لاہور: چیئرمین پیپلزپارٹی بلاول بھٹو کا کہنا ہے کہ پاک ایران کشیدگی سےپوراخطہ متاثر ہو سکتا ہے،امید ہے پاک ایران تنازع مزید شدت اختیار نہیں کرے گا۔
تفصیلات کے مطابق چیئرمین پیپلزپارٹی بلاول بھٹو نے پاک ایران کشیدگی پر الجزیرہ سے گفتگو کرتے ہوئے کہا کہ حالیہ کشیدگی کی وجہ سے پورا خطہ متاثر ہوسکتا ہے، امید ہے پاک ایران تنازع مزید شدت اختیار نہیں کرے گا۔
بلاول بھٹو کا کہنا تھا کہ اس مسئلے کو سفارتی سطح پر حل کرنا چاہیے، ہم پرامید ہیں کہ اس بحران کا خاتمہ کرنے میں کامیاب ہوں گے اور جلد سفارتی رابطے بحال ہوں گے۔
چیئرمین پیپلزپارٹی نے کہا کہ چونکا دینے والی بات یہ ہے کہ جس دن حملہ ہوا اسی روز ہمارے نگراں وزیراعظم اورایرانی وزیرخارجہ کی ڈیووس میں ملاقات ہوئی، ایران نے ملاقات میں بھی اس حملے کے بارے میں نہیں بتایا۔
