Tag: پاک بھارت

اسلام آباد: وفاقی وزیر برائے انسانی حقوق شیریں مزاری نے بھارت پر تنقید کرتے ہوئے کہا ہے کہ پڑوسی ملک اب اپنے قانون کے مطابق نسل پرست ریاست بن چکا ہے۔

تفصیلات کے مطابق وفاقی وزیر شیریں مزاری نے سماجی رابطوں کی ویب سائٹ ٹویٹر پر اپنے تازہ پیغام میں کہا ہے کہ بالآخر بھارتی پارلیمنٹ نے نازی نسل پرستی کے نظریے کو تازہ کر دیا ہے۔

انسانی حقوق کی وزیر کا کہنا تھا بھارتی شہریت کا متنازع ترمیمی بل دونوں ایوانوں سے منظور کر لیا گیا ہے، اب بھارت اپنے ہی قانون کے مطابق نسل پرست ریاست بن گئی ہے۔

یہ بھی پڑھیں:  مسلمانوں کے سوا تارکین وطن کو بھارتی شہریت دینے کا ترمیمی بل منظور

خیال رہے کہ دو دن قبل بھارتی لوک سبھا نے شہریت کا ترمیمی بل منظور کر لیا ہے، جس کے مطابق مسلمانوں کے علاوہ تمام غیر قانونی تارکین وطن کو بھارتی شہریت دی جا سکے گی، بل کی حمایت میں 293 جب کہ مخالفت میں 82 ووٹ پڑے۔

شہریت کا متنازع بل بھارتی وزیر داخلہ امیت شاہ نے پیش کیا تھا، قانون کے تحت مسلمانوں کے سوا 6 مذاہب کے غیر قانونی تارکین وطن کو بھارتی شہریت دینے کی تجویز پیش کی گئی تھی، بل کی منظوری کے بعد آسام میں کئی دہائیوں سے رہایش پذیر لاکھوں بنگالی مسلمان سب سے زیادہ متاثر ہوں گے۔

امیت شاہ نے لوک سبھا میں یہ بل پیش کرتے ہوئے اپوزیشن کو شدید تنقید کا نشانہ بنایا، اور کانگریس پر بھارت کو مذہبی بنیادوں پر تقسیم کرنے کا الزام عائد کیا۔ انہوں نے کہا کہ میں آپ کو بتاتا ہوں کہ یہ بل کیوں ضروری ہے، یہ اس لئے ضروری ہے کہ کیونکہ کانگریس نے ملک کو مذہبی بنیادوں پر تقسیم کیا اور یہ بات تاریخ کا حصہ ہے۔

اسلام آباد: بھارتی فورسز کی جانب سے لائن آف کنٹرول کی مسلسل خلاف ورزی پر پاکستان نے بھارتی ڈپٹی ہائی کمشنر گورو اہلووالیا کو دفتر خارجہ طلب کر کے شدید احتجاج کیا۔

ترجمان دفتر خارجہ کے مطابق بھارتی ڈپٹی ہائی کمشنر کو دفتر خارجہ طلب کر کے ایل او سی پر سیز فائر کی خلاف ورزی پر احتجاجی مراسلہ تھمایا گیا۔

ترجمان نے کہا کہ بھارتی فوج نے ایل او سی پر شہری آبادی کو نشانہ بنایا، فائرنگ سے ایک خاتون شہید، جب کہ 4 خواتین سمیت 6 شہری زخمی ہوئے، بھارتی فوجی ایل او سی پر تسلسل سے شہری آبادی کو نشانہ بنا رہے ہیں۔

یہ بھی پڑھیں:  بھارتی فوج کی ایل او سی پر بلااشتعال فائرنگ، خاتون شہید، 4 خواتین سمیت 6 افراد زخمی

انھوں نے کہا کہ 2017 سے جنگ بندی معاہدے کی خلاف ورزیوں میں تیزی آئی ہے، بھارت جان بوجھ کر شہری آبادی کو نشانہ بناتا ہے، اور بین الاقوامی انسانی حقوق اور قوانین کی خلاف ورزی کر رہا ہے۔

دفتر خارجہ کے ترجمان نے کہا کہ بھارت کی جنگ بندی کی خلاف ورزی علاقائی امن کے لیے خطرہ ہے، پاکستان نے مطالبہ کیا کہ بھارت 2003 کی جنگ بندی کے معاہدے کی پاس داری یقینی بنائے اور لائن آف کنٹرول اور ورکنگ باؤنڈری پر امن برقرار رکھے۔

واضح رہے کہ آج بھارتی فوج نے ایک بار پھر لائن آف کنٹرول کے نکیال اور جندروٹ سیکٹرز پر بلا اشتعال فائرنگ کی ہے جس کے نتیجے میں ایک خاتون شہید اور 4 خواتین سمیت 6 افراد زخمی ہو گئے ہیں۔