ARYNews.tv | Urdu – Har Lamha Bakhabar

Tag: پاک آسٹریلیا سیریز

  • پاکستان اور آسٹریلیا کی پرائم منسٹر الیون کے درمیان میچ ڈرا

    پاکستان اور آسٹریلیا کی پرائم منسٹر الیون کے درمیان میچ ڈرا

    کینبرا: پاکستان اور پرائم منسٹر الیون کے درمیان کھیلا جانے والا چار روزہ پریکٹس میچ ڈرا ہوگیا۔

    اے آر وائی نیوز کے مطابق کینبرا میں کھیلا جانے والا پاکستان اور پی ایم آسٹریلیا الیون کے درمیان چار روزہ وارم اپ میچ ڈرا ہوگیا، میچ کے چوتھے روز بارش کے باعث ایک گیند بھی نہ کرائی جاسکی۔

    میچ میں پاکستان نے پہلی اننگز 9 وکٹ پر 391 رنز بنا کر ڈیکلیئر کردی تھی، جواب میں میزبان ٹیم نے چار وکٹ پر 367 رنز بنائے۔

    قومی ٹیم کے کپتان شان مسعود میچ کے بہترین کھلاڑی قرار پائے، انہوں نے 201 رنز کی شاندار اننگز کھیلی۔

    واضح رہے کہ یہ چار روزہ میچ ٹیسٹ میچ سیریز کی تیاری کا حصہ تھا، پاکستان اور آسٹریلیا کے درمیان تین میچوں کی ٹیسٹ سیریز 14 دسمبر سے 7 جنوری تک کھیلی جائے گی۔

  • ایڈیلیڈ ٹیسٹ فیصلہ کن مرحلے میں داخل، پاکستان کے وائٹ واش کا خطرہ

    ایڈیلیڈ ٹیسٹ فیصلہ کن مرحلے میں داخل، پاکستان کے وائٹ واش کا خطرہ

    ایڈیلیڈ: پاکستان اور آسٹریلیا کے مابین کھیلا جانے والا دوسرا ٹیسٹ میچ فیصلہ کن مرحلے میں داخل ہو گیا ہے، دوسری اننگز میں بھی پاکستانی بیٹنگ لڑکھڑا گئی ہے، آدھی ٹیم صرف 167 رنز پر پویلین لوٹ گئی۔

    تفصیلات کے مطابق ایڈیلیڈ کے میدان میں پاکستان پر مسلسل دوسرے میچ میں اننگز کی شکست کا خطرہ منڈلا رہا ہے، آج میچ کے چوتھے روز پاکستان نے چائے کے وقفے تک 5 وکٹوں پر 167 رنز بنا لیے ہیں۔

    محمد رضوان اور افتخار احمد 10 رنز کے ساتھ وکٹ پر موجود ہیں، امام الحق صفر، اظہر علی 9 اور بابر اعظم 8 رنز بنا کر آؤٹ ہوئے تھے، شان مسعود نے 68 اور اسد شفیق نے 57 رنز کی اننگ کھیلی۔

    یہ بھی پڑھیں:  ایڈیلیڈ ٹیسٹ: تیسرے دن کا کھیل ختم، پاکستان کے 3 وکٹوں پر 39 رنز

    ایڈیلیڈ ٹیسٹ میں آسٹریلیا کو پاکستان پر 120 رنز کی برتری حاصل ہے، پاکستانی ٹیم پہلی اننگز میں 302 رنز پر آؤٹ ہوئی تھی جس کے بعد اسے فالو آن کا سامنا کرنا پڑا تھا، دوسری اننگز میں بھی بیٹنگ لائن نے مایوس کن کارکردگی کا مظاہرہ کیا۔

    واضح رہے کہ آسٹریلیا کو دو میچوں کی سیریز میں ایک صفر سے برتری حاصل ہے۔ برسبین میں کھیلے گئے ٹیسٹ چیمپئن شپ کے پہلے میچ میں پاکستان کو شرم ناک شکست کا سامنا کرنا پڑا تھا، آسٹریلیا نے پاکستان کو ایک اننگز اور 5 رنز سے ہرا دیا تھا۔

    قومی ٹیسٹ ٹیم کے کپتان اظہر علی نے شکست کے بعد میڈیا سے گفتگو کرتے ہوئے امید ظاہر کی تھی کہ دوسرے ٹیسٹ میں پاکستان ٹیم کم بیک کرے گی، تاہم یہ امید بر آتی نظر نہیں آ رہی ہے۔

  • ایڈیلیڈ ٹیسٹ: تیسرے دن کا کھیل ختم، پاکستان کے 3 وکٹوں پر 39 رنز

    ایڈیلیڈ ٹیسٹ: تیسرے دن کا کھیل ختم، پاکستان کے 3 وکٹوں پر 39 رنز

    ایڈیلیڈ: پاکستان اور آسٹریلیا کے مابین جاری ٹیسٹ کے تیسرے روز کا کھیل ختم ہو گیا، پاکستان نے کھیل کے اختتام پر 3 وکٹوں پر 39 رنز بنائے۔ پاکستانی ٹیم آسٹریلیا کے خلاف پہلی اننگز میں 302 رنز پر آؤٹ ہو گئی تھی، جس کی وجہ سے ٹیم کو فالو آن کا سامنا کرنا پڑا۔

    تفصیلات کے مطابق پاکستان نے آج دوسری اننگز کا آغاز کیا تو ایک بار پھر وکٹیں گرتی چلی گئیں، دو رنز پر امام الحق بغیر کوئی رن بنائے آؤٹ ہو گئے، کھیل کے اختتام پر اسد شفیق 8 اور شان مسعود 14 رنز پر کریز پر کھڑے تھے، آسٹریلیا کو پاکستان پر 248 رنز کی برتری حاصل ہے۔

    قبل ازیں، پاکستان نے آسٹریلیا کے خلاف کھیلتے ہوئے پہلی اننگز میں 302 رنز بنائے، یاسر شاہ 113، بابر اعظم 97 رنز بنا کر نمایاں رہے، مچل اسٹارک نے شان دار بولنگ کرتے ہوئے 6 کھلاڑیوں کو پویلین بھیجا، آسٹریلیا کو پاکستان کے خلاف 287 رنز کی برتری حاصل ہے۔

    قبل ازیں، ایڈیلیڈ ٹیسٹ میں قومی بلے باز آسٹریلوی بولرز کے سامنے بدستور بے بس نظر آئے، تین ہفتے سے زائد گزارنے کے باوجود بھی پاکستانی ٹیم آسٹریلین کنڈیشنز کو سمجھ نہ سکی، بلے باز جلد بازی میں وکٹیں گنواتے رہے، جب کہ بولرز لائن اور لینتھ کنٹرول کرنے میں ناکام رہے۔

    بابر اعظم نروس نائنٹیز کا شکار ہو کر مچل اسٹارک کے ہاتھوں 97 رنز پر آؤٹ ہو گئے اور دوسری سنچری اسکور نہ کر سکے، دوسری طرف یاسر شاہ نے شان دار بیٹنگ کی اور اپنے کیرئیر کی پہلی سنچری بنائی، یہ کارنامہ انجام دینے کے لیے بلے باز نے 192 گیندوں کا سامنا کیا، اور اس دوران انھوں نے 12 چوکے لگائے۔ گزشتہ روز تین وکٹیں لینے والے شاہین آفریدی بغیر کوئی رن بنائے آؤٹ ہوئے۔

    یہ بھی پڑھیں:  کینگروز نے پاکستانی بولرز کو رنز کے پہاڑ تلے دبا دیا

    بابر اعظم نے یاسر شاہ کے ساتھ مل کر 105 رنز کی شراکت قائم کی، دوسری طرف ایڈیلیڈ ٹیسٹ میں لیگ اسپنر یاسر شاہ نے پاکستانی بلے بازوں کو بیٹنگ کرنا سکھا دیا، یاسر دورہ آسٹریلیا میں سنچری بنانے والے دوسرے پاکستانی بن گئے ہیں۔

    پاکستان نے دوسرے روز کا کھیل ختم ہونے پر 6 وکٹوں کے نقصان پر 96 رنز بنائے تھے، بابراعظم 43 اور یاسر شاہ 4 رنز کے ساتھ وکٹ پر موجود تھے جب کہ آسٹریلیا نے اپنی پہلی اننگز 589 رنز بنا کر ڈکلیئر کر دی تھی۔

  • پاک آسٹریلیا سیریز، پاکستان کی مشکلات میں‌ اضافہ، آئی سی سی نے جرمانہ عائد کر دیا

    پاک آسٹریلیا سیریز، پاکستان کی مشکلات میں‌ اضافہ، آئی سی سی نے جرمانہ عائد کر دیا

    دبئی: آسٹریلیا کے ہاتھوں لگاتار چار میچز ہارنے والی پاکستان کرکٹ ٹیم کی مشکلات میں‌مزید اضافہ ہوگیا.

    تفصیلات کے مطابق گزشتہ روز دبئی میں کھیلے جانے والے پاکستان آسٹریلیا سیریز کے چوتھے ون ڈے میں‌ پاکستان نے فتح‌ پلیٹ میں رکھ کر آسٹریلیا کو پیش کر دی تھی.

    عابد علی اور محمد رضوان کی سنچریوں کے باوجود آسٹریلیا نے پاکستان کو 6 رنز سے شکست دے دی، عمر اکمل 7 اور عماد وسیم 1 رن بنا کر آؤٹ ہوئے، کینگروز کو سیریز میں 4-0 کی برتری حاصل ہوگئی۔

    البتہ پریشانیوں کی کہانی یہیں تمام نہیں ہوتی، اب سلو اوورریٹ پر بھی قومی کرکٹ ٹیم پر جرمانہ عائد ہوگیا ہے.

    آئی سی سی کے مطابق آسٹریلیا کے خلاف پاکستانی ٹیم کو سلواوورریٹ پرجرمانہ کیا گیا، کھلاڑیوں کومیچ فیس کا10 فیصد جرمانہ کیا گیا ہے.

    چوتھا ون ڈے، عابد علی اور رضوان کی سنچریاں رائیگاں، آسٹریلیا کی 6 رنز سے کامیابی

    پاکستان کرکٹ ٹیم نےمقررہ وقت میں ایک اوورکم کیا تھا، جس کی وجہ سے یہ جرمانہ کیا گیا. کپتان عمادوسیم کو سلو اوور ریٹ پرمیچ فیس کا20 فی صد جرمانہ ہوگیا.

    خیال رہے کہ سیریز میں کپتان سرفراز احمد کو آرام دیا گیا اور شعیب ملک کو کپتانی سونپی گئی، البتہ تین میچز کے بعد وہ ان فٹ ہوگئے، جس کے بعد عماد وسیم نے کپتانی کی. ٹیم ذرائع کے شعیب ملک کی آخری میچ میں شرکت بھی مشکوک ہے.

  • فہیم اشرف آسٹریلیا کے خلاف سیریز کے بقیہ تین میچز سے باہر

    فہیم اشرف آسٹریلیا کے خلاف سیریز کے بقیہ تین میچز سے باہر

    لاہور: قومی کرکٹ ٹیم کے آل راؤنڈر فہیم اشرف آسٹریلیا کے خلاف پانچ میچوں کی سیریز کے بقیہ تین میچز سے باہر ہوگئے۔

    تفصیلات کے مطابق پاکستان کرکٹ بورڈ (پی سی بی) نے فہیم اشرف کو آسٹریلیا کے خلاف بقیہ تین ون ڈے میچز میں آرام کرانے کا فیصلہ کیا ہے، فیصلہ ورلڈ کپ سے قبل اہم کھلاڑیوں کو آرام دینے کے لیے کیا گیا ہے۔

    آسٹریلیا کے خلاف سیریز سے باہر ہونے والے فہیم اشرف آج کا میچ کھیل کر وطن واپس لوٹ جائیں گے۔

    پی سی بی کا کہنا ہے کہ فہیم اشرف کی جگہ کسی متبادل کھلاڑی کو متحدہ عرب امارات نہیں بھیجا جائے گا کیونکہ اس وقت پاکستان کے پاس پہلے ہی چار فاسٹ بولرمحمد عامر، محمد عباس، محمد حسنین، عثمان خان شنواری موجود ہیں۔

    آل راؤنڈر فہیم اشرف نے آسٹریلیا کے خلاف دوسرے ون ڈے میچ میں 14 رنز بنائے تھے انہیں کولٹر نیل نے ہینڈز کومب کے ہاتھوں کیچ آؤٹ کرایا جبکہ بولنگ میں وہ کوئی وکٹ حاصل نہیں کرسکے تھے۔

    پہلے ون ڈے میچ میں انہوں نے 28 رنز کی اننگز کھیلی تھی جبکہ فہیم اشرف نے ایک وکٹ عثمان خواجہ کی حاصل کی تھی۔

    یاد رہے کہ پہلے ہی آرام کی غرض سے سرفراز احمد، حسن علی، شاداب خان، شاہین شاہ آفریدی کو آرام کی غرض سے آسٹریلیا کے خلاف سیریز کے لیے نہیں بھیجا گیا تھا۔

    قومی کرکٹ ٹیم کے کپتان سرفراز احمد کی عدم موجودگی میں سینئر کھلاڑی شعیب ملک قومی ٹیم کی قیادت کررہے ہیں، آسٹریلیا نے پہلے ون ڈے میچ میں گرین شرٹس کو 8 وکٹوں سے شکست دی تھی۔