخمی ہونے پر دلی افسوس کا اظہار کیا ہے ۔
اپنے بیان میں الطا ف حسین نے کہاکہ اپنے مقدس مذہبی مقامات کی زیارت کوجانے والے معصوم وبے گناہ اورنہتے زائرین کونشانہ بناناکھلی بربریت اورسفاکی اورظلم ہے جس کی جتنی بھی مذمت کی جائے کم ہے۔انہوں نے کہاکہ آخران معصوم اورنہتے زائرین نے کسی کاکیابگاڑاتھا، آخران کاکیاقصورتھاجوان معصوموں کو دہشت گردی کانشانہ بنایاگیا۔
الطاف حسین نے کہاکہ جو عناصر اس قسم کی دہشت گردی میں ملوث ہیں وہ کسی سے ڈھکے چھپے نہیں ہیں لیکن ان کے خلاف کارروائی کا نہ ہونااور دہشت گردی کے اس قسم کے واقعات کاتسلسل کے ساتھ جاری رہنا ریاست کی رٹ اورحاکمیت کے بارے میں سنجیدہ نوعیت کے سوالات کوجنم دیتاہے جن کاجواب ان واقعات میں ملوث دہشت گردوں کی گرفتاری سے ہی دیاجاسکتاہے۔
الطا ف حسین نے مطالبہ کیاکہ دہشت گردی کے اس بدترین واقعہ میں ملوث دہشت گردوں کوفی الفورگرفتارکیاجائے اور ان عناصر کے ساتھ سختی سے نمٹاجائے، الطاف حسین نے بم دھماکے میں جاں بحق ہونے والے افرادکے لواحقین سے دلی تعزیت کااظہارکیا، جاں بحق ہونے والوں کیلئے دعائے مغفرت کی اورزخمیوں کی صحتیابی کیلئے دعاکی۔
-
ابو ظہبی : پاکستان کی سری لنکا کے خلاف 123رنز کی برتری
پاکستان نے سری لنکا کیخلاف پہلے ٹیسٹ کے دوسرے روز بیٹسمینوں کی شاندار پرفارمنس کی بدولت میچ میں اپنی پوزیشن مضبوط کرلی ہے، یونس خان اور کپتان مصباح الحق نے سنچریاں اسکور کیں۔
ابو ظہبی ٹیسٹ کے دوسرے میں پاکستانی بلے بازوں نے کیا کمال۔ قومی ٹیم نے پہلی نامکمل اننگز ایک کھلاڑی آؤٹ چھیالیس رنز پر شروع کی تو محمد حفیظ کی صورت میں پاکستان کو پہلی وکٹ سے ہاتھ دھونا پڑا، احمد شہزاد اڑتیس کے انفرادی اسکور پر پویلین لوٹ گئے۔
تراسی رنز پر تین کھلاڑیوں کے آؤٹ ہوجانے کے بعد تجربہ کار یونس خان نے کپتان مصباح الحق کے ساتھ مل کر ٹیم کو سہارا دیا اور چوتھی وکٹ کے لئے دو سو اٹھارہ رنز جوڑ ے، یونس خان نے کیرئیر کی تیسویں سنچری بناتے ہوئے پاکستان کو سری لنکا پر برتری دلوائی، یونس خان ایک سو چھتیس رنز پر آؤٹ ہوئے۔
دوسری جانب مصباح الحق ڈٹے رہے اور بولر زکا جم کر سامنا کررتے ہوئے کیرئیر کی پانچویں سنچری داغ ڈالی، یونس اور مصباح کے سامنے سری لنکن بولرز بے بسی کی تصویر بنے رہے دوسرے روز کھیل کے اختتام پر مصباح الحق ایک سو پانچ اور اسد شفیق بارہ رنز کے ساتھ کیریز پر موجود ہے، پاکستان کو سری لنکا پر ایک سو تیئس رنز کی برتری حاصل ہے اور اس کی چھ وکٹیں اب بھی باقی ہے۔
-
وہاڑی: ٹرین وین سے ٹکرا گئی، 3 خواتین جاں بحق
وہاڑی میں اسکول وین فرید ایکسپریس کی زد میں آ گئی جس کے نتیجے میں تین خواتین ٹیچرز جاں بحق اور ڈرائیور سمیت چھ افراد شدید زخمی ہو گئے ہیں۔
وہاڑی کے قریب بغیر پھاٹک دانیوال ریلوے کراسنگ پر اسکول وین فرید ایکسپریس کی زد میں آ گئی،جس کے نتیجے میں دو خواتین ٹیچرز جاں بحق اور ڈرائیور سمیت چھ افراد زخمی ہو گئے۔
حادثےکا شکار ہونے والی وین میں وہاڑی شہر کی رہائشی خواتین ٹیچرز خانیوال روڈ کے مختلف دیہات میں واقع اسکولز میں اپنی ڈیوٹی ختم کر کے واپس جا رہی تھیں۔
ریسکیو ون ون ٹو ٹو کی ٹیم نے زخمیوں کو فوری طور پر ڈی ایچ کیو اسپتال پہنچایا جہاں زخموں کی تاب نہ لاتے ہوئے ایک اور ٹیچر جاں بحق ہوگئی جبکہ دو زخمیوں کو نشتر اسپتال ملتان ریفر کردیا گیا ہے ۔
-
چئیرمین نادرا طارق ملک نے ایف آئی اے میں بیان ریکارڈ کرا دیا
چیرمین نادرا طارق ملک ایف آئی اے کے نوٹس کے جواب میں آج ایف آئی اے زونل آفس میں پیش ہوئے اور اپنا بیان ریکارڈ کرا دیا، کہتے ہیں آئی ٹی ایکسپرٹ ہوں ، پاسپورٹ پر پیشے کے خانے میں وہی لکھا۔
چیرمین نادرا نے ایک گھنٹے تک ایف آئی اے حکام کو اپنا بیان ریکارڈ کرایا، ایف آئی اے حکام نے طارق ملک سے مختلف بے ضابطگیوں کے حوالے سے سوالات کیے۔
طارق ملک نے اپنے اوپر لگنے والے الزامات کی تردید کی ، ایف آئی اے حکام نے ان سے دریافت کیا کہ ڈپٹی چیرمین نادرا ہوتے ہوئے جب انہوں نے پاسپورٹ بنوایا تو پیشے کے خانے میں اپنے عہدے کے بجائے آئی ٹی ایکسپرٹ کیوں لکھا ، چیرمین نادرا نے کہا کہ وہ پیشے کے حساب سے آئی ٹی ایکسپرٹ ہی ہیں لہذا انہوں نے صحیح معلومات درج کی۔
-
شاہد آفریدی ریکارڈ سے محروم،کورے اینڈرسن کی ون ڈے میں تیز ترین سینچری
پاکستان کے شاہد آفریدی ون ڈے میں تیز ترین سینچری کے ریکارڈ سے محروم ہوگئے، نیوزی لینڈ کے کورے اینڈرسن نے ویسٹ انڈیز کے خلاف ون ڈے کی تیز ترین سینچری کا نیا عالمی ریکارڈ بنا ڈالا۔
شاہد آفریدی کی وہ دھواں دھار اننگز جس نے دنیائے کرکٹ میں ان کی منفرد پہنچان بنائی اور وہ بوم بوم کے نام سے مشہور ہوگئے لیکن شاہد آفریدی کا یہ ریکارڈ اب نیوزی لینڈ کے کھلاڑی نے توڑ دیا ہے۔
سال دو ہزار چودہ کا پہلا دن اور پہلا نیا عالمی ریکارڈ قائم ہوگیا، نیوزی لینڈ کے کورے اینڈرسن نے سترہ سال بعد ون ڈے کی تیز ترین سینچری کا نیا ریکارڈ بنا ڈالا۔
اینڈرسن نے ویسٹ انڈیز کے خلاف کوئنز ٹاؤن میں کھیلے جانے والے ون ڈے میں چھتیس گیندوں پر سینچری بنائی، اینڈرسن نے چھتیسویں گیند پر چھکا لگا کر شاہد آفریدی کی تیز ترین سینچری کا ریکارڈ توڑا۔
اینڈریسن کی شاندار سینچری بارہ چھکوں اور چار چوکوں سے سجی تھی، شاہد آفریدی نے انیس سو چھیانوے میں نیروبی کے میدان میں سینتیس گیندوں پر ایک روزہ کرکٹ کی تیز ترین سینچری بنائی تھی، آفریدی کی سینچری میں گیارہ چھکے اور چھ چوکے شامل تھے۔
-
پرویزمشرف کی یکم جنوری کو خصوصی عدالت میں پیشی کیلئےسیکیورٹی پلان تشکیل
پرویزمشرف کی یکم جنوری کو خصوصی عدالت میں پیشی کیلئےسیکیورٹی پلان تشکیل دے دیاگیا، سابق صدر کوباکس سیکیورٹی فراہم کی جائےگی، پرویز مشرف نےخصوصی عدالت کی تشکیل کے خلاف انٹراکورٹ اپیل دائر کردی۔
سابق صدر پرویزمشرف کیخلاف غداری کیس کی دوسری پیشی، پرویزمشرف کی سیکیورٹی کے لیے حتمی پلان تشکیل دے دیاگیا، حفاظتی انتظامات کی نگرانی ڈی آئی جی سیکیورٹی خود کریں گے، سابق صدر کو باکس دی جائےگی سیکورٹی پولیس کمانڈوز کے ہمراہ رینجرز اہلکار بھی تعینات ہوں گے ۔
پرویزمشرف کی سیکیورٹی انتظامات کے حوالے سے وزارت داخلہ کو بھی آگا کردیا گیا، پرویزمشرف گزشتہ پیشی سیکیورٹی خدشات کے باعث پیش نہیں ہوئےتھے۔
ادھر پرویز مشرف نے غداری کیس روکنے کےلئے بھی انٹرا کو ٹ اپیل کردی گئی ہے، اسلام آباد ہائی کورٹ کےفیصلے کے خلاف دائردرخواست میں کہاگیاہےسنگل بینچ نے وکلا کا موقف صحیح سے نہیں سنا ۔ سابق صدر جنرل ریٹائرڈ پرویز مشرف کا ٹرائل صرف فوجی عدالت میں ہو سکتاہے۔
-
افغانستان کا پاکستانی تاجروں کیلئے ملٹی پل ویزے جاری کرنے کا اعلان
افغانستان کی حکومت نے پاکستان افغانستان جوائنٹ چیمبر آف کامرس اینڈ انڈسٹری کی سفارش پر پاکستانی بزنس کمیونٹی کو 6ماہ کے ملٹی پل ویزے جاری کرنے کا اعلان کیا ہے
جبکہ افغانستان کے نائب صدر کریم خلیلی نے پی اے جے سی سی آئی پاکستان چیپٹر کے کو چیئرمین محمد زبیر موتی والا کی تجویز پرافغانستان میں پاکستانی ایکسپورٹ پر ڈیوٹی کی شرح میں اضافے کامن ویلتھ آف انڈیپنڈنٹ سٹیٹس کو ایکسپورٹ پر فی کنٹینر 100ڈالر اور روڈ کے استعمال پر 110 فیصد ڈیوٹی سمیت پاکستانی بزنس کمیونٹی کو درپیش مشکلات اکنامک کمیٹی آف افغانستان کی سطح پر اٹھانے کی یقین دہانی کرائی ہے۔
پاکستان افغانستان جائنٹ چیمبر آف کامرس اینڈ انڈسٹری اور افغانستان انوسٹمنٹ سپورٹ ایجنسی کے مابین دونوں ممالک کے درمیان سرمایہ کاری کے فروغ اور تجارتی روابط کو مزید مستحکم کرنے کے لئے مفاہمتی یادداشت پر دستخط ہوئے ۔
پاکستانی وفد نے افغانستان میں اپنے قیام کے دوران افغان وزراء ، تجارتی تنظیموں اور حکام سے ملاقاتیں کرکے باہمی تجارت کے فروغ کے امور پر تبادلہ خیال بھی کیا۔
-
ابوظہبی:پاکستان اورسری لنکا کے درمیان پہلا ٹیسٹ آج ہوگا
پاکستان اور سری لنکا کے درمیان تین میچوں کی سیریز کا پہلا ٹیسٹ آج سے ابو ظہبی میں کھیلا جائے گا۔
ٹی ٹوئنٹی اور ون ڈے سیریز میں دلچسپ مقابلوں کے بعد پاکستان اور سری لنکا کی ٹیمیں طویل دورانیئے کی کرکٹ میں ٹکرائیں گی، ٹی ٹوئنٹی سیریز ڈرا رہی جبکہ ون ڈے میں پاکستان نے میدان مارا، یو اے ای کی وکٹوں پر اسپنرز کا کردار اہم ہوگا، پاکستانی ٹیم آف اسپنر سعید اجمل پر انحصار کرے گی۔
ادھر سری لنکن ٹیم بیٹنگ میں پاکستان کے لئے مشکلات کھڑی کرسکتے ہیں، سری لنکا کے پاس مہیلا جے وردھنے اور سنگاکارا جیسے دنیا کے بہترین بیٹسمین موجود ہیں، جو اسپنرز کو بھرپور مہارت سے کھیلنے کی صلاحیت رکھتے ہیں۔
قومی ٹیم جولائی دوہزار بارہ کے بعد سری لنکا کے خلاف ٹیسٹ میچ میں مدمقابل آرہی ہے، پاکستان کو گزشتہ سال دورہ سری لنکا میں تین میچز کی ٹیسٹ سیریز میں ایک صفر سے ناکامی کا سامنا کرنا پڑا تھا، دونوں ممالک کے درمیان مجموعی طور پر تینتالیس ٹیسٹ کھیلے گئے ہیں، پاکستان سولہ اور سری لنکا دس میں سرخرو رہا۔