کراچی : پاک سر زمین پارٹی کے رہنما انیس قائم خانی کو دہشت گردوں کے علاج میں معاونت کرانے کیس میں ضمانت ملنے کے بعد آج سینٹرل جیل کراچی سے رِہا کردیا گیا ہے،پارٹی سربراہ مصطفی کمال سمیت کارکنان کی بڑی تعداد نے اُن کا استقبال کیا۔

تفصیلات کے مطابق پاک سرزمین پارٹی کے رہنما انیس قائم خانی کو ضمانت پر رِہا کردیا گیا ہے،وہ ڈاکٹر عاصم دہشت گردوں کے علاج کیس میں نامزد ملزم تھے جنہیں چند روز قبل احاطہ عدالت سے گرفتار کیا گیا تھا۔

سینٹرل جیل سے باہر پاک سرزمین پارٹی کے سربراہ مصطفیٰ کمال،انیس احمد ایڈوکیٹ اور وسیم آفتاب سمیت کارکنان کی کثیر تعداد نے انیس قائم خٰانی کا استقبال کیا،میڈیا سے مختصر گفتگو میں مصطفی کمال نے کہا کہ ابھی ہم یہاں سے پاکستان ہاؤس جا رہے ہیں جہاں انیس قائم خانی میڈیا سے بات کریں گے۔

اسی سے متعلق : وسیم اختر،انیس قائم خانی، اورروف صدیقی کو سینٹرل جیل منتقل کردیا گیا

پاک سرزمین پارٹی کے رہنما انیس قائم خانی نے اپنی گاڑی میں بیٹھتے ہوئے صحافیوں کو پاکستان ہاؤس پہنچنے کی اپیل کرےتے ہوئے کہا کہ ابھی تو پارٹی شروع ہوئی ہے۔

کراچی: پاک سرزمین پارٹی کے چیئرمین مصطفی کمال نے کہا ہے کہ ہمیں ہرایک کو گلے لگانا ہے چاہے کوئی کسی جماعت میں ہو، کسی فرقے سے تعلق ہو اور کوئی سی بھی بولی بولتا ہو اگرکوئی اپنی اصلاح نہیں کرسکتا تو پاک سرزمین پارٹی چھوڑی دے، جمہوری حکومت اب تک مردم شماری بھی نہ کراسکی۔

سربراہ پاک سرزمین پارٹی مصطفی کمال طارق روڈ میں واقع نور گراؤنڈ میں کارکنان کے اجلاس سے خطاب کر رہے تھے۔

انہوں نے کہا کہ کامیابی اور ناکامی ہمارے اختیار میں نہیں لیکن ہمیں صرف سچ بولنا چاہیے ہماری راہ میں صرف ہمارے اعمال رکاوٹ بن سکتے ہیں۔

انہوں نے کارکنان کو پیغام دیا کہ اپنے اپنے علاقوں میں موجود ایم کیو ایم ،جماعت اسلامی، پیپلز پارٹی سمیت ہر سیاسی جماعت کے کارکنان تک اپنا پیغام پہنچائیں اور کوئی مان جائے تو ٹھیک ہے نہ مانے تب بھی اسے گلے لگائیں،کوئی کسی فرقہ سے تعلق رکھتا ہو کوئی سی زبان بولتا ہو محبت،امن اور اتحاد و اتفاق کا پیغام دیے۔

مصطفی کمال نے کہا کہ سنا ہے پاکستان میں جمہوریت ہے لیکن جمہوری حکومت آج تک مردم شماری نہ کراسکی کیوں کہ حکومت کو خطرہ ہے کہ مردم شماری ہوگئی تو ان کی نشستیں آگے پیچھے ہوجائیں گی۔

واضح رہے کہ مصطفی کمال متحدہ قومی موومنٹ کے اہم رکن تھے اور 2005 سے 2010 تک شہر کراچی کے ناظم رہے،اس سے قبل وہ انفارمیشن ٹیکنالوجی کے وزیر بھی رہے اور بعد ازاں سینیٹر بنائےگئے تا ہم 2013 میں پارٹی سے اختلافات کے باعث ملک سے باہر چلے گئے تھے اور مارچ 2016 میں واپس آکے اپنی سیاسی جماعت ‘پاک سرزمین پارٹی’ کی بنیاد رکھی۔

کراچی : سابق ایم پی اے اور پاک سرزمین پارٹی کے رہنما اشفاق منگی کے گھرپر نامعلوم افراد نے فائرنگ کردی،فائرنگ کے نتیجے میں اشفاق منگی کے بھائی زخمی ہو گئے ہیں۔

تفصیلات کے مطابق پاک سر زمین پارٹی کے رہنما اشفاق منگی کے گھر پرنامعلوم افراد کی جانب سے فائرنگ کی گئی ہے،فائرنگ کے نتیجے میں اشفاق منگی محفوظ رہے جب کہ اُن کے بھائی زخمی ہو گئے جسے قریبی اسپتال منتقل کر دیا گیا ہے۔

اشفاق منگی نے واقعہ کی تفصیلات بتاتے ہوئے کہنا تھا کہ ان کے بھائی کواغواء کرنے کی کوشش کی گئی تھی تاہم شور مچانے پرملزمان فائرنگ کرتے ہوئے فرار ہو گئے جس سے بھائی زخمی ہوگئے جنہیں قریبی اسپتال منتقل کردیا گیا ہے۔

انکا مزید کہنا تھا کہ چار اغواءکار کالے رنگ کی گاڑی میں گھر کے باہر کھڑے تھے جنہوں نے اغواء کرنے کی کوشش کی مگر ناکامی پر فائرنگ کر دی جو اُن کے بھائی کے پاؤں پر لگی اور وہ زخمی ہو گئے۔

پاک سرزمین پارٹی کے رہنما مصطفیٰ کمال واقعہ کی اطلاع ملتے ہی رضا ہارون،ڈاکٹر صغیراحمد اور افتخارعالم سمیت کارکنان کی بڑی تعداد کے ہمراہ اسفاق منگی کے گھر پہنچ کر واقعہ کی تفصیلات جانیں بعد ازاں اُن کی بھائی کی عیادت کے لیے اسپتال بھی گئے۔

واضح رہے اشفاق منگی ایم کیو ایم کے ٹکٹ پر صوبائی اسمبلی کا انتخاب جیتے تھے تا ہم یاد رہے اشفاق منگی نے ایم کیو ایم کو خیر باد کہہ کر پاک سر زمین پارٹی میں شمولیت اختیار کر لی تھی اور اپنی نشست سے مستعفی ہو گئے تھے۔