ARYNews.tv | Urdu – Har Lamha Bakhabar

Tag: پاک بھارت میچ

  • بھارت کے خلاف میچ میں مثبت کھیلنا پڑے گا، شاہد آفریدی

    بھارت کے خلاف میچ میں مثبت کھیلنا پڑے گا، شاہد آفریدی

    سوات : قومی کرکٹ ٹیم کے سابق کپتان شاہد خان آفریدی نے کہا بھارت کےخلاف میچ میں مثبت کھیلناپڑے گا ، فیلڈنگ اچھی ہوگی تو آپ70 فیصد میچز جیت سکتے ہیں۔

    تفصیلات کے مطابق قومی کرکٹ ٹیم کے سابق کپتان شاہد خان آفریدی نے کبل میں کرکٹ اکیڈمی کے دورے پر میڈیا سے گفتگو میں کہا سوات کےلوگ بہت مہمان نوازہیں، پاکستان دنیاکاخوبصورت ترین ملک ہے، سہولتیں فراہم کی جائیں توسیاحت کومزیدفروغ دیا جاسکتاہے۔

    شاہدآفریدی کا کہنا تھا جیسے مراد سعید اسمبلی میں چھکے مارتے ہیں، ایسےہی بھائی نے اکیڈمی بنائی، اکیڈمی ہوگی تو ٹیلنٹ سامنے آئے گا، اسکول لیول پر کرکٹ کو فروغ دینا ضروری ہے۔

    فیلڈنگ اچھی ہوگی تو آپ 70فیصد میچز جیت سکتےہیں

    پاک بھارت میچ کے حوالے سے سابق کپتان نے کہا بھارت کےخلاف میچ میں مثبت کھیلناپڑے گا، فیلڈنگ اچھی ہوگی تو آپ 70فیصد میچز جیت سکتے ہیں۔

    یاد رہے عالمی کپ کرکٹ ٹورنامنٹ میں پاکستان کرکٹ ٹیم اپنا پانچواں میچ روایتی حریف بھارت کے خلاف16 جون کو مانچسٹر میں کھیلے گی ۔

    ورلڈ کپ کے ابتدائی چار میں سے دوسرا میچ ہارنے کے بعد پاکستان ٹیم کا سفر مزید مشکل ہوگیا ہے تاہم سیمی فائنل کھیلنے کے لئے گرین شرٹس کو اگلے پانچ میچوں میں اچھی کارکردگی دکھانا ہوگی۔

    کپتان سرفراز احمد نے بھی اعتراف کیا کہ اگر ہم نے بڑی ٹیموں کو ہرانا ہے تو کم سے کم غلطیاں کرنا ہوں گی، پوائنٹس ٹیبل پر نظر ڈالیں تو 10 ٹیموں کے اس ورلڈ کپ میں پاکستان کا آٹھواں نمبر ہے۔

  • ورلڈ کپ میں پاکستان سے نہیں کھیلنا چاہتے، گوتم گھمبیر

    ورلڈ کپ میں پاکستان سے نہیں کھیلنا چاہتے، گوتم گھمبیر

    نئی دہلی: بھارت ورلڈ کپ میں پاکستان سے کھیلنے پر راہ فرار اختیار کرنے لگا، سابق بھارتی بلے باز گوتم گھمبیر نے کہا ہے کہ ورلڈ کپ میں پاکستان سے نہیں کھیلنا چاہتے ہیں۔

    تفصیلات کے مطابق بھارتی کرکٹ ٹیم کے سابق اوپنر بلے باز گوتم گھمبیر پاکستان کے خلاف بات کرنے کا کوئی موقع ہاتھ سے جانے نہیں دیتے، اب ورلڈ کپ میں پاکستان سے کھیلنے پر ان کا کہنا ہے کہ بھارت پاکستان سے نہیں کھیلنا چاہتا ہے۔

    گوتم گھمبیر نے کہا ہے کہ بھارتی کرکٹ ٹیم کے لیے یہ دو پوائنٹس اہمیت نہیں رکھتے ہیں، بھارتی ٹیم اتنی مضبوط ہے کہ دو پوائنٹس پاکستان کو مل جاتے ہیں تو بھی فائنل میں پہنچنے کی صلاحیت رکھتی ہے۔

    ان کا کہنا تھا کہ پاک بھارت ٹیمیں اگر فائنل میں بھی پہنچ جاتی ہیں تو بھارت کو فائنل کھیلنے سے انکار کردینا چاہئے۔

    یہ پڑھیں: خواجہ سراؤں کی تقریب میں گوتم گھمبیر کی زنانہ لباس میں شرکت

    سابق پاکستانی فاسٹ بولر تنویر احمد نے ردعمل دیتے ہوئے کہا کہ گوتم گھمبیر سوچے سمجھے بغیر فضول سی باتیں کررہے ہیں، یہ لوگ یہ سمجھتے ہیں کہ پاک بھارت کشیدگی میں بھارت جو بات کررہا ہے وہ صحیح ہے۔

    تنویر احمد نے کہا کہ یہ لوگ سیاست کو کھیل میں لے کر آجاتے ہیں ان کے مقابلے میں ہماری عوام بہت بہتر ہے، ہمارے یہاں سیاست کو کھیل میں شامل نہیں کیا جاتا ہے۔

    اسپورٹس روم کے میزبان نجیب الحسنین کے مطابق بھارت میں اگر سچن ٹنڈولر اور سنیل گواسکر پاکستان کے خلاف بات نہ کریں تو انہیں اینٹی نیشنل کہہ دیا جاتا ہے۔

    واضح رہے کہ آئی سی سی چیف ایگزیکٹو ڈیو رچرڈسن پہلے ہی واضح کرچکے ہیں کہ بھارت نے اگر ورلڈ کپ میں پاکستان کے ساتھ کھیلنے سے انکار کیا تو دو پوائنٹس پاکستان کو دے دئیے جائیں گے۔

  • سنسنی خیزمیچ دیکھنے کے لئے تیار رہیں، نوجوت سنگھ سدھو کا فیصل جاوید کو فون

    سنسنی خیزمیچ دیکھنے کے لئے تیار رہیں، نوجوت سنگھ سدھو کا فیصل جاوید کو فون

    اسلام آباد : ایشیاکپ میں پاکستان اوربھارت ٹاکرے کے موقع پر سابق بھارتی کرکٹرنوجوت سنگھ سدھو پاکستان تحریک انصاف کے سینیٹرفیصل جاوید سے رابطہ کیا اور کہا سنسنی خیز میچ دیکھنے کے لئے تیار رہیں۔

    تٖفصیلات کے مطابق ایشیا کپ کا سب سے بڑا مقابلہ کچھ گھنٹوں کی دوری پر ہے ، سابق بھارتی کرکٹرنوجوت سنگھ سدھو نے پاکستان تحریک انصاف کے سینیٹر فیصل جاوید سے ٹیلی فونک رابطہ کیا اور آج ہونیوالے پاک بھارت میچ پر تبادلہ خیال کیا۔

    نوجوت سنگھ سدھو نے کہا سنسنی خیزمیچ دیکھنے کے لئے تیار رہیں، آج کے میچ میں کانٹے دار مقابلہ ہوگا۔

    سینیٹر فیصل جاوید کا کہنا تھا کہ پاک بھارت کرکٹ دونوں ملکوں کو قریب لاسکتی ہے، پاکستانی کرکٹ ٹیم کو چیمپئن ٹرافی جیتنے کا فائدہ حاصل ہے۔

    خیال رہے ایشیا کپ کا سب سے بڑا مقابلہ آج ہوگا، پاکستان اور بھارت کی ٹیمیں اب سے کچھ دیر بعد دبئی کرکٹ اسٹیڈیم میں ٹکرائیں گی۔

    پاکستان کو بھارت پر نفسیاتی اورعددی برتری حاصل ہے، یو اے ای میں شاہینوں نے چھبیس میچوں میں سے انیس بار بھارت کو شکست کا مزہ چکھایا جبکہ بھارت سات بار کامیاب ہوئی۔

    ون ڈے میں روایتی حریف ایک سو انتیس مرتبہ ٹکرائے اور گرین شرٹس تہتر فتوحات کے ساتھ آگے ہیں۔

  • ویمنز ورلڈ ٹی ٹوئنٹی ، پاکستان ویمنز ٹیم نے بھارت کو 2 رنز سے شکست دیدی

    ویمنز ورلڈ ٹی ٹوئنٹی ، پاکستان ویمنز ٹیم نے بھارت کو 2 رنز سے شکست دیدی

    دہلی: ورلڈ ٹی ٹوئنٹی کے گروپ میچ میں پاکستان ویمنز ٹیم نے بھارت کو ڈک ورتھ لیوس میتھڈ کے تحت دو رنز سے شکست دے دی۔

    دہلی کے فیروز شاہ کوٹلہ اسٹیڈیم میں کھیلے جانے والا پاک بھارت ویمنز میچ میں بھی بارش کی مداخلت ہوئی جس کے باعث میچ پاکستان کے حق میں رہا۔

    پاکستان ویمن کرکٹ ٹیم نے ٹاس جیت کر بھارت کو پہلے بیٹنگ کی دعوت دی تو بھارتی اوپنرز خاطر خواہ کارکردگی کا مظاہرہ نہ کر سکیں اور صرف پانچ رنز کے مجموعی اسکور پر 2 کھلاڑی پویلین لوٹ گئیں۔

    انعم امین اور اسماویہ اقبال نے عمدہ باﺅلنگ کرتے ہوئے بھارتی بلے بازوں کو محتاط انداز میں کھیلنے پر مجبور کر دیا اور بھارت کی پوری ٹیم صرف 96 رنز ہی بنا سکی۔

    بھارت کی جانب سے ویلاسوامی وانیتھا نے 2، مندھانا نے 1، ہرمن پریت کور نے 16، میتھالی راج نے 16،کرشنا مورتی نے 24 اور انوجا پٹیل نے 3 رنز بنائے۔ پاکستان کی جانب سے انعم امین، اسماویہ اقبال، ثناءمیر، سعدیہ یوسف اور ندا ڈار نے ایک، ایک کھلاڑی کو پویلین کی راہ دکھائی۔

    ہدف کے تعاقب میں انیس رنز کے مجموعی سکور پر ناہیدہ خان 14 رنز بنا کر پویلین لوٹ گئیں جبکہ سدرہ امین نے 26 اوربسمہ معروف نے 5 رنز سکور کیے ۔

    ویمن ورلڈ ٹی ٹوئنٹی اہم میچ بارش کے باعث روک دیا گیا تھا بھارت کیخلاف پاکستان ویمنز کو 4اوورز میں مزید 20رنز درکار تھے جبکہ پاکستان کی چار وکٹیں باقی تھیں۔ واضح رہے کہ ڈک ورتھ لیوس میتھڈ کے تحت پاکستان نے بھارت کو دو رنز سے شکست دے دی۔

    بھارتی ویمنز ٹیم نے پہلے میچ بنگلہ دیش کو یک طرفہ مقابلے کے بعد بہتر رنز سے شکست دی تھی۔ قومی ویمنز ٹیم کو پہلے میچ میں ویسٹ انڈیز کے خلاف سنسنی خیز مقابلے کے بعد ناکامی کا سامنا ہوا تھا، ایونٹ میں رہنے کے لئے پاکستان ویمنز ٹیم کو بھارت کے خلاف کامیابی حاصل کرنا ضروری تھی۔

    پاک بھارت ٹیمیں

     

     

     

  • ورلڈ ٹی ٹوینٹی : پاک بھارت میچ بارش سے متاثر ہونے کا خدشہ

    ورلڈ ٹی ٹوینٹی : پاک بھارت میچ بارش سے متاثر ہونے کا خدشہ

    کولکتہ : پاک بھارت بڑے مقابلے سے پہلے کولکتہ میں بادلوں نے ڈیرے ڈال لئے۔ بارش سے میچ متاثر ہوا تو پاکستان کو فائدہ ہوگا۔

    کولکتہ میں کالے بادل چھاگئے ہیں۔ کھلاڑیوں کے گرجنے سے پہلے ہی بادل برس پڑے۔ کئی مقامات پر بارش سے موسم خوشگوار ہوگیا۔

    پاکستان اور بھارت کی ٹیموں کے درمیان آج گھمسان کا رن پڑے گا۔ میچ بارش سے متاثر ہونے کا خدشہ ہے۔ محمکہ موسمیات نے آج وقفے وقفے سے ہلکی بارش کی پیشگوئی کی ہے۔

    اس صورتحال سے شائقین کو پاک بھارت میچ نہ ہونے کا خوف ستانے لگاہے۔ میچ میں کوئی اضافی دن نہیں ہے۔

    ذرائع کے مطابق ہائی وولٹیج میچ بارش کے باعث ممکن نہ ہوا تو دونوں ٹیموں کو ایک ایک پوائنٹ مل جائے گا جس کا فائدہ پاکستان کو ہوگا، اور بھارت مشکل میں آجائے گا۔

     

  • بھارتی انتہاپسندتنظیم کی کولکتہ میں بھی پچ کھودنے کی دھمکی

    بھارتی انتہاپسندتنظیم کی کولکتہ میں بھی پچ کھودنے کی دھمکی

    کلکتہ: انتہا پسند تنظیم نے ورلڈ ٹی ٹوئنٹی میں پاک بھارت میچ کی مخالفت کرتے ہوئے ایڈن گارڈن کولکتہ کی پچ کھودنے کی دھمکی دے دی۔

    دھرم شالا کے بعد کولکتہ میں بھی انتہا پسند دھمکیوں پر اترآئے، انتہا پسند تنظیم نے کولکتہ میں بھی پاک بھارت میچ کی مخالفت کردی۔ کہتے ہیں ایڈن گارڈن میں میچ نہیں ہونے دیں گے۔

    تنظیم نےمیچ رکوانے کیلئے کولکتہ کی وزیر اعلی ممتا بنرجی کو بھی خط لکھا ہے جس میں دھمکی اگر میچ کرانے کی کوشش کی گئی تو وہ پچ کھودیں گے، کسی قیمت پرپاکستان کوکولکتہ میں میچ نہیں کھیلنےدیں گے۔

  • انتہاپسندوں کی کولکتہ کےگراؤنڈ کی پچ کھودنےکی دھمکی، بھارتی میڈیا

    انتہاپسندوں کی کولکتہ کےگراؤنڈ کی پچ کھودنےکی دھمکی، بھارتی میڈیا

    ممبئی: بھارتی انتہا پسندوں نے کولکتہ میں بھی پاک بھارت میچ کی مخالفت کردی اور ددھمکی دی ہے اگر میچ کرانے کی کوشش کی گئی توایڈن گارڈن گراؤنڈ کی پچ کھو دی جائے گی۔

    بھارتی میڈیا کے مطابق ہندو انتہا پسند تنظیم اے ٹی ایف آئی کے صدر وریش شنڈیالا نے تازہ دھمکی میں کہا ہےکہ پاکستان ٹیم کی میزبانی کرنا دہشت گرد حملوں میں ہلاک ہونیوالے بھارتی فوجیوں کی توہین ہے اور وہ کسی قیمت پر پاکستان ٹیم کو بھارت میں میچ کھیلنے کی اجازت نہیں دیں گے۔

    اگر میچ کرانے کی کوشش کی گئی تو ایڈن گارڈن کی پچ کھود دی جائے گی،انتہا پسند تنظیم نے کولکتہ بھر میں پاکستان مخالف مظاہرہوں کا بھی اعلان کیا ہے۔

  • پاکستان کی سیکورٹی ٹیم نےدھرم شالاکوکلین چٹ دےدی، بھارتی میڈیا

    پاکستان کی سیکورٹی ٹیم نےدھرم شالاکوکلین چٹ دےدی، بھارتی میڈیا

    لاہور: پاکستان سیکورٹی ٹیم نے پاک بھارت میچ کیلئے سیکیورٹی انتظامات کو کلین چٹ دے دی اور ورلڈ ٹی ٹوئنٹی کے لئے قومی تیم کل دوپہر بھارت روانہ ہو گی۔

    قومی کرکٹ ٹیم کو ورلد ٹی ٹوئنٹی کے لئے گرین سگنل مل گیا اور ٹیم کل دوپہر بارہ بجے لاہور سے دہلی روانہ ہو گی، دھرم شالہ میں ہونیوالے پاک بھارت میچ پرچھائے خدشات کے بادل بھی چھٹ گئے ہیں۔

    بھارتی میڈیا کے مطابق پاکستان سیکورٹی ٹیم نے پاک بھارت کیلئے کلین چٹ دے دی دورکنی سیکورٹی وفد دھرم شالا میں انتظامات سے مطمئن ہے، ورلڈ ٹی ٹوئنٹی میچ شیڈول کےمطابق انیس مارچ کوہوگا۔

    بھارتی میڈیاکےمطابق وزیرداخلہ راج ناتھ،آئی جی پولیس اور ڈسٹرکٹ کلکٹر نے پاکستانی وفد کو ہرممکن سیکیورٹی کی یقین دہانی کرائی ہے،پاکستان کی سیکیورٹی ٹیم گزشتہ روز ڈی جی ایف آئی اے عثمان انور کی قیادت میں بھارت پہنچی تھی۔

    بھارتی میڈیا کے مطابق پاکستانی وفد نے ہماچل پردیش میں ہوٹل اوربس روٹ کی سیکیورٹی کا جائزہ بھی لیا، سیکورٹی ٹیم مکمل معائنے کے بعد رپورٹ وزیراعظم کو پیش کرے گی لیکن آثار اچھے ہیں اور دورے میں اب کوئی رکاوٹ نہیں۔

  • پاک بھارت میچ : عمراکمل ناقص امپائرنگ کی بھینٹ چڑھ گئے

    پاک بھارت میچ : عمراکمل ناقص امپائرنگ کی بھینٹ چڑھ گئے

    ایڈیلیڈ : ورلڈ کپ دو ہزار پندرہ میں ناقص امپائرنگ کا سلسلہ جاری ہے۔ پاک بھارت میچ میں تھرڈ امپائر نے ٹیکنالوجی کو نظر انداز کرکےعمراکمل کو متنازعہ آؤٹ دے دیا۔

    تفصیلات کے مطابق ایڈیلیڈ میں ناقص امپائرنگ کا ایک اور متنازعہ فیصلہ سامنے آیا ۔ اس بار غلط فیصلے کی بھینٹ عمراکمل چڑھے۔ جدیجا کی گیند پر آن فیلڈ امپائر نے عمراکمل کو ناٹ آؤٹ قرار دیا تھا، جس پر بھارتی کپتان دھونی نے ریویو لیتے ہوئے تھرڈ امپائر کا سہارا لیا۔

    تھرڈ امپائر اسٹیو ڈیوس نے اسنیکو میٹر پر لہریں ظاہر نہ ہونے کے باوجود عمر اکمل کو آؤٹ قرار دے دیا۔ ٹیکنالوجی کی موجودگی میں عمراکمل کو غلط فیصلے کی بھینٹ چڑھایااور فیصلہ بھارت کے حق میں دے دیا.

    کمنٹیٹرز نے بھی عمراکمل کے آؤٹ دیئے جانے کو مشکوک قرار دیا۔ قوانین کے مطابق شق کی بنیاد پر فیصلہ بلے باز کے حق میں دیا جاتا ہے، لیکن عمراکمل کے فیصلے پر آئی سی سی نے دہرا معیار اپناتے ہوئے غلط فیصلہ دیکر عمراکمل کو مشکوک آؤٹ دیا۔

    گذشتہ روز انگلینڈ اور آسٹریلیا کے درمیان میچ بھی امپائرنگ کا بلنڈر دیکھنے کو ملا، اینڈرسن کو غلط آؤٹ دینے کے بعد آئی سی سی نے انگلش ٹیم سے تحریری طور پر معافی مانگ لی تھی۔

  • کراچی: پاک بھارت میچ پر سٹہ لگانے والے4جواری گرفتار

    کراچی: پاک بھارت میچ پر سٹہ لگانے والے4جواری گرفتار

    کراچی : پاک بھارت میچ پر سٹہ لگانے والے چار سٹہ باز کراچی سے گرفتارکر لیے گئے، ملزمان نےانکشاف کیا ہے کہ بڑے سٹے بازروں سے دو کرکڑز کی میچ سے ایک ماہ پہلے کراچی میں ملاقات ہوئی تھی۔

    پاک بھارت میچ جاری تھا اور ہر پاکستانی کو امید تھی کہ  پاکستانی ٹیم جیتے گی لیکن ایس آئی یولیس نے میچ کے دوران ہی بہادرآباد کے علاقے میں چھاپہ مارا اور ایک فلیٹ سے چار ستے بازروں کو گرفتار کیا، انہوں نے بتایا کہ پاکستان کو شکست ہوگی اور اتنے میں شروع ہوئی پاکستان کی بیٹنگ اور ایک ایک کرکے وکٹ گرنے لگی تو ان سٹے بازروں کی بات بھی سچ ہوتی گئی اور ثابت ہوگیا، ان سٹے بازروں کو صحیح معلوم تھا۔

    گرفتار سٹے بازروں کے مطابق شہر میں 100 سے زائد مقامات پر سٹے کا سیٹ اپ موجود ہے، جن میں ملیر گڈاپ کے فارم ہاؤس ڈیفنس اور لیاقت آباد سمیت کئی علاقے شامل ہیں، سٹے بازوں کے مطابق صرف کراچی میں دس ارب کا سٹہ لگنا تھا، ان کا ایک سیٹ اپ اب بھی پنجاب اور دبئی میں کام کررہا ہے۔

    زرائع کے مطابق سٹے بازوں نے بتایا کہ ان کے مالکان نے انہیں بتایا تھا کہ دو کرکڑز کی میچ سے ایک ماہ قبل بڑے سٹے بازوں کے ملاقات ہوئی ہے۔

    زرائع کے مطابق ملزمان ضلع ایسٹ کی پولیس سمیت پولیس افسران کو رقم فراہم کر رہے تھے اور ان کے ساتھ کئی اہم شخصیات اور پولیس افسران کا ہاتھ ہے اور کچھ پولیس افسران سٹے کے کام میں ان کے پارٹنر ہیں جبکہ ڈیفنس کے علاقے خیابان مجاہد اور محافظ پر سٹے کے اہم ٹھکانے موجود ہیں۔