Tag: پاک بحریہ کی خبریں

کراچی: پاک بحریہ کے جہاز پی این ایس خیبر نے بحرین کی بندرگاہ مینا سلمان کا دورہ کیا جہاں رائل بحرین نیول فورسز کے حکام نے اس کا پرتپاک استقبال کیا۔

ترجمان پاک بحریہ کے مطابق پی این ایس خیبر نے بحرین کی بندرگاہ کا دورہ کیا، بندرگاہ آمد پر رائل بحرین نیول فورسز کے حکام نے پرتپاک استقبال کیا۔

پی این ایس خیبر کے دورے کے موقع پر بحری جہاز کے کمانڈنگ افسر نے کمانڈر بحرین کوسٹ گارڈ اور ڈپٹی کمانڈر رائل بحرین سے ملاقات کی۔

ترجمان نے بتایا کہ ان ملاقاتوں کے دوران باہمی دل چسپی کے امور پر تبادلۂ خیال کیا گیا، دورے کے اختتام پر پی این ایس خیبر نے شمالی بحیرۂ عرب میں سیکورٹی پٹرول کا پھر آغاز کر دیا۔

یہ بھی پڑھیں:  پاک بحریہ کا جہاز پی این ایس شمشیر خصوصی دورے پرعمان پہنچ گیا

ترجمان کا کہنا ہے کہ پی این ایس خیبر ریجنل میری ٹائم سیکورٹی پٹرول پر شمالی بحیرۂ عرب میں تعینات ہے جو عالمی تجارت کے لیے بحری راستے کے تحفظ کو یقینی بناتا ہے۔

پاک بحریہ کے ترجمان نے کہا کہ پی این ایس خیبر کا دورہ دونوں ممالک کے درمیان باہمی تعلقات کو مزید فروغ دے گا۔

یاد رہے کہ 2 مئی کو پاک بحریہ کے جہاز پی این ایس شمشیر نے مسقط کی بندرگاہ سلطان قابوس کا دورہ کیا تھا، یہ جہاز ریجنل میری ٹائم سکیورٹی پٹرول کے سلسلے میں خلیج عرب اور شمالی بحیرۂ عرب میں سیکورٹی آپریشنز پر مامور ہے۔

کراچی: پاک بحریہ اور ملائشیا رائل نیوی نے بحیرۂ عرب میں مشق ’مال پاک ٹو‘ کے نام سے مشترکہ مشق میں حصہ لیا، یہ ملائشیا اور پاکستان کی مشقوں کے سلسلے کی دوسری مشق تھی۔

تفصیلات کے مطابق مال پاک مشقوں کے سلسلے کی دوسری مشق میں پاک بحریہ اور ملائشیا رائل نیوی نے شرکت کی، یہ مشقیں بحیرۂ عرب میں منعقد کی گئیں۔

[bs-quote quote=”بحری جہاز ’پی این ایس سیف‘ نے ہیلی کاپٹر کے ہم راہ مشق میں حصہ لیا۔” style=”style-7″ align=”left” color=”#dd3333″][/bs-quote]

ترجمان پاک بحریہ نے کہا کہ دو طرفہ بحری مشق ’مال پاک‘ ہاربراور سی فیز پر مشتمل تھی۔

بحریہ کے ترجمان کے مطابق بحری جہاز ’پی این ایس سیف‘ نے ہیلی کاپٹر کے ہم راہ مشق میں حصہ لیا، پی این ایس عظمت، لانگ رینج میری ٹائم ایئر کرافٹ نے بھی مشق میں حصہ لیا۔

ترجمان نے بتایا کہ مشق کے ’سی فیز‘ میں سمندر سے سمندر اور فضا میں ہدف کو نشانہ بنانا شامل تھا، مشق میں سرچ اینڈ ریسکیو آپریشنز کی مشقیں بھی شامل تھیں۔

یاد رہے کہ گزشتہ دنوں پاک بحریہ کی چھٹی کثیر ملکی امن مشقیں بھی منعقد ہوئیں، جس میں پاکستان سمیت چھیالیس ممالک کی بحری افواج عسکری اثاثوں سمیت شریک ہوئیں۔

یہ بھی پڑھیں:  کراچی میں پاک بحریہ کی چھٹی کثیرملکی امن مشقوں 2019 کا آغاز

پاک بحریہ 2007 سے ان مشقوں کی میزبانی کر رہی ہے، امن مشقوں میں آرمی، پاک فضائیہ بھی شریک ہوتی ہیں، چھٹی کثیر ملکی امن مشقوں میں آٹھ تا دس فروری ہاربر فیز اور گیارہ، بارہ فروری کو سی فیز کیا گیا۔

مشق میری ٹائم تعاون کو مستحکم کرنے، محفوظ میری ٹائم ماحول کو فروغ دینے اور علاقائی اور عالمی بحری امن و استحکام کے قیام میں اہم کردار ادا کرے گی۔