Tag: پاک فضائیہ

کراچی : نشان حیدرحاصل کرنے والےکم عمرپائلٹ راشد منہاس شہید کے بھائی انجم منہاس نے کہا کہ پاک فضائیہ میں جانا راشد منہاس کا خواب تھا۔

تفصیلات کے مطابق پاک فضائیہ کے شہدا اور غازیوں کو خراج عقیدت پیش کرنے کیلئے یوم فضائیہ ملی جوش و جذبے کے ساتھ منایا جارہا ہے۔

پاک فضائیہ کے پائلٹ آفیسر راشد منہاس شہید نشان حیدر کا وطن پر جان قربان کرنے والوں میں نمایاں مقام ہے۔

بیس اگست 1971 ملک و قوم کی سلامتی کے لیے تاریخ کے پنوں میں پاک فضائیہ کے اس نوجوان نے ملکی دفاع کی ایسی داستان رقم کی جس کی گونج آج بھی ہر فرد کو یاد ہے۔

راشد منہاس وہ بہادر، دلیر، نوجوان ہیرہ ہے جس نے اپنا گھر سُونا کر اس قوم کو زندہ کردیا۔

راشد منہاس کے بھائی انجم منہاس نے اے آر وائی نیوز سے خصوصی گفتگو میں کہا راشد ہمیشہ سے ہی پاک فضائیہ میں جانا چاہتے تھے، انہوں نے ملک کے لیے قربان ہو کر ہم سب کا سر فخر سے بلند کردیا ہے۔

حب الوطنی کے جذبے سے سرشار پاک فضائیہ کے کم عمر نوجوان راشد منہاس نے طیارے کا رخ دشمن کے بجائے زمین کی طرف موڑ کر اپنے وطن کی بقا اور سلامتی کے جان قربان کر کہ ایک مثال قائم کردی۔

اسلام آباد : پاک فضائیہ کی جانب سے ففتھ جنریشن اسٹیلتھ لڑاکا طیاروں کا حصول ایک اور تزویراتی کامیابی ہے، لڑاکا طیاروں کی شمولیت ناقابل تسخیر دفاع یقینی بنائے گی۔

تفصیلات کے مطابق پاک فضائیہ کی جانب سے خود کو جدید خطوط پراستوار کرنے کیلئے اہم اقدامات جاری ہے۔

پاک فضائیہ کی جانب سے ففتھ جنریشن اسٹیلتھ لڑاکا طیاروں کا حصول ایک اور تزویراتی کامیابی ہے، ترجمان پاک فضائیہ نے اپنے بیان میں کہا کہ ففتھ جنریشن اسٹیلتھ لڑاکا طیاروں کی شمولیت کی بنیاد رکھ دی گئی ہے، ففتھ جنریشن اسٹیلتھ لڑاکا طیاروں کی شمولیت ناقابل تسخیردفاع یقینی بنائے گی۔

پاک فضائیہ نے خودکومستحکم ،خطے میں طاقت کاتوازن برقراررکھنے کیلئے جامع حکمت عملی اپنائی، ایئرچیف مارشل ظہیر بابرسدھو، کی قیادت میں پاک فضائیہ ‘نیکسٹ جنریشن’ ایئر فورس بنی۔

پاک فضائیہ میں جدید ترین ٹیکنالوجیز، حربی آلات ،انسانی وسائل کی شمولیت عمل میں لائی گئی، پاک فضائیہ سائبر،آرٹیفیشل انٹیلیجنس ،آئی ٹی شعبوں میں مزید مستحکم ہوگئی۔

پاک فضائیہ نےجے10سی لڑاکاطیارے،بغیرپائلٹ ڈرونز،فورس ملٹی پلائرز جیسی صلاحیتیں حاصل کیں ، پاک فضائیہ میں جدید دفاعی نظام اور ہائپرسونک میزائلوں جیسی صلاحیتوں سے دفاع مزید مستحکم ہوا ہے۔

اسلام آباد : پاک فضائیہ میں جدید ترین اسٹیلتھ فائٹر جیٹ جے تھرٹی ون کی پاک فضائیہ میں شمولیت کا اعلان سن کر بھارت کی نیندیں اڑ گئیں۔

تفصیلات کے مطابق پاک فضائیہ کی ففتھ جنریشن فائٹر جیٹ کی جانب پیش قدمی جاری ہے اور پاک فضائیہ میں پہلے ففتھ جنریشن فائٹر جیٹ کی شمولیت کی تیاریاں عروج پر ہے۔

ائیر چیف کے اعلان کے مطابق ففتھ جنریشن فائٹر جیٹ کے حصول کی بنیاد رکھی جاچکی ہے، ذرائع نے بتایا کہ پہلا ففتھ جنریشن فائٹر جیٹ جے تھرٹی ون جلد مستقبل قریب میں بیڑے میں شامل ہوگا۔

ذرائع کا کہنا ہے کہ پاک فضائیہ چین سے جے تھرٹی ون کے حصول کے لئے تیاریاں کر رہا ہے، پاکستان امریکا کے سوا کسی دوسرے ملک سے اسٹیلتھ فائٹر خریدنے والا پہلا ملک ہوگا۔

ذرائع نے بتایا کہ جے تھرٹی ون کی پاک فضائیہ میں شمولیت کا اعلان سن کر بھارت کی نیندیں اڑ گئیں ہیں ، پاکستان اورچین جےایف سیونٹین تھنڈر جیسے شاندار جوائنٹ وینچرکی کامیاب مثال بھی رکھتے ہیں۔

ذرائع کے مطابق جےتھرٹی ون کو تربیت یافتہ پائلٹس مستقبل میں پاکستان میں لینڈنگ کرواتے دکھائی دیں گے۔

ذرائع کا کہنا ہے کہ ففتھ جنریشن فائٹر جیٹس کے حصول کے لئے عملی کام کا آغاز ہو چکا ہے، جے تھرٹی ون کی پی اےایف میں شمولیت کئی برس پر محیط عمل نہیں ہو گا۔

پاکستان اور ترکی کا ٹی ایف ایکس پروجیکٹ اپنی طےشدہ ٹائم لائن کےقریب ہے، بھارت کی ففتھ جنریشن فائٹر جیٹ کےحصول کی باتیں ابھی صرف باتوں تک محدود ہیں۔

امریکاکو خوش کرنے کیلئےبھارت نےروس کو ففتھ جین جیٹ منصوبے پر سرخ جھنڈی دکھائی، بھارت ابھی تک تیجس کو ٹھیک سےنہیں بناپایا تو ففتھ جنریشن فائٹر جیٹ کاتو سوچنا بھی محال ہے۔

ذرائع کے مطابق جدید ٹیکنالوجی کے ذریعے دشمن پر برتری کے وژن کی بدولت پاک فضائیہ آگےبڑھناچاہ رہی ہے، ٹی ایف ایکس پروجیکٹ سےپاکستان کو طیارہ سازی کےمیدان میں انمول تجربہ اور صلاحیت ملے گی ،ٹی ایف ایکس پروجیکٹ مستقبل قریب میں مکمل طور پر میڈ ان پاکستان پروجیکٹ کی بنیاد بنے گا۔

روس کے ساتھ سخوئی ففٹی سیون پروجیکٹ سے بھی بھارت بھاگ چکا ہے، روس مان بھی جائے تویوکرین جنگ کی بدولت وہ بھارت کوفوری ففتھ جنریشن طیارہ دینےکی پوزیشن میں نہیں ، تیجس کےپہلے ورژن کے فلاپ کے بعد بھارتی وایوسینا شدت سےتیجس ایم کےٹو کا ڈھنڈورا پیٹ رہی ہے، بھارت کا ایڈوانسڈ میڈئیم کومبیٹ ائیرکرافٹ ابھی تک صرف ڈرائنگ بورڈ پر ہے۔

پاک فضائیہ کے آپریشنل بیس پر سہ ملکی فضائی مشق ’’انڈس شیلڈ‘‘ 2023 کا آغاز ہوگیا، تین برادر اسلامی ممالک فضائی مشقوں میں حصہ لے رہے ہیں۔

تفصیلات کے مطابق ’’انڈس شیلڈ‘‘ 2023 کی افتتاحی تقریب پاک فضائیہ کے آپریشنل بیس پر ہوئی۔ تین برادراسلامی ممالک کی فضائی مشق پاکستان میں سب سے بڑی بین الاقوامی مشق ہے۔ پاک فضائیہ کا ایئر پاور سینٹر آف ایکسیلینس مشق ’’انڈس شیلڈ‘‘ کی میزبانی کررہا ہے۔

ذرائع نے بتایا کہ میزبان پاک فضائیہ کےساتھ ترکیہ اورسعودی عرب کی فضائی افواج بھی شامل ہیں۔ پاک فضائیہ کے طیارےانڈس شیلڈ میں جوہر دکھائیں گے۔

ترکیہ اور سعودی شاہی فضائیہ کے طیارے بھی انڈس شیلڈ کا حصہ ہیں۔ 2 ہفتے پر محیط مشقوں میں فضائی قوت کی تمام جہتوں پر توجہ دی جائے گی۔

ذرائع کا کہنا ہے کہ مشقوں میں مشترکہ کارروائیوں، تکنیکی استعداد کار سمیت مختلف شعبوں میں تعاون شامل ہے۔ انڈس شیلڈ میں لڑاکا طیاروں، پائلٹس، ایئرڈیفنس کنٹرولرز اور تکنیکی و گراؤنڈ عملہ شریک ہے۔

پاک فضائیہ نئے چیلنجز کا مقابلہ اور ملکی فضائی سرحدوں کا دفاع کرنے کی صلاحیت رکھتی ہے۔ فضائی مشقیں مشترکہ تربیت کو فروغ دینے کے پاک فضائیہ کے عزم کا پختہ ثبوت ہیں۔

اسلام آباد : پاک فضائیہ کی مشق انڈس شیلڈ کے انعقاد کی تیاریاں جاری ہے ، ائیرپاور سینٹر آف ایکسیلنس کی مشقیں اکتوبر میں منعقد ہوں گی۔

تفصیلات کے مطابق پاک فضائیہ کا ائیر پاورسینٹرآف ایکسیلنس جلد بین الاقوامی فضائی مشق کا انعقاد کرے گا، ذرائع نے کہا کہ بین الاقوامی مشق "انڈس شیلڈ” میں دوست ممالک کی فضائی افواج شریک ہوں گی اور میزبان پاک فضائیہ کےساتھ ترکی اورسعودی عرب کی فضائی افواج بھی حصہ لیں گی۔

ذرائع کا کہنا تھا کہ پاک فضائیہ کےفور پوائنٹ فائیو اومنی رول فائٹرز جےٹین سی اور جے ایف17جوہر دکھائیں گے جبکہ ترکی کے ایف 16 اور سعودی شاہی فضائیہ کے ایف 15بھی انڈس شیلڈکاحصہ ہوں گے۔

ذرائع نے بتایا کہ انڈس شیلڈ مشقیں اکتوبر کے اوائل میں منعقد کی جائیں گی، ائیر پاور سینٹر آف ایکسیلنس کے تحت مشقوں میں فضائی قوت کی تمام جہتوں پر توجہ دی جائے گی اور مشترکہ کارروائیوں اور تکنیکی استعداد کارسمیت متعلقہ شعبوں میں تعاون کو فروغ دیا جائے گا۔

پاک فضائیہ نےحال ہی میں شاہین 10 اور برائٹ اسٹار 2023 مشقوں میں شرکت کی ہے، پاک فضائیہ کی انڈس شیلڈکی میزبانی بین الاقوامی تعاون کو فروغ دینےکی جانب اہم سنگ میل ہے۔

انڈس شیلڈ میں لڑاکا طیاروں، پائلٹس، ایئر ڈیفنس کنٹرولرز اور تکنیکی و گراؤنڈعملہ بھی شرکت کرے گا، فضائی بیڑے میں نئے لڑاکا طیاروں کی آپریشنلائزیشن اور بین الاقوامی مشقوں میں شرکت قابل فخر کامیابی ہے۔

پاک فضائیہ نئے چیلنجز کا مقابلہ اور ملکی فضائی سرحدوں کا دفاع کرنے کی مکمل صلاحیت رکھتی ہے ، فضائی مشقیں مشترکہ تربیت کوفروغ دینے کے پاک فضائیہ کے عزم کا پختہ ثبوت ہیں۔

شاہین 10 اور برائٹ اسٹارمشقیں بھی پاک فضائیہ کےآپریشنل تجربات کے فروغ میں انمول موقع ثابت ہوئیں اور پاک فضائیہ سرحدوں کی حفاظت،بین الاقوامی اتحاد کےفروغ اور باہمی تعاون میں امن کے قیام کےمشن پر کاربند ہے۔