Tag: پاک انگلینڈ ٹیسٹ سیریز

 راولپنڈی: پاکستان انگلینڈ ٹیسٹ سیریز کی ٹرافی کی رونمائی آج ہوگی، سیریز کا پہلا مقابلہ کل جمعرات کو ہوگا۔

تفصیلات کے مطابق قومی ٹیم کے کپتان بابر اعظم اور انگلینڈ ٹیم کے کپتان بین اسٹوکس پریس کانفرنس بھی کریں گے۔

پاکستان انگلینڈ کہ درمیان اب تک 85 ٹیسٹ میچز کھلیے گئے، 85 ٹیسٹ میچز میں انگلینڈ کو 25 جبکہ پاکستان کو 21 میں فتح حاصل ہوئی ہے۔

تاہم 39 میچز بغیر کسی نتیجے کہ ختم ہوئے، پاکستان انگلینڈ کہ درمیان پاکستان میں آخری بار ٹیسٹ سریز 2005.6 میں کھیلی گئی تھی۔

تین ٹیسٹ میچز کی سیریز میں پاکستان نے انگلینڈ کو 2,0 سے شکست دی تھی، پاکستان انگلینڈ کا پہلا ٹیسٹ میچ لاہور میں کھیلا گیا جس میں پاکستان نے انگلینڈ کو 22 رنز سے شکست دی تھی۔

 دوسرا میچ فیصل آباد میں کھیلا گیا جو ڈرا ہوا، تیسرا پھر لاہور میں ہوا جس میں پاکستان نے ایک اننگز100 رنز سے انگلینڈ کو شکست دی تھی۔

راولپنڈی: پاکستان بمقابلہ انگلینڈ ٹیسٹ سیریز  سے قبل دونوں ٹیموں کی پنڈی اسٹیڈیم میں بھر پور پریکٹس جاری ہے۔

تفصیلات کے مطابق قومی ٹیسٹ ٹیم اور انگلینڈ کرکٹ ٹیم دوسرے پریکٹس سیشن کیلئے آج صبح 10 بجے پنڈی کرکٹ اسٹیڈیم پہنچی دونوں ٹیموں کو سخت سیکیورٹی کے حصار میں نجی ہوٹل سے پنڈی کرکٹ اسٹیڈیم لایا گیا۔

دوسری جانب اسٹیڈیم میں سیکیورٹی کے بھی سخت انتظامات کیے گئے ہیں، دونوں ٹیمیں بیٹنگ، باؤلنگ اور فیلڈنگ کی پریکٹس کر رہی ہیں، تاہم یہ پریکٹس سیشن دن ایک بجےتک جاری رہے گا۔

واضح رہے کہ پاکستان اور انگلینڈ کے درمیان ٹیسٹ سیریز کا پہلا میچ یکم دسمبر سے راولپنڈی میں کھیلا جائے گا۔

یکم دسمبر کو کھیلا جانے والا ٹیسٹ میچ دونوں ملکوں کے درمیان پاک سرزمین پر 17 سال بعد پہلا ٹیسٹ ہوگا۔