Tag: پاک بحریہ

اسلام آباد : چین میں پاک بحریہ کی تیسری ہنگورکلاس آبدوزپی این ایس ایم مانگروکی لانچنگ کی تقریب ہوئی ، یہ آبدوزیں جدیدہتھیاروں اور سینسرز سے لیس ہوں گی۔

تفصیلات کے مطابق آئی ایس پی آر کی جانب سے بیان میں کہا گیا پاک بحریہ کی تیسری ہنگور کلاس آبدوز پی این ایس ایم مانگرو (MANGRO)کی لانچنگ کی تقریب ووہان چین میں ووچانگ شپ بلڈنگ انڈسٹری گروپ کمپنی لمیٹڈ شوانگلیو بیس(Wuchang Shipbuilding Industry Group Company Ltd, Shuangliu Base) میں منعقد ہوئی۔

ڈپٹی چیف آف نیول اسٹاف پراجیکٹ-2، وائس ایڈمرل عبد الصمد اس موقع پر مہمان خصوصی تھے۔

تقریب سے خطاب کرتے ہوئے مہمان خصوصی نے خطے میں موجودہ جیو اسٹریٹجک ماحول کے پیشِ نظر میری ٹائم سیکیورٹی کی اہمیت پر زور دیاـ

انہوں نے اعادہ کیا کہ پاک بحریہ محفوظ اور مشترکہ سمندری ماحول کو فروغ دیتے ہوئے قومی مفادات کے تحفظ کے لیے پر عزم ہے۔

ہنگور کلاس آبدوزوں کا حوالہ دیتے ہوئے وائس ایڈمرل عبد الصمد نے اس بات پر روشنی ڈالی کہ جدید ترین ہتھیاروں اور سینسرز سے لیس یہ آبدوزیں خطے میں طاقت کا توازن اورامن و استحکام کو برقرار رکھنے میں اہم ثابت ہوں گی۔

انہوں نے چائنا شپ بلڈنگ اینڈ آف شور انٹرنیشنل کمپنی لمیٹڈ (CSOC) کی انتھک کوششوں کو سراہتے ہوئے منصوبے کی پیش رفت پر اطمینان کا اظہار کیا اور کہا کہ ہنگور کلاس آبدوزوں کا یہ منصوبہ یقینی طور پر پاک چین پائیدار شراکت داری میں ایک نئی جہت کا اضافہ کرے گا۔

حکومت پاکستان نے چائنا شپ بلڈنگ اینڈ آف شور انٹرنیشنل کمپنی لمیٹڈ (CSOC) کے ساتھ آٹھ ہنگور کلاس آبدوزوں کے حصول کے معاہدے پر دستخط کیے تھے۔

معاہدے کے تحت چار آبدوزیں چین میں تعمیر کی جا رہی ہیں جبکہ دیگر چار پاکستان میں کراچی شپ یارڈ اینڈ انجینئرنگ ورکس لمیٹڈ (KS&EW) میں ٹرانسفر آف ٹیکنالوجی (ToT) کے تحت تعمیر کی جائیں گی، یہ آبدوزیں جدیدہتھیاروں اور سینسرز سےلیس ہوں گی جس سےدور تک اہداف کو نشانہ بنایا جا سکے گا۔

لانچنگ تقریب میں پاکستان اور چین کے اعلیٰ حکام نے شرکت کی جن میں ووچانگ شپ بلڈنگ انڈسٹری گروپ کمپنی لمیٹڈ اور چائنا شپ بلڈنگ اینڈ آف شور انٹرنیشنل کمپنی لمیٹڈ کے نمائندے بھی شامل تھے۔

اسلام آبا: پاک بحریہ نے پاکستان کی تمام بڑی بندرگاہوں پر غیرروایتی خطرات سے نمٹنے پر توجہ مرکوز کرتے ہوئے دو روزہ مشقوں کا کامیابی سے انعقاد کیا۔

پاک بحریہ کی جانب سے ان مشقوں کا بنیادی مقصد اہم بحرى تنصيات کے تحفظ کے لئے طریقہ کار اور حربی حکمت عملی کو جانچنا اور موثر بنانا تھا، ان مشقوں میں پاک بحریہ کی مختلف یونٹس بشمول پاک میرینز، ایس ایس جی (این)، بحری اور فضائی اثاثہ جات نے مربوط كارروائیوں میں حصہ لیا۔

مشق میں مختلف غیرروایتی خطرات اور حملوں کی صورت میں شرکت کرنے والی فورسز کے درمیان باہمی رابطے اور فوری ردعمل کی صلاحیتوں کو مزید بہتر بنانے پر توجہ دی گئی۔

مشقوں کے دوران کمانڈر کوسٹ ریئر ایڈمرل فیصل امین نے مختلف بندر گاہوں کا دورہ کیا اور مشق کے مختلف مراحل کا مشاہدہ کیا۔

انھوں نے حصہ لینے والی یونٹس کی پیشہ ورانہ مہارت اور باہمی ہم آہنگی کو سراہا، انھوں نے اس امر پر زور دیا کہ ملکی بندر گاہوں اور بحری تنصیبات کا تحفظ نہ صرف قومی سلامتی بلکہ اقتصادی ترقی کے لیے بھی بے حد ضروری ہے۔

یہ مشقیں اس امر کی عکاس ہیں کہ پاک بحریہ ہر قسم کے خطرات سے نمٹنے کے لیے ہمہ وقت تیار ہے اور ملکی سمندری سرحدوں کے دفاع کے لیے اپنی صلاحیتوں میں بتدریج جدت لارہی ہے۔

اسلام آباد : پاک بحریہ نے بھارت کے جاسوس طیارے پی 8 آئی کا سراغ لگایا اور اسے مسلسل نگرانی میں رکھا۔

اے پی پی کے مطابق ملک کی سمندری سرحدوں کی محافظ پاک بحریہ نہ صرف چوکس ہے بلکہ کسی بھی جارحیت کا موثر جواب دینے کے لیے ہمہ وقت تیار ہے۔

بھارت کی جاسوسی کی ایک اور کوشش ناکام ہوگئی ، دفاعی ذرائع نے انکشاف کیا پاک بحریہ نے اتوار اور پیر کی درمیانی شب بھارتی طیارے پی ایٹ آئی کا سراغ لگایا اور نگرانی میں رکھا۔

اس سے قبل پاکستان کی سرکاری خبر رساں ایجنسی اے پی پی نے سیکیورٹی ذرائع کے حوالے سے رپورٹ کیا کہ بھارت نے انتیس اور تیس اپریل کی درمیانی رات ایل او سی پر بھی جاسوسی کی کوشش کی تھی تاہم پاک فضائیہ کے بروقت ایکشن پر بھارتی طیارے بھاگ گئے تھے۔

مزید پڑھیں : مقبوضہ کشمیر میں پیٹرولنگ کرتے بھارتی رافیل طیارے پاک فضائیہ کے طیاروں کو دیکھ کر فرار

سیکیورٹی ذرائع نے اس بات پر زور دیا کہ پاکستان کی مسلح افواج پوری طرح چوکس ہیں اور بھارت کی کسی بھی جارحیت کا منہ توڑ جواب دینے کے لیے تیار ہیں۔

یاد رہے ہندوستان کے غیر قانونی طور پر مقبوضہ جموں و کشمیر (IIOJK) میں پہلگام حملے کے بعد ہندوستان اور پاکستان کے درمیان کشیدگی بڑھ گئی ہے، جس میں 26 سیاح ہلاک ہوئے تھے۔

خیال رہے اقوام متحدہ کے سکریٹری جنرل انتونیو گوٹیرس نے ہندوستان اور پاکستان کے درمیان بڑھتی ہوئی کشیدگی پر گہری تشویش کا اظہار کرتے ہوئے دونوں ممالک کے درمیان کشیدگی میں کمی اور بات چیت کو فروغ دینے کے اقدامات کے لیے اپنی حمایت کی پیشکش کی ہے۔

راولپنڈی : جدید ہتھیاروں سے لیس جنگی جہاز پی این ایس یمامہ کو پاک بحریہ کے بیڑے میں شامل کرلیا گیا۔

تفصیلات کے مطابق پاک فوج کے شعبہ تعلقات عامہ (آئی ایس پی آر) کی جانب سے کہا گیا کہ پاک بحریہ کے بیڑے میں چوتھے آف شور پٹرول ویسل پی این ایس یمامہ کی شمولیت کی تقریب منعقد کی گئی۔

تقریب کا انعقاد جناح نیول بیس اورماڑہ میں کیا گیا، نیول چیف ایڈمرل نویداشرف مہمان خصوصی تھے جبکہ اعلیٰ سول اور عسکری حکام ، مقامی معززین نے شرکت کی۔

پی این ایس یمامہ ڈامن شپ یارڈرومانیہ کے اشتراک سے تیار کیا گیا ، جو جدید ٹیکنالوجی اور حربی صلاحیتوں سے لیس ہے۔

اس موقع پر نیول چیف نے کہا کہ خطےمیں ابھرتے بحری چیلنجزسےنمٹنے کیلئے مضبوط بحریہ ناگزیر ہے، جنگی جہاز کی شمولیت میری ٹائم سیکیورٹی کے فروغ میں معاون ثابت ہو گی اور امن کیلئے پاک بحریہ کےعزم کا مظہر ہے۔

ان کا کہنا تھا کہ پاک بحریہ علاقائی امن وسلامتی ،بندرگاہوں اورسی پیک کےتحفظ کیلئے پُرعزم ہے۔

کراچی : پاک بحریہ کی 9 ویں کثیرالقومی مشق امن2025 کا اختتام ہوگیا، اس موقع پر آرمی چیف ن مختلف آپریشنل مشقیں دیکھیں۔

تفصیلات کے مطابق پاک فوج کے تعلقات عامہ (آئی ایس پی آر) کی جانب سے بیان میں کہا گیا کہ نویں کثیرالقومی مشق امن کا شمالی بحیرہ عرب میں انٹرنیشنل فلیٹ ریویو کے انعقاد کے ساتھ اختتام ہوگیا۔

آئی ایس پی آر کا کہنا تھا کہ پاک بحریہ کے زیراہتمام کثیرالقومی مشق امن 2025 کاانعقادکیاگیا، چیف آف آرمی اسٹاف جنرل سیدعاصم منیر مہمان خصوصی تھے۔

ترجمان نے بتایا کہ 60 ممالک نےبحری جنگی جہازوں، ایئرکرافٹ،میرینز،اسپیشل آپریشن فورسز کے ساتھ حصہ لیا، 60ممالک نےبڑی تعداد میں مبصرین کے ساتھ حصہ لیا۔

انٹرنیشنل فلیٹ ریویومیں پاک بحریہ ،غیر ملکی بحری جنگی جہازوں نےامن فارمیشن کامظاہرہ کیا، مشق”امن کیلئےمتحد”موٹوکےتحت پاکستان کی امن کیلئےغیرمتزلزل حمایت کی عکاس ہے۔

پاک بحریہ کےجہازمعاون آمدپرنیول چیف ایڈمرل نویداشرف نےمہمان خصوصی کااستقبال کیا ، اس موقع پر گورنرسندھ،وزیراعلیٰ سندھ اور وفاقی وزیر سمندری امور بھی موجود تھے۔

تقریب میں سفرا،ہائی کمشنرز،غیرملکی بحری افواج کےسربراہان سمیت سینئرملٹری آفیسرز،دفاعی اورنیول اتاشی شریک تھے

آرمی چیف نےمختلف آپریشنل مشقوں کامظاہرہ دیکھا، پاکستان نیوی، ایئر فورس اورغیرملکی طیاروں کاشاندارفلائی پاسٹ بھی پیش کیاگیا۔

فلائی پاسٹ کےبعدبحری جہازوں کی جانب سےمین اینڈچیئرشپ کامظاہرہ کیاگیا، جس کے بعد مشق کااختتام روایتی امن فارمیشن کی تشکیل کےساتھ ہوا۔

آرمی چیف نےمیزبانی پرپاک بحریہ کومبارکباد،امن کیلئےپاکستان کےعزم کوسراہتے ہوئے میری ٹائم سیکیورٹی میں تعاون پرعلاقائی وعالمی بحری افواج کاشکریہ ادا کیا۔

آرمی چیف نے کہا کہ امن2025 نے طاقتوں کو محفوظ سمندر، خوشحال مستقبل کے مقصد کے تحت جمع کیا اور امن ڈائیلاگ نے دنیا کی بحری قیادت کو بحری مسائل پر باہمی بات چیت کا موقع فراہم کیا۔

پاک بحریہ کی حربی صلاحیتوں میں اضافے سے بھارتی نیوی حیران و پریشان ہے، بھارتی نیول چیف پاک بحریہ کی بڑھتی صلاحیتوں کی گردان کرتے رہے۔

تفصیلات کے مطابق پچاس پاکستانی جنگی جہازوں اور آٹھ نئی جدید آبدوزوں کا سوچ کر بھارتی نیول چیف کی پریشانیوں میں اضافہ ہوگیا اور بھارتی نیول چیف ایڈمرل دنیش تریپاٹھی نے پریس کانفرنس کرڈالی۔

پاک چین دوستی کے ساتھ، ترکی اور بنگلہ دیش کے ساتھ پاکستان کے تعلقات بھی بھارت کو کھٹکنے لگے، نیوی ڈے سے پہلے پریس کانفرنس میں بھارتی نیول چیف پاک بحریہ کی بڑھتی صلاحیتوں کی گردان کرتے رہے۔

پروفیشنل فورس کے سربراہ کے بجائے بھارتی نیول چیف پریس کانفرنس میں مودی بھگت دکھائی دئیے اور مودی کے اقوال پیش کرتے رہے،۔

پاک بحریہ کے بیڑے میں آٹھ ہنگور کلاس آبدوزوں کی شمولیت کا سوچ کر ہی بھارتی نیوی کی نیندیں اڑنے لگیں۔

دینیش تریپاٹھی نے کہا کہ پاک بحریہ چین کی حمایت سے حیرت انگیز ترقی کر رہی ہے، بھارتی بحریہ ہمسایوں کے خطرات سے نمٹنے کے لئے حکمت عملی بنانے پر مجبور ہے۔

پاک چین دوستی کے بعد ترکی سے دفاعی تعاون بھی بھارت کو گراں گزرنے لگا، بنگلہ دیش سے پاکستان کے بہتر ہوتے تعلقات پر بھی بھارتی دفاعی ماہرین نے خطرے کی گھنٹی بجا دی۔

پاک بحریہ کے تحت امن مشقوں کی کامیابی بھی بھارتی بحریہ کو کھٹکنے لگی، پاک بحریہ آئندہ برس فروری میں ایک بار پھر امن مشقوں کی میزبانی کرے گی۔

بھارتی نیول چیف پاکستان کی امن مشقوں کے مقابلے میں اپنی ملن ایکسرسائز کو بڑھاچڑھا کر پیش کرتے رہے۔