Tag: پاک بھارت میچ

بھارتی شہر احمد آباد میں کرکٹ ورلڈ کپ 2023 کا سب سے بڑا میچ پاکستان اور بھارت کے درمیان کھیلا جارہا ہے ۔ ایسے میں ماہرعلم نجوم نے بڑی پیش گوئی کردی ہے۔

بڑے میچ میں کون برتری حاصل کرے گا ؟ اس پر ماہر علم نجوم محمد علی زنجانی کا کہنا ہے کہ پاکستان ورلڈ کپ میں بھارت کو ہرا کر نئی روایت ڈال سکتا ہے ۔

ماہر علم نجوم نے کہا کہ میچ کے روز گرہن لگا ہوا ہوگا، اور بھارتی ٹیم کے کپتان روہت شرما پاکستانی ٹیم کے کپتان بابراعظم پر بھاری ہوں گے۔

پاک بھارت مقابلہ صرف میدان کے اندر نہیں ہوتا بلکہ کروڑوں لوگوں کے دل کی دھڑکنیں بھی تیز کردیتا ہے اور یہ صرف کھیل نہیں اعصاب کی جنگ بھی ہے ۔

دوسری جانب آئی سی سی کرکٹ ورلڈ کپ کے سب سے بڑے ٹاکرے میں پاکستان کے 105رنز پر دو کھلاڑی آوٹ ہوچکے ہیں، عبداللہ شفیق 20 رنز بنا کر آؤٹ ہوگئے۔

کرکٹ ورلڈ کپ 2023 کے سب سے بڑے میچ میں روایتی حریف پاکستان اور بھارت کی ٹیمیں آج احمد آباد کے نریندر مودی کرکٹ اسٹیڈیم میں آمنے سامنے ہیں جہاں بھارت نے ٹاس جیت کر فیلڈنگ کا فیصلہ کیا ہے۔

پاکستان اور بھارت کے درمیان میچ کا آغاز 1 بج کر 30 منٹ پر ہوا، پاکستان اور بھارت نے اس ورلڈ کپ میں اب تک اپنے دو دو میچز کھیل لیے ہیں اور دونوں ٹیموں کو اب تک کسی میچ میں شکست نہیں ہوئی ہے۔

ٹاس کے موقع پر بھارتی کپتان روہت شرما نے کہا کہ اس سے بڑھ کر کوئی اور مقابلہ نہیں ہوسکتا، اتنے تماشائیوں کے سامنے کھیلنا ایک خواب جیسا ہے۔

روہت شرما نے کہا کہ اچھی پچ ہے اس لئے پہلے فیلڈنگ کرنے کا فیصلہ کیا، کوشش کریں گے اچھا کھیل پیش کریں، وکٹ بہت اچھی لگ رہی ہے، زیادہ تبدیل نہیں ہوگی۔

انہوں نے بتایا کہ ٹیم میں ایک تبدیلی کی گئی ہے، ایشان کشن کی جگہ شبھمن گل کو بھارتی ٹیم میں شامل کیا ہے۔

جبکہ قومی کرکٹ ٹیم کے کپتان بابر اعظم نے کہا کہ اگر ٹاس جیتتے تو پہلے فیلڈنگ کرتے، پہلے 2 میچ جیتے سے موممنٹم بنا ہوا ہے۔

کپتان بابر اعظم نے بتایا کہ بھارت کیخلاف میچ کیلئے قومی ٹیم میں تبدیلی نہیں کی گئی، امام الحق اور عبداللہ شفیق اوپننگ کریں گے۔

آئی سی سی کرکٹ ورلڈ کپ 2023ء کے میچز بھارت کی میزبانی میں کھیلے جا رہے ہیں، ایسے میں کرکٹ شائقین کے لئے خصوصی ٹکٹوں کا بھی اہتمام کیا گیا ہے۔

بھارتی میڈیا کا کہنا ہے کہ لکھنو کے اٹل بہاری واجپائی ایکانا اسٹیڈیم میں میچ دیکھنے کے لئے آنے والے کرکٹ شائقین کے لئے ایک خصوصی ٹکٹ جاری کیا گیا ہے، جس کی قیمت 16 لاکھ روپے رکھی گئی ہے، اس ایک ٹکٹ میں مختلف سہولیات کو شامل کیا گیا ہے، جس میں سب سے اہم یہ ہے کہ اس ایک ٹکٹ سے آپ پانچ میچز براہ راست دیکھ سکتے ہیں۔

اگر آپ یہ ٹکٹ خریدتے ہیں تو آپ کو ایک لگژری کارپوریٹ باکس الاٹ کیا جائے گا، جس میں 16 افراد بیٹھ کر میچ کو انجوائے کرسکتے ہیں، اس کے علاوہ شائقین کرکٹ کو فائیو اسٹار ہوٹل جیسی سہولتیں فراہم کی جائیں گی، اسٹیڈیم اسٹاف کا کہنا ہے کہ فی الحال ایسے سارے ٹکٹس فروخت ہوچکے ہیں۔

ٹکٹوں کی آئن لائن بکنگ کا آغاز آئی سی سی لنک اور بک مائی شو کے ذریعے شروع کر دیا گیا ہے، عام افراد کے لئے ٹکٹوں کی قیمت 500 روپے سے لے کر 5000 تک رکھی گئی ہے۔

دوسری جانب روایتی حریف پاکستان اور بھارت کی ٹیمیں کرکٹ ورلڈ کپ 2023 کے سب سے بڑے میچ میں آج احمد آباد کے نریندر مودی کرکٹ اسٹیڈیم میں آمنے سامنے ہوں گی۔

پاک بھارت میچ بھارت کے سب سے بڑے کرکٹ گراؤنڈ میں کھیلا جائے گا، بھرپور مقابلہ دیکھنے کیلئے شائقین کی بھی بڑی تعداد گراؤنڈ میں موجود ہو گی، بڑے میچ سے قبل قومی ٹیم نے بھی بھرپور تیاری کرلی ہے، قومی ٹیم نریندر مودی سٹیڈیم میں سبز ہلالی پرچم لہرانے کیلئے پرامید ہے۔

بھارت کیخلاف ہونے والے آج کے میچ میں قومی میں کسی بھی قسم کی کوئی تبدیلی نہیں کی گئی، ٹیم میٹنگ میں شرکا نے اتفاق کیا ہے کہ وننگ کمبی نیشن کو برقرار رکھنا چاہیے۔

پاکستان اور بھارت کے درمیان میگا ایونٹ میں میچ سے قبل تقریب منعقد ہوگی، جس میں بھارتی اداکاروں سمیت بھارتی گلوکار بھی سروں کا جادو جگائیں گے۔

گزشتہ روز قومی ٹیم کے کپتان بابر اعظم نے پریس کانفرنس کرتے ہوئے کہا تھا کہ میچ میں معلوم ہے پورا اسٹیڈیم بھارت کو سپورٹ کررہا ہوگا۔