راولپنڈی : کور کمانڈر پشاور نے پاک افغان بارڈر کا دورہ کیا اور حفاظتی انتظامات کا جائزہ لیا جب کہ دہشت گردوں کی نقل وحرکت کو روکنے اور سخت حفاظتی حصار قائم کرنے کے لیے پہلے ہی اضافی ہیوی آرٹلری نفری اگلے مورچوں پر بھجوادی گئی تھیں۔

تفصیلات کے مطابق سانحہ لاہور میں خود کش حملہ آور کے تانے بانے افغانستان سے ملنے کے بعد پاک افغان بارڈر پر سیکیورٹی سخت کردی گئی ہے جس کے لیے اضافی ہیوی آرٹلری نفری اگلے مورچوں تک پہنچا دی گئی ہے تاکہ دہشت گردوں کے داخلے کو ناممکن بنایا جائے۔

آئی ایس پی آر کے مطابق کور کمانڈر پشاور لیفٹیننٹ جنرل نذیراحمد بٹ نے خیبرایجنسی کے علاقےلوئی شلمان کادورہ کیا جس کے دوران پوسٹوں پر موجود جوانوں سے ملاقاتیں کیں اور فوج کی آپریشنل تیاریوں اور جذبے پر اطمینان کا اظہار کیا جب کہ کورکمانڈر پشاور کو علاقے میں سیکیورٹی صورت حال پر بریفنگ بھی دی گئی۔

مزید پڑھیں : پاکستان نے حالیہ دہشت گردی کے تمام ثبوت افغان حکام کو فراہم کردیئے

دوسری جانب چمن میں بھی باب دوستی مسلسل چوتھے روز بند ہونے سے نیٹو سپلائی اور پاک افغان ٹرانزٹ ٹریڈ کا سلسلہ بھی روک دیا گیا ہے، سرحد کے دونوں جانب مال بردار گاڑیوں کی لمبی قطاریں لگ چکی ہیں اور پیدل جانے والے افراد کو بھی سرحدپار کرنے کی اجازت نہیں دی جارہی۔

یہ خبر پڑھیں : پاک فوج کی افغان سرحد پر کارروائی، جماعت الاحرار کے کئی ٹھکانے تباہ

پاکستان میں دہشتگردی کی حالیہ لہر میں افغان باشندوں کے ملوث ہونے کے بعد پاک افغان کو مکمل طور پر سِل کردیا گیا ہے اور سخت سیکیورٹی نافذ کردی گئی ہے۔

یہ بھی پڑھیں : پاک فوج کی سرحد پار کارروائی، اہم کمانڈر سمیت 20 دہشتگرد ہلاک

واضح رہے پاک فوج نے سرحد پار کارروائی میں جماعت الاحرار کے ٹھکانوں پر حملہ کر کے کمین گاہوں کو تباہ اور رحمان بابا سمیت 20 سے زائد دہشت گردوں کو ہلاک کردیا تھا۔

چمن : پاک افغان سرحد باب دوستی کو بند ہوئے آج دسواں روز ہے، باب دوستی بند ہونے کے باعث ہر قسم کی آمدورفت اور تجارتی سرگرمیاں مکمل طور پر معطل ہیں۔

تفصیلات کے مطابق افغان فورسز اور عوام کی اشتعال انگیزیوں کے باعث باب دوستی دسویں روز بھی بند ہے، باب دوستی اس وقت احتجاجاً بند کردیا گیا تھا، جب افغان عوام نے پاکستان کیخلاف احتجاج کے دوران پاکستانی پرچم جلا دیا تھا اور پتھراؤ کیا تھا، جسکی وجہ سے دوستی گیٹ کے شیشے ٹوٹ گئے تھے۔

باب دوستی گیٹ کھولنے سے متعلق فلیگ میٹنگ بے نتیجہ ختم ہوئے تھے میٹنگ میں پاکستانی فورسز کی طرف سے لیفٹینٹ کرنل محمد چنگیز جبکہ افغان فورسز کی طرف سے کرنل محمد علی نے شرکت کی فلیگ میٹنگ میں پاکستانی فورسز کی طرف سے 18 اگست کو ہونے والے واقع پر سخت اظہار ناراضگی کی گئی اور کہا کہ افغان شہریوں نے باب دوستی پر پتھراو اور پاکستانی جھنڈے کی توہین کیوں کی جس پر افغان فورسز نے کہا کہ اشرف غنی کی تصاویر پاکستانی ریلی میں کیوں جلائے گئے۔

پاکستانی فورسز نے کہا کہ آپ لوگ میڈیا نہیں دیکھتے ریلی میں مودی کا پتلا اور انڈیا کا ترنگا نزر آتش کیا گیا، پاکستانی مظاہرین نے افغان صدر اشرف غنی کے تصاویر نہیں جلائے آپ لوگ بھارت کو خوش کرنے کے لئے اس طرح کیا جس پر افغان فورسز کے کرنل نے کہا کہ آئندہ اس طرح نہیں ہوگا ساری رنجشیں ختم کریں ہم ایک بہترین ہمسایہ رہیں گے اور دوسروں کے اماء پر پاکستان کی مخالفت نہیں کرینگے۔

میٹنگ میں باب دوستی کھولنے سے متعلق بات چیت کی گئی تاہم مذاکرات کسی بھی پیش رفت کے بغیر ختم ہوگئے، باب دوستی گیٹ بند ہونے سے پاک افغان تجارت اور نیٹو سپلائی سمیت ہرقسم کی تجارتی سرگرمیاں معطل ہیں۔

سرحد کے دونوں جانب نیٹو کنٹینرز اور مال بردار ٹرکوں کی لمبی قطاریں لگ گئیں ہیں، سرحد کی بندش سے مال بردار ٹرکوں پر لدے پھل ، سبزیاں اور میوہ جات کے خراب ہونے کا خدشہ ہے۔

یاد رہے کہ 18 اگست کو افغان فورسز نے اپنے شہریوں کے ساتھ مل کر پاکستانی پرچم کی توہین کی تھی جبکہ افغان فورسز اور شہریوں کی جانب سے باب دوستی پر پتھراؤ سے دوستی گیٹ کے شیشے ٹوٹ گئے تھے۔

واضح رہے کہ اس سے قبل پاکستان اور افغانستان کےدرمیان طور خم بارڈر پر بھی گیٹ کی تنصیب پر حالات کشیدہ ہوگئے تھے۔

چمن : پاک افغان بارڈر پر باب دوستی آج چوتھے روز بھی بند ہے،پاک افغان سرحد کی بندش سے تجارتی سرگرمیاں معطل ہیں جب کہ گذشتہ روز افغان فورسزکی درخواست پر پاکستان اور افغانستان کی فورسزکی فلیگ میٹنگ بھی بےنتیجہ ختم ہوئی۔

تفصیلات کے مطابق چمن میں پاک افغان سرحد پر پاکستانی پرچم کی توہین اور باب دوستی پر افغان شہریوں کی پتھراو کے باعث آج چوتھے روز بھی پاکستانی فورسز نے بہ طور احتجاج پاک افغان سرحد کو بند کر رکھا ہے جس کے باعث دو طرفہ تضارتی سرگرمیاں معطل ہیں جب کہ بارڈر پر کھڑے پَھلوں کے ٹرک میں موجود پھل خراب ہونے کا اندیشہ بڑھتا جا رہا ہے۔

سرحد کے دونوں جانب نیٹوں کنٹینرز اور مال بردار ٹرکوں کی لمبی قطاریں لگ گئی ہے سرحد کی بندش سے تاجروں اور پاک افغان عوام کو سخت مشکلات کا سامنا دوسری جانب تاجروں کا کہنا ہے کہ سرحد کی بندش سے چار روز سے کھڑے ٹرکوں پر موجود مال کے خراب ہونے کا خدشہ پیدا ہوگیا ہے جس سے تاجر برادری کو کروؤوں روبے کے نقصان کا سامنا کرنے پڑے گا۔

اسی سے متعلق : مودی مخالف مظاہروں پر باب دوستی پراشتعال انگیزی، باب دوستی بند

واضح رہے کہ 18 اگست کو افغان فورسز نے اپنے شہریوں کے ساتھ مل کر پاکستانی پرچم کی توہین کی تھی افغان فورسز اور شہریوں کی جانب سے باب دوستی پر پھتراو سے دوستی گیٹ کے شیشے ٹوٹ گئے تھے جس کے بعد پاکستانی فورسز نے پاک افغان سرحد بند کر دی تھی۔ گذشتہ روز دوستی گیٹ کھولنے سے متعلق فلیگ میٹنگ بے نتیجہ ختم ہوئے تھے۔میٹنگ میں پاکستانی فورسز کی طرف سے لیفٹینٹ کرنل محمد چنگیز جبکہ افغان فورسز کی طرف سے کرنل محمد علی نے شرکت کی۔

یہ بھی پڑھیں : باب دوستی پر کشیدگی ، پاک افغان فورسز کی فلیگ میٹنگ

فلیگ میٹنگ میں پاکستانی فورسز کی طرف سے 18 اگست کو ہونے والے واقع پر سخت اظہار ناراضگی کی گئی اور کہا کہ افغان شہریوں نے باب دوستی پر پتھراو اور پاکستانی جھنڈے کی توہین کیوں کی جس پر افغان فورسز نے بھی اپنے تحفظات سے آگا ہ کیا جس کے بعد میٹنگ میں باب دوستی کھولنےسے متعلق بات چیت کی گئی تاہم مذاکرات کسی بھی پیش رفت کے بغیر ختم ہوگئے۔