Tag: پاک بھارت میچ

قومی ٹیم کے سابق فاسٹ بولر محمد عامر نے بھارت کیخلاف میچ کیلئے قومی ٹیم میں ایک تبدیلی کا مشورہ دیا ہے۔

پاکستانی ٹیم کے سابق فاسٹ بولر محمد عامر نے نجی ٹی وی کے پروگرام میں اپنی رائے کا اظہار کرتے ہوئے کہا کہ میرا خیال ہے کہ بھارت میں جاری آئی سی سی ورلڈ کپ 2023 کے قومی ٹیم کے کمبی نیشن میں ایک تبدیلی کی جانی چاہیے۔

شو میں محمد عامر سے سوال کیا گیا کہ اگر وہ ٹیم مینجمنٹ کا حصہ ہوتے تو وہ بھارت کے خلاف میچ میں کیا تبدیلیاں لائیں گے جس پر انہوں نے کہا کہ میں اس بارے میں بات نہیں کروں گا کہ کس کو ٹیم سے باہر کیا جائے لیکن میں اسامہ میر کو ٹیم کمبی نیشن میں لانے کی کوشش کروں گا کیونکہ ٹیم کو مڈل اوورز میں وکٹوں کی ضرورت ہوتی ہے اور وہ اس قسم کا بولر ہے جو فارم میں ہے اور وکٹیں لے رہا ہے۔

شبمن گل کے بعد معروف بھارتی کمنٹیٹر بھی ڈینگی کا شکار

محمد عامر نے کہا کہ لیگ اسپنر اسامہ میر کو گرین شرٹس کی پلیئنگ الیون کا حصہ ہونا چاہیے، لیکن انہوں نے اس کھلاڑی کا نام نہیں بتایا جس کی جگہ اسامہ کو ٹیم میں شامل کیا جانا چاہیے۔

انہوں نے مزید کہا کہ اسامہ میر تھوڑی بیٹنگ بھی کر سکتے ہیں اس لیے میرا خیال ہے کہ ٹیم کو بھارت کے خلاف میچ میں اسامہ میر کو اسکواڈ میں شامل کرنا چاہیے۔

واضح رہے کہ آئی سی سی کرکٹ ورلڈکپ 2023 کا سب سے بڑا مقابلہ دنیا کے سب سے بڑے کرکٹ اسٹیڈیم نریندر مودی اسٹیڈیم احمد آباد میں ہفتے کو ہونے جا رہا ہے جس میں پاکستان اور بھارت کی کرکٹ ٹیمیں آمنے سامنے ہوں گی۔

بھارت کے فاسٹ بولر جسپریت بمراہ کے لیے ورلڈ کپ میں پاک بھارت میچ سے بڑھ والدہ سے ملاقات ضروری ہے جس کے لیے وہ بے تاب ہیں۔

پاکستان اور بھارت کے درمیان میچ 14 اکتوبر کو احمد آباد میں شیڈول ہے اور جسپریت بمراہ کا تعلق بھی احمد آباد سے ہے، پاکستان کرکٹ ٹیم کل احمد آباد پہنچ گئی تھی جبکہ بھارتی ٹیم آج دہلی سے احمد آباد پہنچے گی۔

اس میچ سے متعلق جسپریت بمراہ نے افغانستان سے فتح کے بعد کہا کہ  پاکستان کے خلاف میچ سے پہلے میری ترجیح والدہ سے ملنا ہے، میں اپنی والدہ کو ملوں گا میرے لیے اولین چیز یہی ہے۔

فاسٹ بولر  نے کہا والدہ سے ملنے کے بعد میری توجہ کسی اور چیز پر ہوگی، میں اپنی فیملی سے کچھ عرصے سے دور ہوں، آئیں گے، مجھے امید ہے میں گھر پر اپنی والدہ سے مل کر خوش ہوں گا۔

بھارتی فاسٹ بولر کا کہنا ہے کہ میں نے احمد آباد میں پہلے کبھی ون ڈے نہیں کھیلا تاہم ٹیسٹ میچ کھیل چکا ہوں، ہفتے کو میچ کا ماحول بڑا شاندار ہو گا اور بڑی تعداد میں مداح کہ یہ میچ سب سے بہترین ہو گا۔

دہلی: بھارتی پولیس کو وزیراعظم نریندرا مودی اور احمد آباد کے نریندرا مودی اسٹیڈیم کو دھماکے سے اڑانے والی دھمکی آمیز ای میل موصول ہوئی ہے۔

تفصیلات کے مطابق بھارتی پولیس کا کہنا ہے کہ انہیں ورلڈکپ سے متعلق دھمکی آمیز ای میل موصول ہوئی ہے، جس میں بھارتی وزیر اعظم اور احمدآباد میں نریندر مودی اسٹیڈیم کو بم سے اڑانے کی دھمکی ملی ہے۔

بھارتی پولیس کا کہنا ہے کہ دھمکی آمیز ای میل کا جائزہ لے رہے ہیں، یاد رہے کہ پاک بھارت میچ 14 اکتوبر کو احمد آباد کے نریندر مودی اسٹیدیم میں شیڈول ہے۔

بھارتی پولیس کا کہنا ہے کہ ورلڈکپ کے میچز کی سکیورٹی کو ریویو کریں گے، ضرورت پڑنے پر سکیورٹی بڑھائی جائے گی۔

آئی سی سی کرکٹ ورلڈکپ میں روایتی حریفوں کے درمیان 14 اکتوبر کو مقابلہ ہوگا مگر شائقین کے جذبات میچ کے لیے ابھی سے عروج پر ہیں اور وہ شدت سے اس میچ کے منتظر ہیں۔

بھاری نجی چینل نے اس موقع سے فائدہ اٹھاتے ہوئے پھر سے اپنا مشہور زمانہ اشتہار ’موقع موقع‘ پیش کیا ہے جس کی ویڈیو سوشل میڈیا پر وائرل ہورہی ہے۔ پاکستان اور بھارت کے درمیان ورلڈکپ میچز کے حوالے سے 2015ء میں پہلی بار نشر ہونے والا اشتہار شائقین میں بے حد مقبول ہے۔

شائقین کا جوش و خروش بڑھانے کے لیے ’موقع موقع‘آفیشل براڈ کاسٹرز پھر سے میدان میں ہیں جب کہ اس بار اشہتار میں بھارتی کرکٹر رویندرا جڈیجا کو بھی لیا گیا ہے۔

نمبر ون اور نمبر ٹو ٹیم کے درمیان شوپیس ایونٹ 2023 میں ہونے والے مقابلے کے لیے نہ صرفچ پاکستان اور بھارت کے شائقین منتظر ہیں بلکہ دنیا بھر کی نظریں اس میچ پر مرکوس ہیں۔

پروموشنل اشہتار میں بھارتی اداکارہ شہناز گل بھارتی آل راؤنڈر رویندرا جدیجا کے ساتھ موجود ہیں جب کہ ایک شخص پاکستان ٹیم کی شرٹ پہنا منیچ جیتنے کے لیے پرامید دکھائی دے رہا ہے۔

مذکورہ اشتہار میں ’موقع موقع‘ کے مرکزی کردار آپس میں بات کرتے ہوئے اپنی اپنی ٹیموں کی جیت کی خواہش کا اظہار کررہے ہیں۔ بھارتی نجی چینل کی جانب سے جاری ہونے والی اس نئی مہم کو ’8 کا ویٹ‘ نام سے منسوب کیا گیا ہے۔

سابق بھارتی اوپنر گوتم گمبھیر نے کہا ہے کہ آئی سی سی کرکٹ ورلڈکپ میں بھارتی ٹیم کی توجہ صرف پاکستان کو ہرانے پر نہیں بلکہ ورلڈکپ ٹائٹل جیتنے پر مرکوز ہونی چاہیے۔

ورلڈ کپ سے متعلق اظہار خیال کرتے ہوئے جارض مزاج کرکٹر نے کہا کہ آخری بار انگلینڈ نے ورلڈکپ کی ٹرافی اٹھائی تھی۔ بھارت کو بھی اسی سوچ کے ساتھ ٹورنامنٹ کا آغاز کرنا چاہیے کہ اسے صرف پاکستان کو شکست نہیں دینی۔

انھوں نے کہا کہ مجھے امید ہے کہ 50 اوور کے ورلڈکپ میں اس بار ایسا نہیں ہوگا اور سوچ مختلف ہوگی، میرے خیال میں 14 اکتوبر کو ہونے والے میچ کے حوالے سے صرف بھارت اور پاکستان کو ایشو نہیں بنانا چاہیے۔

بھارت کو ایونٹ میں یہ سوچ کر کھیلنا چاہیے کہ اسے ورلڈکپ حاصل کرنا ہے کیوں کہ آپ نہیں جانتے کے آئندہ ورلڈکپ میں موجودہ اسکواڈ کے ارکان موجود ہوںگے یا نہیں۔

گوتم گمبھیر نے کہا کہ بحیثیت ایک قوم، مداح اور براڈ کاسٹر کے ہمارا فوکس صرف پاک انڈیا مقابلے کی طرف نہیں ہونا چاہیے، پاکستان کو ایک رکاوٹ کے طور پر لینا چاہیے جسے عبور کرکے ہمیں ورلڈکپ جیتنا ہے۔

واضح رہے کہ بھارت میں منعقد ہونے والے آئی سی سی ون ڈے کرکٹ ورلڈکپ کا سب سے بڑا میچ جس کا شائقین کو بے صبری سے انتظار ہے 14 اکتوبر کو شیڈول ہے۔