Tag: پاک بحریہ

کراچی: پاک بحریہ کے دو بحری جہاز خیر سگالی کا پیغام لے کر مراکش کی بندرگاہ کاسا بلانکا پہنچ گئے۔

تفصیلات کے مطابق ترجمان پاک بحریہ نے کہا ہے کہ پاکستان نیوی کے دو جہازوں نے مراکش کی بندرگاہ کاسا بلانکا کا دورہ کیا، ان جہازوں میں پی این ایس معاون اور اصلت شامل ہیں۔

ترجمان کا کہنا تھا کہ کاسا بلانکا پہنچنے پر مراکش کی میزبان بحریہ نے ان کا پرتپاک استقبال کیا، مشن کمانڈر اور نیوی آفیسرز نے کاسا بلانکا کے کمانڈر سینٹر میری ٹائم سیکٹر اور ملٹری ریجن آف کاسا بلانکا سے ملاقاتیں کی۔

پاک بحریہ کے مطابق مشن کمانڈر نے مراکشی عوام اور بحریہ کے لیے پاکستان کی طرف سے خیر سگالی کا پیغام پہنچایا، ملاقاتوں میں باہمی دل چسپی اور دو طرفہ بحری تعاون پر تبادلہ خیال کیا گیا، جب کہ مراکش کے حکام نے دہشت گردی کے خلاف جنگ میں پاکستان کی قربانیوں کو سراہا۔

یہ بھی پڑھیں:  ریئر ایڈمرل زاہد الیاس پاک بحریہ کے کمانڈر کراچی تعینات

ملاقاتوں میں مراکش حکام نے سمندری تحفظ کے لیے پاک بحریہ کے کردار کو بھی سراہا، ترجمان پاک بحریہ کے مطابق پی این ایس معاون پر عشایئے کا بھی اہتمام کیا گیا، جس میں مراکش بحریہ کے حکام، سفارتی اور مقامی شخصیات نے شرکت کی، ترجمان نے بتایا کہ مشن کمانڈر نے مراکشی حکام کو مقبوضہ کشمیر میں بھارتی مظالم سے بھی آگاہ کیا۔

دریں اثنا، دونوں ممالک کے جہازوں نے مشترکہ مشقوں میں بھی حصہ لیا۔

کراچی : پاک بحریہ کے سربراہ ایڈمرل ظفر محمود عباسی نے میری ٹائم سیکیورٹی ایجنسی اور کراچی میں بحریہ کی تنصیبات کا دورہ کیا ہے۔ نیول چیف نےمیری ٹائم سیکیورٹی ایجنسی کی آپریشنل تیاریوں کوسراہا۔

تفصیلات کے مطابق ترجمان پاک بحریہ کا کہنا ہے کہ میری ٹائم سیکیورٹی ایجنسی (پی ایم ایس اے) کے ہیڈکوارٹرز آمد پر امیرالبحرکو ایڈمرل ظفر محمود عباسی کو گارڈآف آنرپیش کیا گیا۔

ترجمان نے بتایا کہ نیول چیف نے یادگارشہداپرفاتحہ خوانی کی اورپھول رکھے جس کے بعد نیول چیف کوپی ایم ایس اے کے کردار اور ذمہ داریوں سےمتعلق بریفنگ دی گئی۔

یہ بھی پڑھیں: میری ٹائم سیکٹرکی ترقی کے لیے صف اول کا کردارادا کر رہے ہیں، نیول چیف

ترجمان کا کہنا ہے کہ ایڈمرل محمود عباسی نےنئےتعمیرکردہ ٹریننگ سینٹرکابھی دورہ کیا اور پاک بحریہ کےفلیٹ کی آپریشنل کی تیاریوں کا جائزہ لیا۔ اس موقع پرنیول چیف نےمیری ٹائم سیکیورٹی ایجنسی کی آپریشنل تیاریوں کوسراہا۔

یاد رہے کہ ورلڈ میری ٹائم ڈے 2019 کے موقع پر پاک بحریہ کے سربراہ نے اپنے پیغام میں کہا تھا کہ ہرسال 26 ستمبرکو میری ٹائم کاعالمی دن منایا جاتا ہے، قدرت نے پاکستان کو 1ہزار کلومیٹرسے زائد ساحلی پٹی سے نوازا ہے، سی پیک سے پاکستان میں میری ٹائم سرگرمیوں میں اضافہ ہوگا۔

کراچی: پاک بحریہ کے سربراہ ایڈمرل ظفر محمود عباسی کا کہنا ہے کہ مِلجَم کلاس جنگی جہازکی اسٹیل کٹنگ کی تقریب پاک ترک دوستی کا تابندہ باب ہے۔

تفصیلات کے مطابق ترکی کے شہر استنبول کے نیول شپ یارڈ میں پاک بحریہ کے لیے تیار جدید ترین مِلجَم کلاس جنگی جہاز کی اسٹیل کٹنگ کی تقریب ہوئی، ترک صدر اور نیول چیف ایڈمرل ظفر محمود نے مشترکہ اسٹیل کٹنگ کی۔

پاک بحریہ کے تیار کیا جانے والا یہ جہاز تباہ کن ہتھیاروں، ٹیکنالوجی سے لیس ہے۔

نیول چیف کا کہنا ہے کہ جہازوں کی شمولیت سے جنگی صلاحیتوں، قیام امن کی استعداد میں اضافہ ہوگا۔

پاک بحریہ کے سربراہ کا کہنا ہے کہ اسٹیل کٹنگ کی تقریب پاک ترک دوستی کا تابندہ باب ہے، دونوں ملکوں میں دیرینہ دوستی کی بہترین مثال ہے۔

پاک بحریہ کو نا قابل تسخیر بنانے کے لیے کام کر رہے ہیں: نیول چیف

یاد رہے کہ رواں سال 11 جون کو نیول چیف کا کہنا تھا کہ پاک بحریہ کو نا قابل تسخیر فورس بنانے کے لیے کام کر رہے ہیں، میری ٹائم سیکیورٹی چیلنجز سے نمٹنے کے لیے تیار ہے، سی پیک اور گوادر بندر گاہ سے بے پناہ سمندری وسائل جڑے ہیں۔

پاک بحریہ کے سربراہ کا کہنا تھا کہ سی پیک سے ہمیں من حیث القوم استفادے کی ضرورت ہے، وسائل کے حصول اور دنیا پر اپنی بالا دستی قائم کرنے کے لیے ملکوں کے درمیان نئی صف بندیاں ہو رہی ہیں۔ پاکستان کے پاس بیش بہا بحری وسائل موجود ہیں۔ بحری وسائل استعمال کر کے ملکی معیشت کو مضبوط کیا جا سکتا ہے۔