ARYNews.tv | Urdu – Har Lamha Bakhabar

Tag: پاک انگلینڈ سیریز

  • اہم فاسٹ بولر کو ٹی ٹوئنٹی اسکواڈ سے ریلیز کر دیا گیا

    اہم فاسٹ بولر کو ٹی ٹوئنٹی اسکواڈ سے ریلیز کر دیا گیا

    لیڈز: پاک انگلینڈ سیریز کے پہلے میچ سے قبل قومی کرکٹ ٹیم کے فاسٹ باؤلر حسن علی کو ٹی ٹوئنٹی اسکواڈ سے ریلیز کر دیا گیا ہے۔

    پاکستان کرکٹ بورڈ کے مطابق حسن علی انگلینڈکے خلاف ٹی ٹوئنٹی سیریز نہیں کھیلیں گے، فاسٹ بولر حسن علی ٹی ٹوئنٹی ورلڈ کپ اسکواڈ سے بھی باہر ہو گئے۔

    پی سی بی کا کہنا ہے کہ حسن علی کو فاسٹ بولر حارث رؤف کے بیک اپ کے طور پر ٹیم میں شامل کیا گیا تھا, اب فاسٹ بولر حارث رؤف نے ٹیم کو جوائن کرلیا ہے جس کے بعد فاسٹ بولر حسن علی کو ٹی ٹوئنٹی اسکواڈ سے ریلیز کردیا گیا۔

    پاکستان کرکٹ بورڈ(پی سی بی) کا مزید کہنا ہے کہ حسن علی کاونٹی کرکٹ میں اپنی ٹیم کو دوبارہ جوائن کریں گے۔

    حسن علی

    واضح رہے کہ آئی سی سی ٹی ٹوئنٹی ورلڈ کپ کا آغاز ہونے میں چند روز باقی رہ گئے ہیں، میگا ایونٹ سے قبل حتمی اسکواڈ کی تکمیل کے لیے شاہینوں کا آخری اور اہم امتحان آج سے انگلینڈ کے خلاف چار ٹی ٹوئنٹی میچوں پر مشتمل سیریز سے ہو رہا ہے۔

    ٹی ٹوئنٹی ورلڈ کپ میں شریک 20 میں سے 19 ٹیمیں اپنے اپنے اسکواڈ کا اعلان کر چکی ہیں، صرف پاکستان نے تاحال اسکواڈ کا اعلان نہیں کیا اور پی سی بی کے مطابق کل انگلینڈ کے خلاف پہلے ٹی ٹوئنٹی میچ کے بعد 15 رکنی اسکواڈ کا اعلان کر دیا جائے گا۔

  • بابر اعظم کس پوزیشن پر کھیلیں گے؟ کپتان نے بتا دیا

    بابر اعظم کس پوزیشن پر کھیلیں گے؟ کپتان نے بتا دیا

    لیڈز: پاکستان ٹی ٹوئنٹی ٹیم کے کپتان بابر اعظم نے کہا ہے کہ میں ون ڈاؤن پوزیشن پر کھیلوں گا، ورلڈکپ کا کمبینشن سوچ لیا ہے۔

    پاکستان کرکٹ ٹیم کے کپتان بابراعظم نے انگلینڈ کے خلات ٹی ٹوئنٹی سیریز کی شروعات سے پہلے لیڈز میں پریس کانفرنس کرتے ہوئے کہا کہ میں نے ون ڈاؤن پوزیشن پر کھیلنے کا فیصلہ کیا ہے، انگلینڈ کی سیریز ورلڈکپ سے پہلے تیاری کے لیے سنہری موقع ہے۔

    بابر اعظم کا کہنا تھا کہ 3 ہفتے بعد ورلڈکپ ہے اس سیریز سے اچھی چیزیں سیکھیں گے، سیریز جیت کر ورلڈکپ کیلئے اعتماد حاصل کریں گے۔

    انھوں نے کہا کہ انگلینڈ کی ٹیم دنیا کی بہترین ٹیموں میں سے ایک ہے، انگلینڈ کی بیٹنگ لائن اپ بولنگ سے زیادہ خطرناک ہے۔

    کپتان قومی کرکٹ ٹیم کا کہنا تھا کہ حارث رؤف مکمل طور پر فٹ ہیں اور ان کو کھیلنے کی اجازت مل گئی ہے۔ ورلڈکپ کھیلنے سے پہلے اس سیریز سے ٹیم کو فائدہ ہوگا۔

  • پاک انگلینڈ سیریز پر چھائے خدشات کے بادل چھٹ گئے ، پہلا ٹیسٹ آج سے شروع ہوگا

    پاک انگلینڈ سیریز پر چھائے خدشات کے بادل چھٹ گئے ، پہلا ٹیسٹ آج سے شروع ہوگا

    راولپنڈی : پاکستان اور انگلینڈ کے درمیان سترہ برس بعد ٹیسٹ آج سے ہی راولپنڈی میں کھیلا جائے گا، ٹاس سے پہلے ٹیسٹ سیریز کپ کی رونمائی کی تقریب ہوگی۔

    تفصیلات کے مطابق پاک انگلینڈ سیریز پر چھائے خدشات کے بادل چھٹ گئے، پاکستان اور انگلینڈ کے درمیان سترہ برس بعد ٹیسٹ آج سے ہی راولپنڈی میں کھیلا جائے گا۔

    انگلینڈ کے میڈیکل پینل نے کھلاڑیوں کوکلیئرنس دے دی اور کہا کہ انگلینڈ کے پاس11 صحت مند کھلاڑی موجود ہیں۔

    انگلش کرکٹ بورڈ نے پی سی بی کو کھلاڑیوں کی دستیابی سے آگاہ کردیا ہے ، انگلش کرکٹ بورڈ نے کہا کہ وائرل انفیکیشن سے متاثرہ کھلاڑیوں کا دوبارہ طبی معائنہ کیا گیا تھا، جس کے بعد میڈیکل پینل نے میچ کے لیے گیارہ سے زائد کھلاڑیوں کو صحت مند قرار دیا ہے۔

    میچ سے قبل سیریز کی ٹرافی کی رونمائی ہوگی، ٹاس شیڈول کے مطابق صبح ساڑھے نو بجے ہوگا اور دس بجے میچ کا آغاز ہوجائے گا۔

    پاکستان اور انگلینڈ کی ٹیمیں اسٹیڈیم پہنچ گئیں ، پاکستانی ٹیم کی جانب سے چار کھلاڑی ڈیبیو کریں گے ، سعود شکیل، حارث رؤف محمد علی اور زاہد محمود ٹیسٹ فارمیٹ میں ڈیبیو کر رہے ہیں۔

  • انگلش ٹیم میدان میں سیاہ پٹیاں باندھ کر کیوں اتری؟

    انگلش ٹیم میدان میں سیاہ پٹیاں باندھ کر کیوں اتری؟

    کراچی: پاکستان اور انگلینڈ کے درمیان نیشنل اسٹیڈیم کراچی میں کھیلے جانے والے پہلے ٹی 20 میچ میں انگلش ٹیم میدان میں سیاہ پٹیاں باندھ کر اتری۔

    تفصیلات کے مطابق انگلش ٹیم نے آج منگل کو جب پاکستان کے خلاف ٹی ٹوینٹی سیریز کے پہلے میچ میں ٹاس جیت کر پاکستان ٹیم کو بیٹنگ کی دعوت دی تو پوری ٹیم میدان میں ملکہ برطانیہ کو خراج عقیدت پیش کرنے کے لیے سیاہ پٹیاں باندھ کر اتری۔

    میچ شروع ہونے سے قبل دونوں ٹیموں کے کھلاڑیوں نے قطار میں کھڑے ہو کر نہ صرف ملکہ برطانیہ کی یاد، بلکہ پاکستان کے سیلاب زدگان کے لیے ایک منٹ کی خاموشی بھی اختیار کی۔

    پہلا ٹی ٹوئنٹی: انگلینڈ نے ٹاس جیت لیا

    واضح رہے کہ کراچی کے نیشنل اسٹیڈیم میں اس وقت انگلینڈ اور پاکستان کے مابین پہلا ٹی ٹوینٹی میچ جاری ہے، انگلینڈ کی ٹیم 17 سال بعد پاکستان کا دورہ کر رہی ہے، اپنے دورے کے پہلے مرحلے میں وہ 7 ٹی ٹوئنٹی میچز کھیلے گی۔

  • انگلینڈ کرکٹ بورڈ کا بھی پاکستان دورے سے متعلق بیان آ گیا

    انگلینڈ کرکٹ بورڈ کا بھی پاکستان دورے سے متعلق بیان آ گیا

    لندن: انگلینڈ کرکٹ بورڈ نے بھی پاکستان کے دورے سے متعلق اہم بیان جاری کر دیا ہے، بورڈ کا کہنا ہے کہ پاکستان کے دورے سے متعلق فیصلہ 24 سے 48 گھنٹے میں کریں گے۔

    تفصیلات کے مطابق پاک نیوزی لینڈ سیریز کی اچانک منسوخی کے بعد انگلینڈ کرکٹ بورڈ نے بیان میں کہا ہے کہ سیکیورٹی ایکسپرٹ سے تفصیلی رپورٹ لی جائے گی، اس کے بعد ایک سے دو دن کے اندر ہم پاکستان کے دورے سے متعلق کوئی فیصلہ کریں گے۔

    برطانوی ہائی کمیشن نے کہا ہے کہ ہائی کمیشن انٹیلیجنس کے معاملات پر کوئی تبصرہ نہیں‌ کرتا، پاک نیوزی لینڈ سیریز پر ان کی جانب سے کوئی انٹیلیجنس رپورٹ شیئر نہیں کی گئی۔

    پاک نیوزی لینڈ سیریز پر کوئی انٹیلیجنس رپورٹ شیئر نہیں کی: برطانوی ہائی کمیشن

    واضح رہے کہ انگلینڈ ٹیم کو 2 ٹی ٹوئنٹی میچز کھیلنے کے لیے آئندہ ماہ پاکستان آنا ہے۔

    نیوزی لینڈ کرکٹ بورڈ کی جانب سے اچانک سیریز کی منسوخی کے بعد وزیر اعظم عمران خان نے وزیر اعظم نیوزی لینڈ سے فون پر رابطہ کیا، جس میں جیسنڈا آرڈرن نے احتیاطی طور پر نیوزی لینڈ ٹیم کا دورہ ملتوی کرنے کی استدعا کی۔

  • ون ڈے سیریز، انگلینڈ کا پاکستان کے خلاف اسکواڈ کا اعلان

    ون ڈے سیریز، انگلینڈ کا پاکستان کے خلاف اسکواڈ کا اعلان

    لندن: انگلینڈ نے پاکستان کے خلاف ہونے والی ہوم ون ڈے سیریز کے لیے 16 رکنی اسکواڈ کا اعلان کر دیا۔

    تفصیلات کے مطابق پاک انگلیند ون ڈے سیریز کے لیے برطانوی کرکٹ ٹیم کا اعلان ہو گیا ہے، انگلش ٹیم کی قیادت این مورگن کریں گے۔

    باقی اسکواڈ میں معین علی، جوناتھن بریسٹو، ٹوم بینٹن، صیم بیلینگ، سیم کرن، ٹوم کرن، لیم ڈوسن، لیم لونگسٹن، جارج گارٹن، عادل رشید، جو روٹ، جیسن رائے، ڈیوڈ ویلی، کریس واکس اور مارک ووڈ بھی پاکستان کے خلاف اسکواڈ کا حصہ ہوں گے۔

    انگلش کرکٹ ٹیم پاکستان کے خلاف ٹی ٹوئنٹی سیریز کے لیے اسکواڈ کا اعلان بعد میں کرے گی، جب کہ پاکستان اور انگلینڈ کے خلاف 3 ون ڈے انٹرنیشنل سیریز کا پہلا میچ جمعرات 8 جولائی کو شام پانچ بجے کارڈف میں کھیلا جائے گا۔

    بابراعظم نے خطرے کی گھنٹی بجادی

    دونوں ٹیموں کے درمیان دوسرا میچ ہفتہ 10 جولائی کو پاکستان کے معیاری وقت کے مطابق تین بجے سہ پہر، اور تیسرا میچ منگل 13 جولائی کو شام پانچ بجے کھیلا جائے گا۔

    خیال رہے کہ قومی اسکواڈ 25 جون کو برمنگھم پہنچ گیا تھا، اسکواڈ 3 دن روم آئسولیشن میں رہا، آئسولیشن مکمل کرنے کے بعد 7 روز ٹریننگ سیشنز میں شریک ہونا تھا، قومی اسکواڈ 6 جولائی کو کارڈف روانہ ہوگا۔

  • پاکستان کرکٹ ٹیم کا تیسرا گروپ انگلینڈ کے لیے روانہ

    پاکستان کرکٹ ٹیم کا تیسرا گروپ انگلینڈ کے لیے روانہ

    لاہور: انگلینڈ کے خلاف سیریز کے لیے قومی کرکٹ ٹیم کا تیسرا گروپ برطانیہ کے لیے روانہ ہو گیا۔

    اے آر وائی نیوز کے مطابق آج پاکستان کرکٹ ٹیم کا تیسرا گروپ انگلینڈ کے لیے روانہ ہو گیا، انگلینڈ روانہ ہونے والوں میں 3 کھلاڑی حیدر علی، کاشف بھٹی اور عمران خان سینئر سمیت ایک ٹرینر شامل ہیں۔

    اس سے قبل 3 جولائی کو انگلینڈ کے خلاف سیریز کے لیے پاکستان کرکٹ ٹیم کے اسکواڈ کا دوسرا گروپ لاہور سے مانچسٹر روانہ ہوا تھا، گروپ میں 6 کھلاڑی شامل تھے۔

    کرونا ٹیسٹ منفی آنے کے بعد روانہ ہونے والے کھلاڑیوں میں فخر زمان، محمد حسنین، محمد حفیظ، محمد رضوان، شاداب خان اور وہاب ریاض شامل تھے۔

    پاک انگلینڈ سیریز کا شیڈول جاری

    دورہ انگلینڈ کے لیے 28 جون کو قومی کرکٹ ٹیم کا پہلا گروپ لاہور سے روانہ ہوا تھا، جس میں پاکستانی اسکواڈ کے ساتھ حکام بھی شامل تھے۔

    جمعرات کو برطانیہ میں کپتان ٹی 20 اور ون ڈے کرکٹ ٹیم بابر اعظم نے اے آر وائی نیوز سے گفتگو کرتے ہوئے کہا تھا کہ تمام کھلاڑی فٹ ہیں، پریکٹس بھی جاری ہے، تمام کھلاڑیوں کا کرونا ٹیسٹ یہاں بھی منفی آیا ہے۔

    بابر اعظم کا کہنا تھا کہ کھلاڑیوں نے بیٹنگ اور بولنگ کی ٹریننگ کی ہے، یہاں ڈیوک کی گیند استعمال ہوتی ہے جو کنڈیشن کو سوٹ کرتی ہے، پچھلے 2 تین سیریز کے لیے ٹیم میں تبدیلیاں کی گئیں، کھلاڑیوں کی تبدیلی کی وجہ سے نتائج مختلف رہے، کوشش یہی ہے کہ انگلینڈ میں سیریز جیتیں اور ٹرینڈ سیٹ کریں۔

  • پاک انگلینڈ ٹیسٹ اور ٹی 20 میچز کا حتمی شیڈول؟

    پاک انگلینڈ ٹیسٹ اور ٹی 20 میچز کا حتمی شیڈول؟

    لندن: انگلینڈ کرکٹ بورڈ نے پاکستان ٹیم کے دورے کی تصدیق کر دی ہے، ای سی بی کا کہنا ہے کہ ٹیسٹ اور ٹی 20 میچز کے حتمی شیڈول کا اعلان جلد کیا جائے گا۔

    تفصیلات کے مطابق پاکستان ٹیم 28 جون کو برطانیہ پہنچے گی، پاکستانی اسکواڈ بلیک فینچ نیو روڈ وارسیسٹر میں 14 روز قرنطینہ میں رہے گا، 13 جولائی کو پاکستانی ٹیم ڈربی شائر کے لیے روانہ ہوگی۔

    انگلینڈ کرکٹ بورڈ کا کہنا ہے کہ پاکستانی ٹیم ڈربی شائر میں پہلے ٹیسٹ میچ کی تیاری کرے گی، پاکستانی اسکواڈ ڈربی شائر میں 2 انٹرنل 4 ڈے پریکٹس میچ کھیلے گا، جب کہ دورے کے دوران پاکستانی ٹیم 3 ٹیسٹ اور 3 ٹی 20 میچز کھیلے گی۔

    تاہم ای سی بی کا کہنا ہے کہ ٹیسٹ اور ٹی 20 میچز کے حتمی شیڈول کا اعلان جلد کیا جائے گا، خیال رہے کہ انگلش بورڈ نے کرونا ٹیسٹ مثبت آنے والے کھلاڑیوں پر سفری پابندی عائد کی ہے، کرونا متاثرہ کھلاڑی 28 جون کو انگلینڈ میں داخل نہیں ہو سکیں گے۔

    انضمام الحق کرکٹ بورڈ پر برس پڑے

    پاکستان کرکٹ بورڈ نے بھی دورہ انگلینڈ کے لیے منتخب جن کھلاڑیوں کے ٹیسٹ مثبت آئے ہیں ان کے 2 منفی ٹیسٹ آنے کی پالیسی پر نظر ثانی شروع کر دی ہے، ان کھلاڑیوں کا اگلا ٹیسٹ پیر 29 جون کو ہوگا۔

    کھلاڑیوں کے ٹیسٹ مثبت آنے کے بعد 5 ریزرو کھلاڑیوں کو طلب کر کے ان کے بھی جمعرات کو ٹیسٹ کیے گئے جن کے نتائج آج آئیں گے۔

  • سابق آسٹریلوی کرکٹر نے انگلینڈ ٹیم کو پاکستانی اسکواڈ کے حوالے سے خبردار کر دیا

    سابق آسٹریلوی کرکٹر نے انگلینڈ ٹیم کو پاکستانی اسکواڈ کے حوالے سے خبردار کر دیا

    کراچی: سابق آسٹریلوی کرکٹر بریڈ ہوگ نے انگلینڈ ٹیم کو پاکستانی اسکواڈ کی صلاحیت کے حوالے سے خبردار کر دیا۔

    تفصیلات کے مطابق سابق آسٹریلوی اسپنر بریڈ ہوگ نے انگلینڈ کو خبردار کیا ہے کہ پاکستان اسکواڈ اس کے خلاف اپ سیٹ کر سکتا ہے۔

    کرکٹ کے تمام فارمیٹ کھیلنے والے سابق آسٹریلوی کرکٹر کا کہنا تھا کہ انگلینڈ ٹور کے لیے منتخب کیا گیا 29 رکنی پاکستانی اسکواڈ میزبان ٹیم کو اس کے میدان میں ہرانے کی صلاحیت رکھتا ہے۔

    سابق آسٹریلوی اسپنر بریڈ ہوگ

    بریڈ ہوگ دو مرتبہ ورلڈ کپ جیتنے والی آسٹریلوی ٹیم میں شامل رہے ہیں، انھوں نے ایک ٹویٹ میں لکھا کہ مجھے امید ہے گرین شرٹس پوری طرح تیار ہیں اور سیریز بہت دل چسپ رہے گی۔

    انھوں نے پاکستانی اسکواڈ سے امید وابستہ کرتے ہوئے کہا کہ یہ اپ سیٹ کر سکتا ہے، اور امید ہے کہ انگلینڈ کے لیے روانہ ہونے سے قبل اسے معیاری پریکٹس بھی ملے گی۔

    قومی کرکٹ ٹیم کی انگلینڈ روانگی کا شیڈول تیار

    دریں اثنا، پاکستان انڈر 19 کے بیٹسمین حیدر علی کو بھی انگلینڈ کے خلاف 3 ٹیسٹ اور 3 ٹی ٹوئنٹی میچز سیریز کے لیے 29 رکنی اسکواڈ میں شامل کیا گیا ہے، جو اگست اور ستمبر میں کھیلی جائیں گی۔

    انگلینڈ ٹیم کے دھواں دار بلے باز اور پشاور زلمی میں حیدر علی کے ساتھی کھلاڑی ٹام بینٹن نے انگلینڈ کے خلاف پاکستانی اسکواڈ میں شامل کیے جانے پر حیدر علی کو مبارک باد دی ہے۔ ٹام بینٹن نے ٹویٹر اکاؤنٹ پر لکھا کہ انٹرنیشنل کال پر آپ کو شاباش ہے۔

    واضح رہے کہ حیدر علی کا 2019-20 کا سیزن زبردست رہا، جس کی وجہ سے انھیں 2020-21 سیزن کا کنٹریکٹ بھی ملا۔

  • پاکستان کے دورہ انگلینڈ کے بارے میں مثبت پیش رفت

    پاکستان کے دورہ انگلینڈ کے بارے میں مثبت پیش رفت

    اسلام آباد: پاکستان اور انگلینڈ کرکٹ بورڈ کے درمیان تفصیلی ٹیلی کانفرنس ہوئی ہے، جس میں پاکستان کے دورہ انگلینڈ کے بارے میں مثبت پیش رفت سامنے آئی۔

    اے آر وائی نیوز کے مطابق پاکستان کی ٹیم جولائی کے شروع میں انگلینڈ پہنچے گی، پاکستانی ٹیم کو چارٹرڈ فلائٹ سے انگلینڈ لایا جائے گا، جس کے تمام اخراجات انگلینڈ بورڈ ادا کرے گا اور پاکستانی ٹیم گراؤنڈ کے اندر ہوٹل میں قیام کرے گی۔

    دونوں ٹیموں کے درمیان 3 ٹیسٹ میچز کی سیریز کا آغاز 5 اگست سے ہوگا، پاکستان اور انگلینڈ کے درمیان 3 ٹی ٹوئنٹی میچز بھی کھیلے جائیں گے جو ستمبر میں ہوں گے۔

    قبل ازیں، پاکستان کرکٹ بورڈ کے چیف ایگزیگٹو وسیم خان اور ہیڈ کوچ مصباح الحق نے ای سی بی کے ساتھ ٹیلی کانفرنس میں شرکت کی، جب کہ انگلینڈ کی جانب سے ٹام ہیری سن اور کوچ کرس سلوروڈ نے شرکت کی۔

    ٹیسٹ کرکٹ کو بچانے کیلئے انگلینڈ کرکٹ ٹیم کا آئسولیشن میں جانے کا فیصلہ

    پی سی بی کے چیف ایگزیکٹو وسیم خان کا کہنا تھا کہ کرونا وبا کے پیش نظر کرکٹ کھیلنے والے ممالک کو متحد ہو کر چلنا ہوگا۔

    خیال رہے کہ رواں ماہ پاکستان کرکٹ ٹیم کے ہیڈ کوچ و چیف سلیکٹر مصباح الحق نے بند دروازوں کے پیچھے بغیر شائقین کے انگلینڈ سیزیز کروانے کا مشورہ دے دیا تھا۔

    ادھر انگلش کرکٹ ٹیم نے ٹیسٹ کرکٹ کو بچانے کے لیے 8 مئی کو آئسولیشن میں جانے کا فیصلہ کیا تھا، بتایا گیا تھا کہ پاکستان اور ویسٹ انڈیز کے خلاف سیریز سے پہلے انگلش کرکٹ ٹیم ایک ماہ تنہائی میں رہے گی، اس دوران کھلاڑی کسی سے ملاقات نہیں کریں گے۔