Tag: پاک افغان

اسلام آباد: دفتر خارجہ کا کہنا ہے کہ پاکستان میں افغان مہاجرین کو رہتے ہوئے 40 سال ہو گئے ہیں، اس سلسلے میں دو روزہ کانفرنس کا انعقاد کیا جائے گا۔

تفصیلات کے مطابق دفتر خارجہ کی جانب سے کہا گیا ہے کہ افغان مہاجرین چالیس برسوں سے پاکستان میں رہایش پذیر ہیں، اس سلسلے میں پاکستان افغان مہاجرین پر 2 روزہ کانفرنس کی میزبانی کرے گا۔

اعلامیے کے مطابق یہ رفیوجی سمٹ 17 فروری سے اسلام آباد میں ہوگی، وزیر اعظم عمران خان مہاجرین سمٹ کا افتتاح کریں گے، سمٹ میں 20 ممالک کے نمایندے شریک ہوں گے۔

ترجمان دفتر خارجہ کا کہنا ہے کہ اسلام آباد میں منعقدہ رفیوجی سمٹ میں اقوام متحدہ کے انسانی حقوق کے نمایندگان بھی شریک ہوں گے۔

یاد رہے کہ 17 دسمبر کو جنیوا میں گلوبل ریفیوجی فورم سے خطاب کرتے ہوئے عمران خان نے کہا تھا کہ پاکستان غریب ہونے کے باوجود 30 لاکھ مہاجرین کی میزبانی کر رہا ہے، پاکستان کو اس پر فخر ہے۔ انھوں نے کہا کہ ہمیں ایسے حالات کا خاتمہ کرنا ہوگا جس سے لوگ مہاجر بنتے ہیں۔

خیال رہے کہ وزیر اعظم کا وژن ہے کہ افغان مہاجرین با عزت طریقے سے اپنے وطن واپس چلے جائیں، اس سلسلے میں افغانستان سے تمام معاملات خوش اسلوبی سے حل کیے جا رہے ہیں، حکومت نے افغان مہاجرین کو بینک اکاؤنٹ کھولنے کی بھی اجازت دی ہے۔ افغان مہاجرین کے سلسلے میں پاکستان کو عالمی امداد بھی دی جاتی رہی ہے۔

اسلام آباد: وفاقی دارالحکومت عالمی سفارتی سرگرمیوں کا مرکز بن گیا، پاک افغان چین سہ فریقی اجلاس ہفتے کے روز اسلام آباد میں منعقد ہوگا۔

ذرایع کا کہنا ہے کہ چینی وزیر خارجہ وانگ ژی اور افغان وزیر خارجہ صلاح الدین ربانی پاک افغان چین سہ فریقی اجلاس کے سلسلے میں پاکستان آئیں گے، یہ اہم ترین اسلام آباد میں منعقد ہوگا، پاکستانی وفد کی قیادت وزیر خارجہ شاہ محمود قریشی کریں گے۔

ذرایع نے بتایا ہے کہ پاک چین اقتصادی راہ داری کی افغانستان تک توسیع اس اجلاس کے ایجنڈے کا حصہ ہے۔

یہ بھی بتایا گیا ہے کہ اجلاس میں افغان امن اور مفاہمتی عمل پر سہ فریقی مشاورت کی جائے گی، افغان مفاہمتی عمل پر اب تک کی پیش رفت کا جائزہ بھی لیا جائے گا۔

یہ بھی پڑھیں:  پاک افغان تعلقات پر پروپیگنڈا یا منفی تاثرپھیلانےنہیں دیں گے، شاہ محمود قریشی

اطلاعات ہیں کہ افغانستان میں ترقیاتی عمل میں پاکستان اور چین کے کردار پر بھی بات چیت ہوگی۔

ادھر متحدہ عرب امارات کے وزیر خارجہ عبداللہ بن زاید بن سلطان النہیان کل پاکستان کے دورے پر پہنچیں گے، وہ پاکستان کی اعلیٰ قیادت سے ملاقاتیں کریں گے۔

یاد رہے کہ افغانستان میں امن کے قیام اور دونوں ممالک کے مابین عدم اعتماد کی فضا ختم کرنے کے لیے جون میں مری بھوربن میں پہلی افغان امن کانفرنس کا انعقاد کیا گیا تھا، جس میں پاک افغان تعلقات پر پروپیگنڈا یا منفی تاثر پھیلانے کے حوالے سے معاملات دیکھے گئے۔

اپریل میں وزیر خارجہ شاہ محمود نے بیجنگ میں چین کے وزیر خارجہ مسٹر وانگ ژی سے ملاقات کی تھی، اس ملاقات میں پاک چین تعلقات، سی پیک، خطے کی سیکورٹی سمیت افغان امن عمل پر بھی بات چیت ہوئی تھی۔

لندی کوتل: طورخم سرحد پر بارڈر پر باڑ لگانے پر کشیدگی کے باعث پاک افغان سرحد گزشتہ دو روز سے بند ہے جسکے باعث ہزاروں کی تعداد میں مسافروں اور عام لوگوں کے ساتھ تجاری مقاصد کے لئے استعمال ہونے والی گاڑیوں کی نقل و حرکت بند ہوگئی۔

پاک افغان سرحد کی اچانک بندش اس وقت ہوئی پاک افغان بارڈر طورخم پر پاکستانے علاقے میں حکام حفاظتی باڑ لگانا شروع کی جسکو افغان حکام نے روک لیا ار اس دوراں عینی شاہدین کے مطابق دونوں جانب سے تلخ کلامی بھی دیکھنے کو ملی، اس واقع کے بعد سرحد کو بند کردیا گیا ۔

بارڈر کی بندش سے سرحد کی دونوں جانب ٹرالروں اور گاڑیوں کی لمبی قطاریں لگ گئیں اور ہر قسم کی آمد ورفت بند کردی گئی ہے جبکہ پاکستان آنے والے افراد دوردراز کا پہاڑی علاقہ استعمال کرکے داخل ہو رہے ہیں اب تک کے ہونے والے حکام کے مذکرات نتیجہ خیز ثابت نہیں ہوئے۔

پاکستانی حکام نے موقف اختیار کیا ہے کہ افغان حکام تعمیر ہونے والی باڑ کی اجازت دیں تو سرحد کھول دی جائے گی جس کیلئے افغان حکام نے مہلت طلب کی جبکہ اب تک افغان حکام کی جانب سے باڑ کی تعمیر کے سلسلے میں مثبت جواب نہیں ملا جس کی وجہ سے پاک افغان بارڈر دو دن سے بند پڑا ہوا ہے۔

یہاں یہ بات بھی قابل زکر ہے کہ پاکستان کی جانب سے طورخم سرحد کے زریعے دہشت گر د عناصر کی نقل و حرکت کے شوائد کئی بار افغان حکام کو پیش کئے گئے ہیں اور باچا خان یونیورسٹی پر حملے کے تحقیقات کے حوالے سے افغان حکام کا اگاہ کرتے ہوئے بتایا گیا تھا کہ دہشت گرد طورخم کے راستے پاکستان میں داخل ہوکر چارسدہ پہنچے تھے ۔

اس واقعے کے بعد پاکستان حکام نے نہ صرف طورخم سرحد کی نگرانی سخت کردی تھی بلکہ بغیر ویزہ داخلے پر بھی پابندی عائد کی گئی تھی، زرائع کے مطابق پاک افغان سرحد کی بندش کا معاملہ اعلیٰ سطح پر زیربحث ہے اور امید کی جارہی ہے کہ بارڈر پر بھاڑ لگانے کا ایشو خوش اسلوبی سے حل کرلیا جائے گا۔

یہاں یہ بات بھی قابل غور ہے کہ افغان حکام پاک افغان سرحد کو ڈیورنڈ لائن معاہدے کے تحت سرحد کو بین الاقوامی سرحد تسلیم نہیں کرتے اور انکا موقٖف ہے کہ سرحد پر امدوورفت پر پابندی نہیں ہونی چاہیے ۔