Tag: پاک فضائیہ

کراچی : پاک فضائیہ کے نیشنل ایرواسپیس سائنس اینڈٹیکنالوجی پارک اسٹال نے آئیڈیاز 2022 میں کامیابی کے جھنڈےگاڑ دیے۔

تفصیلات کے مطابق بین الاقوامی دفاعی نمائش آئیڈیاز 2022 میں نیشنل ایرواسپیس سائنس اینڈٹیکنالوجی پارک اسٹال نے کامیابی کے جھنڈےگاڑ دیے۔

ترجمان پاک فضائیہ کی جانب سے بیان میں کہا گیا کہ آئیڈیاز 2022 کا گیارہواں ایڈیشن کراچی ایکسپو سینٹر میں اختتام پذیر ہوگیا۔

ترجمان کا کہنا تھا کہ نیشنل ایرو اسپیس سائنس اینڈ ٹیکنالوجی پارک پروجیکٹ اسٹال کو انعام سے نوازا گیا ، انعام سب سے زیادہ سجایا گیا اسٹال ہونے پر دیا گیا۔

ترجمان کے مطابق یہ کامیابی پاک فضائیہ کی ٹیم کی محنت اور عزم کا منہ بولتا ثبوت ہے پروجیکٹ نےآئیڈیازمیں مہمانوں اورغیر ملکی معززین سےخوب داد وصول کی۔

سربراہ پاک فضائیہ کے ازخود اقدامات کی بدولت منصوبہ ریکارڈوقت میں مکمل کیاگیا، منصوبہ تحقیق،جدت کیلئے ضروری عناصر سے لیس ایک بہترین ماحول فراہم کرے گا۔

پاک فضائیہ کا کہنا تھا کہ آئیڈیاز میں شامل 64ممالک کے285 وفودبین الاقوامی اہمیت کی عکاسی کرتےہیں، نیشنل ایرو اسپیس سائنس اینڈ ٹیکنالوجی پارک کی کامیابی سنگ میل کیجانب سفرکا آغاز ہے۔

ترجمان نے مزید کہا پاک فضائیہ کے قومی سطح کےمنصوبوں کومہمانوں سےمتعارف کرانےکاموقع فراہم کیا، نمائش نےغیرملکی دوطرفہ دفاعی تعاون کی بھی حوصلہ افزائی کی۔

کراچی : پاک فضائیہ کا پویلین آئیڈیاز 2022 کے آخری دن بھی حاضرین کی نگاہوں کا مرکز بن گیا، جے ایف 17 تھنڈر، سپرمشاق اور ٹرینرائیرکرافٹ کی نمائش کی بدولت پویلین نمایاں رہا۔

تفصیلات کے مطابق ترجمان پاک فضائیہ کی جانب سے بیان میں کہا گیا ہے کہ پاک فضائیہ کاپویلین آئیڈیاز 2022 کےآخری دن بھی حاضرین کی نگاہوں کا مرکز بنا رہا۔

ترجمان کا کہنا تھا کہ آئیڈیاز 2022 کا گیارہواں ایڈیشن آج کراچی ایکسپوسینٹرمیں اختتام پذیرہوگا، نیشنل ایرواسپیس سائنس اینڈٹیکنالوجی پارک سب سے زیادہ سراہا جانے والاپراجیکٹ بن گیا۔

سربراہ پاک فضائیہ کے ویژن اقدامات کی بدولت پراجیکٹ ریکارڈ وقت میں مکمل کیا ، جے ایف17تھنڈر،سپرمشاق ٹرینرائیرکرافٹ کی نمائش کی بدولت پاک فضائیہ کا پویلین نمایاں رہا۔

پاک فضائیہ کے ترجمان نے بتایا کہ مختلف ممالک کے وفود ،فوجی حکام کیجانب سےمقامی تیارکردہ طیاروں میں گہری دلچسپی کا اظہار کیا۔

ترجمان کا مزید کہنا تھا کہ مایا ناز میراج طیاروں نے کراچی سی ویوپردلکش فلائی پاسٹ کا مظاہرہ کیا جبکہ پاک فضائیہ کی ایئربورن ٹیم نے سی130 ہرکولیس سے پیرا ٹروپنگ شو کا بھی مظاہرہ کیا۔

پاک فضائیہ نے ایئرشو میں روایتی اورمنفردانداز میں قوم کو سلام پیش کیا ، اس موقع پر پنڈال میں پرجوش ہجوم نےپاک فضائیہ کے ایئرکریو کی شاندار کارکردگی پر داد دی۔

اسلام آباد : پاک فضائیہ نے یوم دفاع کے موقع پر وطن عزیز کےغازیوں اور شہداء کو خراجِ عقیدت پیش کیا۔

تفصیلات کے مطابق پاک فضائیہ کے شعبہ تعلقات عامہ نے یومِ دفاع کی مناسبت سے ایک ترانہ جاری کردیا۔

ترانے میں وطن عزیز کے ان غازیوں اور شہداء کو خراجِ عقیدت پیش کیا گیا ہے، جنہوں نے ملک کی طرف میلی آنکھ سے دیکھنے والوں کا سینہ سپر ہو کر مقابلہ کیا اور وطن کی عزت پر کوئی آنچ نہیں آنے دی۔

Pakistan Air Force pays tribute to martyrs of dense forces and law enforcement agencies of Pakistan.https://t.co/XHqzDO9Odp

— DGPR (AIR FORCE) (@DGPR_PAF) September 6, 2022

نغمے میں اس عہد کی بھی تجدید کی گئی ہے کہ پاک فضائیہ کا ہر فرد پوری قوم کے شانہ بشانہ وطن عزیز کے دفاع اور ترقی و خوشحالی میں اپنا بھرپور کردار ادا کرے گا۔

دوسری جانب چھ ستمبر 1965 کے تاریخی دن کی مناسبت سے پاک فضائیہ کی جانب سے مختصر دستاویزی فلم بھی جاری کی گئی ہے۔

جس میں پاک فضاؤں کے دفاع کے عظیم فریضے کو ادا کرنے والے شاہینوں کو خراجِ تحسین پیش کیا گیا ، دستاویزی فلم میں چھ ستمبر کے دن لڑے جانے والے فضائ معرکے کا احوال بیان کیا گیا۔

اسلام ٓباد : ایئروائس مارشل اورنگزیب احمد پاک فضائیہ کے نئے ترجمان مقرر کردیئے گئے۔

تفصیلات کے مطابق ترجمان پاک فضائیہ کی جانب سے بیان میں کہا گیا ہے کہ ایئر وائس مارشل اورنگزیب احمد کو ڈائریکٹر جنرل پبلک ریلیشنز (پاک فضائیہ) تعینات کردیا گیا ہے۔

ایئر وائس مارشل اورنگزیب احمد نے دسمبر 1992 میں جی ڈی پی برانچ میں کمیشن حاصل کیا، وہ فائٹر اسکواڈرن اور آپریشنل ائیر بیس کی کمانڈ کر چکے ہیں۔

ترجمان نے بتایا کہ اورنگزیب احمد ایئرہیڈکوارٹرز اسلام آباد میں بطور اسسٹنٹ چیف آف دی ائیر اسٹاف بھی تعینات رہے۔

پاک فضائیہ کا کہنا تھا کہ ایئرآفیسر نے چین سے ملٹری آرٹس اور نیشنل ڈیفنس یونیورسٹی سے ماسٹرزکیا اور نیشنل سیکیورٹی اینڈ وار اسٹڈیز میں ماسٹر کی ڈگری حاصل کی۔

ترجمان کے مطابق ائیروائس مارشل اورنگزیب احمد کو شاندار خدمات پر ستارہ امتیاز ملٹری سے بھی نوازا جاچکا ہے۔

کراچی : پاک فضائیہ نے راشد منہاس شہید کو 51 ویں یوم شہادت پر خراج عقیدت پیش کرتے ہوئے دستاویزی فلم جاری کردی۔

تفصیلات کے مطابق پاک فضائیہ نے راشد منہاس شہید کو 51 ویں یوم شہادت پر خراج عقیدت پیش کیا۔

پاک فضائیہ کی جانب سے بہادرسپوت،اعلیٰ ترین فوجی اعزازنشان حیدرپانےوالےکمسن ترین پائلٹ آفیسرراشدمنہاس شہید سے متعلق دستاویزی فلم جاری کی۔

ترجمان پاک فضائیہ نے بتایا کہ 17 فروری 1951 کو پیدا ہونے والے راشد منہاس نے 14 مارچ 1971 کو پاک فضائیہ کے 51 ویں جی ڈی پی کورس میں کمیشن حاصل کیا۔

ترجمان کا کہنا تھا کہ جس کے بعد انہیں آپریشنل کنورژن کورس کیلئے ماڑی پور(مسرور)میں واقع نمبر2اسکواڈرن میں تعینات کیاگیا۔

پاک فضائیہ کے مطابق 20اگست 1971 کے دن راشد منہاس کی قربانی سے ایک ناقابل فراموش داستان رقم ہوئی۔

ترجمان نے کہا کہ اس دن راشد منہاس نے اپنے انسٹرکٹرپائلٹ فلائٹ لیفٹیننٹ مطیع الرحمان کےناپاک عزائم کوخاک میں ملا دیا۔

پاک فضائیہ کے ترجمان کا کہنا تھا کہ انسٹرکٹرنے ان کے ٹی33 تربیتی طیارےکو ہائی جیک کر کے بھارت لے جانے کی کوشش کی لیکن راشد منہاس نے جہاز کا کنٹرول واپس لینے کی بھرپور جدوجہد کی اور ملکی سرحد عبور کرنے سے پہلے جہاز کو زمین بوس کردیا۔

ترجمان نے کہا کہ بہادر سپوت نے اپنی جان مادر وطن پر قربان کر دی لیکن ملکی وقارپرآنچ تک نہیں آنے دی، راشد منہاس کی عظیم قربانی اورناقابل فراموش شجاعت کے اعتراف میں انہیں ملک کا سب سے بڑا فوجی اعزازنشان حیدر عطا کیا۔