ARYNews.tv | Urdu – Har Lamha Bakhabar

Tag: پاک بحریہ

  • پاک بحریہ کے فضائی بیڑے میں پہلا جدید میری ٹائم پیٹرول جیٹ ایئر کرافٹ شامل

    پاک بحریہ کے فضائی بیڑے میں پہلا جدید میری ٹائم پیٹرول جیٹ ایئر کرافٹ شامل

    اسلام آباد : پاک بحریہ کے فضائی بیڑےمیں پہلا جدید میری ٹائم پیٹرول جیٹ ایئر کرافٹ شامل کرلیا گیا، نیول چیف نے کہا پاک بحریہ محفوظ بحری ماحول اورملکی بحری سرحدوں کی حفاظت کےلیےتیار ہے۔

    تفصیلات کے مطابق پاک بحریہ کے ترجمان کی جانب سے جاری بیان میں کہا گیا ہے کہ پاک بحریہ کے فضائی بیڑے میں پہلا جدید میری ٹائم پیٹرول جیٹ ایئر کرافٹ کی شمولیت کے حوالے سے تقریب کا انعقاد کیا گیا۔

    ترجمان پاک بحریہ کا کہنا تھا کہ امیرالبحر ایڈمرل محمد امجد خان نیازی تقریب کے مہمان خصوصی تھے ، تقریب میں پاک بحریہ کے فضائی بیڑے میں پہلا جدید میری ٹائم پیٹرول جیٹ ایئرکرافٹ شامل کرلیا گیا۔

    اس موقع پرامیرالبحرایڈمرل محمدامجدخان نیازی نے کہا کہ پاک بحریہ حربی آلات کوجدید تر بنانے کے لیےپر عزم ہے، پاک بحریہ محفوظ بحری ماحول اورملکی بحری سرحدوں کی حفاظت کےلیےتیار ہے۔

    ترجمان نے کہا کہ شامل کیا گیاجہاز برازیل کاتیار کردہ دہرے انجن والا ایمبریئرجیٹ ایئرکرافٹ ہے، اس نوع کےجہازدنیا بھرمیں فضائی آپریشنز کےلیےاستعمال کیےجا رہے ہیں ، پاک بحریہ مستقبل میں اس نوع کےمزید2جہاز فضائی بیڑے میں شامل کرے گی۔

    تقریب کے آغاز سے قبل نیول چیف نے کشمیری حریت رہنما سید علی گیلانی کے انتقال پر تعزیت کا اظہار کرتے ہوئے ان کے لیےدعائے مغفرت کی۔

  • پاک بحریہ کیلئے چین اور ترکی میں جدید ترین بحری جہازوں کی تعمیر کا آغاز

    پاک بحریہ کیلئے چین اور ترکی میں جدید ترین بحری جہازوں کی تعمیر کا آغاز

    اسلام آباد : پاک بحریہ کیلئے چین اور ترکی میں جدید ترین بحری جہازوں کی تعمیر کا آغاز ہوگیا ، دونوں جہازجدید ٹیکنالوجی، مختلف حربی آلات اورسینسرز سے لیس ہوں گے۔

    تفصیلات کے مطابق ترجمان پاک بحریہ کی جانب سے بیان میں کہا گیا ہے کہ پاک بحریہ کیلئے چین میں تیار کیے جانے والے تیسرے اے 054فریگیٹ کی تیاری اور ترکی میں دوسرے میلجم کلاس کو رویٹ جہازوں کی تعمیر کا آغاز ہوگیا ہے۔

    ترجمان نے کہا چین میں تیسرے جدید ترین بحری جہاز فریگیٹ 054 کی تعمیر کی تقریب ہڈونگ ژونگوا شپ یارڈ میں منعقد ہوئی ، میلجم کلاس کورویٹ جہاز کی تعمیر کی تقریب استنبول نیول شپ یارڈ میں کی گئی۔

    تقریب میں چین اور ترکی میں تعینات پاک بحریہ کے چیف نیول اوورسیئرزتقاریب میں شریک ہوئے جبکہ تقاریب میں پاک بحریہ کےافسران، شپ یارڈز کے نمائندوں اور دیگر معززین نےشرکت کی۔

    دونوں جہازجدید ٹیکنالوجی، مختلف حربی آلات اورسینسرز سےلیس ہوں گے، بیڑے میں جہازوں کی شمولیت سے ملکی سمندری دفاع مزید مضبوط ہو گا، بحری جہاز خطے میں طاقت کےتوازن کوبرقرار رکھنے میں اہم کردار ادا کریں گے۔

  • سمندری وسائل سے استفادہ کر کے ملکی معیشت کو مستحکم کیا جا سکتا ہے: صدر عارف علوی

    سمندری وسائل سے استفادہ کر کے ملکی معیشت کو مستحکم کیا جا سکتا ہے: صدر عارف علوی

    کراچی: صدر مملکت ڈاکٹر عارف علوی کا کہنا ہے کہ دنیا کے نظام کو پرامن بنانے کے لیے کوششیں کرنی چاہئیں، سمندری وسائل سے استفادہ کر کے ملکی معیشت کو مستحکم کیا جا سکتا ہے۔

    تفصیلات کے مطابق صوبائی دارالحکومت کراچی میں میری ٹائم کانفرنس 2021 کا افتتاحی سیشن ہوا، صدر مملکت ڈاکٹر عارف علوی بھی تقریب میں شریک ہوئے۔

    تقریب سے خطاب کرتے ہوئے صدر مملکت ڈاکٹر عارف علوی کا کہنا تھا کہ دنیا کے نظام کو پرامن بنانے کے لیے کوششیں کرنی چاہئیں، سمندری وسائل سے استفادہ کر کے ملکی معیشت کو مستحکم کیا جا سکتا ہے۔ کرونا وائرس انسانیت کے لیے بہت بڑا چیلنج ہے۔

    سربراہ پاک بحریہ ایڈمرل امجد خان نیازی نے افتتاحی سیشن سے خطاب کرتے ہوئے کہا کہ کرونا وائرس صورتحال کی وجہ سے مشکلات کا سامنا کرنا پڑا، پاکستان اپنے محل وقوع کی وجہ سے خاص اہمیت کا حامل ہے۔

    نیول چیف کا کہنا تھا کہ پاکستان کے ساحلی علاقے قدرتی وسائل سے مالا مال ہیں، انڈس ڈیلٹا ریجن میں تیل و گیس کے وسیع ذخائر موجود ہیں، سی پیک سے خطے کے ملک بھی مستفید ہو سکتے ہیں۔

    انہوں نے کہا کہ سمندری حدود میں غیر قانونی سرگرمیوں کی روک تھام کے لیے ہر ممکن اقدامات کر رہے ہیں۔

  • پاک بحریہ کے زیر اہتمام کثیر القومی بحری مشق امن کا آغاز

    پاک بحریہ کے زیر اہتمام کثیر القومی بحری مشق امن کا آغاز

    کراچی: پاک بحریہ کے زیر اہتمام کثیر القومی بحری مشق امن کا آج سے آغاز ہوگیا، تقریب سے خطاب کرتے ہوئے پاک بحریہ کے سربراہ امجد خان نیازی کا کہنا تھا کہ پاک بحریہ خطے میں استحکام کے لیے ہمہ وقت کوشاں ہے۔

    تفصیلات کے مطابق پاک بحریہ کے زیر اہتمام کثیر القومی بحری مشق امن کا آج سے باقاعدہ آغاز ہوگیا، کثیر القومی بحری مشق 11 سے 16 فروری تک کراچی میں منعقد کی جا رہی ہے۔

    مشق کا باقاعدہ آغاز شریک ممالک کی پرچم کشائی کی تقریب سے ہوا۔

    مشقوں میں 45 ممالک کے نمائندگان بحری اثاثے، مبصرین اور سینئر افسران کے ساتھ شریک ہیں، کمانڈر پاکستان فلیٹ ریئر ایڈمرل نوید اشرف تقریب کے مہمان خصوصی ہیں جبکہ 7 دوست ممالک کے معزز مہمان بطور گیسٹ آف آنر شرکت کر رہے ہیں۔

    ترجمان پاک بحریہ کا کہنا ہے کہ کرونا وائرس کے تناظر میں کثیر تعداد میں ممالک کی شرکت پاک بحریہ کا بڑا کارنامہ ہے، مشق کا مقصد خطے کا بحری استحکام اور مشترکہ کارروائی کی صلاحیتوں میں اضافہ ہے۔

    تقریب سے خطاب کرتے ہوئے پاک بحریہ کے سربراہ امجد خان نیازی کا کہنا تھا کہ پاک بحریہ نے میری ٹائم سیکیورٹی کے لیے متعدد اقدامات کیے، خطے میں استحکام کے لیے پاک بحریہ ہمہ وقت کوشاں ہے۔

    انہوں نے کہا کہ مشق میں شریک تمام ملکوں کا خیر مقدم کرتے ہیں، مشق امن پسند ملکوں کو یکجا ہونے کا ایک پیغام ہے۔

  • پاک بحریہ نے کثیر القومی مشق’’امن‘‘ کا نیا پرومو جاری کردیا

    پاک بحریہ نے کثیر القومی مشق’’امن‘‘ کا نیا پرومو جاری کردیا

    اسلام آباد: پاک بحریہ نے کثیر القومی مشق’’امن‘‘ کا نیا پرومو جاری کردیا ، اس سال مشق میں تقریباً 45 ممالک بحری اثاثوں اور مندوبین کے ساتھ شرکت کر رہے ہیں۔

    تفصیلات کے مطابق ترجمان پاک بحریہ کی جانب سے جاری بیان میں کہا گیا ہے کہ پاک بحریہ نے کثیرالقومی مشق "امن” کانیاپروموجاری کر دیا، پاک بحریہ کثیرالقومی بحری مشق”امن”کاانعقادسال2007سے کر رہی ہے ، مشق میں دنیابھرسےبحری افواج شریک ہوتی ہیں۔

    ترجمان کا کہنا ہے کہ اس سال مشق میں تقریباً45ممالک بحری اثاثوں،مندوبین کے ساتھ شرکت کررہےہیں ، دنیا کی بحری افواج پاک بحریہ کے وضع کردہ عزم "امن کیلئے متحد” کے ساتھ شریک ہورہی ہیں۔

    پاک بحریہ کے ترجمان نے مزید کہا کہ مشق کے بنیادی مقاصد مشترکہ آپریشنزکی صلاحیتوں اور امن کیلئےپیشہ ورانہ مہارتوں میں اضافہ ہے۔

    خیال رہے پاک بحریہ کے زیر اہتمام کثیر الاقوام مشق ’امن ‘ کا انعقاد فروری میں کیا جائے گا، مشق میں عالمی بحری افواج مشترکہ آ پر یشنز اور تجربات کا تبادلہ کرتی ہیں، امن مشق محفوظ میری ٹائم ،علاقائی اور عالمی بحری امن میں اہم کردار اداکرے گی۔

    خیال رہے پاک بحریہ میری ٹائم سرحدوں کی دفاع سے لے کر گہرے سمندروں میں انسانی ہمدردی کی بنیاد پر مدد فراہم کرنے تک، قومی اثاثوں کی حفاظت سے لےکر علاقا ئی اشتراک تک اور علاقائی بحری سکیورٹی گشت سے لے کر عالمگیر شراکت داری تک ہمیشہ پیش پیش رہی ہے ۔

  • پاک بحریہ کا اینٹی شپ میزائلز اور تارپیڈوز فائرنگ کا کامیاب مظاہرہ

    پاک بحریہ کا اینٹی شپ میزائلز اور تارپیڈوز فائرنگ کا کامیاب مظاہرہ

    اسلام آباد : پاک بحریہ نے آبدوزوں سے اینٹی شپ میزائلز اور تارپیڈوز فائرنگ کا کامیاب مظاہرہ کیا ، نیول چیف نے کہا کہ پاک بحریہ ہرجارحیت کادندان شکن  جواب دینےکی صلاحیت رکھتی ہے۔

    تفصیلات کے مطابق پاکستان بحریہ کے ترجمان کی جانب سے جاری بیان میں کہا گیا ہے کہ پاک بحریہ نے بحیرہ عرب میں زیر آب سے اینٹی شپ میزائلز اور تارپیڈوز فائرنگ کا کامیاب مظاہرہ کیا ، نیول چیف ایڈمرل امجد نیازی نے میزائلز ،تارپیڈوزفائرنگ کامشاہدہ کیا۔

    ترجمان پاک بحریہ کا کہنا ہے کہ پاک بحریہ کی آبدوزوں نے کامیابی سےاہداف کو نشانہ بنایا، میزائلز،تارپیڈوزفائرنگ کامظاہرہ آپریشنل صلاحیتوں کاثبوت ہے۔

    اس موقع پر نیول چیف ایڈمرل امجد نیازی نے آپریشنل تیاریوں پرمکمل اطمینان کااظہار کرتے ہوئے کہا پاک بحریہ ہرجارحیت کادندان شکن جواب دینےکی صلاحیت رکھتی ہے، پاک بحریہ کے جوان ،آفیسرز ملک کےتحفظ کیلئے ہمہ وقت تیارہیں۔

    یاد رہے گذشتہ سال اکتوبر میں پاک بحریہ نے سطح سمندر اور ہوا سے اینٹی شپ میزائلز فائرنگ کا کامیاب مظاہرہ کیا تھا، اینٹی شپ میزائل سطح سمندر اور ہوا سے فائرنگ کی صلاحیت رکھتا تھا ۔

    پاک بحریہ کے جنگی بحری جہاز، ہوائی جہاز اور ہیلی کاپٹر نے کامیابی سے اپنے اپنے اہداف کو نشانہ بنایا تھا۔

  • جبوتی نیشنل پارلیمنٹ کے صدر کی نیول چیف ایڈمرل محمد امجد خان نیازی سے ملاقات

    جبوتی نیشنل پارلیمنٹ کے صدر کی نیول چیف ایڈمرل محمد امجد خان نیازی سے ملاقات

    اسلام آباد: مشریقی افریقی ملک جبوتی کی نیشنل پارلیمنٹ کے صدر محمد علی حمید نے وفد کے ہمراہ نیول ہیڈ کوارٹرز اسلام آباد کا دورہ کیا اور نیول چیف ایڈمرل محمد امجد خان نیازی سے ملاقات کی۔

    تفصیلات کے مطابق مشریقی افریقی ملک جبوتی کی نیشنل پارلیمنٹ کے صدر محمد علی حمید نے کمانڈر جبوتی بحریہ اور وفد کے دیگر اراکین کے ہمراہ نیول ہیڈ کوارٹرز اسلام آباد کا دورہ کیا۔

    ترجمان پاک بحریہ کا کہنا ہے کہ جبوتی نیشنل پارلیمنٹ کے صدر نے امیر البحر ایڈمرل محمد امجد خان نیازی سے ملاقات بھی کی، جبکہ کمانڈر جبوتی بحریہ نے بھی سربراہ پاک بحریہ سے خصوصی ملاقات کی۔

    ملاقات میں باہمی دلچسپی کے امور اور دو طرفہ بحری تعاون کے مزید فروغ پر تبادلہ خیال کیا گیا۔

    ترجمان پاک بحریہ کا کہنا ہے کہ کمانڈر جبوتی بحریہ کو دی جانے والی بریفنگ میں علاقاٸی میری ٹائم سیکیورٹی صورتحال میں پاک بحریہ کے کردار پر روشنی ڈالی گئی۔

    ترجمان کے مطابق جبوتی کے اعلیٰ سطحی وفد کے دورے سے دونوں ممالک بالخصوص بحری افواج کے مابین تعلقات کو مزید فروغ ملے گا۔

  • قطری کمانڈر کی خطے میں بحری سیکیورٹی کے استحکام کیلئے پاک بحریہ کی کاوشوں کی تعریف

    قطری کمانڈر کی خطے میں بحری سیکیورٹی کے استحکام کیلئے پاک بحریہ کی کاوشوں کی تعریف

    اسلام آباد : کمانڈر قطر امیری ایئرفورس نے نیول چیف ایڈمرل امجد نیازی سے ملاقات میں بحری سیکیورٹی اور استحکام سے متعلق پاک بحریہ کی کا وشوں کو سراہا۔

    تفصیلات کے مطابق کمانڈر قطر امیری ایئرفورس جنرل (پاٸلٹ) سالم حمد عقیل النابت نیول ہیڈکوارٹرز پہنچے ، جہاں نیول چیف ایڈمرل امجد نیازی نے معزز مہمان کااستقبال کیا، معزز مہمان کو روایتی انداز میں گارڈ آ ف آنر پیش کیاگیا۔

    پاک بحریہ ترجمان نے کہا کہ معزز مہمان نے نیول ہیڈ کوارٹرزمیں یادگارشہداپرپھول چڑھائے جبکہ ان کا پرنسپل اسٹاف آفیسرز سے تعارف کرایا گیا۔

    ترجمان کے مطابق کمانڈر قطر امیری ایئرفورس کی سربراہ پاک بحریہ سے ملاقات ہوئی ، ملاقات میں باہمی دلچسپی کے امور،سیکیورٹی صورتحال پر تبادلہ خیال کیا گیا۔

    ملاقات میں سربراہ پاک بحریہ نے سمندری تحفظ،امن کویقینی بنانے کے کردار پر روشنی ڈالی، اس موقع پر معزز مہمان نے بحری سیکیورٹی اور استحکام سے متعلق پاک بحریہ کی کا وشوں کو سراہا۔

    ترجمان کا کہنا ہے کہ کمانڈر قطر امیری ایئرفورس کےدورے سے تعلقات کومزید فروغ ملے گا۔

  • رومانیہ میں تیارکردہ جہاز پی این ایس تبوک پاک بحریہ میں شامل

    رومانیہ میں تیارکردہ جہاز پی این ایس تبوک پاک بحریہ میں شامل

    اسلام آباد : رومانیہ میں تیارکردہ جہاز پی این ایس تبوک کو پاک بحریہ میں شامل کرلیا گیا ، ترجمان پاک بحریہ کا کہنا ہے پاکستانی بحری بیڑے میں نئے جہاز کی شمولیت سے صلاحیتوں میں اضافہ ہوگا۔

    تفصیلات کے مطابق جہاز پی این ایس تبوک کی کمشننگ تقریب رومانیہ میں منعقد ہوئی ، تقریب میں پاکستانی حکام اور ڈامن شپ یارڈ انتظامیہ نے شرکت کی۔

    ترجمان پاک بحریہ کا کہنا ہے کہ پی این ایس تبوک جدیدآلات،ٹیکنالوجی سےلیس ہے اور متعددنیول آپریشنز سر انجام دینے کی صلاحیت رکھتاہے جبکہ ہیلی کاپٹر ،ڈرون لے جانے کی بھی صلاحیت رکھتا ہے۔

    ،ترجمان کے مطابق وزارت دفاعی پیداوار،ڈامن شپ یارڈمیں 2جہازوں کی تیاری کامعاہدہ ہے، اسی طرزکاپہلاجہازپی این ایس یرموک پہلےہی پاک بحریہ میں شامل ہوچکاہے۔

    پاکستانی بحری بیڑے میں نئےجہاز کی شمولیت سے صلاحیتوں میں اضافہ ہوگا، کمانڈنگ آفیسرنےجہازکی تیاری پرڈامن شپ یارڈ کے تعاون کی تعریف کی۔

  • ‘پاک بحریہ بحری سرحدوں کے دفاع کیلئے ہمہ وقت تیار ہے’

    ‘پاک بحریہ بحری سرحدوں کے دفاع کیلئے ہمہ وقت تیار ہے’

    کراچی : نیول چیف ایڈمرل امجد خان نیازی کا کہنا ہے کہ بحری سرحدوں کےدفاع میں ہتھیاروں اور آلات کے بھرپور استعمال کی بھی اہمیت ہے، بحری سرحدوں کا دفاع اولین ذمہ داری ہے ، پاک بحریہ ہمہ وقت تیار ہے۔

    تفصیلات کے مطابق نیول چیف ایڈمرل امجد خان نیازی نے سجاول میں بریگیڈ ہیڈ کوارٹرز پہنچے اور کریکس ایریا کا دورہ کیا ، اس موقع پر کمانڈر کوسٹ وائس ایڈمرل زاہد الیاس نے نیول چیف کا استقبال کیا۔

    ترجمان پاک بحریہ کا کہنا ہے کہ نیول چیف نے جنوب مشرقی سرحد پرموجوداگلے مورچوں کا دورہ کیا ، جہاں انھوں نے تعینات افسروں اور جوانوں سے ملاقات کی۔

    ترجمان کے مطابق اس موقع پر امیرالبحر کودرپیش خطرات ،آپریشنل تیاریوں پرتفصیلی بریفنگ بھی دی گئی، نیول چیف نےفرائض کی انجام دہی پر جوانوں کے عزم کو سراہا۔

    نیول چیف ایڈمرل امجد خان نیازی نے کہا کہ بحری سرحدوں کےدفاع میں ہتھیاروں،آلات کےبھرپوراستعمال کی بھی اہمیت ہے، بحری سرحدوں کادفاع اولین ذمہ داری ہے ،پاک بحریہ ہمہ وقت تیار ہے۔