ARYNews.tv | Urdu – Har Lamha Bakhabar

Tag: پاک آسٹریلیا ٹیسٹ

  • ’ہم نے پاکستانی شائقین کی ناقابل یقین حمایت دیکھی‘

    ’ہم نے پاکستانی شائقین کی ناقابل یقین حمایت دیکھی‘

    میلبرن: کرکٹ آسٹریلیا کے چیف ایگزیکٹو نک ہاکلے نے کہا ہے کہ وہ پاکستان سیریز کے لیے بہت پرجوش ہیں، اور انھوں نے ٹی ٹوئنٹی ورلڈ کپ میں پاکستانی شائقین کی ناقابل یقین حمایت دیکھی۔

    میلبرن میں پاک آسٹریلیا سیریز سے قبل گفتگو کرتے ہوئے نک ہاکلے نے کہا ’’ہم پاکستان سیریز کے لیے بہت پرجوش ہیں، دونوں ٹیموں نے آخری مرتبہ پاکستان میں بہترین ٹیسٹ سیریز کھیلی تھی، اور ٹی ٹوئنٹی ورلڈ کپ میں ہم نے پاکستانی شائقین کی ناقابل یقین حمایت دیکھی۔‘‘

    انھوں نے کہا ’’ہمیں بینو قادر ٹرافی کے دوران پاکستانی شائقین کی بڑی تعداد میں شرکت کی توقع ہے، پرائم منسٹر الیون کے خلاف پاکستانی بیٹرز کو آسٹریلوی کنڈیشنز میں پریکٹس کا اچھا موقع ملا ہوگا۔‘‘

    پاک آسٹریلیا ٹیسٹ کے حوالے سے اہم خبر

    نک ہاکلے کا کہنا تھا کہ بدقسمتی سے کینبرا میں موسم کے باعث میچ مکمل نہیں ہو سکا، تاہم دونوں ٹیموں کے بیٹرز نے لمبی اننگز کھیلیں، پاکستان کے کپتان نے شان دار بیٹنگ کرتے ہوئے 200 رنز بنائے۔

    انھوں نے امید ظاہر کی کہ پریکٹس میچ سے پاکستان کو آسٹریلوی کنڈیشنز میں تیاری کا موقع ملا ہوگا۔

  • پاک آسٹریلیا ٹیسٹ کے حوالے سے اہم خبر

    پاک آسٹریلیا ٹیسٹ کے حوالے سے اہم خبر

    میلبرن: این آر ایم اے انشورنس باکسنگ ڈے ٹیسٹ کے لیے کرکٹ آسٹریلیا اور شین وارن لیگیسی میں معاہدہ ہوا ہے۔

    تفصیلات کے مطابق 26 دسمبر سے آسٹریلیا اور پاکستان کے درمیان شروع ہونے والے ٹیسٹ کے ابتدائی 4 روز ایم سی جی کے 23 مختلف مقامات پر ہیلتھ اسٹیشنز لگائے جائیں گے جہاں مفت ہارٹ چیک اپ کیا جائے گا۔

    چیک اپ کے دوران جس کا بلڈ پریشر زیادہ آئے گا اسے جنرل پریکٹشنر ڈاکٹر سے رجوع کرنے کا مشورہ دیا جائے گا، یہ ہارٹ چیک اپ 4 منٹ پر مشتمل ہوگا۔

    اس پارٹنرشپ کے تحت فینز کو میلبرن میں شیڈول باکسنگ ڈے ٹیسٹ کے لیے شین وارن کی معروف فلوپی ہیٹ پہننے کی گزارش کی جائے گی۔ باکسنگ ڈے ٹیسٹ کے ہر روز شام 3:50 بجے اسٹیڈیم میں موجود فین شین وارن کے مخصوص انداز میں فلوپی ہیٹ اتار کر لیجنڈری اسپنر کو خراج تحسین پیش کریں گے۔ لیگ اسپنر کا ٹیسٹ کیپ نمبر 350 تھا، جس کی وجہ سے اس ایکٹیویٹی کے لیے یہ وقت مقرر کیا گیا ہے۔

    کرکٹ آسٹریلیا کے چیف ایگزیکٹو نک ہوکلی نے کہا کہ ہمیں ہارٹ ہیلتھ سے متعلق آگاہی پھیلانے کے لیے شین وارن لیگیسی کے ساتھ پارٹنرشپ پر خوشی ہے۔ انھوں نے مزید کہا شین وارن کو نہ صرف آسٹریلیا بلکہ پوری دنیا میں بہت یاد کیا جاتا ہے، میں سب سے باکسنگ ڈے ٹیسٹ میں شرکت اور ہارٹ چیک اپ کروانے کی درخواست کرتا ہوں۔

    چیف ایگزیکٹو ایس ڈبلیو ایل ہیلن نولان نے کہا کہ ہمیں این آر ایم اے انشورنس باکسنگ ڈے ٹیسٹ کے لیے کرکٹ آسٹریلیا سے پارٹنرشپ پر بہت خوشی ہے، یہ پارٹنرشپ ہمارے اور شین وارن فیملی کے لیے بہت اہمیت رکھتی ہے۔

  • آسٹریلیا سیریز میں بابر بمقابلہ اسمتھ توجہ کا مرکز ہوگا: سرفراز احمد

    آسٹریلیا سیریز میں بابر بمقابلہ اسمتھ توجہ کا مرکز ہوگا: سرفراز احمد

    قومی کرکٹ ٹیم کے وکٹ کیپر بیٹر سرفراز احمد نے کہا ہے کہ آسٹریلیا سیریز میں دو جوڑیاں فینز کی توجہ کا مرکز ہوں گی، ایک بابر بمقابلہ اسمتھ اور دوسری اسٹارک بمقابلہ شاہین۔

    سرفراز احمد نے پاک آسٹریلیا ٹیسٹ سیریز کے حوالے سے گفتگو کرتے ہوئے کہا کہ بابر بمقابلہ اسمتھ اور اسٹارک بمقابلہ شاہین اس سیریز میں مداحوں کی توجہ کا مرکز ہوں گے۔

    انھوں نے کہا بابر اعظم اور اسٹیو اسمتھ دونوں ہی عالمی معیار کے بلے باز ہیں، بینو قادر ٹرافی میں ان دونوں کھلاڑیوں کو لائیو ایکشن میں دیکھنا نوجوان کرکٹرز کے لیے بہترین موقع ہوگا۔

    سرفراز احمد نے کہا شاہین آفریدی اور مچل اسٹارک بہترین باؤلرز ہیں جو کسی بھی وقت مخالف ٹیم کو پریشان کر سکتے ہیں، شاہین آفریدی نے گزشتہ سیریز میں ڈیوڈ وارنر کے خلاف شان دار باؤلنگ کا مظاہرہ کیا تھا، اس مرتبہ بھی فینز شاہین آفریدی اور ڈیوڈ وارنر کا ٹاکرا دیکھنے کے منتظر ہوں گے۔

    پاک آسٹریلیا ٹیسٹ: پرتھ میں ڈراپ ان پچز لگانے کا کام مکمل

    وکٹ کیپر بیٹر نے مزید کہا کہ آسٹریلیا کی کنڈیشنز ہمیشہ چیلنجنگ ہوتی ہیں، میں نے دو مرتبہ آسٹریلیا کا دورہ کیا ہے، یہاں سیکھنے کا بہت موقع ملتا ہے، بیرون ملک مقیم پاکستان کرکٹ فینز ہمیشہ پاکستان ٹیم کی حمایت کرتے ہیں۔

    سرفراز احمد نے کہا کہ انھیں یقین ہے کہ آسٹریلیا کے خلاف سیریز میں بھی فینز بڑی تعداد میں اسٹیڈیم کا رخ کریں گے۔

  • پاک آسٹریلیا ٹیسٹ: پرتھ میں ڈراپ ان پچز لگانے کا کام مکمل

    پاک آسٹریلیا ٹیسٹ: پرتھ میں ڈراپ ان پچز لگانے کا کام مکمل

    پرتھ: پاکستان اور آسٹریلیا کے مابین پہلے ٹیسٹ کے لیے پرتھ میں ڈراپ اِن پچز لگانے کا کام مکمل ہو گیا۔

    تفصیلات کے مطابق پاکستان اور آسٹریلیا کے درمیان 3 ٹیسٹ میچوں کی سیریز 14 دسمبر سے شروع ہو رہی ہے، پہلے ٹیسٹ کے لیے پرتھ کے اسٹیڈیم میں ڈراپ اِن پچز لگانے کا کام مکمل کر لیا گیا ہے۔

    ان 5 ڈراپ ان پچز پر بھی واکا گراؤنڈ والی گھاس اور مٹی کا استعمال کیا گیا ہے، ایک ڈراپ ان پچ کا وزن 25 ٹن کے قریب ہے اور اس کی تنصیب میں دو دن لگے ہیں۔

    واضح رہے کہ دونوں ٹیموں کے مابین سیریز کا پہلا ٹیسٹ 14 سے 18 دسمبر تک کھیلا جائے گا، جب کہ پرتھ میں کھیلے جانے والے سیریز کے پہلے ٹیسٹ کو ویسٹ ٹیسٹ کا نام دیا گیا ہے۔

    دونوں ٹیموں کے درمیان دوسرا ٹیسٹ 26 سے 30 دسمبر کو میلبورن اور تیسرا ٹیسٹ 3 سے 7 جنوری 2024 کے درمیان پرتھ میں کھیلا جائے گا۔

  • ایڈیلیڈ ٹیسٹ فیصلہ کن مرحلے میں داخل، پاکستان کے وائٹ واش کا خطرہ

    ایڈیلیڈ ٹیسٹ فیصلہ کن مرحلے میں داخل، پاکستان کے وائٹ واش کا خطرہ

    ایڈیلیڈ: پاکستان اور آسٹریلیا کے مابین کھیلا جانے والا دوسرا ٹیسٹ میچ فیصلہ کن مرحلے میں داخل ہو گیا ہے، دوسری اننگز میں بھی پاکستانی بیٹنگ لڑکھڑا گئی ہے، آدھی ٹیم صرف 167 رنز پر پویلین لوٹ گئی۔

    تفصیلات کے مطابق ایڈیلیڈ کے میدان میں پاکستان پر مسلسل دوسرے میچ میں اننگز کی شکست کا خطرہ منڈلا رہا ہے، آج میچ کے چوتھے روز پاکستان نے چائے کے وقفے تک 5 وکٹوں پر 167 رنز بنا لیے ہیں۔

    محمد رضوان اور افتخار احمد 10 رنز کے ساتھ وکٹ پر موجود ہیں، امام الحق صفر، اظہر علی 9 اور بابر اعظم 8 رنز بنا کر آؤٹ ہوئے تھے، شان مسعود نے 68 اور اسد شفیق نے 57 رنز کی اننگ کھیلی۔

    یہ بھی پڑھیں:  ایڈیلیڈ ٹیسٹ: تیسرے دن کا کھیل ختم، پاکستان کے 3 وکٹوں پر 39 رنز

    ایڈیلیڈ ٹیسٹ میں آسٹریلیا کو پاکستان پر 120 رنز کی برتری حاصل ہے، پاکستانی ٹیم پہلی اننگز میں 302 رنز پر آؤٹ ہوئی تھی جس کے بعد اسے فالو آن کا سامنا کرنا پڑا تھا، دوسری اننگز میں بھی بیٹنگ لائن نے مایوس کن کارکردگی کا مظاہرہ کیا۔

    واضح رہے کہ آسٹریلیا کو دو میچوں کی سیریز میں ایک صفر سے برتری حاصل ہے۔ برسبین میں کھیلے گئے ٹیسٹ چیمپئن شپ کے پہلے میچ میں پاکستان کو شرم ناک شکست کا سامنا کرنا پڑا تھا، آسٹریلیا نے پاکستان کو ایک اننگز اور 5 رنز سے ہرا دیا تھا۔

    قومی ٹیسٹ ٹیم کے کپتان اظہر علی نے شکست کے بعد میڈیا سے گفتگو کرتے ہوئے امید ظاہر کی تھی کہ دوسرے ٹیسٹ میں پاکستان ٹیم کم بیک کرے گی، تاہم یہ امید بر آتی نظر نہیں آ رہی ہے۔