Tag: پاکپتن

پاکپتن: صوبہ پنجاب کے ضلع پاکپتن میں شادی نہ ہونے پر پولیس رضاکار نے خودکشی کرلی۔

اے آر وائی نیوز کی رپورٹ کے مطابق پنجاب کے ضلع پاکپتن میں پولیس رضاکار مقصود نے شادی نہ ہونے پر اپنی زندگی کا خاتمہ کرلیا، پولیس کا کہنا ہے کہ جاں بحق رضاکار معاشی حالات سے تنگ تھا۔

پولیس کے مطابق واقعہ گاؤں ملک پور کے قریب پیش آیا، جاں بحق رضاکار اہلخانہ سے شادی کرانے کا مطالبہ کرتا تھا۔

پولیس کا کہنا ہے کہ جاں بحق رضاکار مقصود تھانہ سٹی میں تعینات تھا، لاش کو ضابطے کی کارروائی کے لیے اسپتال منتقل کردیا گیا ہے۔

یہ پڑھیں: سی ٹی ڈی اہلکار نے خودکشی کر لی

واضح رہے کہ گزشتہ دنوں پشاور میں پولیس لائن میں سی ٹی ڈی اہلکار نے خود کو گولی مار کر زندگی کا خاتمہ کر لیا تھا، اہلکار کے خودکشی کرنے کی وجوہات سامنے نہیں آسکیں تھیں۔

پولیس کا کہنا تھا کہ اہلکار سی ٹی ڈی میں ڈرائیور تھا اور 2 روز قبل ہی چھٹی سے ڈیوٹی پر واپس آیا تھا، اہلکار کوہاٹ کا رہائشی اور سی ٹی ڈی پشاور میں بطور ڈرائیور تعینات تھا۔

اہلکار کی میت کو پوسٹ مارٹم کے لیے اسپتال منتقل کر دیا گیا تھا اور پولیس نے ابتدائی شواہد اکٹھے کر لیے تھے۔

پاکپتن: پاکستان مسلم لیگ ن کے صوبائی اسمبلی کے رکن میاں نوید کے خلاف اغوا اور تشدد کا مقدمہ درج کر لیا گیا۔

تفصیلات کے مطابق لیگی ایم پی اے میاں نوید کے خلاف پاکپتن میں اسسٹنٹ کمشنر خاور بشیر کے اغوا اور ان پر تشدد کا مقدمہ درج کر دیا گیا، مقدمہ اسسٹنٹ کمشنر کی مدعیت میں درج کیا گیا ہے۔

پولیس کا کہنا ہے کہ مقدمے میں میاں نوید، ان کے والد اور کانسٹیبل سمیت 8 افراد کو نامزد کیا گیا ہے۔

ایف آئی آر کے مطابق مارکی چیک کرنے پر اسسٹنٹ کمشنر کو اغوا اور تشدد کیا گیا، سرکاری جرمانہ بک اور رقم چھینی گئی، اسسٹنٹ کمشنر اے سی مارکی چیک کرنے گئے تو انھیں دھمکایا گیا۔

اے آر وائی نیوز کے مطابق اسسٹنٹ کمشنر خاور بشیر ون ڈش ایکٹ کے خلاف ورزی پر لیگی ایم پی اے میاں نوید علی کی میرج مارکی پہنچے تو وہاں موجود ایم پی اے نے ساتھیوں کے ہمراہ انھیں اغوا کر لیا اور نامعلوم مقام پر تشدد کا نشانہ بناتے رہے۔

پولیس ذرایع کے مطابق ملزمان نے اسسٹنٹ کمشنر سے جرمانہ بک اور رقم بھی چھین لی اور تھانہ سٹی لے جا کر چھوڑ دیا، تھانہ سٹی پولیس نے اسسٹنٹ کمشنر کی مدعیت میں ن لیگی ایم پی اے میاں نوید، والد رانا احمد علی اور پولیس کانسٹیبل سمیت 8 افراد کے خلاف مقدمہ درج کر لیا۔

پولیس نے کانسٹیبل کو گرفتار کر کے دیگر ملزمان کے لیے چھاپے مارنا شروع کر دیے ہیں۔

پاکپتن: صوبہ پنجاب کے شہر پاکپتن میں ماں نے3 بچوں کاگلا دبانے کے بعد خودکشی کرلی۔

تفصیلات کے مطابق پنجاب کے شہر پاکپتن کے گاؤس سدو پیلی میں افسوس ناک واقعہ پیش آیا جہاں طارق شاہ کی بیوی شاہین بی بی نے غربت اورگھریلو ناچاقی سے تنگ ماں نے تین بچوں کاگلا دبانے کے بعد خودکشی کرلی۔

پولیس حکام نے بتایا کہ چار سالہ فہد دم توڑ گیا، بیٹی بتول اور بیٹے احتشام کو تشویش ناک حالت میں اسپتال پہنچایا گیا ہے۔ پولیس نے ماں بیٹے کی لاشیں تحویل میں لے کر پوسٹ مارٹم کے لیے اسپتال منتقل کردیں اور واقعے کی تفتیش شروع کر دی ہے۔

لاہور میں گھر سے 4 لاشیں برآمد

یاد رہے کہ گزشتہ روز لاہور کے علاقے گرین ٹاؤن میں واقع گھر سے 4 افراد کی لاشیں ملی تھیں، مرنے والوں میں باپ اور اس کے 3 بچے شامل تھے۔ پولیس حکام کا کہنا تھا کہ چاروں افراد کو فائرنگ کر کے قتل کیا گیا۔

اس سے قبل گزشتہ سال دسمبر میں لاہور کے علاقے امامیہ کالونی میں فائرنگ سے 3 افراد جاں بحق ہوگئے تھے۔پولیس حکام کا کہنا تھا کہ مقتول تحصیل کچہری فیروزوالہ سے مریدکے جا رہے تھے۔

پاکپتن: پنجاب کے شہر پاکپتن کے علاقے امین کوٹ میں لالچ میں اندھے داماد نے اپنی ساس کو گولی مار کر قتل کر دیا۔

تفصیلات کے مطابق پاک پتن کے علاقے امین کوٹ میں رقم کے تنازع پر داماد کی فائرنگ سے ساس جاں بحق ہو گئی، کلیانہ پولیس نے ملزم کے 2 ساتھیوں کو گرفتار کر کے ان کے خلاف قتل کا مقدمہ درج کر لیا۔

ساس کو گولی مارنے والا مرکزی ملزم واردات کر کے فرار ہو گیا، پولیس کا کہنا ہے کہ ملزم کی گرفتاری کے لیے چھاپے مارے جا رہے ہیں، فائرنگ کے واقعے میں ایک اور خاتون زخمی بھی ہوئی ہے جسے اسپتال منتقل کر دیا گیا۔

پولیس کے مطابق پیسوں کے لالچ میں داماد نے 2 ساتھیوں کے ساتھ مل کر اپنی ساس پر فائرنگ کی تھی۔

یاد رہے کہ چار ماہ قبل کوئٹہ کے علاقے ہزار گنجی میں گھریلو ناچاقی کی بنا پر ایک شخص عبدالغفار نے فائرنگ کر کے بیوی اور ساس کو قتل کر دیا تھا، واردات کے بعد ملزم فرار ہونے میں کامیاب ہو گیا تھا۔ اس کیس میں بھی مرکزی ملزم کے دو بھائیوں کو گرفتار کیا گیا تھا تاہم وہ خود فرار ہو گیا تھا جس کی تلاش کے لے شہر میں ناکہ بندی بھی کی گئی۔

گزشتہ ماہ کراچی کے علاقے نیو مظفر آباد کالونی میں ملزم سرتاج نے گھر میں گھس کر اپنی ساس اور سالے پر فائرنگ کر دی تھی جس سے ساس شدید زخمی جب کہ 18 سالہ عرفان اللہ جاں بحق ہو گیا تھا۔