ماسکو : روس نے پاک بھارت سرحدی کشیدگی پرتشویش کا اظہار کرتے ہوئے دوںوں ممالک کے درمیان کشیدگی کم کرنے پر زور دیا۔
تفصیلات کے مطابق کریملن کے ترجمان دمتری پیسکوف کی جانب سے بیان میں کہا گیا کہ روس پاک بھارت سرحد پر بڑھتی کشیدگی کو انتہائی تشویش کے ساتھ دیکھ رہا ہے۔
ترجمان کا کہنا تھا کہ نئی دہلی اور اسلام آباد دونوں سے اپنے تعلقات کو بہت اہمیت دیتا ہے، بھارت روس کا اسٹریٹجک پارٹنرجبکہ پاکستان بہت سے معاملات میں روس کا پارٹنر رہا ہے۔
دمتری پیسکوف نے دوںوں ممالک کے درمیان کشیدگی کم کرنے پر زور دیا۔
مزید پڑھیں : بھارتی بیانیہ مسترد، روس کا پاکستان کیساتھ بات چیت سے معاملات حل کرنیکا مشورہ
یاد رہے روسی وزیر خارجہ نے بھارت کو پاکستان کیساتھ بات چیت سے معاملات حل کرنے کا مشورہ دیا تھا۔
نائب وزیراعظم اسحاق ڈار کی روسی وزیرخارجہ سرگئی لاوروف سے ٹیلیفونک گفتگو ہوئی تھی، جس میں روسی وزیرخارجہ نے خطے کی صورتحال پر اظہار تشویش کرتے ہوئے مسائل کے حل کیلئے سفارتکاری کی اہمیت پر زور دیا تھا۔
