اسلام آباد: پاک فضائیہ کے سربراہ ائیر چیف مارشل مجاہد انور خان نے کہا ہے کہ ہمیں اپنی ثقافت، قومی جذبے اور حب الوطنی کی حفاظت کرنی ہے۔
تفصیلات کے مطابق ایک تقریب سے خطاب کرتے ہوئے ایئر چیف مارشل مجاہد انور نے کہا ہے کہ ہمیں آباؤ اجداد کے خوابوں کی تعبیر کے لیے جذبۂ حب الوطنی اجاگر کرنا ہوگا۔
[bs-quote quote=”اس دور کے مثبت پہلوؤں سے مستفید ہونے کے لیے ہمیں اپنی اقدار کی حفاظت کرنی ہوگی۔” style=”style-7″ align=”left” color=”#dd3333″ author_name=”ایئر چیف”][/bs-quote]
مجاہد انور خان کا کہنا تھا کہ گلوبلائزیشن کا عمل ہمارے لیے بہت زیادہ چیلنجز لے کر آیا ہے، ہمیں ان چیلنجز کا جواں مردی سے مقابلہ کرنا ہے۔
ایئر چیف مارشل مجاہد انور نے مزید کہا کہ اس دور کے مثبت پہلوؤں سے مستفید ہونے کے لیے ہمیں اپنی اقدار کی حفاظت کرنی ہوگی۔
ایئر چیف نے کہا کہ ترقی کے لیے اخلاقیات، روا داری، بہتر منصوبہ بندی کی خصوصیات اپنانا ہوں گی۔
یہ بھی پڑھیں: پاک چین بین الاقوامی فضائی مشقوں سے دونوں ملکوں کی دوستی کومزید استحکام ملے گا: آرمی چیف
خیال رہے کہ ایک ہفتہ قبل آرمی چیف جنرل قمر جاوید باجوہ نے پاک چین بین الاقوامی فضائی مشقوں شاہین 7 کا جائزہ لیتے ہوئے کہا تھا کہ یہ مشقیں دونوں مسلح افواج اور اقوام کو مزید قریب لائیں گی۔
اس موقع پر پاک فضائیہ کے سربراہ ایئر چیف مارشل مجاہد انور خان نے آرمی چیف کا استقبال کیا تھا، آرمی چیف نے پاک فضائیہ اور چینی ایئر فورس کے شرکا کی پیشہ ورانہ مہارتوں کو سراہا۔
