Tag: پاک انگلینڈ سیریز

لاہور: قومی کرکٹ ٹیم کے چیف سلیکٹر انضمام الحق نے کہا ہے کہ قومی ٹیم نے دوسرے ون ڈے میں اچھی پرفارمنس دی، بڑا ٹوٹل تھا ٹیم اگر جیت جاتی تو خوشی ہوتی۔

تفصیلات کے مطابق انضمام الحق نے لاہور میں میڈیا سے گفتگو کرتے ہوئے کہا کہ ٹیم نے دوسرے ون ڈے میں اچھی کارکردگی دکھائی، ٹیم جیت جاتی تو خوشی ہوتی۔

انھوں نے کہا کہ شاداب خان کی اب تک کی رپورٹس بہت مثبت ہیں، آئندہ 2 سے 4 روز میں شاداب کے مزید ٹیسٹ ہوں گے، امید ہے ورلڈ کپ سے پہلے شاداب خان فٹ ہو جائیں گے۔

چیف سلیکٹر کا کہنا تھا کہ محمد حفیظ نے پاکستان میں ہی باؤلنگ اور بیٹنگ کا آغاز کر دیا تھا، میری رپورٹس کے مطابق محمد حفیظ فٹ ہیں۔

انضمام الحق نے کہا کہ ابھی 3 میچز باقی ہیں، کھلاڑیوں کی کارکردگی کا جائزہ لے رہے ہیں، ورلڈ کپ اسکواڈ کا اعلان بھی کر چکے ہیں جس کے لیے پرفارمنس کا جائزہ لیا جا رہا ہے۔

یہ بھی پڑھیں:  دوسرا ون ڈے: قومی ٹیم کی شاندار بیٹنگ، انگلینڈ 12 رنز سے کامیاب

یاد رہے گزشتہ روز انگلینڈ نے دوسرے ون ڈے میچ میں پاکستان کو 12 رنز سے شکست دے کر سیریز کی پہلی فتح اپنے نام کر لی، تاہم اس میچ میں سرفراز الیون نے آخری بال تک مقابلہ کیا۔

پانچ ون ڈے سیریز کے دوسرے میچ میں انگلینڈ نے مقررہ پچاس اوورز میں 373 رنز بنائے، جوس بٹلر نے 110 رنز کی نا قابل شکست اننگز کھیلی۔

پاکستان ٹیم نے ہدف کا تعاقب کرتے ہوئے 361 رنز پر دم توڑ دیا، فخر زمان نے 138 رنز کی شان دار اننگز کھیلی، مجموعی طور پر پاکستان کے نوجوان بلے بازوں نے انگلش ٹیم کوٹف ٹائم دیا۔

لندن: پاکستان اور انگلینڈ کے مابین ون ڈے سیریز کا آج سے آغاز ہو رہا ہے، تاہم اوول گراؤنڈ اور اطراف کے علاقوں میں بارش کی وجہ سے میچ متاثر ہونے کا خدشہ پیدا ہو گیا ہے۔

تفصیلات کے مطابق اوول گراؤنڈ انگلینڈ میں آج سے پاک برطانیہ ون ڈے سیریز کا پہلا میچ کھیلا جائے گا، دوسری طرف گراؤنڈ انتظامیہ وقفے وقفے سے ہونے والی بارش سے پریشان ہے۔

محمد حفیظ بدستور مکمل فٹنس حاصل کرنے میں کام یاب نہیں ہو سکے ہیں، محمد حفیظ اور شعیب ملک پہلے ون ڈے میں شرکت نہیں کر سکیں گے۔

انگلینڈ کے خلاف پہلے میچ میں پاکستانی ٹیم 3 یا 4 فاسٹ بولرز کھلانے کا فیصلہ ٹاس سے پہلے کرے گی۔

واحد ٹی ٹوینٹی، انگلینڈ نے پاکستان کو 7 وکٹوں سے شکست دے دی

خیال رہے کہ کارڈف میں کھیلے گئے واحد ٹی ٹونٹی میچ میں پاکستان کو سات وکٹوں سے شکست ہوئی، اب دونوں ٹیموں کے درمیان 5 میچز پر مشتمل سیریز کھیلا جائے گا۔

اب تک ہونے والے باہمی ون ڈے مقابلوں میں میزبان کا پلڑا بھاری رہا، پاکستان ٹیم 82 میچز میں 31 فتوحات حاصل کر پائی، جب کہ انگلینڈ کو 49 میں فتح نصیب ہوئی۔

انگلش سرزمین پر دونوں ٹیمیں 42 بار مد مقابل ہوئیں، گرین شرٹس 15 میں کام یاب ہوئے، 26 میں میزبان ٹیم نے برتری ثابت کی، ایک میچ بے نتیجہ رہا۔

بیکنھم: پاکستان کرکٹ ٹیم کی لندن کے نواحی علاقے بیکنھم میں پریکٹس جاری ہے جہاں پر سیکورٹی کے سخت انتظامات کیے گئے ہیں۔

تفصیلات کے مطابق لندن کے علاقے بیکنھم میں پاکستانی ٹیم کی پریکٹس جاری ہے، ٹیم کی حفاظت کے لیے سخت سیکورٹی انتظامات کیے گئے ہیں، کوچ مکی آرتھر نے کھلاڑیوں کو فیلڈنگ کی بھرپور پریکٹس کرائی۔

آئی سی سی کی ہدایات پر اس مرتبہ سانحہ نیوزی لینڈ اور سری لنکا کی وجہ سے کسی بھی ٹیم کے کھلاڑی کو پیشگی اجازت کے بغیر کسی تقریب میں جانے کی اجازت نہیں ہے۔

اے آر وائی نیوز سے گفتگو کرتے ہوئے کھلاڑیوں کا کہنا تھا کہ وہ ورلڈ کپ میں تاریخ ساز کارکردگی کے لیے پُرعزم ہیں۔

یہ بھی پڑھیں:  دورۂ انگلینڈ کا مثبت آغاز، پاکستان نے پریکٹس میچ میں کینٹ کاؤنٹی کو 100 رنز سے ہرا دیا

خیال رہے کہ شاہینوں کا دورۂ انگلینڈ میں دوسرا معرکہ کل نارتھیمپٹن شائر سے ہوگا، ٹیم پاکستان اپنے پہلے پریکٹس میچ میں کینٹ کاؤنٹی کو 100 رنز سے شکست دے چکی ہے۔

قومی ٹیم نے انگلینڈ کے خلاف ون ڈے سیریز کے لیے تیاریاں تیز کر دی ہیں، میچ پریکٹس حاصل کرنے کے لیے پاکستانی ٹیم پیر کو نارتھیمپٹن شائر سے پریکٹس میچ میں مدم قابل ہو گی۔

پاکستان اور انگلینڈ کے درمیان ایک ٹی ٹوئنٹی میچ 5 مئی کو کھیلا جائے گا۔

بیکنھم: پاکستان کرکٹ ٹیم نے دورۂ انگلینڈ کا مثبت آغاز کرتے ہوئے پریکٹس میچ میں کینٹ کاؤنٹی کو 100 رنز سے شکست دے دی، عماد وسیم نے 117 رنز کی شان دار اننگ کھیلی۔

تفصیلات کے مطابق بیکنھم میں کھیلے گئے پریکٹس میچ میں پاکستان نے کینٹ کاؤنٹی کو 100 رنز سے ہرا دیا ہے، پاکستان کے 358 رنز کے جواب میں کینٹ کی ٹیم 258 رنز بنا کر آؤٹ ہو گئی۔

عماد وسیم نے 4 چھکوں اور 11 چوکوں کی مدد سے 117 رنز کی اننگز کھیلی، فخر زمان 76، حارث سہیل 75 اور امام الحق 39 رنز کے ساتھ نمایاں رہے۔

فہیم اشرف 17، سرفراز احمد 10، بابر اعظم 9، شعیب ملک 4 رنز بنا سکے، جب کہ کینٹ کاؤنٹی کی اننگز میں الیکس بلیک 89 اور رابنسن 49 رنز بنا کر نمایاں بلے باز رہے۔

یہ بھی پڑھیں:  مخالف بھی پاکستان کے مداح، گنگولی نے سرفراز الیون کو فیورٹ قرار دے دیا

یاسر شاہ 3، فہیم اشرف، حسن علی اور فخر زمان نے 2،2 کھلاڑیوں کو آؤٹ کیا، کینٹ کاؤنٹی کے عمران قیوم نے 4 کھلاڑیوں کو آؤٹ کیا۔

خیال رہے کہ پاکستان کرکٹ ٹیم اپنے کپتان سرفراز احمد کی قیادت میں لندن میں موجود ہے جہاں وہ برطانوی ٹیم کے خلاف پانچ ون ڈے اور ایک ٹی 20 میچ کھیلے گی۔

دوسری طرف ورلڈ کپ مقابلوں کا آغاز 30 مئی سے ہوگا، افتتاحی میچ انگلینڈ اور جنوبی افریقا کے درمیان 30 مئی کو کھیلا جائے گا، پاکستانی ٹیم اپنا پہلا میچ ویسٹ انڈیز کے خلاف 31 مئی کو کھیلے گی۔