Tag: پاک سرزمین پارٹی

کراچی: ایم کیوایم کے مزید تین رہنما پاک سرزمین پارٹی کے قافلے میں شامل ہوگئے۔

ایم کیو ایم کے مزید تین رہنما سیف یار خان ،عبید اللہ بلیدی اور عطااللہ کرد نے مصطفیٰ کمال کے ہمراہ پریس کانفرنس میں کارکنان کے ہمراہ پاک سر زمین پارٹی میں شمولیت کا اعلان کیا،سیف یار خان ایم کیو ایم کی کورڈینیشن کمیٹی کے رہنما تھے جبکہ عطا للہ کرد ایم کیو ایم رابطہ کمیٹی بلوچستان کے رکن تھے۔

اس موقع پر مصطفیٰ کمال نے کہا کہ سیف یار خان ابھی تک بہت اچھے ہیں تھوڑی دیر بعد ادھر سے برائی کا سرٹفیکیٹ ملے گا۔ مصطفیٰ کمال نے کہا کل کے جلسے کے لیے ٹرانسپورٹ ، فوڈ ، پارکنگ اور اسٹیج کمیٹیاں بن گئی ہیں۔ آج ہماری پارٹی کو ٹوٹل 30 دن ہو گئے ہیں اللہ کا بہت شکر ہے کراچی کے لوگوں کو کل کے جشن میں مدعو کرتا ہوں۔

سیف یار خان نے بات کرتے ہوئے کہا کہ کراچی پر مافیا کا قبضہ ہے جس کا قائد متحدہ سربراہ ہے، مہاجر قوم کو قومی دھارے میں شامل کریں۔

انہوں نے کہا اپنے ماں ، باپ کی نہیں متحدہ قائد کی سالگرہ کی تاریخ یاد رکھی۔ تیس سال ایم کیو ایم کیساتھ وفاداری نبھائی، ملک و قوم کو بچانے کے لیے سب کو ساتھ دینا ہو گا، حکومت کی ذمہ داری ہے کہ وہ را کے معاملے کو دیکھے۔

سیف یار خان نے کہا کوئی کچھ بھی کہے ہمیں مسئلہ نہیں مجھے کسی نمبر سے نہیں الٹا میں نے رابطہ کر کے کہا تھا کہ جوائن کرنا چاہتا ہوں۔

کراچی: متحدہ قومی مومنٹ سینٹرل ایگزیکٹو کمیٹی کے ممبر افتخار رندھاوا بھی ایم کیو ایم چھوڑ پر پاک سر زمین پارٹی میں شامل ہوگئے۔

پنجاب سے ایم کیوایم کے رکن افتخار رندھاوا نےمصطفٰی کمال گروپ جوائن کرلیا، افتخاررندھاوا کا کہنا تھا کہ پہلا پنجابی تھا جوایم کیوایم ساتھ کھڑاہوا تھا،

انہوں نے قائد ایم کیوایم کو معاف نہ کرنے کا بھی اعلان کیا،افتخار رندھاوا کا کہنا تھا کہ میں پچیس سالوں سے متحدہ سے وابستہ رہا قیدوبند کی صوبتیں برداشت کیں۔ ان کا کہنا تھا کہ ایم کیو ایم قائد کو میرے پچیس سالوں کا حساب دینا ہوگا۔

اس موقع پر پریس کانفرنس کرتے ہوئے مصطفٰی کمال نے دعوٰی کیا کہ قائدایم کیوایم نےآئی ایس آئی سے بات کرنےکےلیے کسی جعلساز کو ڈیڑھ کروڑ دیےتھے۔

اس سے قبل ایم کیوایم رہنما ڈاکٹرفاروق ستارنے اے آروائی نیوز کے پروگرام الیونتھ آور میں اس واقعے کی تصدیق کی تھی، مصطفٰی کمال نے بتایا کہ جعلی ڈی جی آئی ایس آئی سے بات کرکے قائد ایم کیوایم نے کارکنوں کو یاسلامُ کا ورد کرنے کی ہدایت کی۔

مصطفٰی کمال نے دعوٰی کیا کہ ڈیڑھ کروڑ واپس لینے کے لیے ایم کیوایم نے گورنر سندھ سے رابطہ کیا تھا،جبکہ بابرغوری نے جعلساز کی ضمانت لی تھی کہ پیسے واپس ہوجائیں گے۔