ARYNews.tv | Urdu – Har Lamha Bakhabar

Tag: پاک زمبابوے

  • پاک زمبابوے ٹی 20 سیریز، پاکستانی کھلاڑی بلاوائیو پہنچ گئے

    پاک زمبابوے ٹی 20 سیریز، پاکستانی کھلاڑی بلاوائیو پہنچ گئے

    پاکستان ٹی 20 اسکواڈ میں شامل کھلاڑی زمبابوے سے سیریز کیلیے بلاوائیو پہنچ گئے ہیں۔

    پاک زمبابوے ٹی 20 سیریزکے لئے دبئی سے بلاوائیو پہنچنے والے کھلاڑیوں میں صاحبزادہ فرحان، عرفات منہاس، عثمان خان، سفیان مقیم، عمیر بن یوسف اور قاسم اکرم شامل ہیں۔

    پاک زمبابوے ٹی 20 سیریزکے لئے قومی ٹیم کے کپتان سلمان علی آغا، حارث روف، صائم ایوب، ابرار احمد، حسیب اللّٰہ، محمد حسنین، عرفان خان، طیب طاہر، عامر جمال، جہانداد خان، عباس آفریدی پہلے سے بلاوائیو میں موجود ہیں۔

    پاکستان ون ڈے اسکواڈ کے کپتان محمد رضوان، عبداللّٰہ شفیق، کامران غلام اور فیصل اکرم زمبابوے سے وطن واپسی کے لئے روانہ ہوچکے ہیں۔

    واضح رہے کہ پاکستان نے تیسرے ون ڈے میں زمبابوے کو 99 رنز سے شکست دے کر ون ڈے سیریز 2-1 سے اپنے نام کرلی ہے۔

    بلاوائیو میں کھیلے گئے تیسرے ون ڈے میچ میں زمبابوے کی ٹیم پاکستان کی جانب سے دیے گئے 304 رنز کے تعاقب میں 40.1 اوورز میں 204 رنز پر ڈھیر ہوگئی اور یوں پاکستان نے میچ 99 رنز سے جیت لیا تھا۔

    کپتان کریگ ایرون کی 51 رنز کی اننگز رائیگاں گئی، برائن بینیٹ 37 رنز بنا کر نمایاں رہے، سین ولیمز اور مرومانی نے 24، 24 رنز بنائے۔

    جنوبی افریقہ کے 3 سابق کرکٹرز کرپشن کیس میں گرفتار

    پاکستان کی جانب سے صائم ایوب، حارث رؤف، ابرار احمد اور عامر جمال نے دو، دو وکٹیں حاصل کیں۔

  • پاک زمبابوے تیسرا فیصلہ کن ون ڈے آج کھیلا جائے گا

    پاک زمبابوے تیسرا فیصلہ کن ون ڈے آج کھیلا جائے گا

    پاک زمبابوے تیسرا اور فیصلہ کن ون ڈے میچ آج کھیلا جائے گا، تین میچز کی سیریز میں دونوں ٹیموں نے ایک ایک میچ میں کامیابی حاصل کر رکھی ہے۔

    پاکستان آج کوئنز کلب بولاوایو میں کھیلا جانے والے تیسرا ون ڈے جیت کر مسلسل دوسری دن ڈے سیریز میں فتح حاصل کرسکتا ہے، جبکہ زمبابوے پاکستان کے خلاف پہلی سیریز جیتنے کے لئے سر توڑ کوشش کرے گا۔

    پاکستانی فاسٹ بولرز احمد دانیال اور شاہنواز دھانی انجرڈ آخری میچ سے قبل ہوگئے اور بدھ کو پاکستان واپس پہنچ گئے، احمد دانیال کو ہمسٹرنگ انجری کا سامنا ہے جبکہ شاہنواز کو اتوار کے ٹریننگ سیشن کے دوران بائیں ٹخنے میں چوٹ لگی۔

    قومی ٹیم میں ان دونوں کی جگہ عباس آفریدی اور جہانداد خان خدمات انجام دے رہے ہیں جبکہ دونوں نے ٹیم کو جوائن کرلیا ہے۔

    دوسری جانب چیئرمین پی سی بی محسن نقوی نے کہا ہے کہ ایسا نہیں ہوسکتا کہ ہم بھارت میں کرکٹ کھیلنے جائیں اور وہ یہاں نہ آئیں۔

    یہ بات انہوں نے قذافی اسٹیڈیم کے دورے کے موقع پرمیڈیا سے گفتگو کرتے ہوئے کہی، چیمپئنر ٹرافی سے متعلق ان کا کہنا تھا کہ پاکستان کرکٹ کے بہترین مفاد میں فیصلے کیے جائیں گے۔

    محسن نقوی نے کہا ہے کہ آئی سی سی کو اپنا واضح موقف دے چکے، اب بورڈ میٹنگ میں فیصلہ ہوگا، یہ نہیں ہوسکتا کہ ہم بھارت میں کرکٹ کھیلیں اور وہ یہاں نہ آئیں۔

    ’’نوازشریف مودی کو بھارتی ٹیم پاکستان بھیجنے کے لیے قائل کریں‘‘

    ایک سوال کے جواب میں چیئرمین پی سی بی کا کہنا تھا کہ چیمپئنز ٹرافی کیلئے ہماری تیاریاں مکمل ہیں، امید ہے کہ اس موقع پر قوم مایوس نہیں ہوگی۔

  • پاکستان نے زمبابوے کو شکست دے کر ٹی 20 سیریز جیت لی

    پاکستان نے زمبابوے کو شکست دے کر ٹی 20 سیریز جیت لی

    راولپنڈی: پاکستان نے دوسرے ٹی 20 میچ میں زمبابوے کو 8 وکٹوں سے شکست دے کر سیریزمیں 2-0 کی فیصلہ کن برتری حاصل کرلی۔

    اے آر وائی نیوز کی رپورٹ کے مطابق راولپنڈی میں کھیلے جانے والے دوسرے ٹی 20 میچ میں پاکستان نے زمبابوے کی جانب سے دیا جانے والا 135 رنز کا ہدف 15.1 اوورز میں دو وکٹوں کے نقصان پر حاصل کرلیا۔

    اوپنر فخر زمان ایک بار پھر ناکام ہوئے اور صرف 5 رنز بنا کر پویلین لوٹ گئے، کپتان بابر اعظم نے 51 رنز کی ذمہ دارانہ اننگز کھیلی۔

    نوجوان بیٹسمین حیدر علی 66 رنز بنا کر ناٹ آؤٹ رہے، خوشدل نے 11 رنز کی اننگز کھیلی۔

    زمبابوے کی جانب سے دونوں وکٹیں فاسٹ بولر مزرابانی نے حاصل کیں۔

    قبل ازیں راولپنڈی میں کھیلے جانے والے دوسرے ٹی 20 میچ میں زمبابوے نے مقررہ اوورز میں 7 وکٹوں کے نقصان پر 134 رنز بنائے اور پاکستان کو جیت کے لیے 135 رنز کا ہدف دیا۔

    زمبابوے کی پہلی وکٹ 5 رنز پر گری جب برینڈن ٹیلر 3 رنز بنا کر حارث رؤف کی گیند پر محمد رضوان کو کیچ دے بیٹھے، چبھابھا 15 رنز بنا کر آؤٹ ہوئے۔

    سین ولیمز 13 رنز بناسکے، مادھویری 24 رنز بنا کر عثمان قادر کا نشانہ بنے، آر پی بوری نے 32 رنز کی ناقابل شکست اننگز کھیلی۔

    پاکستان کی جانب سے عثمان قادر اور فاسٹ بولر حارث رؤف نے تین، تین وکٹیں حاصل کیں۔

    اس سے قبل  پاکستان نے دوسرے ٹی ٹوینٹی میچ میں ٹاس جیت کر زمبابوے کو بیٹنگ کرنے کی دعوت دے دی، پاکستان کو سیریز میں 0-1 کی برتری حاصل ہے، جب کہ زمبابوے کو سیریز بچانے کے چیلنج کا سامنا ہے۔

    دوسرے ٹی ٹوینٹی کے لیے قومی ٹیم میں کوئی تبدیلی نہیں کی گئی، کپتان بابر اعظم نے ٹاس جیت کر کہا کہ ہمارے بولرز اچھی کارکردگی دکھا رہے ہیں۔

    ون ڈے سیریز اور اب پہلے ٹی 20 میچ میں پاکستان ٹیم کی شان دار کارکردگی کے پیش نظر اس میچ میں بھی پاکستان کو جیت کے لیے فیورٹ قرار دیا جا رہا ہے۔

    پہلا ٹی 20، پاکستان نے زمبابوے کو 6 وکٹوں سے شکست دے دی

    واضح رہے کہ آج پاکستان اور زمبابوے کی ٹیموں نے راولپنڈی کرکٹ اسٹیڈیم میں پریکٹس سیشن میں حصہ لیا تھا۔

    خیال رہے کہ زمبابوے کے خلاف پہلے ٹی ٹوئنٹی میں وکٹ کیپر محمد رضوان نے ایک شان دار کیچ بھی لیا تھا، وہاب ریاض کی گیند پر کیچ اچھلا، گیند رضوان سے دور تھی، لیکن چیتے کی طرح چھلانگ لگا کر رضوان نے سکندر رضا کا کیچ دبوچ لیا، اس کیچ کی ویڈیو بھی وائرل ہو گئی ہے۔

    اسٹار بلے باز بابر اعظم کی جانب سے بھی ٹی ٹوئنٹی میں ٹاپ فارم جاری ہے، پہلے ٹی 20 میچ میں 82 رنز کی اننگز کھیلنے کے ساتھ بابر نے رواں سال ٹی ٹوئنٹی میں 1 ہزار رنز مکمل کر لیے ہیں، بابر مسلسل 2 سال میں ایک ہزار رنز بنانے والے پاکستان کے پہلے کھلاڑی ہیں، بابر نےگزشتہ سال ٹی ٹوئنٹی میں 1607 رنز بنائے تھے۔

    زمبابوے اسکواڈ

    برینڈن ٹیلر (وکٹ کیپر)، چمو چی بھابھا (کپتان)، شین ولیمز، ویزلے مدھیور، سکندر رضا، ریان برل، ایلٹن چگمبورا، ٹنڈائی چسورو، ڈونلڈ ٹریپانو، بلیسنگ مزربانی، رچرڈ این گراوا۔

    پاکستان الیون

    فخر زمان، بابر اعظم (کپتان)، حیدر علی، محمد حفیظ، محمد رضوان (وکٹ کیپر)، خوشدل شاہ، فہیم اشرف، وہاب ریاض، عثمان قادر، حارف رؤف، محمد حسنین

  • زمبابوے نے سپر اوور میں‌ پاکستان کو شکست دے دی

    زمبابوے نے سپر اوور میں‌ پاکستان کو شکست دے دی

    راولپنڈی: زمبابوے نے پاکستان کو سپر اوور میں شکست دے دی، پاکستان نے سپر اوور میں زمبابوے کو 3 رنز کا ہدف دیا تھا۔

    تفصیلات کے مطابق پاکستان اور زمبابوے کے درمیان کھیلا جانے والا تیسرا ون ڈے میچ زمبابوے نے سپر اوور میں جیت لیا،، پاکستان کی جانب سے سپر اوور شاہین آفریدی نے کیا ، زمبابوے نے تین رنز کا ہدف تین بالز پر حاصل کرلیا، اس سے قبل زمبابوین فاسٹ بولر مزرابانی نے سپر اوور کرتے ہوئے 2 وکٹیں حاصل کیں۔

    قومی ٹیم نے زمبابوے کے خلاف ون ڈے سیریز 2-1 سے اپنے نام کرلی۔

    پاکستان کی جانب سے سپر اوور میں بیٹنگ کے لیے آنے والے افتخار احمد پہلی گیند پر پویلین لوٹ گئے جبکہ فخر زمان بھی صرف ایک رن بناسکے۔

    اس سے قبل قومی ٹیم نے زمبابوے کی جانب سے دیا جانے والا 279 رنز کا ہدف برابر کردیا تھا، قومی ٹیم کو ایک گیند پر پانچ رنز درکار تھے، محمد موسیٰ نے چوکا لگا کر میچ برابر کیا۔

    کپتان بابر اعظم نے 13 چوکوں اور ایک چھکے کی مدد سے  125 رنز کی اننگز کھیلی، وہاب ریاض نے بھی کیریئر کی چوتھی نصف سنچری اسکور کی، وہاب نے 52 رنز بنائے۔

    اس سے قبل آدھی ٹیم 88 رنز پر پویلین لوٹ گئی تھی، خوشدل شاہ 33 رنز بنا کر نمایاں رہے، اوپنر فخر زمان اور امام الحق 4 اور 2 رنز بنا کر پویلین لوٹ گئے۔

    حیدر علی 13 اور محمد رضوان 10 رنز بناسکے، آل راؤنڈر افتخار احمد 18 رنز بنا کر چلتے بنے، شاہین شاہ آفریدی 2 رنز پر مزرابانی کا نشانہ بنے۔

    زمبابوے کی جانب سے مزرابانی نے 4 کھلاڑیوں کو پویلین کی راہ دکھائی، ٹریپانو اور نگروا نے دو، دو وکٹیں حاصل کیں۔

    قبل ازیں زمبابوے نے 6 وکٹوں کے نقصان پر 278 رنز بنائے تھے، پہلی وکٹ کپتان چمو چی بھابھا کی صفر پر گری، جنھیں محمد حسنین کی گیند پر افتخار احمد نے کیچ آؤٹ کیا، جب کہ دوسری وکٹ کریگ ارون کی گری، انھوں نے 1 رنز بنایا، انھیں بھی محمد حسنین کی گیند پر رضوان نے کیچ آؤٹ کیا، تیسری وکٹ 22 رنز پرگری، بریان چری کو بھی محمد حسنین نے 9 رنز پر بولڈ کر دیا۔

    زمبابوے کی چوتھی وکٹ 106 رنز پر گری، بریان ٹیلر 56 رنز بنا کر محمد حسنین ہی کا شکار بنے، پانچواں کھلاڑی 181رنز پر آؤٹ ہوا، ویزلے مدھیور کو 33 رنز پر محمد حسنین نے کیچ اینڈ بولڈ کیا۔جب کہ آخری وکٹ سکندر رضا کی گری جنھیں 45 رنز پر وہاب ریاض نے بولڈ کر دیا۔ زمبابوے کی جانب سے شین ولیمز ناقابل شکست رہے اور انھوں نے سینچری اسکور کرتے ہوئے 13 چوکوں کی مدد سے 118 رنز بنائے۔

    رائٹ آرم فاسٹ بولر محمد حسنین نے زمبابوے کے خلاف شان دار بولنگ کا مظاہرہ کرتے ہوئے 5 وکٹیں حاصل کر لیں، جب کہ وہاب ریاض نے ایک وکٹ لی۔

    واضح رہے قومی ٹیم کے 15 رکنی اسکواڈ میں 4 تبدیلیاں کی گئی ہیں، عابد علی، عماد وسیم، حارث رؤف، اور فہیم اشرف کو ڈراپ کر دیا گیا ہے جب کہ محمد حسنین، فخر زمان، وہاب ریاض اور خوشدل شاہ اِن ہو گئے ہیں۔ آل راؤنڈر فہیم اشرف فوڈ پوائزننگ کا شکار ہو کر میچ سے باہر ہوگئے ہیں، خوشدل شاہ کو ون ڈے ڈیبیو پر ہیڈ کوچ مصباح الحق نے کیپ پیش کی۔

    آج جنوبی افریقا کا چار رکنی سیکورٹی وفد نے بھی راولپنڈی اسٹیڈیم میں میچ دیکھا۔

    قبل ازیں، ٹاس جیت کر کپتان زمبابوے ٹیم چی بھابھا نے کہا کہ اوپنرز اگر اچھا آغاز دیں تو بڑا اسکور کر سکتے ہیں، کوشش کریں گے آج میچ جیتیں۔ پاکستانی ٹیم کے کپتان بابر اعظم نے کہا کہ پچ اچھی ہے، ٹاس جیت کر بیٹنگ کرنا چاہتے تھے۔

    پاکستانی اسکواڈ